Aiintok Doon eo an Bwijin Israel eo Ekar Ejjeplōklōk

Russell M. Nelson

Jān Doulul eo an Jon̄oulruo Rijilōk ro

Jej jipan̄ aiintok ro em̧ōj kāālet er an Irooj jim̧or ilo jait ko ruo an rōn̄ōl eo.

Ro jeiū im jatū, ij kam̧m̧oolol kom̧ kōn ami tōmak, ami wūjlepļo̧k, im ami iakwe. Jej jim̧or arean doone juon eddo eļap n̄an erom̧ ro me Irooj ej kōņaan bwe jen erom̧ im n̄an kōm̧m̧ane ta eo Ej kōņaan bwe jen kōm̧m̧ane. Jej m̧ōttan juon em̧m̧akūt eo eļap—aiintok Israel eo ekar ejjeplōklōk. Ij ekōnono kōn katak in rainin kōnke kōn aorōk eo an āinjuon ilo karōk indeeo eo an Anij.

Bujen eo an Ebream

Ilo tōre ko etto, Irooj ekar kōjeraam̧m̧an Jemād Ebream kōn juon kallim̧ur bwe ro ineen ren armej in kāālet ro an.¹ Eoon in jipan̄ ko n̄an bujen in rej waļo̧k ilo jeje ko rekwojarjar. Ekoba kar kallim̧ur eo bwe eo Nejin Anij enaaj kar ļotak tok jān bwijjin Ebream, bwe renaaj jolete āne ko realikkar, bwe laļ ko im bwij ko an laļ in renaaj jeraam̧m̧an kōn ineen, im elōn̄ļo̧k.² Ilo an jet iaan m̧ōttan ko an bujen eo em̧ōj kadede an kūrm̧ool, Bok in Mormon ej katakin bwe bujen eo an Ebream enaaj kūrm̧ool wōt ilo raan kein āliktata!³ Ej bar kwaļo̧k aorōkin bwe jej pād ilubwiljin armej in bujen ro an Irooj.⁴ Ewōr ad iien em̧m̧an n̄an bōk koņaad ilo ad make kakūrm̧ool kallim̧ur kein. Ej juon tōre ekaitoktok limo n̄an mour ie!

Israel Ekar Jino Ejjeplōklōk

Āinwōt ro bwijjin Ebream, bwij ko etto bwijjin Israel rekar bōk mālim eo an priesthood im kōjeraam̧m̧an an gospel eo, ak āliktata armej ro rekar jab pokake. Rekar m̧an rikanaan ro im Irooj ekar kaje er. Bwij ko jon̄oul rekar pād ilo kam̧akoko ilo Assyria. Jān ijeņ rekar jino jako jān rekoot ko an armej. (Ealikkar, bwij ko jon̄oul rejjab jako ippān Irooj.) Bwij ko ruo rekar wōnm̧aanļo̧k wōt ilo juon tōre ekadu innām, kōn aer jab pokake, kar bōk er n̄an kam̧akoko ilo Babiļon.⁵ Ke rekar jepļaakļo̧ktok, rekar aorōk ippān Irooj, ak bar juon alen rekar jab kautiej E. Rekar kowaane im kōnono utiej ņae E. Juon Jemān eo ej akwe im erup buruōn ekar kallim̧ur, “Inaaj kajeplōklōk kom̧ ilo aelōn̄ ko,”⁶ im Ekar kōm̧m̧ane—n̄an aolep ļal ko.

