Pe divinidad poder
Élder Kent F. Richards rupive
Setenta-gua
Káda templo ha’e peteĩ sagrado ha santo Tupã Róga, ikatuhápe jaikuaa ha ña’aprende umi divinidad poder rehegua.
Sa’i mése profeta José Smith omano mboyve, ha’e iñembyaty umi Doce ndive ohesa’ỹijo hağua mba’épa umi oñeikotevẽvéva Tupaópe umi momentos difíciles-pe. Ha’e he’i: “Ñaikotevẽ peteĩ templo-re opa mba’e ári”1. Añetete, ko’ã tiempos difíciles-pe, ñande ha ñande rogaguakuéra ñaikotevẽ peteĩ templo-re opa mba’e ári.
Ramoite, peteĩ templo dedicación-hápe, añeñandu emocionado opa umi experiencia-re. Che encanta pe programa puertas abiertas rehegua ha ñemomaitei, heta umi oúvape ohecha upe templo; avy’a pe celebración cultural-pe mbarete ha kyre’ỹ ohechaukávare umi imitãva, oñembojoapýva umi sesiones de la dedicación iporãitévare. Oñeñandu peteĩ espíritu he’ẽvéva. Heta ojehovasákuri. Ára iko’ẽvovape, che rembireko ha che roho baptisterio-pe rojapo hağua ñemongarai ore ypykuérare. Ahupívo che jyva añepyrῦ hağua upe ordenanza, añeñandu sobrecogido pe Espíritu poder-re. Hesakã jey chéve pe templo poder añete oĩha ordenanza-kuérape.
Ñandejára orrevelaháicha, pe Sacerdocio de Melquisedec plenitud oĩ templo ha iñordenansakuérape, “ipype oñeme’ẽgui umi santo sacerdocio lláve, perresivi hağua honra ha gloria”2. “Upéicharõ, iñordenansakuérape ojehechauka divinidad poder”3. Ko promesa niko peẽme ha pene familia-kuérape ğuarã.
Ñane responsabilidad ha’e “tajarresivi” umi ñande Ru ome’ẽva ñandéve4. “Umi orresivívape oñeme’ẽtagui hetave, jaikua hağua, poder”5: poder jarresivi hağua opa Ha’e ikatúva ome’ẽ ñandéve, ha ome’ẽtava, ko’áğa ha eternidad pukukue 6; ikatu hağuáicha oiko ñandehegui Tupã ra’y ha rajyrakuéra 7, poder jaikuaa hağua “umi yvága poderes-kuéra”8; poder ñañe’ẽ hağua Hérape9 ha jarresivi hağua pe “poder [I] Espíritu rehegua”10. Ko’ã poderes-kuéra oñemoĩ peteĩteĩ ñande disposición-pe templo ordenansa ha konveniokuéra rupi.
Nefi ohecha ñande ára tuicha ivisiónpe: “Ha ojehu che, Nefi, ahecha pe poder Cordero de Dios oguejy Tupaogua Cordero santo-kuéra ári ha pueblo del convenio Ñandejára mba’évagui, isarambipáva ko yvy ari; ha oreko arma ramo, pe rectitud ha Tupã poder tuicha gloria reheve”11.
Ramoite, areko privilegio aime hağua peteĩ templo programa de puertas abiertas-hápe presidente Russell M. Nelson ha hogayguándi; ha’e ombyaty chupekuéra altar de sellamiento jerére ha o’explika opa mba’e jajapóva Tupaópe —opa aty, actividad, lección ha opa servicio— oreko propósito ramo ñanembosako’i peteĩteĩ jaju hağua templo-pe ha ñañesῦ altar ykére jarresivi hağua opa umi tovasapy opromete’akue Túva eternidad pe ğuarã12.
Ñañanduháicha umi templo rovasapy ñande rekovépe, ñane korasõ ojeréta ñande rogaygua gotyo, umi ñande rogaygua oikovéva ha umi omanomava’ekuére.
