Umi llave ha autorida sacerdocio rehegua

Elder Dallin H. Oaks rupive

Quórum Doce Apóstoles pegua

Imágen – Ta’anga

Umi llave saverdocio rehegua oguia kuña a kuimba’ekuérape, ha umi ordenanza ha autorida sacerdocio rehegua o’afecta kuña ha kuimba’ekuérape avei.

I.

Ko conferencia-pe jahecha ojerrelevarõ heta hermanokuéra ijeroviarekóva, ha jasostene ambuévape illamamiento-pe. Ko jerépe, icomúnva tupaópe, ndajaje”degradai” ñanderrelevarõ, ha ndaja”ascendei” ñanderenóirõ; ndaipori “ascenso ni descenso” Ñandejára servíciope. Jaguatánte “tenonde gotyo terã tapykue gotyo”, ha diferencia oĩ mba’éichapa ja’acepta ha ja’actua ñanderelevarõ ha ñanerenóirõ, Peteĩ jave apresidi peteĩ presidente de estaca imitãva gueteri relevo, oserviporãva’ekue nueve áño, ha ko’aĝa ovy’a illamamiento pyahu rehe ha’e ha hembireko orrecibíva; oñehenói chupekuéra líder-icha ibarrio guardería-pe. ¡ Ko tupaópente upéva oñeconsidera peteĩ mba’e igualmente honorable!

II.

Peteĩ kuñanguera conferencia-pe, Linda K. Burton, Presidenta General Sociedad de Socorro-gua, he’i: “Roha’arõ romokyre’ỹopavavépe ñande apytépe ontendeseve haĝua pe sacerdocio”¹. Upéva oho opavavépe ñandeve ĝuarã, ha upevarã añe’ẽta umi llave ha autorida sacerdocio reheguáre. Ko’ã tema iñimportanteitereígui kuimba’e ha kuña peĝuarã, avy’a ko reunión ojehechaukátaha ha ojepublicáta opavave miembro tupaopegua peĝuarã. Pe sacerdocio pu’aka ñanderovasa opavavépe. Umi llave saverdocio rehegua oguia kuña a kuimba’ekuérape, ha umi ordenanza ha autorida sacerdocio rehegua o’afecta kuña ha kuimba’ekuérape avei.

III.

Presidente Joseph F. Smith he,i pe sacerdocio ningo “…Tupã pu’aka oñeme’ẽva yvypórape o’actua haĝua yvy ári pe familia humana salvaciõrã”². Ambue liderkuéra ñanembo’e sacerdocio ningo “ Ha’e pe pu’aka imbaretevéva ko yvy ári. Ha’e pe pu’aka ojejapova’ekue rupi pe yvy”³. Escriturakuéra ombo’e “ kóva ha’e pe sacerdocioite oĩva’ekue ñepyrũmbýpe, ha oĩta avei yvóra paha peve” (Moisés 6:7). Upévare, pe sacerdocio ningo pu’aka ñañemoingovejeýtaha rupive ha ñacontinuáta tekove opave’ỹva gotyo.

Pe jeikuaapy ñañeha’ãvare oñepyrũ jaikuaavévo umi sacerdocio llave-gui. “Umi llave sacerdocio rehegua ningo ha’e pe Tupã autoridad ome’ẽva umi líder del sacerdocio-pe odirigi, ocontrola ha ogoverna haĝua pe sacerdocio jeiporu ko yvy ári”⁴. Opa acto terã ordenanza ojejapóva tupaópe, ojejapo umi orekóva umi llave upeva’erã autorización, directa terã indirecta guýpe. He’ihaguéicha élder M. Russell Ballard: “Umi oguerekóva sacerdocio llave-kuéra…literalmente ojapo posible opavave oservíva jeroviarekópe idirección guýpe toiporu pe sacerdocio autorida ha toguereko acceso ipu’akápe”⁵.