Israel Aikuj in Aiintok Doon

Kallim̧ur eo an Anij n̄an aiintok doon eo an Israel eo ejjeplōklōk ekar lukkuun alikkar.⁷ Aisea, n̄an waanjon̄ak, ekar lo bwe ilo raan ko āliktata Irooj enaaj “juōn ribōkto bōktak ennaan eo” n̄an armej ro me rekar ņae etaer “ejeepeļo̧k im re orjib.”⁸

Kallim̧ur in kōn aiintok doon eo, āje aolep m̧ōttan ko an jeje ko rekwojarjar, enaaj kakūrm̧ool em̧ool āinwōt kanaan ko an ejepelōklōk eo an bwijjin Israel.⁹

Kabun̄ eo an Jisōs Kraist ilo Ioļap in Iien im Bun̄ jān Tōmak eo

M̧okta jān iien Dōbwāāl eo An, Irooj Jisōs Kraist ekar ejaake Kabun̄ eo An. E koba Rijilōk ro, rikanaan ro, jiljilimjuonn̄oul ro, rūkaki ro, im ro jet.¹⁰ Im M̧aajta eo ekar jilkinļo̧k Rikaļooran ilo laļ in n̄an kajedeed gospel eo An.¹¹

Ālkin juon tōre Kabun̄ in ekar ejaak jān Irooj im ekar bun̄ im makunļo̧k ilo jetōb. Katak ko An rekar okoktak, kain̄i ko rekar oktak. Bun̄ Jān Tōmak eo ekar itok āinwōt an kar Paul kanaan kake, eo ekar jeļā bwe Irooj eban bar jepļaaktok “ijoke enaaj itōk.”¹²

Bun̄ Jān Tōmak eo ekar ļoor jon̄ak eo me ekar jem̧ļo̧k ilo epepen ko kajjojo m̧oktaļo̧k. Men eo m̧oktata ilo iien eo Adam. Innām ekar itok iien bōk eddo ko an Inōk, Noa, Ebream, Moses, im ro jet. Kajjojo rikanaan ekar wōr maron̄ ekwojarjar n̄an katakin kōn kwojarjar eo im katak eo an Irooj Jisōs Kraist. Ilo kajjojo tōre katak kein rekar ejaaki n̄an jipan̄ armej. Ak aer jab pokake rekar bun̄ jān tōmak. Eñin, aolep epepen ko m̧okta rekar jabwe ilo iien im jikin. Ekar wōr jon̄an iien kōnke kajjojo rekar jem̧ļo̧k ilo iien bun̄ jān tōmak eo. Ekar wōr jon̄an jikier n̄an jidikin m̧ōttan planet in jej pād ie.

Jepļaaktok eo an Aolep Men Ko

Eñin ej dedeļo̧k in jepļaaktok eo ekar aikuj in. Anij Jemādwōj Ilan̄ im Jisōs Kraist ekar kūr ioon Josep Smith n̄an erom̧ juon rikanaan eo an epepen in bōk eddo in. Aolep kajoor ko rekwojarjar rekar jepļaaktok kōn e.¹³ Tōre in bōk eddo in an tarlep in iien ko ejjamin naaj wōr jon̄an ilo iien ak ilo jikin. Ejjamin naaj jem̧lo̧k ilo bun̄ jān tōmak, im enaaj kobrak laļ in.¹⁴

Aiintok doon eo an Israel—juon M̧ōttan Aorōk ilo Jepļaaktok eo an Aolep Men ko

Āinwōt kar kanaan kake jān Piter im Paul, aolep men ko rekar aikuj in kar jepļaaktok ilo tōre in bōk eddo in. Kōn menin, rej aikuj itok, āinwōt m̧ōttan jepļaaktok eo, aiintok doon eo an bwijjin Israel eo ekar ejeplōklōk me eto ad kar baj kōttare.¹⁵ Emenin aikuj n̄an an waļo̧k m̧okta jān Itok Kein Karuo an Irooj.¹⁶

