Peteĩ momba’eguasu umi osalvávape
Presidente Dieter F. Uchtdorf rupive
Segundo Consejero Primera Presidencia-gua
Ñambojojárõ ñande Salvador mborayhu, sin duda Ha’e ohovasáta ha ombotuicháta ñane ñeha’ã hekojojáva jasalva hag̃ua ñande matrimonio ha ñamombarete ñane familia.
Ojapo heta ary, aĩkuri Templo Fráncfort, Alemania-pe ha ohenói che atención peteĩ pareja itujámava ojojagarráva hína ojopógui. Pe kyrỹi ha mborayhu ojehechaukáva ojupe opoko che korasõre.
Ndaikuaaporãi mba’érepa upe escena che-impresionaiterei; ikatu pe mborayhu re’ẽ ha’ekuéra okompartíva, ha’éva peteĩ ha’ãnga añetéva perseverancia ha kompromiso rehegua. Hesakã porã upe pareja oguerahaha hetaiterei año oñondive ha pe mborayhu oñandúva ojuehe oĩ vivo gueteri ha imbarete.
Peteĩ sociedad artículo desechable rehegua.
Aguerovia ambue razón upe tierna escena opytahague heta ary chendive ha’e pe contraste oĩva umi actitud ko’aĝagua ndive. Heta sociedad-pe ko mundo-pe, ojogua opa mba’e ha’eha descartable. Peteĩ mba’e oñepyrũvo oñembyai terã ojegasta, terã ñanekane’õ chugui, ñamombo ha ñakambia peteĩ actualizacion rehe, peteĩ mba’e ipyahuvéva terã overavéva.
Jajapo upéicha umi teléfono celular, ao, auto, ha lastimosamente, jepeve ñane relación-kuéra reheve.
Ikatu oĩ porã ñamombo umi mba’e materiálva nañaikotevẽvéimava, ha katu ñañe’ẽramo umi mba’e oguerekóva importancia eterna – ñane matrimonio, ñane familia ha ñande valores – pe jepokuaa ñakambiava’erãha original moderno rehe ikatu ogueru remordimiento pypuku.
Aime agradecido apernetece haguére peteĩ iglesia omomba’eguasúva pe matrimonio ha familia. Iglesia de Jesucristo de los Santos de los Ultimos Dias-gua miembrokuéra ojeikuaa opa ko mundo jerére oguereko haguére matrimonio ha familia porãvéva umi oĩvagui. Aguerovia, kóva, en parte ha’e pe verdad hechapyrãva ojerrestaurava’ekue José Smith rupive, pe matrimonio ha familia ha’eva’erãha eterno. Umi familia ndoguerekói como único objetivo pe ñande tiempo ko yvy’apére taikonvenienteve, ha upéi ñamombo hag̃ua ñaĝuahẽ vove Yvágape, ha katu ha’e pe orden yvágape. Ha’e peteĩ símbolo pe modelo celestial-gui, peteĩ Tupã familia eterna ñemoha’anga.
Ha katu umi matrimonio ha relación familiar mbarete ndoikói ha’ehaguérente tupaogua miembro. Oikotevẽ mba’apo meme ha deliberado. Pe familia eterna doctrina ñanemokyre’ỹva’erã jajapo hag̃ua ñande ñeha’ã porãvéva jasalva ha ñamoporãve haĝua ñane matrimonio ha familia-kuéra. A’admira ha ajepopete umi oñongatúva ha onutríva ko’ã relación esencial ha etérnova.
Ko árape amomorãse umi osalvávape.
Jasalva ñane matrimonio
Añokuéra pukukue ajapókuri ordenaza sellamiento rehegua heta pareja ojohayhúva ha oñeilusionáva rehe. Ndaikuaái maavévape, oñomañávo altar ari, opensáva opataha divorciado terã desconsolado.
Lamentablemente, oĩ opáva upéicha.
Oiméne mba’érepa, ohasávo tiempo ha pe mborayhu romántico color okambia ohóvo, oĩ máva pokã pokã nopensavéi pe ambuéva felicidad rehe ha oñepyrũ ohecha umi falla michĩva. Peteĩ peichagua jerérepe, oĩ umi ojegueraháva pe trágica conclusión rehe hembireko terã imena ndaikatupyryveima, ni ndaidivertido terã naimitãvéimaha; ha por alguna razón opensa hikuái oĩha hustifikado omaña hag̃ua ambue dirección-pe.
