Jadescubri pe divinidad interior
Rosemary M. Wixom rupive
Presidenta General Primaria-gua
Jaju ko yvy’apére ñanutri ha jadescubrihaĝua pe naturaleza divina semilla oĩva ñande interior-pe.
Hermanakuéra, ¡Porohayhu! Atestifika ko tekove ha’eha peteĩ dádiva. Tupã oguereko peteĩ plan maymáva ñandéve ĝuarã, ha ñande propósito personal oñepyrũ jaju mboyve ko yvy’ape ári.
Ultimamente ahechakuaa pe milagro oikóva peteĩ mitã onacerõ Ñandejára plan parteramo. Maymáva ñande jajedesarrolla físicamente ñande sy ryepýpe heta mese ñadependévo hetégui ñasustenta haĝua ñande rete. Jepeve upéicha, ipahápe, pe ñeheñói proceso – dramático sy ha pe mitãme ĝuarã avei – ñande separa.
Peteĩ mitãra’y oike vove ko mundo-pe, pe cambio oĩva temperatura ha tesapépe, ha pe presión pore’ỹ sapy’a ipyti’ápe ogueraha pe mitãra’ýpe ojagarrahaĝua ijaliento peteĩha. Umi pulmón michĩ henyhẽ sapy’a pytúgui peteĩha jave, umi órgano oñepyrũ omba’apo ha pe mitã michĩ oñepyrũ orrespira. Pe cordón umbilical oñeikytĩ vove, pe fuente de sustento sy ha mitã mbytépe ojesepara tapiate ĝuarã ha pe mitã oñepyrũ hekove ko yvy’ape ári.
Job he’i: “Tupã espíritu chejapo, ha pe Omnipotente soplo chemoingove ”1.
Jaju ko mundo-pe “destellos celestiales reheve”2.“La Familia: Una Proclamación para el Mundo” ombo’e maymáva ñande “ha’e peteĩ ta’ýra terã tajýra ñanereñoiva’ekue espírituicha túva ha sy celestial-gui”, ha “maymáva jaguereko peteĩ naturaleza ha destino divino”3. Ñande Ru Yvagagua okomparti ñanendive py’aporã reheve peteĩ Idivinidad pehengue oĩva ñande interior-pe. Pe naturaleza divina ou Chugui peteĩ dádivaicha peteĩ mborayhu reheve túva mante ikatúva oñandu.
Jaju ko yvy’apére ñanutri ha jadescubri haĝua pe naturaleza divina semilla oĩva ñande interior-pe.
Ñande jaikuaa mba’érepa
Elaine Cannon, Mujeres Jóvenes ex -presidenta general, he’i: “Oĩ mokõi ára importante kuña rekovépe: Pe onaceha ára, ha ára oñeme’ẽ vove en cuenta mba’érepa”4.
Ñande jaikuaa mba’érepa. Jajuva’ekue ko yvy’ape ári ñaipytyvõ haĝua Irreino ñemopu’ãme ha ñañembosako’i haĝua Ita’ýra, Jesucristo, segunda venida peĝuarã. Opa aliento jajagarráva reheve ñañeha’ã jasegui chupe. Pe naturaleza divina oĩva ñande pype oñerrefina ha oñemagnifika esfuerzo rupi jajapóva ñañemo’aĝuive haĝua ñande Ru ha Ita’ýrare.
Ñande naturaleza divina ndoguerkói nada que ver umi ñande logro personal, posición jahupytýva, maratón japarticipávape ni popularidad ha autestima jaguerekóva reheve. Ñande naturaleza divina ouTupãgui; oñemoĩ peteĩ existencia ñande nacimiento mboyvépe ha okontinuáta eternidad-pe.
Jajehayhu
Ñande ñañeidentifica ñande naturaleza divina rehe ñañandu ha ñame’ẽvo ñande Ru Yvagagua mborayhu. Jaguereko albedrio ñanutri, ñamboflorece ha ñambokakuaa haĝua upéva. Pedro he’i oñeme’ẽha ñandéve “promesa hechapyrãva” [ha’ehaĝua] naturaleza divina participantekuéra”5. Ñacomprendévo mávapa ñande – Tupãrajy–, ñañepyrũ ñañandu umi promesa hechapyrãva.