Katak in kōn aiintok doon eo an ej juon iaan katak ko raorōk an Kabun̄ eo an Jisōs Kraist im Armej ro Rekwojarjar ilo Raan Ko Āliktata. Irooj ekar kwaļo̧k “Ij lewōj n̄an kom̧ juon kakōļļe … bwe Inaaj ain tok, jān ajeeded eo aer etto, [armej ro aō], O m̧weo im̧ōn Israel, im naaj bar kajutak ilubwiljier Aō Zaion.”¹⁷ Waļoktok eo an Bok in Mormon ej juon kakōļļe n̄an aolepān laļ in bwe Irooj em̧ōj an jinoe aiintok Israel im kakūrmo̧o̧le bujen ko ekar kōmman ippān Ebream, Aisak, im Jekab.¹⁸ Jejjab katakin wōt katak in, ak jej bōk koņaad ie. Jej kōm̧m̧ane menin ilo ad jipan̄ aiintok ro em̧ōj kāālet ilo Irooj jim̧or ilo jait ko ruo an rōn̄ōļ eo.

Bok in Mormon eo ej pād io̧ļapen jerbal in. Ej kwaļo̧k katak eo an aiintok doon eo.¹⁹ Ej kōm̧m̧an bwe armej ren ekkatak kōn Jisōs Kraist, n̄an tōmak gospel eo An, im n̄an kobaļo̧k ilo Kabun̄ eo An. Ilo m̧ool, eļan̄n̄e ekar ejjeļo̧k Bok in Mormon, kallim̧ur eo n̄an aiintok doon eo an bwijjin Israel eban bōk jikin.²⁰

N̄an kōj etan kautiej eo an Ebream eaorōk. Ej kōnono kaki ilo elōn̄ eoon ko an jejej ko rekwojarjar kōn Jepļaaktok jān aolep eoon ko an Baibōļ eo.²¹ Ebream ekar juon wōt ippān aolep membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata.²² Anij ej bar kapen bujen eo an Ebream ilo raan kein ad kōn Rikanaan Josep Smith.²³ Ilo tampeļ jej bōk kōjeraam̧m̧an ko raorōktata, āinwōt ro ineen Ebream, Aisak, im Jekab.²⁴

Tōre in Bōk Eddo eo an Tarlep in Iien ko

Tōre in Bōk Eddo in an tarlep in iien ko kar lo jān etto jān Anij āinwōt iien eo n̄an aiintok doon, jim̧or ilo lan̄ im ioon laļ. Piter ekar jeļā bwe ālkin tōre in bun̄ jān tōmak eo, juon jepļaaktok enaaj bōk jikin. E, eo ekar pād ippān Irooj ilo Tōl in Kōjakkōlkōl, ekar kwaļo̧k:

“Ukeḷọk aeet kōn menin, im oktak tōk, bwe jerawiwi ko am renaaj jeoor ļo̧k, ñe enaaj itōk iien ñan kōkāāl aolep men naaj itōk jān pād eo̧ an Anij; …

“ Eo lañ en bōk E ñan iien ko iien karōk men otemjej Anij ear kōnono kaki, kōn lọñiin ri kanaan kwōjarjar ro An otemjej jān iien ṃoktata.”²⁵

Ilo raan kein Rijilōk Piter, Jemes, im Jon kar jilkinļo̧k er jān Irooj ippān “ki ko an aelōn̄ in kiin̄ eo [An], im juon tōrean bōk eddo an gospel eo n̄an iien ko āliktata,” eo im E enaaj “aiintok doon im juon wōt ilo aolep men, jim̧or ilo lan̄, im ko ilo laļ.”²⁶

Ilo iiō eo 1830 Rikanaan Josep Smith ekar ekkatak kōn juonrikwoj meļan in lan̄ etan Elias, eo ekar kabwijer ki ko n̄an kakūrm̧ool “jepļaaktok eo an aolep men ko .”²⁷

Jiljino iiō ko rem̧ootļo̧k Kirtland Tampeļ kar aje. Ālikin an kar Irooj kōmālim m̧weo ekwojarjar, ribokto bōktak naan jān lan̄ ippān ki in priesthood ko. Moses ekar waļo̧k²⁸ “im kallim̧ur … kii ko an aiintok Israel jān emān kona ko an laļ in, im tōlļo̧k bwij ko jon̄oul jān āne eo iturear.

