Ewe ellet ren mettoch meinisin
Emon me emon kich mei wor wisach sipwe fori met mei namwot ren ach sipwe angei me anomwu ach enetin nuku.
Sa feito ikanai non apinukunuk me nuku non ekoch an, sipwe nonom non pechekun me feioch seni manamanen ewe Ngun mi Fel, ewe a emweni kich ngeni ewe ellet.iei met upwe kapas won usun an emon me emon epwe kuta ewe ellet.
Nupwen ngang mi chiwen kukun, a fen chommong ai kapas eis faniten ei Mwichefen. Ekoch ai kapas eis mi pung. Ekkoch rese fateoch ren.
Uwa pwan fos ngeni inei we won ai kewe kapas eis. Uwa nuku pwe epwe mefi pwe aikewe kapas eis mi pung me uwa apasa seni netipei. Uwa ekieki pwe inei we epwe tipengaw me anini ngeni ei ren ai kewe kapas eis. Nge apw, esap fori met upwe tipengaw ren, ren ai kapas. A ausening ngeni me a achocho ngeni an epwe pwenuwenir. A sinei pwe ika epwe era meinisin mine epwe apasa iwe mi chek pwan wor met upwe pwan ani kapas eis, iwe achek iei met a era: “David, amen mwurino omw kapas eis. Ika kopwetiniken ne anea ewe pukfel me ikiotek kopwe sinei pwenuwen omw kana kapas eis, pwata kosekosefori ekewe metoch ka sinei pwe mi pung kopwe fori me kosap fori ekkewe mettoch kemi sinei pwe ese pung omw kopwe fori? Iwe ren ei a tongeni anisiei ne kuta ewe ellet. Ren ai uwa achocho ne kaeo, iotek, me uwa apwenuweta ekewe annuk, iwe uwa kuna pwenuwen ai kewe kapas eis mi aujea. Ekewe kapaas eis a anapano ai nuku,nikitu me pwarata usur.
Inei we a ngeni ei ew anen ai upwe kuta pwenuwer ren an epwe mamarita ai nuku. I a sinei pwe pwenuwan kewe mi auchea epwe feito seni ai kuta ewe aan mi ellet usun Samach won lang a amwonata. A sinei pwe uwa mochen kuta ewe ellet. A sinei pwe uwa kapas ennet non ai kapas eis me uwa mwonota ngeni ai upwe fori met uwa fen sinei pwe mi ellet. I a sinei pwe ika uwa anapano ai kaeo me ai iotek epwe napano ai nikitu nupwen uwa angei pwenuwer seni ewe Samol. Ika sise mwonota me nikitu sa tongeni kutaechu ewe ellet seni ewe Samol pwe sipwe sinei ewe ellet.
Iwe non ena fansoun uwa sinei pwe inei a atiei usun ai upwe kuta ewe ellet seni Samach Kot won lang. Nupwen uwa kuna pwenuwer, ai we nuku a marino, me uwa pwan etiwa keke ei.
Arapakan ewe fansoun, ren ai mission, nupwen uwa sinei me nuku pwe ei mwichefel mi ellet me Joseph Smith I ewe soufosun Kot. Ngang uwa mefi usun an President Thomas SMonson afanafan non ach ewe pwan ew mwichenap: “Ika ese wor ach pechekun ne pwarata usun ekei mettoch, iwe mi ech sipwe fori pwe sipwe angei pwan ew. Mi fokkun auchea me namot ami oupwe pechekun non ami pwarata non ekei fansoun mi weires. Ren an ekkoch pwarata mi chek oukuk an anisikemi. Ngang uwa sinei met a auchea. A namwot sipwe anea ewe Puken Mormon ren ennetin netip me sipwe tingor ren Kot faniten mine mi ellet.
Oupwe ausening ngeni ewe pwon samach Kot won lang afen ngeni ewe soufos Moronai a apasa nupwen sipwe angei ekei metoch, sipwe eis ren Kot, ewe Sam ese much non iten krais ika ekkei metoch ese ellet. Ika sia tungor ren elletin netipach, fiti elletin ach nuku, non krais, iwe Samach Kot won lang epwe pwari ngenikemi ewe ellet meren manamanen ewe Ngun mi Fel.
