Pe Ministerio inspirado
Jarrecibiporãve Espíritu Santo ñamba’apóramo ambue servicio-pe. Upévare jareko responsabilidad sacerdocio-pe jaservi haĝua Salvador rérape.
Che hermanokuéra ahayhúva, che aguije ko privilegio arekóva añe’ẽvo ko histórica conferencia general-jave. Ña’sostenema kuri presidente Russell M. Nelson como decimo séptimo Presidente de La Iglesia de Jesucristo de los Santos de los Últimos Días. Arekóvo pe bendición amba’apóvo hendive ára ha ára, añandúva’ekue pe Espíritu confirmación presidente Nelson-pe Tupã ohenoihague omotenonde haĝua Itupao añeteguáva.
Areko avei peteĩ testimonio Tupã ohenóihague élder Gerrit W. Gong ha élder Ulisses Soares oservi haĝua como miembro del Cuórum de los Doce Apóstoles. Che ahayhu ha ajepytaso hendivekuéra. Iministériokuéra rupive, ha’ekuéra ohovasáta heta tekove ko mundo-pe.
Ko conferencia ha’e avei histórica ko’ã razón reheve. Presidente Nelson omombe’u peteĩ inspirado avance ko plan organizado Tupã orekóva Itupaope guarã. Ko plan oreko peteĩ estructura ipyahúva umi cuórum sacerdocio-pegua barrio ha estacakuérape ikatu haĝuaicha jajapo porãve haĝua ñande responsabilidad sacerdocio-pegua. Opa umi responsabilidad he’ise mba’éichapa umi poseedor del sacerdocio oñangarekova’erã Tupá ra’ykuérare.
Tupã Ñandejára plan Isantokuérare oñeñatende haĝua mborayhúpe ojejapo opa árajave ha heta manera. Umi ára oñepyrũrõguare Nauvoo-pe, pe profeta José Smith oikotevẽ oñe’organiza oñe’ñatende haĝua heta conversokuérare, heta oĩ ijapytepekuéra imboriahúva, oúva pe ciudad-pe. Cuatro che bisabuelokuéra oĩva’ekue ijapytepekuéra: los Eyring, los Bennion, los Romney y los Smith. Pe Profeta omohenda santokuéra cuidado según la geografía. Illinois-pe, pe división ciudad-pegua oñehenóiva’ekue “barrios”.
Santokuéra ohasávo llanura rupi, oñatende haĝua ojuehe oñeoragniza en “compañías”. Peteĩ che bisabuelo oúva imisión pe ko’aĝa oñehenóivagui Oklahoma ojotopa tapére peteĩ compañía-ndi. Ikangypávo pe mba’asy ha’e ha icompañero orekóva rupi, oñeno hikuái peteĩ carromato’ipe.
Peteĩ líder compañíapegua ohenói mokõi mitãkuñame oipytyvõ haĝua opa oikotevẽvape oĩva pe carromátope. Peteĩ hermana, ha’éva conversa Suizapegua, ohecha peteĩ misionero ha oiporayhuvereko chupe. Ha’e ojesalva oĩgui pe compañía santokuérandi. Okuera porã guive oguata haĝua tapére oguahẽ meve Valle del Lago Saladope pe mitãkuña chupe osalvava’ekue ndi ijykere. Oñe’enamora ha omenda hikuai. Ha’e ha’ékuri che bisabuelo Henry Eyring, ha ha’e che bisabuela Maria Bommeli Eyring.
Heta áño ohasa rire, umi hente omombe’úva ijetu’uete hague ocruzávo hikuái peteĩ continente, ha’e he’i: “Oh kóva ndahasýikuri. Roguata jave, roñemongeta tape ykére pe milagro ha’éva rojuhu hague ko Jesucristo evanghelio añeteguáva. Ko época rohasava’ekue vy’ápe ko’aĝaite péve che mandu’a porãva”.
Upe ára guive, Ñandejára oipuru heta forma oipytyvõ haĝua Isantokuérape oñatende haĝua ojuehe. Ko’aĝa ha’e ñande bendeción cuórum rupive omombarete ha ombojoaju umi barrio ha estaca pegua; cuórum-pegua omba’apóva oñondive opa umi organización ibarriopegua ndive.