“Ālikin men in, Elias eaar waļo̧k, im wūjleptok tōrean bōk eddo in gospel eo an E, im ba bwe ilo kōmro im ineemro aolep epepen ālikimro renaaj jeraam̧m̧an.”²⁹

Innām Ilaija rikanaan eo ekar itok im kean̄, “Lo, iien eo em̧ōj an kanooj itok, eo kar kōnono kake jān lo̧n̄iin Malakai—im kam̧ool bwe e [Ilaija] naaj kar jilkintok, m̧okta jān an itok raan eo eļap im kaammijak an Irooj—N̄an ukōtļo̧k būruōn ro jemāer n̄an ro nejier, im ro nejier n̄an ro jemāer, n̄e aolepān laļ ab jorrāān kōn juon lia.”³⁰

Iien kein raorōk rekar bōk jikier ilo Eprōļ 3, 1836,³¹ im kakūrm̧ool kanaan eo an Malakai.³² Ki ko rekwojarjar an epepen in rekar jepļaaktok.³³

Aiintok doon eo an Jetōb ro ilo Jait eo juon ilo Rōn̄ōl eo.

Ilo tūriam̧o̧ kake, kūr eo n̄an “itok n̄an Kraist”³⁴ emaron̄ barāinwōt ilo̧k n̄an ro me raar mej ilo jab jeļā kōn gospel eo.³⁵ M̧ōttanļo̧k kōppopo eo aer ej aikuji kijejeto ko an ro jet ioon laļ in. Jej aiintok jaat in menmenbwij ko, ejaake peba n̄an kurup in baam̧le ko, im kōm̧m̧ane jerbal an tampeļ n̄an aiintok kajjojo armej n̄an Irooj im n̄an baam̧le ko aer.³⁶

N̄an Bōk Koņaan ilo Aiintok eo: Juon Kallim̧ur kōn Bujen

Ijin ioon laļ in, jerbal in mijenede ej aorōk n̄an aiintok doon eo an Israel. Gospel eo kar m̧okta bōkļo̧k n̄an “sip ko re jebwābwe, nukun Israel.”³⁷ Āinwōt juon tōprak, ro rikarejeran Irooj rekar ilo̧k n̄an kean̄ kōn Jepļaaktok eo. Ilo elōn̄ laļ ko mijenede ro ad rekar kappukot ro bwijjin Israel me rejepelōklōk; rekar kakiduduik er “ilo rọñ in dekā ko”; im rekar eo̧n̄ōde er āinwōt ilo raan ko etto.³⁸

Jokāālet eo n̄an itok n̄an Kraist ejjab kōn jikin eo, ej kōn juon kallim̧ur an kajjojo armej. Armej ro remaron̄ “bōktok er n̄an jeļā eo kōn Irooj”³⁹ ilo aer jab etal jān kapijuknen ko aer. Em̧ool, ilo raan ko jinoin an Kabun̄ in, oktak emakijkij an kar meļeļe in em̧m̧akūt jān laļ n̄an laļ barāinwōt. Ak kiiō aiintok doon eo ej bōk jikin ilo kajjojo laļ. Irooj ekar kakien kōn ejaak eo an Zaion⁴⁰ ilo kajjojo laļ ko ijo Ekar leļo̧k n̄an Rikwojarjar ro An laļ in aer ļotak im rijikin eo. Jeje ko rekar kōnono ñan armej ro “naaj aiintok doon eo ilo m̧weo ñan jikin ko rekar jolete er kaki, im naaj kadedeļo̧k ilo aolep bwidej ko emōj kallim̧uri er kake.”⁴¹ “Aolep laļ ej jikin aiintok doon eo an aolep armej im ñan armej ro aer make.”⁴² Jikin aiintok doon eo an Armej ro Rekwojarjar ilo Brazil ej ilo Brazil; jikin aiintok doon n̄an Armej ro Rekwojarjar in Nigeria ro ilo ej ilo Nigeria; jikin aiintok doon n̄an Armej ro Rekwojarjar ilo Korea ej ilo Korea; im ko jet. Zaion ej “ro erreo burueer.”⁴³ Zaion ej ijo Armej ro Rekwojarjar rej aiintok doon ie. Bok ko kōm̧m̧ani, iaļan meļeļe ko, im jarlepju ko rej kiiō eiten aolepān membōr ro rej maron̄ deļon̄i katak ko, ki ko, kain̄i ko, im kōjeraam̧m̧an ko an gospel eo, jekdo̧o̧n jikin ko aer.