Pe sacerdocio autoridad jepuru rehe, umi sacerdocio llave función ningo ombotuicha ha olimita a la vez; ombotuicha ojapóvo posible sacerdocio autorida ha jehovasa oĩ ohupyty haĝuaicha opavave Tupã ra’y ha tajyrakuérape, ha olimita he’ívo mávapepa oñeme’ẽta pe sacerdocio autorida, máva oguerekóta ijoficiokuéra ha mba’éicha oñeme’ẽta iderecho ha pu’akakuéra. Por ejemplo, peteĩ kuimba’e oguerekóva pe sacerdocio ndaikatúi ome’ẽ ijofício terã autorida ambuévape, o’autoriza’ỹre chupe peteĩ oguerekóva umi llave. Pe autorizacion’ỹre, pe ordenación ndovalemo’ãi. Upévare peteĩ oguerekóva pe sacerdocio, taha’e ha’éva oficio oguerekóva, ndaikatúi o’ordena peteĩ miembro ifamiliaguápe, ni ohovasa pe Santa Cena hógape oguereko’ỹre autorización peteĩ oguerekóvagui umi llave hekopete.

Unicamente pe oguerekóva peteĩ oficio pe sacerdocio-pe ikatu o’oficia peteĩ ordenanza upe oficio reheguávape, excepto umi hermanakuéra rembiapo marangatu, ojapóva témplope presidente del templo llavekuéra guýpe, añe’ẽtavare a continuación.

Ipahápe, Ñandejára Jesucristo oguerekopa umi sacerdocio llavekuéra, ha imba’e voi ko sacerdocio. Ha’e odetermina mba’e llavekuérapa oñeme’ẽ umi yvypórape ha mba’éichapa ojeipuruva’erã. Japensa jepi José Smith-pe oñeme’ẽmbahague umi llave sacerdocio rehegua Kirtland Templo-pe, ha katu escriturakuéra he’i oñeme’ẽva’ekuénte chupe upépe “umi llave ko dispensación reheguáva” (D. y C. 110:16). Heta áño jave peteĩ conferencia general-pe, presidente Spencer W. Kimball ñanemomandu’a oĩha ambue llavekuéra sacerdocio rehegua noñeme’ẽiva gueteri yvypórape ko yvy ári, umíva apytépe oĩ llavekuéra creación ha jeikovejey reheguáva⁶.

Pe naturaleza divina umi limitación rehegua oñemoĩva sacerdocio llavekuéra jeipurúpe, ohechauka peteĩ contraste umi decisión administración reheguáva ha umi decisión sacerdocio reheguáva apytépe. Jepe Primera Presidencia ha Consejo Primera Presidencia-gua ha Quorum de los Doce, opresidíva ko tupao, oñe’investi pu’aka reheve ojagarra haĝua heta decisión umi norma ha procedimiento tupao reheguáva, mo’õpa oĩta umi tupao edificio, ha mba’e edápepa oñeme’ẽkuaa servicio misional; jepe umi autorida opresidíva oguereko ha oipuru opa umi llave oñeme’ẽva kuimba’épe ko dispensación-pe, noĩri hikuái autorizado o’altera haĝua pe modelo divinamente diseñado ikatuhápe kuimba’énte oguereko pe sacerdocio oficiokuéra.

IV.

Ko’aĝa añe’ẽta pe sacerdocio autorida rehe; añepyrũ umi mbohapy principio ñañe’ẽ haguére reheve: (1) pe sacerdocio ningo ha’e pe Tupã pu’aka oñeme’ẽva kuimba’épe o’actua haĝua pe familia humana salvaciõrã,(2) pe sacerdocio autorida ojegoberna umi poseedores del sacerdocio oguerekóva pe sacerdocio llavekuéra rupive ha,(3) escriturakuéra he’ímaramo “Opa autorida [ha] oficio tupaogua ha’e dependencia pe sacerdocio” [Melquisedec rehegua] (D. y C. 107:5), opa ojejapóva pe sacerdocio llavekuéra guýpe, ojejapo upe sacerdocio autorida reheve.