Umi barrio municipal ha avei compañía ha cuórums pegua imbareterõ jepe oikotevẽ al menos mokõi mba’e oreko haĝua éxito Ñandejára propósito Ita’ýrakuéra oñatende haĝua ojuehe Ha’e oñatendeháicha hesekuéra. Oreko hikuai éxito umi santo oñandujave Cristo mborayhu ojoayhuvo peteĩva ambuéicha omoykerõ hikuai interés personal. Escriturape oñehenóiva “karida…ha’eva Cristo mborayhu potĩ” (Moroni 7:47). Ha oreko hikuai éxito Espíritu Santo oguía jave pe oñatendévape ambuére oikuaa haĝua mba’épa Ñandejára oikuaa oĩporãveta umi tapicha oñepytyvõtavape ĝuarã.
Jey jey ko última semanape, tupaopegua miembrokuéra omba’apo chéndive, de alguna manera ha’etevaicha, hikuai oikuaama mba’épa Ñandejára oipota ojejapo, oñemombe’u hagueicha ko árape. Acompartita penendive mokõi ejemplo. Primero, peteĩ simple discurso reunión sacramental jave, peteĩ maestro de 14 años del Sacerdocio Aarónico omombe’u, ha’e oikuaaha mba’épa umi poseedor del sacerdocio ikatu ohupyty Tupãme rérape omba’apojave. Segundo, peteĩ poseedor del Sacerdocio de Melquisedec, Cristo mborayhu potĩ rupive, oñandu inspiración mba’éichapa ikatu oservi peteĩ familiape.
Primero,acompartita ko mitãrusu ñe’ẽ odiscursáva’ekue reunión sacramental del barrio-pe. Che aime va’ekue upépe. Peñeha’ã penemandu’a penemitãroĝuare perekovo 14 años ha pehendu ko’ã mba’e he’ivo tuichave mba’e ko mitãrusu ikatúvagui oikuaa:
“Che añetehápe avy’a aimévo ñande barriope miembro ramo del cuórum de maestro areko guive 14 , el año pasado. Pe maestro orekóiti opa umi responsabilidad peteĩ diácono orekova, ha avei umi ambue ipyahúva.
“Oĩ rupi ñande apytépe maestrokuéra, ambuéva avei ha’éta algún día, ha opavave ko tupaópe ojehovasa sacerdocio rupive, kóva ha’e mba’e importante opavave oikuaáva deber-kuéra orekóva maestro.
“Añepyrũ mboyve, Doctrina y Convenios-pe 20:53 jalee: ‘Maestro deber ha’e oñangareko tupaopegua miembrokuérare, ha oĩ hendivekuéra omombarete haĝua chupekuéra’.
“Ha ko’aĝa, Doctrina y Convenios 20:54–55-pe: jalee:
“‘ha peñatende ani oĩ tembiapovai tupaópe, ni py’a hatã peteĩva ambue ndive, ni japu, ni ñe’ẽrei, ni ñe’ẽvai;
“‘ha pehecha tupaopegua miembrokuéra vokoi toñembyaty, ha pehecha opavave miembrokuéra tojesareko hembiapokuérare’”.
Ko mitãrusu ocontinua:
“Ñandejára he’i ndaha’eiha ñande responsabilidad añónte ñañatende tupaóre, ha avei ñañatende tupaopegua miembrokuérare Cristo ojapoháicha Itupaóre. Ñañeha’ãrõ jajesareko Ñandejára rembiapoukapykuérare, ñande py’aporã ambuevandi, tekojapu’ỹme, angirũ porã ha javy’a oñendivepa, upéicharamo ikatu jareko pe Espíritu ñanendive ha jaikuaáta mba’épa Padre Celestial oipota jajapo. Péicha ndajajapóiramo, entonces ndaikatumo’ãi ñamba’apo porã ñande llamamientope”.
Ha upei ocontinua:
“Peteĩ maestro odecidívo ohechauka ejhemplo oĩporãva como buen maestro orientador, omoĝuahẽporã va’erã miembrokuérape capilla-pe, oprepara Santa Cena, oipytyvõ hógape ha orekóva py’aguapy, odecidi oipuruporã isacerdocio ha ocumpli porã illamamiento.
“Peteĩ maestro ipy’aporãva nde’isei ñane’responsable ñaĩme jave capillape añónte terã actividad Iglesiapegua jave. Apóstol Pablo ombo’e: ‘… taha’e ejhemplo creyentekuérape guarã, ñe’ẽ, conducta, mborayhu, espíritu, jerovia ha tekove ipotĩvape’ (1 Timoteo 4:12).”
Upei pe mitãrusu he’i:
“Noimporta moõpa ñaĩme ni mba’épa jajapo hína, ikatu jahechauka como buen ejemplo tekojojápe opa ñaimehápe ha opa ára jave”.