Ramoite ahecha mba’éichapa peteĩ familia tres generaciones-gua ojapo ñembogarai ijypykuérape ğuarã. Avei pe abuela opartisipa, ñepyrῦrã oduda ramo jepe oñapymítapa ýpe. Ha’e osẽvo upe ýgui, o’añuã iménape hesay reheve gozo-gui. Upéi, pe abuelo ha pe túva oñemongarai ojupe ha heta inietokuérape. ¿Mba’e gozo tuichavéva kóvagui ikatu o’experimenta oñondive umi ogaygua miembro-kuéra? Káda templo oĩ peteĩ horario prioridad reheve umi familia-pe ğuarã opermitíva orreserva peteĩ tiempo ifamilia-pe ğuarã baptisterio-pe.
Omano mboyvemi, presidente Joseph F. Smith orresivi pe visión omanóva redención rehegua. Ha’e ombo’e umi oĩva mundo de los espíritus-pe odependepaiteha umi ordenanzas-kuéragui ñande jarresivíva ifavorpe. Pe revelación he’i: “Umi omanóva oñearrepentíva oñerredimíta, iñobediencia rupi Tupã róga ordenanzas-kuérape”13. Ñande jarresivi umi ordenanza-kuéra ifavor-pe, ha katu ha’ekuéra umi ojapóva convenios-kuéra ohóva káda ordenanza-re. Añete, templo-pe, pe vélo ipererĩ ñandéve ğuarã, ha chupekuéra katu, ojeipaite.
¿Mba’épa, upéicharo, ñane responsabilidad personal ko tembiapóre, taha’e participante térã obrero ramo? Pe profeta José Smith ombo’e santokuérape 1840 pe ”oñeikotevẽta peteĩ ñeha’ã tuichaitévare ha oñeikotevẽta recurso-kuéra—ha oñeikotevẽháicha pe tembiapo [templo-pe ojejapótava] ta’ipya’e rectitud reheve, okonveni umi santos okonsida ko’ã mba’e importancia,… ha upéi tojapyhy umi medida iporãva ojapo hağua; tahenyhẽ valor-gui, torresolve ojapo opa mba’e ikatúva ha oñandu interés tuicháva ipypekuéra opa umi tembiapo odependieramoguáicha hese hembiapo individual”14.
Apocalipsis libro-pe, jalee:
“Ko’ã oñemonde morotĩmbáva, ¿mávapa ha’ekuéra ha moõgui ou?
“… Ko’ãva ha’e umi osẽva’ekue tuicha tribulación-gui; ha ojohéikuri ijaokuéra ha omomorotĩ Cordero ruguýpe.
“Upévare oĩ Tupã trono rovái ha oservíva ára ha pyhare itémplope; ha pe oguapýva trono-pe omyasãita ipabellón hi’arikuéra”15.
¿Ikatu piko pehecha pene akãme umi oservíva templo-pe ko árape?
Oĩ niko 120.000 rasa rupi obreros de ordenanzas umi 150 templos omba’apóvape hína mundo jerére, ha oĩ oportunidades hetave ikatu hağuáicha oreko ko experiencia he’ẽtéva. Presidente Gordon B. Hinckley o’anunsia ramoguare pe concepto heta templos pequeños jareko ko mundo-pe, ombo’e “opa umi ordenanza-kuéra obreros ha’etaha umi upepegua omba’apóva ambue kárgope umi várrio ha estaca-kuérape”16. Heta jey, oñehenói obrero ramo toservi mokõi térã mbohapy áño pukukue, ikatúre ohove. Nde’iséi reñehenói ramo, nde reĩtaha upépe indefinidamente ikatu aja. Heta obrero-kuéra oserviva heta ára pukukue, irrelévo rire ogueraha hendie imborayhu templo-re ha upéicha opermiti obreros pyahu ikatu oservi.
Ojapo aimete cien áño, pe apóstol John A. Widtsoe ombo’e: “Ñaikotevẽve obrero ojapo hağua [ko] obra maravillosa… Ñaikotevẽ hetave converso obra del templo-pe, opáichagua edapegua... Ko ñeha’ã pyahu obra del templo ojapo hağua, oğuahẽma hora jaguerúvo servicio activo-pe opa edagua… Pe templo rembiapo… oupora imitãva ha personas activas-pe ğuarã, ha’eháicha umi okakuaavévape ğuarã, ohejáva’ekue ijatukupépe umi hekove kargakuéra. Pe imitãva tekotevẽ oĩve templo-pe itúva térã ijabuelokuéragui, umi ohupyetýva hetave estabilidad peteĩ tekove henyhẽva experiencia-gui; ha pe mitãkuña oğuahẽva hína edad adulta-pe, oikotevẽ pe espíritu, influencia ha guía ojerresivíva ojepartisipávo templo ordenanzas-kuerahápe”17.
