Ñaministra Tupã pu’aka ha autoridad reheve
Ñaministráta Hérape, Ipu’aka ha autoridad reheve, ha Ipy’aporã ñanderayhúva reheve.
Che hermanokuéra pohayhuetéva, che’aguije pende dedicación-re Tupã ha Hi’obra marangatúpe. Avy’aiterei aimehaguére penendive. Primera Presidencia pyahúicha rome’ẽ peẽme aguije pene ñembo’e ha ñeha’ã rehe oresostene haĝua. Roime agradecido pende rekove ha servicio Tupãme ĝuarã. Pende dedicación pene rembiaporãme ha pende servicio desinteresado iñimportanteiterei pende llamamiento-pe oremba’éicha ore llamamiento-pe. Peteĩ tekove de servicio tupaópe rupive, a’aprende añetehápe noimportáiha moõpa jaservi; ha katu pe iñimportantevéva Ñandejárape ĝuarã ha’e mba’éichapa jaservi.
Añandu peteĩ gratitud pypuku presidente Thomas S, Monson rehe, ha’eva’ekue peteĩ ehemplo chéve ĝuarã cincuenta año aja. Ha añandu peteĩ admiración pypuku ikonseherokuérare, presidente Henry B. Eyring ha presidente Dieter F. Utchdorf. Afelicita chupekuéra iservicio rehe Ñandejára ha Iprofetakuérape. Ko’ã mokõi dedicado siervo orrecibi asignación pyahu ha okontinua oservívo mbarete ha ñeha’ã reheve. Amomorã ha ahayhu chupekuéra.
Ñame’ẽ servicio Ñandejára Tupao añete ha viviente-pe Hi’autoridad ha pu’aka reheve ha’e peteĩ jehovasa hechapyrãva. Pe Tupã Sacerdocio restauración, oikévape umi sacerdocio llavekuéra, omoĩ Santos de los Ultimos Dias hekojojáva disposición-pe umi jehovasa espiritual tuichavéva. Jahecha mba’éichapa umi jehovasa oñehẽ kuñanguéra, kuimba’ekuéra ha mitãnguéra opa ko mundo-gua ári.
Jahecha kuñanguéra hekojojáva ontendéva pu’aka oĩva illamamientokuérape ha avei iñinvestidura ha ambue templo ordenanzakuérape. Umi kuña oikuaa mba’éichapa ohenóiva’erã yvagagua pu’aka omo’ã ha omombarete haĝua imena, imembykuérape ha ambue hapichakuéra ohayhúvape. ¡Ha’e kuña imbaretéva espiritualmente olideráva, ombo’e ha oministráva kyhyje’ỹme illamamientokuérape, Tupã pu’aka ha autoridad reheve! ¡Mba’eichaitépa che aguije hesekuéra!.
Upéicha avei, jahecha kuimba’ekuéra hekojojáva, ovivíva iprivilegio yvatekuépe poseedor del sacerdocio ramo. Olidera ha ome’ẽ servicio sakrifisio reheve, Ñandejára oipotaháicha, mborayhu, py’aporã ha paciencia reheve. Ohovasa, oguia, omo’ã ha omombarete ambue hapichakuérape pe sacerdocio oguerekóva pu’aka rupi. Ojapo milagro umi oservívape, oñangareko aja ifamilia ha imatrimonio rehe. Oñemboyke pe ivaívagui ha ha’e umi Elder Israel-gua ipu’akapáva. ¡Che’aguijeiterei hesekuéra!
Ko’áĝa, amombe’use peteĩ inquietud aguerekóva. Ha’e kóva: Hetaiterei ñande hermano ha hermanakuéra nontendepái pe sacerdocio pu’aka ha autoridad concepto. O’actua omyanyhẽse raẽvaicha hembipota ha apetito egoísta oipuru rangue Tupã pu’aka ohovasa haĝua Ifamiliakuérape.