Hermanokuéra, kóva pende describírõ oimeháicha peĩ hína pe tapépe pendegueraháva matimonio oñehundíva, óga ojehejareíva ha korasõkuéra ojekáva. Ajerure’asy peẽme pepyta haĝua ko’aĝa, pejere ha tapeho je’y pe tape seguro integridad ha lealtad umi konvéniokuérape . Ha por supuesto umi pricipio oje’aplika avei ñane hermanakuéra ahayhuetévape.
Ko’aĝa ha’éta peteĩ mba’e umi hermanokuéra isoltérova, ojavýva opensávo otopava’erãha pe “kuña perfecta” oñepyrũ hag̃ua peteĩ relación seria terã omenda hag̃ua.
Che hermanokuéra ahayhuetéva, peteĩ ñemomandu’a: oĩ sapy’árõ peteĩ kuñe perfecta, ¿oñe’interesáne piko penderehe?
Tupã plan de felicidad-pe ndajahekái peteĩ máva iperféctova, ha katu peteĩ máva ñamba’apokuaáta ndive, tekove pukukue, jajapo haĝua peteĩ relación mborayhu rehegua odurátava ha iñaĝuítava perfección-gui. Upéva ha’e pe meta.
Hermanokuéra, umi osalváva imatrimonio ontende ko tape oikotevẽha tiempo, paciencia ha opa mba’e ári, Jesucristo expiación jehovasakuéra. Oñeikotevẽ chuguikuéra taipy’aporã, ani oguerekói envidia, ani oheka imba’éva, ani ipochy rei, ani opensa vai, ha tovy’a añetévape. Ambue ñe’ẽme, oñeikotevẽ karida, pe Cristo mborayhu potĩ 1.
Opa umi mba’e ndoikomo’ãi sapy’aitépe. Umi matrimonio guasu oñemopu’ã peteĩ ladrillo a la vez, ára ha ára, opa tekove pukukue.
Ha upéva ha’e noticia porã.
Ha katu noiportái mba’éichapa ipe ñande relación ko’aĝaite, pekontinuarõ pemoĩvo ita’i py’aporã, compasión, atención, sacrificio, comprensión ha altruismo rehegua, tiempo reheve oñepyrũta opu’ã peteĩ tuicha pirámide.
Ojoguarõ upéva oguerahataha hetaiterei tiempo, penemandu’áke: ¡Pe matrimonio oguereko por objeto odura eternidad pukukue! Upévare “Ani penekane’o pejapohaguére iporãva, pemoĩ hína peteĩ [matrimonio guasu] pyenda. Ha umi mba’e michĩvagui ou umi tuicha mba’e”2.
Ikatu ha’e peteĩ mba’apo mbegue, ha katu ndaha’éiva’erã vy’a’ỹre. Añetehápe, ikatu ha’e peteĩ mba’e ojekuaaporãitereíva, ha katu pokãiterei jave oiko peteĩ divorcio mena ha tembireko ovy’arõ.
Upéicharamo ¡Pevy’ake!
Ha hermanokuéra, pesorprendeke pene rembirekokuérape pejapóvo umi mba’e ombovy’átava chupekuéra.
Umi osalváva imatrimonio oiporavo pe vy’a. Añeteháramo oĩramo jepe tipo de depresión crónica oikotevẽva tratamiento especializado, che gusta umi Abraham Lincoln ñe’ẽ: “ Hetave yvyporakuéra ovy’a oñeproponeháicha ovy’a”. Kóva okomplementa pe consejo oĩva umi escritura-pe: “…peheka, ha pejuhúta…”3.
Jahekarõ imperfección ñande mena terã rembirekope, terã mba’érepa ñande pochy hag̃ua ñande matrimonio-pe, jatopáta katuete, opavave jaguerekógui en cierta medida. Ambue hendápe, jahekarõ iporãva, jatopáta katuete avei, opavave jaguerekógui heta cualidad porã avei.