Ñañecentrarõ ñande rapichakuérape ha ndaha’éi ñandejupe añónte, ñacomprendekuaa ha’eha Itajýra. Naturalmente ñañembo’e Chupe ha ñaime ansiosa ñamoñe’ẽ haĝua Iñe’ẽ ha jajapo haĝua Hembipota. Jarrecibi ñande valía remiandu Ñandejáragui ha ndaha’éi umi oĩva ñande jeréregui, terã umi oĩva Facebook terã Instagram-pegui.
Pedudarõ alguna vez pe chispa divina oĩva pende interior-gui, peñesũ ñembo’épe ha peporandu ñande Ru Yvagaguápe: “ ¿Ha’épa che añetehápe Nderajy, ha cherayhúpa?”. Elder M. Russell Ballardhe’i : “Peteĩ mensaje he’ẽvéva ome’ẽtava peẽme pe Espiritu ha’e pe Ñandejára oñandúva penderehe6.
Ñande ha’e Itajýra. Pablo he’i: “… pe Espirituite ome’ẽ testimonio ñande espíritupe ñande ha’ehaTupã ta’yrakuéra”7. Py’ỹi, purahéi peteĩha ña’aprendéva Primaria-pe ha’e “Soy un hijo de Dios”8. Ko’aĝa ha’e tiempo jajagarrávo upe frase jahayhuetéva “Soy un hijo de Dios” ha ñambojoaju ko’ã ñe’ẽ: “Ha ko’aĝa mba’e?”. Jepeve ikatu jajapo porandu koichagua: ¿Mba’e ajapóta avivi haĝua che rekoveTupã rajýicha?” “¿Mba’éichapa ikatu acultiva pe naturaleza divina aguerekóva che interior-pe?”.
Presidente Dieter F. Uchtdorfhe’i: “ Tupã penembou ko’ápe penembosako’i haĝua peteĩ futuro tuichaitereivévape ĝuara oimeraẽ mba’e ikatúva peñeimaginágui”9. Upe futuro, oñembotekove pejaporõ “más que pe’existi añónte”; oñembotekove pevivíramo pekumpli haĝua pende creación medida; oinvitáva Ñandejárape pende rekovépe ha peheja Hembipota ha’e penerembipota.
Ña’aprende ñande naturaleza divina rupi.
Pe naturaleza divina ñanemokyre’ỹ jaikuaase haĝua umi verdades eternas ñandejehegui.
Nda’aréi, peteĩ mitãkuña hérava Amy chembo’e peteĩ lección ohaívo: “ Hasyha’e peteĩ adolescente ko época-pe. Pe tape oñembopo’ive ha Satanás omoĩ peteĩ ñeha’ã guasu. Opa mba’e ha’eva’erã porã terã vai; ndaipóri intermedio”.
He’i avei: “ Sapy’ánte hasy jatopa haĝua amigokuéra iporãva. Jepe ñapensarõ jaguerekoha amigokuéra porã, araka’eve noñemomombyrymo’ãitava ñandehegui, upéva ikatu oñemoambue oimeraẽ razón rehe. Upévare avy’a aguereko haguére che familia, TúvaYvagagua, Jesucristo ha Espiritu Santo-pe, ikatúva ha’e che compañero umi mba’e ndoikoporãiramo umi amigokuéra ndive”.
Amy he’ive: “Peteĩ pyharépe añeñandu agobiada, ha’e che hermana-pe ndaikuaaiha mba’épa ajapóta”.
Tardeve pe pyharépe, iñermána ombou chupe peteĩ texto ocitahápe Elder Jeffry R. Holland-pe, he’ívaekue: “ Ani reñeme’ẽ por vencido…eguatakatu tenonde gotyo. Eñeha’ãvekatu. Oĩ pytyvõ ha vy’a tenonde gotyo…Ipahápe opa mba’e osẽporãta. Econfia Tupãrehe ha ejerovia umi mba’e porã …oútavare”10.