Ngang uwa aucheani ai upwe anea ewe puken Mormon non tetenechun. Uwa poputa seni nepoputan ewe book me uwa anea iteitan raan. A mwitir ai angei ekkoch pwarata seni. Nge ren ekkoch mi pwan tam fansoun me fansoun ar iotek naman apwan pachenong ar anea ekkoch fansoun. Ngang uwa mochen ai upwe awesano ewe Puk me mwen ai angei ewe pwonen pwarata. Elletin pwe Kot a pwar ngeniei ewe ellet meren ewe Ngun mi Fel.
Non nei we taropwen missionary, uwa fokkun pwapwa pwe uwa sinei ewe ellet uwa ani ren ai wesewesen kuta seni ennetin netipei me ennetin ew popun fiti ai fofor iwe upwe kuna ewe ellet. Uwa makkei: “Uwa fori ew pwon nefinei me Samach Kot won lang pwe upwe angang ngeni I non ranin manawei ren met uwa apasa upwe chek fori, ren iei mi chek wateno ai ei fansoun angangen mission me upwe anganga ai we mission an epwe mwurino noo, ei use mefi ai tipengaw ren. Pwe use fori ei ren pwusin tufichi nge faniten ewe Samol. Uwa tongei ewe Samol, me uwa tongei ei angang, me uwa chek iotek pwe ei sokkun memef esap tongeni mwenuk seniei.
Uwa nuku pwe ika sipwe nikitu won ekewe metoch mi nimenimeoch me pechekun won aier me epwenuweta ekewe annuk iwe sisap mwenuki usun met sia fen mefi. Soufos Monson a apasa, pwe a namwot sipwe pechekun non ach testinmoni fiti ach sipwe aneasochisi ekewe anukun Kot usun ach sipwe achocho ne iotek me anea pukfel.
Non ekewe ier, uwa tungorei ekewe missionary me ekewe sarafo non unusen fonufan ifa usun ar testimony epwe fefeita ren ar repwe kuta ewe ellet ren pusin ir. Napengenir ra pwenuweni ren ar angang weires a anapano ar pwarata usun ar finata pwe repwe aneani ewe Puken Mormon, won pwusin winnkaper seni nepoputan, me ra tungor ren Kot ika pwe mi ellet. Ei sokkun fofor, ra finata usun ar fori ei napseni an ekoch repwe fori faniter.
Sipwe sinei ewe ellet, sipwe nonom non ewe kapas allimme “kaeo” won fonufan. Sia angei eureurach pwe sisap uu ngeni ewe Ngunun ewe Samol.Aier a epwenu ngeni pechekunen ekiek owm kopwe emwechu ekewe annuk, a namwot ngeni emon me emon sipwe kuna ewe ellet.Mi ennet, kich sipwe mwochen ach sipwe “peutano meinisin” ach tipis pwe sipwe sinei ewe ennet.
Sa angei annuk ach sipwe kuta ach sipwe kaeo me sipwe anea ewe Pukfel fiti ach nuku me sipwe kuta ewe puk mi mwurino faniten kapasen emirit.Ach kuta ewe ellet a anongonong won ei Puk a emwenechu kich. Usun mwurinon ekewe wokisin me an ewe soufos mi manaw kapas.
Soufos Monson a tungor ngeni emon me emon kich pwe sipwe “fori [met]” ach sipwe angei me anomwu ach pechekunen nuku. Met mi namwot omw kopwe fori pwe epwe mar me pechekun omw pwarata? Emon me emon kich me ach sekinin won winikapan iei met mi auchea kopwe pechekun me kamwechunuk non omw pwarata.