“Che ha che ru ha’e familia Brown maestro orientador. Avy’a rohojave hógape, upévarupi ko’aĝa roikuaa porãve chupekuéra. Pe mba’e chegustavéva ha’e umi Brown rógape rohojave, opavave ojapysaka porã ore ñe’ẽre ha katuete ha’ekuéra oreko historia iporãva ocomparti haĝua.
“Jaikuaa porãvo umi barriopegua persona orientación familiar rupive, ndahasyi jajapo siguiente deber como maestro, ha’éva miembrokuéra capillapegua ñemomáitei. Ñeipytyvõ héntepe oñeñandu porã ha oñeitegra haĝua tupaope oheja opavave barriopegua miembrokuéra oñandu mborayhu ha oĩ preparado ho’u haĝua la Santa Cena.
“Miembrokuéra oúva tupaope momáitei rire, maestrokuéra oipytyvõ cada domingo oprepara la Santa Cena. Añetehape vy’ape ambohasa ha aprepara la Santa Cena ko barriope porque enterove ohechauka reverencia. Siempre añandu pe Espíritu aprepara ha ambohasa jave la Santa Cena; añetehápe ha’e peteĩ bendición chéve ĝuarã ikatu rupi ajapo ko’ã mba’e cada domingo.
“Oĩ servicio, ha’éva Santa Cena ñembohasa, ha’e umi mba’e la gente ohecháva ha ome’ẽ aguije oréve rojapo haguére ko’ã mba’e, pero ambue servicio, ha’eva Santa Cena mbohasa, por lo general ojejapóva avave ohechakuaa’ỹre. Ndaha’ei mba’eguasu héntekuéra ohechakuaarõ servicio rojapova; pe mba’e importante ha’e el Señor oikuaa Chupe roserviha.
“Como maestro, ñañeha’ã siempre ñamombarete tupao, amigokuéra ha ñande familia ñamba’apóvo con responsabilidad del sacerdocio. Vokoi Ijetutu’u, pero Ñandejára nome’ẽi tembiapoukapy ‘ombosako’i’ỹre pe tape ikatu haĝuáicha ñakumpli umi mba’e ha’e he’iva’ekue [ñandéve] ’ (1 Nefi 3:7).”
Ko mitãrusu oterminapotavo idiscurso, che asombrá imadurez ha arandu. Péicha orresumi he’ívo: “Che aikuaa ñande rekoveporãveta jaiporavóramo jasegui [Jesucristope]”.
Ambue relato servicio sacerdocio rehegua oñemombe’u peteĩ reunión sacramental barriope mes pasado . Che aime va’ekue upépe. Kóva ko casope ko poseedor del sacerdocio iñarandúva ndoikuaái oñe’ẽ’aja omombe’uha exactamente umi mba’e Ñandejára oipotáva oiko pe cuórum del sacerdocio imbareteve haĝua. Kóva ha’e iñemombe’u:
Icompañero de orientación familiar ndive ojejerure chupekuéra oipytyvõ siete familiape. Enterove ndoi potai ojevisita chupekuéra. Maestro orientador-kuéra ohasa pe apartamentokuéra rupi, ha ndopie’ai hokẽnguera; Ohenói jave teléfono rupive, avave noñatendei; oheja jave peteĩ mensajhe, avave nohenói. Ko compañero mayor oñepyrũ o’ministra ohaívo kuatia ñe’ẽ. Ha oñepyrũ oipuru sobre icolor sa’yjúva omimbiva con esperanza orrecibi peteĩ respuesta.
Umi siete familia apytepe oĩ peteĩ hermana soltera menos activa oúva’ekue Európagui, ha oreko mokõi mitãkuña michĩva.
Otantea rire oñemongeta hendive heta vece, ha’e orrecibi peteĩ mensaje de texto. Ha’e he’i chupe pya’e pya’e ha’e ndorekóiha tiempo orrecibi haĝua maestro orientador. Ha’e oreko mokõi empleo ha avei omba’apo fuerza armadape. Omba’apo principalmente como oficial de policía, ha imeta profesional ha’e oiko chugui detective ha upei ohojey haĝua ha omba’apo hetãme.
Pe maestro orientador araka’eve ndaikatui hógape ovisita chupe. Sapy’a py’a oguerahauka peteĩ mensaje de texto chupe, ha cada mes oguerahauka peteĩ carta ha tarjeta festiva ha’e ohai va’ekue, mitã’ikuérapeguarã.
Ni peteĩ respuesta ndorecibiri. Sin embargo, ha’e oikuaa mávapa ha’e imaestro orientador, mba’éichapa ohenoita chupekuéra ha ha’ekuéra ocontinuataha ko servicio sacerdociopegua.