Heta templo-hápe, umi presidente templo-kueragua o’acepta umi misioneros oñehenói ramóva ha investido, élderes ha hermana-kuérape, oservi hağua ordenanzas obrero-kuéra ramo sapy’aite oho mboyve aja CCM-pe. Ko’ã imitãva, ojehovasa rire ipytyvore, “ome’ẽve porãngue ha espíritu-pe opa umi oservíva templo-pe”18.
Ajerurékuri heta imitãva oservíva’ekuépe yma imision mboyve ha imision rire, tokomparti oñandúva. Omombe’úvo iñexperienciakuéra templo-pe, ha’ekuéra oipuru frases ko’ãichagua:
Aservívo templo-pe,…
-
areko “pe sentimiento aimeha ağui che Ru ha Ñandejáragui”;
-
añeñandu “opaite py’aguapy ha felicidad reheve”,
-
añeñandu aĩha “ógape”;
-
arresivi “santidad, poder ha mbarete”;
-
añandu “umi che convenios sagrados importancia”;
-
“pe templo-gui oiko peteĩ che pehẽnguevaicha”;
-
“umi ordenanza aja, umi jaservíva oĩ ağui”;
-
“ome’ẽ chéve mbarete ambohovái hağua tentaciones-kuéra”; ha
-
“pe templo omoambue che rekove akoiete ğuarã”19.
Templo-pe jeservi ha’e peteĩ rica ha imbaretéva experiencia opa edápe ğuarã; oĩ avei umi parejas omenda ramóva oservíva oñondive. Presidente Nelson ombo’e: “Pe servicio… templo-pe niko peteĩ tembiapo sublime familia-kuérape ğuarã”20. Umi ordenanzas-kuérapegua obreros orresivikuévo umi ordenanzas ijypykuéra favor-pe, ikatu o’ofisia umi ordenanza imba’erãkuérape.
Ha’iháicha presidente Wilford Woodruff:
“¿Mba’e llamamiento tuichavévapa ikatu oreko peteĩ kuimba’e [térã kuña] yvy ape ári, pe orekóvagui ipópe poder ha autoridad osẽ ha o’administra hağua umi ordenanzas salvación-rã?…
“… Peteĩgui niko oiko instrumento Tupã pópe ánga salvación-rã. Ndaipóri mba’eve oñeme’ẽva’ekue kuimba’e ra’ykuérape oñembojojáva kóvandi”21.
Avei he’i:
“Oñeme’ẽta chupekuéra umi Santo Espíritu impresiones he’ẽvéva; ha sapy’ánte ombojoajúta hesekuéra umi yvagagua tesoro-kuéra ha ángeles comunión-kuéra”22.
“Kóvare ovale la pena jasacrifika opa ikatúva umi sa’i áño ñaimeháme ñande ro’ópe”23.
Presidente Monson ramoite ñanemomandu’a “umi templo rovasapy ijojaha’ỹha”24. “Mba’evéichagua sacrificio ndatuichaitéi”25.
Peju templo-pe, peju py’ỹi, peju pene familia-ndi ha pene familia rehehápe. Peju, ha peipytyvõ ambuépe ou hağua avei.
“Ko’ã oñemonde morotĩmbáva, ¿mávapa ha’ekuéra…?” Che hermano ha hermana-kuéra, ¡ha’ekuéra niko peẽ! Peẽ, perresivi’akue umi templo ordenanza-kuéra, pekumplíva ikonveniokuéra sacrificio-re jepeve; peẽ peipytyvõva hína pene familiakuérape ojuhu hağua servicio templo-pegua rovasapy ha, upekuévo, peipytyvõva ambuekuérape. ¡Gracias pende servicio-re! Atestifika peẽme káda templo ha’eha sagrado ha sant Tupã Róga, ha ipype, ikatuha jaikuaa ha ña’aprende umi divinidad poderes-gui. Jesucristo rérape. Amén.