Sipwe nikitu ne amwechunuku ach pwon nupwen sa “fori[met] mei namwot” ach sipwe angei penuwan seni ewe Samol ew kinikinin an Kot kewe pekin kaeo ngeni ewe ellet. Akaewin nupwen sipwe weires ren och mettoch sa tongeni ani nikitu me tipepos pun epwe pwenuweta netipen ewe Samol. Nikitu non nuku epwe awateno ach aramasech, awateno ach mwochen sipwe sinei ewe ellet, me mwut ngeni ewe Ngun mi Fel epwe emwenikich non anen mirit, pwe sipwe tumun, feioch, me mamarita.
Ngang me pwunuwei, Mary, mi wor ewe emon aiwa fokkun tongei pwe mi wor an riafou non manawan iwe mwo a etiwa ewe Mwichefel. Mi tongei ewe kapas allim, mi pwan tongei ewe Mwichefel nge mi chek chiwen wor an kapas eis. Afen eriri non Temple, mi pwan achocho ne fiti faan, epwenuweta kokon, me I emon inenap mi mwurino. Non ekkewe ier, afen fori ekewe metoch a sinei pwe pung me ese fori ekewe metoch mi sinei pwe mi mwan. A sopweno ne apwunuweta an we pwon. Seni ena fansoun, a unusen pwapwa me a pechekun an nuku seni pwan ekkoch.
Ese mwo pwon nge nour ewe bishop a korir me pwunuwan we me a tungorer ar repwe etiwa ne ani ewe angangen non temple faniten ekewe ir mi mochen eriri non temple. Ra mairu ren ei wis ra koko ngeni, nge ra etiwa me ra poputani ar angang non imwen ewe Samol. Nour ewe aat ekan wisen angang won pekin uruwon family me kuta iten ekewe family rese mwo fori angangen non temple. Nupwen ra fotupwukutiw unukun ewe rongen asor iwe ra fori ewe angangen eriri non, ei ewe metoch amen apwapwa ngenir, emon fefin mi ani nikitu fansoun nangatam akukuta an epwe sinei fichi usun ewe ellet iei a wesewesen sinei pwe angangen non temple mi pung me ellet. A kokori inan ewe o a aporousa ngeni met a weweiti iei ese chiwen wor an kapas pwe a sinei pwe ewe temple mi ellet, angangen non temple mi pwan ellet, ewe mwichefel mi pwan ellet. Inan ewe pwapwa fiti kechiw ren an tongei, Kot a nikitu ngeni ach sipwe kukuta ii.
Nikitu ne komwechenuk won om pwon pwe kopwe feioch nesopwonon manawom.
Uwa elletin kuna ewe pwon seni samach Kot won lang a feito seni manamanen ewe Ngun mi Fel, ewe Ngun mi Fel a tongeni pwar ngeni kich ekkewe mettoch meinisin mi ellet. Ika sise sinei metoch meinisin, nge kich mi tongeni sinei ewe ellet. Sa tongeni sinei pwe ewe puken Mormon mi ellet. Ewer, Preseten Russel M. Nelson a aitikich iei neonowas, kich mei tongeni “mefi, non anononun netipach [nengeniAlma 13:27], pwe ewe Puken Mormon mei unusen ennet pwe ewe kapasen Kot.” Me kich sipwe tongeni “mefi non anononun netipach sisapw tongeni nomw non ew ran nge esapw nomw rech.”
Kich sia tongeni sinei pwe Kot ii samach, ewe mei tongei kick, me neun we at, Jises Christ, ii ach chon amanaw me chon angasakich. Kich sipwe tongeni sinei pwe chon an ewe mwichefel repwe tumun me iteiten wiik repwe angei ewe sakramen epwe anisikich me ach family repwe seif. Sipwe tongeni sinei pw each fori angangen non temple, famine repwe tongeni nomw fengen tori feinfeino. Sipwe tongeni sinei pwe an Jises Christ mano me ewe feiechun aier me omwusano tipisin ekkoch ra ennet me pung. Sipwe tongeni sinei pwe atongeach neun Kot chon angang, Preseten Thomas S. Monson, ewe neun ach Samol chon angang me kewe chon aninis me ekkewe engon me ruemen aposol, chon angang ngeni Kot, tipachem, me chon pwarata.
Kei meinisin uwa sinei pwe mei ennet me pwarata non ewe iten Jises Christ, amen.