Amy he’i: “Che mandu’a amoñe’ẽvo upéva añembo’e añandu haĝua Tupã mborayhu, Ha’e añetehápe oĩrõ al tanto chehegui”
Ha’e he’i: “Ajerure’asývo ha agueroviávo Ha’e cherenduha, añandu peteĩ vy’a ha py’aporã tuicháva. Ndaikatúi ojedescribi ñe’ẽ reheve; Che aikuaa Ha’e cherendu ha cherayhuha”.
Ñande ha’égui Itajyrakuéra, Ha’e oikuaa mba’épa ikatu oiko ñandehegui; Ha’e oikuaa ñande kyhyje ha sueñokuéra; Ha’e ovy’a ñande potencial rehe ha oha’arõ jajerure. Chupe ñembo’épe. Ñande ha’ehaguére Itajyrakuéra, ndaha’éi ñandénte ñaikotevẽva hese, Ha’e avei oikotevẽ ñanderehe. Umi tapicha oguapýva ñande jerére ko’aĝa oikotevẽ ñanderehe. Ko mundo oikotevẽ ñanderehe, ha ñande naturaleza divina oheja oiko ñandehegui discipulakuéra de confianza opa Ita’ýra ha tajýrakuérape ĝuarã. Ñañepyrũ vove jahecha pe divinidad ñandepype, ikatúma jahecha ñande rapichakuérape avei.
Ñame’ẽ servicio ñande naturaleza divina rupi.
Pe naturaleza divina ñanemokyre’ỹ jaservi haĝua ñande rapicha kuérape.
Nda’aréi, Sharon Eubank, Servicios Humanitarios ha Organizaciones de beneficiencia SUD Directora, omombe’u peteĩ experiencia okompartiva’ekue élder Glenn L. Pace. Decada 1980 mbytére ojopy Etiopia-pe peteĩ tuicha sequía ha ñembyahýi vai. Ome’ẽ haĝua alivio, oñemoĩ tenda y ha tembi’u reheve umi ikatúvape ĝuarã oĝuahẽ upépe. Peteĩ tuja’i omanóva hína vare’águi oguata mombyry guive oĝuahẽ haĝua peteĩva umi tendápe. Ohasávo peteĩ távare, ohendu peteĩ mitãra’y rasẽ; oheka otopa peve pe mitãra’ýpe oguapýva hína yvýpe isy re’ongue ykére. Ohupi rire pe mitãme, upe kuimba’e oguata 40 kilómetro peteĩ umi tenda oñeme’ẽháme y ha tembi’u peve. Oĝuahẽvo, iñe’ẽ peteĩha ndaha’éikuri, “chevare’a”, terã “chepytyvõmína” ha katu“ ¿Mba’épa ikatumi pejapo ko mitãre? ”11.
Pe naturaleza divina oĩva ñande pype omyandy ñande deseo ñaipytyvõ haĝua ñande rapichakuérape ha ñanemokyre’ỹ ja’actua haĝua. TúvaYvagagua ha Jesucristo ñanepytyvõkuaa jatopa haĝua mbarete jajapo haĝua umícha. ¿Oiménepa Ñandejára oporandu ñandéve: “ ¿Mba’épa ikatu jajapo ko tajýra, hermano, ko túva terã amigo-re?”.
Espíritu Santo ñe’ẽmbegue rupi pe máva odudáva naturaleza divina, oñorairõ rire oguerovia haĝua, ojuhu py’aguapy oguereko jey haĝua fe.
Pe profeta oñe’ẽvo, iñe’ẽnguéra opoko ñande naturaleza divina fibra rehe ha ome’ẽ ñandéve mbarete jasegi haĝua tenonde gotyo.
Santa Cena-pe jeparticipa cada semana ome’ẽ esperanza pe divinidad ñande interior-pe ha ñanemomandu’a Ñandejára Jesucristore.
Apromete peẽme peñeha’ã háicha pedescubri pe naturaleza divina pypukukue oĩva pendepype, peñepyrũta pemagnifikave upe pende precioso don. Peheja pe don tapende guía ha’ehaĝua Itajyrakuéra, ha peguata pe tapére pende gueraha jeýtava Hendápe, “[jajerrestauratahápe] upe Tupã ome’ẽva’ekue [ñandéve] aliento-pe”12. Jesucristo rérape. Amén.