Kōjparok ilo jetōb enaaj aolep iien pedped wōt ioon wāween an juon mour, ejjab ijo juon ej mour ie. Armej ro Rekwojarjar ilo aolep laļ ko rej jon̄an wōt juon ilo aer bōk kōjeraam̧m̧an ko an Irooj.

Jerbal in an Anij Kajoor Bōtata ej m̧ool. E ej mour. Jisōs ej Kraist eo. En̄n ej Kabun̄ eo An, kar kōjepļaaktok n̄an kadedeļo̧k jinekjej eo an ekwojarjar, ekoba kallim̧ur eo an aiintok Israel. Būreejtōn Gordon B. Hinckley ej rikanaan eo an Anij rainin. Ij lukkuun kam̧ool kake ilo etan Jisōs Kraist, amen.

1. Lale Jenesis 12:1–2; K&B 132:29–32; Ebream 2:6–11.

2. Lale Jenesis 26:1–4, 24, 28; 35:9–13; 48:3–4; John 8:33, 39; Jerbal 3:25; 1 Nipaii 17:40; 2 Nipai 29:14; Jekab 5; Ether 13:7–8; K&B 52:2.

3. Lale, n̄an waanjon̄ak 1 Nipai 15:12–18.

4. Lale 1 Nipai 14:14; 15:14; 2 Nipai 30:2; Mosaia 24:13; 3 Nipai 29:3; Mormon 8:15; K&B 133:26–34.

5. Bwij eo an Levi rekar kōpooj pris ro ilubwiljin armej ro im ejjab n̄an bwōne āinwōt juon bwij ak bōk jolet ko an bwij eo. Ruo nejin Joseph ļaddik, Mannase im Epraim, rekar kōjolet erro kōn āne ko. Rekar bwōnbwōn ilubwiljin bwij ko, ijjeļo̧kin eo jemāer, Josep. Oran bwij ko jon̄oulruo kar lo̧mo̧o̧reni.

6. Livitikōs 26:33; barāinwōt lale Jeremaia 9:16.

7. Lale Jenesis 22:16–18; 3 Nipai 20–22; Ebream 2:10–11.

8. Aiseia 18:2, 7.

9. Lale Livitikōs 26:44; Duteronomi 4:27–31; 28; 29; 30:2–5; Nimaia 1:9; Aseia 11:11–12; Jeremaia 31:7–8, 10–12; Ezekiel 37:21–22; Amos 9:14–15; Matu 24:31; Jekab 6:2; barāinwōt lale Russell M. Nelson, “The Exodus ekar alij,” Liahona, Apr. 2002, 30–39; Ensign, July 1999, 6–13.

10. Lale Luk 10:1, 17; Ekklisiastis 4:11; Laajrak in Tōmak 1:6.

11. Lale Matu 28:19–20; Mark 16:15.

12. 2 Tessalonika 2:3. “Wōtļo̧k im jako” ej ukook jān Greek apostasia, melele in “bun̄ jān tōmak.”

13. Lale K&B 128:18; 132:45.

14. Lale Aisea 27:6.

15. Lale 1 Nipai 15:18; lale bar Bok in Mormon taitōl peij, pārokūrāāp 2.

16. Lale K&B 133:17.

17. 3 Nipai 21:1.

