Bosoom bosoom Ma Mbabun Enya Ahoɔdzen Amandzɛɛbɔ, Mumu 2024

Jesus Christ N’Awoe Ber no

David A. Edwards ne kasaa

Asɔr Dawurbɔ Nkrataa

Sũa Borɔnya agor a yenyim yi ho asɛm na mbrɛ osi boa hɛn ma yetsim wɔ Agyenkwa no do.

Caroline Vibbet yɛɛ nsaano mfonyin horow no

Bethlehem

Bethlehem n’asekyerɛ nye “paanoo fie’’ wɔ Hebrew kasa mu. Ɔtɔfabi a wɔfrɛ no David kurow, a n’ebusuakuw mu na wɔhyɛɛ ho nkɔm dɛ Messiah no befi bɛba (hwɛ Jeremiah 23:5; John 7:42). Samuel seraa David ngo dɛ ɔhen wɔ Bethlehem (hwɛ 1 Samuel 16:1–13). Wɔhyɛɛ ho nkɔm so dɛ wɔbɔwo Messiah no wɔ hɔ (hwɛ Micah 5:2).

“Mbrɛ osi fata dɛ nna [Jesus Christ], ‘nkwa abodoo no,’ wɔdɛ ofi ‘abodoo fie’ mu ba.’’

President Russell M. Nelson, “In This Holy Land,’’ Liahona, Kwakwa 1991, 13.

ahɔhodan

Greek kasafua ma ahɔhodan n’asekyerɛ botum ayɛ dan bi a wɔnnda mu nnkyɛr, a ahɔho pia ka ho. Mary “dze [Christ Abofra] no too mboa edzidzidaka mu; osiandɛ nna kwan nnyi ahohɔdan no mu ma hɔn” (Luke 2:7). (Joseph Smith Nkyerɛase kã dɛ “ahɔhodan horow.’’) “Kwan nnyi hɔ’’ n’asekyerɛ botum ayɛ dɛ wɔanngye hɔn anaa kwan nnyi beebiara a nkyɛ wobotum atsena ma wɔdze agye awo. Naaso, wɔkɔɔr beebi a nna mboa edzidzidaka wɔ.

Mboa Edzidzidaka

Mboa edzidzidaka yɛ adaka bi a ɔwɔ sor anaa adze bi a wɔdze edziban gu mu ma mboa. Tsetse Judea no, nna abo na wɔtaa dze yɛ iyinom. Nna ahɔdodan horow wɔ paado wɔ hɔn mfinfin a mboa edzidzi ndaka sisi, na efiefi pii so wɔ mboa edzidzi ndaka sisi pia kɛse kor mu a wotum dze mboa no gu anafua.

Adasoe

Mfe mpemmpem na enãnom dze adasoe akyekyer mba a wɔwoo hɔn ho (wɔdze kuntu anaa tam kyekyer hɔnho). Iyi ma wɔda dzinn na ɔma hɔn ahotɔ ber a woefi awotua no mu mpofir mu. Ebia nna tam a Mary dze kyekyeer ne ba no wɔ ahyɛnsew tsitsir bi a ɔyɛ soronko ma ebusua no.

Mary na Joseph

Nna wɔyɛ nyimpa papa na tseneneefo, na hɔn beenu no yɛ David asefo. Nna bɔfo akɛsera hɔn mu kor biara wɔ Agyenkwa n’awoe ho nsiesie ho (hwɛ Matthew 1:18–25; Luke 1:26–38). Wotuu kwan akwansin 60–90 kɔɔr Bethlehem. Akwantu ber no nna Mary nyinsɛn.

nguanhwɛfo

Nna nguanhwɛfo rohwɛ hɔn nguankuw a wɔbɛn Bethlehem. Dɛ mbrɛ nwomanyimfo bi akã no, nguan a wɔdze bɔ temple afɔrbɔ nko na wɔma kwan ma wɔnyɛn hɔn bɛn kurow. Ntsi no nna ebia nguanhwɛfo yinom rohwɛ nguan a ɔbɛyɛ ngyinahɔmadze ama Jesus Christ n’afɔrbɔ ma hɛn do (hwɛ Moses 5:6–7). Wogyaa hɔn nguankuw hɔ kɔhwɛɛ Messiah no, a no werdam afɔrbɔ beyi mboa afɔrbɔ efi hɔ.

Abofra Jesus

Jesus Christ nye nyimpa tsitsir wɔ N’Awoe ber no—na hɛn abrabɔ mu.

“Mowɔ enyidado dɛ hom benya mber Borɔnya ber yi dze atsena ase mber komm tsiabaa na hom ama Agyenkwa no Sunsum no ama hom ahotɔ na awerɛhyɛmu. …. Hom nye abɔdomaba kakraba no ntsena ase komm na hom nya sunsum mu ahoɔdzen. … Hom mma dɛm ber no nyɛ dza ɔyɛ ahomgye na nkenyan na awerɛhyɛmu nkɔdo no kor.

“Nyankopɔn mma hom dɛm nhyira no Borɔnya yi ber a, menye hom, gye Agyenkwa Jesus Christ no ho dase—Ne tsitsiryɛ ma hɛn abrabɔ, ma nyimpa nyinara nkwa, na tse a yɛtse ase no botae ankasa.”

Elder D. Todd Christofferson of the Quorum of the Twelve Apostles, “Be at Peace,” Liahona, Mumu 2015, 37.

© 2024 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, December 2024. ne nkyerɛase. Fante. 19346 502

Nsɛnsin

1. Joseph Smith Nkyerɛasee, Luke 2:7 (wɔ Luke 2:7 ase nsɛnsin b).

2. Hwɛ Andy Mickelson, “An Improbable Inn: Texts and Tradition Surrounding Luke 2:7,” Studia Antiqua nwoma 14, nkanee 1 (Esusow Aketseaba 2015).

3. Hwɛ Andy Mickelson, “An Improbable Inn.”

4. Hwɛ Russell M. Nelson, “The Peace and Joy of Knowing the Savior Lives,” Liahona, Mumu 2011, 19–20.

5. Hwɛ Alfred Edersheim, The Life and Times of Jesus the Messiah8th ed. (1907), 1:186.