Entonces, peteĩ árape ha’e omondo peteĩ mensaje de texto urgente; ha’e oikotevẽ pytyvõ desesperadamente. Ha’e ndoikuaai mávapa ha’e obispo, pero oikuaa imaestro orientadorkuérape.
En pocos días oho va’erã otro estadope peteĩ entrenamiento militarã durante un mes. Ha ndaikatumo’ãi ogueraha imembykuera hendive. Isy, oñatendétava hesekuéra, oho Europa-pe oñatende haĝua imenare, orekova peteĩ emergencia médica.
Ko hermana soltera menos activa oreko suficiente plata ojogua haĝua peteĩ pasajhe Europape guarã imemby michĩvévape, pero ndorekoi imemby orekova 12 áño, Eric peguarã. ¡Oporandu imaestro orientadorpe ikatunepa otopa peteĩ familia imba’eporãva ha’eva Santo de los Últimos Días orrecibítava hógape Eric-pe durante 30 días!
Pe maestro orientador ombohovai chupe oñeha’ãmbaitetaha. Uperire oñe’ẽ ilíderkuéra sacerdocio pegua ndi. Obispo, ha’éva sumo sacerdote presidente ome’ẽ chupe permiso oñemongeta haĝua miembrokuéra consejo de barriopegua ndi, incluyendo la presidenta Sociedad de Socorro.
Presidenta Sociedad de Socorropegua pya’e otopa cuatro familia SUD imba’eporãva orekóva mitã más o menos Eric edad ha orrecibita chupe hógape una semana a la vez. Ohasa rire un mes, umi familia omongaru Eric-pe, omohenda chupe apartamento terã oga’ipe oĩhápe michĩva, ogueraha chupe hikuai actividad de verano opreparapyrémava, ogueraha chupe hikuai tupaope, ha oparticipa hendivekuéra noche de hogar-pe, ha ambueva.
Heta familia apytépe oĩ mitãrusu Eric edad orekóva, ha oparticipa reunión ha actividad cuórum de diácono ndi. Ko 30 días ohasa’aja, Eric oho tupaope cada domingo por primera vez en su vida.
Isy ou rire iñentrenamientogui, Eric jepiguaicha oho tupaope, por lo general peteĩ familia SUD oipytyvõ va’ekue chupe ndive ha’e orekóva amistad, ha hendivekuéra isy maestro orientador-. Con el tiempo, oñe’ordena como diácono ha oñepyrũ o’reparti Santa Cena regularmente.
Ko’aĝa ñañe’imaghina Eric futuro. Ndaha’emo’ãi sorpresa oikóramo chugui peteĩ líder de la Iglesia isy onace hague retãme upepe ohovo ifamiliandi, ko’ã mba’e gracias santokuérape omba’apova’ekue oñondivepa obispo dirección rupive oservi orekóvo karida ikorasõme ha Espíritu Santo pu’aka rupive.
Jaikuaa pe karida ha’e tuicha mba’e jajesalva haĝua Tupã rréinope. Moroni ohai va’ekue: “…peguereko’ỹramo karida ndaikatumo’ãi pejesalva Tupã rréinope…” (Moroni 10:21; tojehecha avei Éter 12:34).
Jaikuaa, avei, ko karida ha’e peteĩ don oñeme’ẽva ñandéve jajaporire opa mba’e ikatúva jajapo. “[Pejerure] va’erã Túvape opa [pene] korasõ mbarete reheve, [pene] renyhẽ haĝua ko mborayhu ha’e ome’ẽva’ekuégui opa umi ha’évape ita’ýra Jesucristo remimbo’e añete” (Moroni 7:48).
Che añandu tuichave jarekotaha Tupã Espíritu ñaĩmérõ ñande rapichakuéra serviciope. Upévare jareko ko responsabilidad del sacerdocio ja’servi haĝua Salvador rérape. Ja’servi jave ñaĩme consagrado ambue tapichakuéra serviciope, sa’ive ña’pensa ñandejehe ha pe Espíritu Santo ou pya’eve ñande rendape ha ñande pytyvõ ñañeha’ãrõ opa jaikove’aja oñeme’ẽ haĝua ñandéve pe karida don.
Atestifika Tupã omotenondémaha peteĩ tuicha paso Iplan rupive ikatu haĝuaicha jarekove inspiración ha ñande py’a porãve ministración servicio sacerdocio-guápe. Che aguije Imborayhu, Ha’e ome’ẽva ñandéve generosamente. Upévagui atestifika Jesucristo réra marangatúpe. Amén.