18. Lale Jenesis 12:2–3; 26:3–4; 35:11–12; im jebta headings ñan 3 Nipai 21; 29.

19. Katak ko rej iookļo̧k m̧weo imōn Israel me ejepelōklōk im aiindoon rej ilubwiljin katak ok m̧okta me kar katakin kaki ilo Bok in Mormon: “Ālikin m̧weo imōn Israel enaaj jepļōkļōk im rej aikuj naaj bar ippān doon; …mo̧o̧l in ra ko an olive-tree, ak the būrar in m̧weo imōn Israel, naaj owan, ak itōk ñan jeḷā ḷọkjeṇ eo e m̧o̧o̧l an Messaih eo, Anij eo aer im Rilo̧mo̧o̧r” (1 Nipai 10:14).

20. Lale Bruce R. McConkie, A New Witness for the Articles of Faith (1985), 554.

21. Ebream ej kwaļo̧k ilo 506 eoon ko ilo jeje ko rekwojarjar: 216 rej pād ilo Baibōļ; 290 rej ilo jeje ko rekwojarjar an Jepļaaktok eo.

22. Bujen eo emarōn bar bōk jān kaajiriri (lale Matu 3:9; Luk 3:8; Galetia 3:26–29; 4:5–7; Ebream 2:9–10).

23. Lale K&B 124:58; 132:31–32.

24. Lale K&B 84:33–40; 132:19; Ebream 2:11.

25. Jerbal 3:19, 21.

26. K&B 27:13. Paul ekar kōwaļo̧k kōn raan kein ad “bwe ilo tōrean bōk eddo eo an tarlep in iien Anij] emarōn kobaik aolep ilo juon ilo aolep men ilo Christ, jim̧o̧o̧r ainwot ilo lañ, im bareinwōt ilo ioon laļ in” (Ekklisiastis 1:10).

27. K&B 27:6

28. Ekkar bwe Moses, eo ekar m̧okta tōl ajri ro nejin Anij n̄an āne jolet, enaaj kar erom̧ juon eo me en kar lukkuun wūjpeļo̧k ki ko an aiintok doon eo an bwijjin Isarel n̄an Kabun̄ in me em̧ōj an jepļaaktok.n. Moses ekar itōk n̄an ippān Piter, Jemes, im Jon n̄an Toļ eo ijo kar leļo̧k n̄an er ejja ki in priesthood eo ilo raan ko aer. Ilo iien kweilo̧k eo an Kabun̄ in Eprōļ 1840, Rikanaan Josep Smith ekar jitōn̄ Orson Hyde n̄an etal n̄an Jerusalem im aje ān eo n̄an jepļaaktok eo an ri Ju im ro bwijjin Israel me rekar jepelōklōk. Ilo Jabōt, Oktoba 24, 1841, Elder Hyde ekar bukwelōlō ioon Toļ Olives im aje aelōñ eo n̄an aiintok doon eo an riJu im ro bwijjin Israel n̄an jolet ko aer etto.

29. K&B 110:11–12.

30. K&B 110:14–15.

31. Men eo eaorōk ej m̧ool eo bwe Moses, Elias, im Elijah rekar itok n̄an Jabōt in Ijtō, ilo jinoin Kwojkwoj in Kijoone eo.

32. Lale Malakai 4:5–6.

33. Lale K&B 110:16.

34. Jekab 1:7; Omnai 1:26; Moronai 10:30, 32; K&B 20:59.

35. Lale K&B 137:6–8.

36. Lale 1 Korint 15:29; 1 Piter 4:6.

37. Matu 10:6; 15:24.

38. Lale Jeremaia 16:16.

39. 3 Nipai 20:13.

40. Lale K&B 6:6; 11:6; 12:6; 14:6.

41. 2 Nipai 9:2.

42. Bruce R. McConkie, in Conference Report, Mexico City Mexico Area Conference 1972, 45.

43. K&B 97:21.