¿Mba’éichapa oho upéva kuñáre? Peteĩ discurso ome’ẽva Sociedad de Socorro-pe, presidente Joseph Fielding Smith, ha’éva upéramo Presidente Quórum Doce Apóstoles pegua, he’i: Noñeme’ẽirõ jepe pe sacerdocio hermanakuérape…upéva nde’iséi Ñandejára nome’ẽiha chupekuéra autorida…Ikatu oñeme’ẽ autorida peteĩ yvypórape, hermano terã hermanape, ojapo haĝua tupaópe umi mba’e ovaléva ha ha’éva indispensable ñande salvaciõrã, umi tembiapo ojapóvaicha ñande hermanakuéra Ñandejára Rógape. Oñeme’ẽ chupekuéra autorida ojapo haĝua mba’e tuicha ha hechapyrãva, isagrádova Ñandejára peĝuarã, ha ovaletereíva umi jehovasáicha oñeme’ẽva kuimba’ekuérape oguerekóva pe sacerdocio”⁷.

Upe discurso techapyrãme, presidente Smith he’i jey jey oñeme’ẽha kuñanguérape autorida; chupekuéra he’i: “ Ikatu peñe’ẽ autorida reheve, Ñandejára ome’ẽgui peẽme autorida”. He’i avei Sociedad de Socorro-pe “oñeme’ẽha pu’aka ha autorida ojapo haĝua heta mba’e tuicháva. Tembiapo ojapóva ojejapo autorida divina rupive”. Ha tupao rembiapo ojapóva kuña ha kuimba’ekuéra, templo-pe terã barrio terã ramakuérape, ojejapo umi oguerekóva sacerdocio llavekuéra dirección guýpe. Upévare, oñe’ẽvo Sociedad de Socorro-pe, presidente Smith o’explica: “[Ñandejára] ome’ẽ ko organización ikatuhápe ha’ekuéra oguereko autorida oservi haĝua obispokuéra dirección guýpe…ohekávo ñande tavayguakuéra bienestar espiritual ha temporálva”⁸.

Upévare, añetépe oje’e kuñáme ĝuarã, pe Sociedad de Socorro ndaha’éi peteĩ clásente, ha katu peteĩ mba’e opertenecehápe hikuái: peteĩ dependencia divinamente establecida pe sacerdocio reheguáva⁹.

Nañaiméi acostumbrado ñañe’ẽvo kuñanguéra oguerekoha pe sacerdocio autorida illamamientokuérape tupaópe, ha katu ¿mba’e ambue autoridáta piko? Peteĩ kuña, ipyahu terã ika’arúva, oje’apartávo opredica haĝua pe evangelio misionera-ramo tiempo completova, oñeme’ẽ chupe pe sacerdocio autorida ojapo haĝua peteĩ función sacerdocio reheguáva. Peichaite oiko oje’apartavo peteĩ kuñame o’actua haĝua oficial terã mbo’ehára ramo peteĩ tupao organización-pe peteĩ oguerekóva sacerocio llavekuéra dirección guýpe. Oimeraẽ ofuncionáva peteĩ oficio terã llamamientope ojerrecivíva peteĩ oguerekóvagui umi llave sacerdocio rehegua, oipuru pe sacerdocio autorida ojapo haĝua umi hembiaporã oñeme’ẽva chupe.

Oimeraẽ oipurúva pe sacerdocio autorida hesaraiva’erã umi iderechogui ha oñeconcentrava’erã irresponsabilidakuérape. Kóva ha’e peteĩ pricipio oikotevẽva pe sociedad en general. Ko’ã ñe’ẽ oje’adjudica pe famoso escritor ruso-pe Aleksander Solzhenitsyn: “Árama… jadefendévo no tanto umi derecho ha katu umi obligación humanakuéra”¹⁰. Santos de los últimos Días añetehápe ohechakuaa jahupyty haĝua pe exaltación tekotevẽve jacumpli responsabilidades, jadefende rangue derechos.

V.

Ñandejára he’i unicaménte oje’ordenataha kuimba’ekuérape pe sacerdocio oficiokuérape; upevére, heta liderkuéra tupaogua he’ihaguéicha, kuimba’ekuéra ndaha’éi pe sacerdocio”¹¹. Kuimba’ekuéra oguereko pe sacerdocio, pe deber sagrado reheve oipuruva’erãha ohovasa haĝua opa Tupã ra’ykuérape.

