Mukenji wa ku Ngondu Bua Dikankamika dia Bansonga, Ngondu wa Dikumi ne Muibidi 2024

Diledibua

Kudi David A. Edwards

Makazina a Ekelezia

Longa bidi bitangila manaya a Tshikondu tshia Diledibua dia Kilisto ne mushindu kayi udibi bituambuluisha bua ku shindama pa Mupandishi.

Bimfuanyi bia kudi Caroline Vibbert

Betelehema

Betelehema buena kuamba ne “nzubu wa diampa” mu tshiena Ebelu. Imua misangu utu ubikidibua ne nzubu wa Davidi, bilondeshela muvua mulongu wa bankambua wa masiya muambibua ne ki kudiwu ufimina(tangila Yelemiya 23:5; Yone 7:42). Samuela wakela Davidi manyi a bumfumu mu Betelehema (tangila 1 Samuela 16:1–13). Bivua biambibua ne Masiya nealedibua mômu (tangila Mika 5:2).

“Ewu ki mushindu uvua ukumbana bua [Yezu Kilisto], diampa dia moyo, ’ afumina mu ‘nzubu wa diampa.’”

Mulombodi Mukulu Russell M. Nelson, “In This Holy Land, ” Liahona, Ngondu Muibidi. 1991, 13.

Tshilala benyi

Muaku wa tshiena Greec inn udi mua kumvuija tshisombedi tshia tshitupa tshipi nansha nzubu wa tshilala benyi Maliya “wakateka [Yezu Muana] mu tshidîlu; bualu Kakuvua muaba mu nzubu wa tshilala benyi to” (Luka 2:7) (Dikudimuna dia Joseph Smith didi diamba“inns.”) “Kupanga tshisombedi” kudi mua kumvuija ne bavua bipatshibua anyi ne muaba uvuabu basomba kawuvua ne muaba wa kulelela muana to. Mu mikuabu mishindu, bavua baya mu muaba uvua tshidîlu.

Tshidîlu

tshidîlu tshidi muaba wa dikoleshela anyi wa malongu a nyama. Mu Yuda wa kala bavua babienza ne mabua Bilala benyi bivua ne tshipapu munkatshi ne tshidîlu, ne nzubu ya bungi ivua ne bidîlu mu mushiku wa munena bua ne nyama ivua mua kulala mômu butuku.

Bilamba bia Divungila

Ba mamu batu bavungila bana batoka babu (babajingila mu bibiukidiji anyi mu bilamba) katshia ku binunu bia bidimu. Tshidi tshibapuwisha ne tshibakankamika panyima pa tshikumina tshia kupatuka mu difu. Tshilamba tshivua Maliya muenzela tshivua mua kuikala ne tshimanyishilu tshia pa buatshi mu dîku.

Maliya ne Yosefe

Bavua bantu bimpa ne bakana, bonso babidi bankanunuina ba Davidi. Bavua bonsu bendela buenyi kudi banjelu mu dilongolola dia diledibua dia Mupandishi (tangila Matayi 1:18–25; Luka 1:26–38). Bakaya mu luendu kilometa 100–140 (60–90 miles) too ne ku Betelehema. Maliya uvua ne difu mu luendu elu.

Balami ba mikoko

Balami bavua badisha mikoku pabuipi ne Betelehema. Bilondeshela bamanyi bakuabu, anu mikoku ivua ne tshia kulambuibua mu Ntempelo ki ivua mitabujibua bua kukoleshibua pabuipi ne tshimenga. Nunku balami aba bavua balama mikoku ivua tshimanyinu tshia mulambu wa Yezu Kilisto buetu (tangila Mose 5:6–7). Bakashiya mikoku yabu bua kuya kamona Masiya, uvua mudimu wa bupikudi ulua kushipa milambu ya nyama.

Yezu Muana

Yezu Kilisto udi tshimfuanyi tshidi tshikala pankatshi pa dinaya dia diledibua—ne moyowetu.

“Ndi ntekemena ne nenuangata tshipolu mu tshikondu etshi tshia diledibua dia Kilisto bua kusomba bapuwa ne kulekela nyuma wa Mupandishi atudimuisha ne atutuisha. … Sombayi bapuwa ne muana mukese ewu ne nuluayi bakoleshibua mu nyuma. … Lekela tshipolu etshi tshikala tshia dikisha ne dituija dia mioyi ne dituishibua ne didienzulula.

Nzambi anuanyishila mabenesha aa tshikondu tshia diledibua dia Kilisto etshi patudi wewa, ne mema tujadiki bua Mupandishi Yezu Kilisto—bua muaba wenda munkatshi mua mioyo yetu, mioyi ya bukua bantu bonsu, ne mu kipatshila ka buikadianganyi buetu.”

Mukulu D. Todd Christofferson wa mu Mpuilu wa Bapostolo Dikumi ne Babidi, “Be at Peace, ” Liahona, Ngondu wa Dikumi ne Muibidi. 2015, 37.

© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Mukenji wa ku Ngondo, Bua Dikankamika dia Bansonga, Ngondu wa Dikumi ne Muibidi 2024. Tshiluba. 19346 760

Biakumanya

1. Dikudimuna dia Joseph Smith, Luka 2:7 (mu Luka 2:7, miaku ya kuinshi b).

2. Tangila Andy Mickelson, “An Improbable Inn: Texts and Tradition Surrounding Luka 2:7, ” Studia Antiqua vol. 14, no. 1 (Ngondu Muitanu 2015).

3. Tangila Andy Mickelson, “An Improbable Inn.”

4. Tangila Russell M. Nelson, “The Peace and Joy of Knowing the Savior Lives, ” Liahona, Ngondu wa Dikumi ne Muibidi. 2011, 19–20.

5. Tangila Alfred Edersheim, The Life and Times of Jesus the Messiah, 8th ed. (1907), 1:186.