Umi osalváva pe matrimonio, oipe’a ñanandy ha orrega umi yvoty; omomba’eguasu umi tembiapo porã, michĩrõ jepe, omombáyva karidad temiandu ñande pype. Umi osalváva pe matrimonio osalva avei umi generación oúvape.
Hermanokuéra, penemandu’áke mba’érepa peñe’enamorákuri.
Peñeha’ẽ cada día pene matrimonio imbareteve ha horyve hag̃ua.
Che amigokuéra ahayhuetéva, ñamoĩ ñane ñeha’ã porãvéva ñaime hag̃ua umi ánga jehovasapyréva ha ovy’avéva osalváva imatrimonio apytépe.
Jasalva ñane familia.
Ko árape amomorãse avei umi osalváva pe relación ifamilia ndive. Opaite familia oikotevẽ ojesalva.
Hechapyrãrõ jepe ko tupao ojeikuaa ifamiliakuéra mbaretére, ikatu py’ỹi ñañandu upéva oho opaite ambue SUD familiakuéra rehe ha ñande mba’éva añónte katu nahániri. Añetehápe ndaipóri familia iperféctava.
Opa familia oguereko imomento incómodo.
Pende túva ojerurerõ peẽme peñetoma hag̃ua peteĩ “selfie” hendivekuéra, terã pende tia-abuéla he’irõ peẽme pendesolteroha pende chi’õitereígui, terã pende cuñado caprichoso opensáramo ivisión política ha’eha pe Evangelio visión, terã pende túva ojapóramo arreglo peñeguenohẽ haĝua peteĩ foto familiar opavave peñemondehápe peteĩ ipelícula favorita personáheicha.
Ha peẽme otoka pejedisfrasa Chewbacca-gui. [personaje película “La guerra de las galaxias” pegua].
Upéicha ningo familiakuéra.
Ñakompartíramo jepe umi genes, nañandejojái. Jaguereko espíritu únikova. Umi experiencia omba’apo ñande’ári heta lájaicha ha upévare, cada uno ipahápe ñane diferente.
Ñañeha’ã rangue opavave oike ñande molde-pe, ikatu jaiporavo ñamomorã umi diferencia ha ja’agradece hesekuéra, omoporãvégui ñande rekove ha omyanyhẽ sorpresa-gui.
Upevérõ, sapy’ánte oĩ ñane familia apytépe oiporavo vaíva terã ojapóva mba’e idesconsiderádova, ñanembohasýva terã ndahekojojáiva. ¿Mba’épa jajapova’erã umichahápe?.
Ndaipóri peteĩ solución oservíva cada situación-pe ĝuarã. Umi osalváva ifamíliape oguereko éxito ohekágui iconyuge ha ifamilia consejo, oñeha’ãgui ojapo Ñandejára voluntad ha ohendu umi Espiritu Santo ñe’ẽmbegue. Ha’ekuéra oikuaa peteĩ mba’e oikóva peteĩ famíliape ĝuarã ikatu ndoikói ambuévape ĝuarã.
Oimeháicha, oĩ peteĩ mba’e opavave ikatúva jajapo ha oservíva opa casokuérape.
Libro de Mormón-pe ña’aprende peteĩ tavayguágui odescubriva’ekue pe secreto de la felicidad. Heta generación aja, “…ndaipóri joavy…ha añetehápe ndaikatúi oĩ tavayguakuéra ovy’avéva opa tavayguakuéra Tupã ojapova’ekue apytépe”. ¿Mba’éichapa ohupyty hikuái upéva?… “…Tupã mborayhu oĩva tavayguakuéra korasõme rupive”4.
Taha’e ha’éva umi problema pende familia ombohovakéva, taha’e ha’éva pejapova’erã pesoluciona hag̃ua, pe solución ñepyrũha ha paha ha’e pe karida, Cristo mborayhu potĩ. Upe mborayhu’ỹre, jepe umi familia ojoguáva iperfectavéva osufri. Mborayhu reheve, jepe umi familia ohasa’asyvéva oho tenonde gotyo.
“… pe karida ndopáigui araka’eve”5.
¡Péva ha’e peteĩ realidad jasalva hag̃ua pe matrimonio ha jasalva hag̃ua ñane familia-pe!