Pe pu’aka tuichavéva Tupã ome’ẽvakue Ita’yrakuérape ndaikatúi ojeipuru peteĩ umi itajyra’ỹre, Tupã ome’ẽhaguére chupe añónte pu’aka ha’e haĝua “creadora de cuerpos…upéicha ikatu haĝua oñecumpli pe Tupã designio ha tuicha plan”¹². Umíva ha’e presidente J. Reuben Clark ñe’ẽnguéra.

He’i avei: “ Péva ha’e ñande rembireko ha ñade sy renda pe Plan Opave’ỹvape. Ha’ekuéra ndoguerekói pe sacerdocio; noñeme’ẽi chupekuéra ojapo haĝua umi deberes ha funciones sacerdocio rehegua, ni noñeme’ẽi chuepekuéra irresponsabilidakuéra; ha katu ha’ekuéra ningo edificadoras ha organizadoras ipu’aka guýpe, ha ohupyty ijehovasakuéra, oguerekóvo pe sacerdocio pu’aka complemento ha peteĩ deber divinamente llamado, ha iñimportanteitereíva hendápe pe sacerdocio-icha”¹³.

Umi ñe’ẽ inspirados reheve, presidente Clark oñe’ẽ familia rehe. Oje’eháicha pe proclamación sobre la familia-pe, túva opresidi, ha ha’e ha sy oguereko responsabilida diferente, ha katu “irũ jojáicha, oĩ obligado oñopytyvõvo ojupe”¹⁴. Pokã ary oñeme’ẽ mboyve pe proclamación sobre la familia, presidente Spencer W. Kimball ome’ẽ ko inspirada explicación: “ Ja’éramo matrimonio ha’eha peteĩ sociedad, jarrecalcava’erã matrimonio ha’eha peteĩ sociedadtotal. Ndoroipotái kuñanguéra SUD taha’e sociaokirirĩva terã oñelimitáva ifunción eterna-pe. Rojerure’asy peẽme tapecontribui en formatotal”¹⁵.

Tupã resa renondépe, tupaópe terã familiape, kuña ha kuimba’ekuéra ningo iguales, ha katu responsabilidades diferentes reheve.

Ambopaha sacerdocio jehovasakuéra añeteguáva reheve. A diferencia umi sacerdocio llave ha ordenanzakuéragui, jehovasakuéra pe sacerdocio rehegua ohupyty kuimba’e ha kuñanguérape misma condición guýpe. Espíritu Santo don ha templo jehovasakuéra ningo ohechauka ko añetegua.

Idiscurso hechapyrãva ome’ẽvape Universidad Brigham Young-pe Semana de la Educación jave, élder M. Russell Ballard ombo’e:

“Ñande tupao doctrina omoĩ kuñáme igual posición, ha katu diferente avei, kuimba’égui. Tupã no considerai peteĩ sexo iporãveha terã iñimportateveha ambuévagui…

“Kuimba’e ha kuña ohórõ templo-pe, mokõive oñe’investi mismo pu’aka reheve, pe sacerdocio pu’aka…pe sacerdocio pu’aka ha jehovasakuéra oĩ ohupytyhaĝuaicha opa umi Tupã ra’y ha tajyrakuérape”¹⁶.

Atestifika Tupã sacerdocio pu’aka ha jehovasakuéra oĩha disponible Ita’ýra ha Itajyrakuéra peĝuarã. Ame’ẽ testimonio pe sacerdocio autoridagui, omba’apóva opa oficio ha actividakuéra Iglesia de Jesucristo de los Santos de los Últimos Días-guápe. Ame’ẽ testimonio umi sacerdocio llave función divínagui, oguerekóva ha oipurúva plenitud-pe ñande profeta ha presiente, Thomas S. Monson. Ha ipahápe, ha iñimportantevéva, ame’ẽ testimonio Ñandejára ha Salvador, Jesucristo-gui, ha’évagui ko sacerdocio ha ore ningo hembiguái, Jesucristo rérape. Amén.