Pemboyke pe orgullo.
Pe karida enemigo tuichavéva ningo ha’e pe orgullo, ha avei peteĩ razón principal umi matrimonio ha familia jehasa’asy rehegua. Pe orgullo ipaciencia pokã ha ijargel ha iñenvidioso avei. Pe orgullo ombotuicha imbarete ha ndohechakuaái ambuéva mba’e porã. Pe orgullo ijegoista ha ipochyparei; ohecha mba’e vai ndaiporihápe ha omokañy ikangykue ñembotuicha gua’u reheve. Pe orgullo icinico ha ipesimista, ipochy ha iñimpaciente. Ambue ñe’ẽme, Karida ha’érõ Cristo mborayhu potĩ, upéicharamo, orgullo ha’e pe característica odefiníva Satanás-pe.
Pe orgullo ikatu peteĩ yvypóra jejavy; upevére ndaha’éi ñande herencia espiritual ha nahendái umi oguerekóva pe Tupã sacerdocio apytépe.
Ko tekove mbyky, hermanokuéra. Umi remordimiento ikatu odura puku: oĩ oguerekótava repercusión okontinuáva eternidad-pe.
Mba’éichapa petrata pene rembireko, ta’ýra, tajyra túva, sy terã hermanokuérape ikatu oinflui umi generación oútavape. ¿Mba’e legado-pa pehejase pende posteridad-pe? ¿Peteĩ legado ñe’ẽ hatã, venganza, pochy, kyhyje terã ñemomombyry rehegua? ¿Terã peteĩ mborayhu, humildad, perdón, compasión, kakuaa espiritual ha joaju rehegua?
Opavave ñanemandu’ava’erã: “…huisio misericordia’ỹrẽ ojejapóta umi ndohechaukáivape misericordia”6.
Pende relación familiar, ha pende ánga ñeimeporãrã rehe, por favor tapenemisericordioso, porque “…pe misericordia otriunfa huísio ári”7.
Pemboyke pe orgullo
Pejerurerõ disculpa añetéva pende ra’y ha rajy, pende rembyreko, familia terã amigokuérape ndaha’éi penekangy haguére ha katu penembarete haguére. Peguerekóvo razón piko iñimportanteve peẽme ĝuarã pefomenta rangue peteĩ ambiente pytyvõ, ñemonguera ha mborayhu rehegua?
Pemopu’ã puentekuéra; ani pehundi.
Ndaha’éirõ jepeve peẽ kulpable, ha ikatu especialmente ndaha’éirõ, peheja pe mborayhu togana orgullo ári.
Pejaporõ upéva, taha’e ha’éva jehasa’asy pembohovakéva, ohasáta ha Tupã mborayhu oĩva pene korasõme rupive, pe contención osẽta. Ko’ã principio ojesalva hag̃ua relación-kuéra oje’aplika opavave ñandévepe, noimportái taha’e omendáva, ojedivorciáva, viudo terã soltero. Opavave ikatu ha’e familia mbarete salvadorkuéra.
Pe mborayhu tuichavéva.
Hermanokuéra, ñaneñeha’ãme jasalva hag̃ua matrimonio ha familiakuérape, oikoháicha opa mba’épe, jaseguíkena pe Ñandesalváva ehemplo. Pe Salvador ogana “ñane ánga mborayhu reheve”8. Jesucristo ha’e ñande maestro. Hembiapo ha’e ñane rembiapo. Ha’e peteĩ salvación rembiapo, ha oñepyrũ ñande rógape.
Pe mborayhu, salvación plan-pe, idesinteresádo ha oñeha’ã tapichakuéra ñeimeporãre. Péva ha’e mborayhu ñande Ru Yvagapegua oñandúva ñanderehe.
Jakopiávo pe Salvador mborayhu, Ha’e añetehápe ñanderovasáta ha ombotuicháta umi ñeha’ã jajapóva jasalva hag̃ua ñane matrimonio ha ñamombarete hag̃ua ñane familia.
Ñandejára tohovasa pene ñeha’ã mbarete ha hekojojáva peime hag̃ua umi osalváva apytépe. Péva ha’e che ñembo’e. Jesucristo rérape. Amén.