Akyhyje hetaiterei ñande hermano ha hermanakuéra ndohechakuaái umi privilegio ikatúva hikuai oguereko. Por ehemplo, oĩ umi ñane hermanokuéra, o’actuáva nontenderõguáicha mba’épa ha’e pe sacerdocio ha umi mba’e opermitíva chupekuéra ojapo. Pehejami tame’ẽ peẽme umi ehemplo específiko.
Nda’aréi, aĩ peteĩ reunión Sacramental-pe, oñeme’ẽtahápe peteĩ téra ha peteĩ túva ohovasa peteĩ mitã onaceramóvape. Pe túva pyahu ohupi imitãmi ohayhuetévape ijyvápe, ome’ẽ chupe peteĩ téra ha upéi oñembo’e porãiterei; ha katu nome’ẽi pe mitãme peteĩ jehovasa. Upe mitãmi porã orrecibi peteĩ téra, ¡ha katu ningún jehovasa! Upe Élder ojehayhuetéva ndoikuaái diferencia oĩva peteĩ ñembo’e ha peteĩ sacerdocio jehovasa ndive; isacerdocio autoridad ha pu’aka reheve ikatúkuri ohovasa imitãmime, ha katu ndojapói. Apensa, “¡Tuicha oportunidad ojeperdeva’ekue!
Pehejami tame’ẽ ambue ehemplokuéra. Jaikuaa hermanokuéra o’apartáva hermanakuérape Primaria, Mujeres Jóvenes ha Sociedad de Socorro-gua líder ha maestra ramo, ha katu ndohovasái chupekuéra pu’aka reheve okumpli haĝua illamamientokuéra; ome’ẽnte amonestación ha instrucción. Jahecha oĩ túva hekojojáva nome’ẽiva sacerdocio jehovasa hembireko ni ifamiliakuérape ha’évo upevaite ha’ekuéra oikotevẽva. Pe Sacerdocio pu’aka ojerrestaura ko yvy’ape ári; upevére, oĩ hetaiterei hermano ha hermanakuéra ohasáva tuicha jehasa’asy hekovépe orrecibi’ỹre araka’eve peteĩ sacerdocio jehovasa añetéva. ¡Que tragedia! Upéva ha’e peteĩ tragedia ikatúva jaipe’a.
Che hermanokuéra, jaguereko pe Tupã sacerdocio marangatu. Jaguereko Hi’autoridad jahovasa haĝua Itavayguakuérape. Pepensamíntena pe promesa hechapyrãva Ñandejára ome’ẽva’ekue ñandéve he’ívo: “…ehovasávape che ahovasáta”. Jaguereko privilegio ja’actua haĝua Jesucristo rérape jahovasa haĝua Tupã ra’y ha rajykuérape Ha’e oipotaháicha. Presidente de Estaca ha obispokuéra, por favor, peje’asegura opavave umi miembro quórum oĩva pende mayordomia guýpegua toikuaa mba’éichapa ome’ẽva’erã peteĩ sacerdocio jehovasa, ha avei pe dignidad personal ha preparación espiritual oñeikotevẽva oñehenói porãve haĝua Tupã pu’aka.
Opavave hermanokuéra peguerekóva pe sacerdocio: po’invita pemokyre’ỹ haĝua miembrokuérape oñongatu haĝua ikonveniokuéra, o’ayuna ha oñembo’e haĝua, o’estudia umi escritura, o’adora témplope ha oservi haĝua jerovia reheve Tupã kuimba’e ha kuñanguéra ramo. ¡Jaipytyvõkuaa opavavépe ohecha haĝua jerovia resa reheve obediencia ha tekojoja omo’aĝuivetaha chupekuéra Jesucristo-re, oguerovy’avéta Espiritu Santo kompañia ha ojuhúta vy’apavẽ ko tekovépe!
Peteĩ característica distintíva Ñandejára tupao añete ha oikovéva ha’éta tapiaite peteĩ ñeha’ã organizado ha dirigido oñeministra haĝua Tupã ra’y ha rajykuérape individualmente ha ifamiliakuérape. Kóva ha’évo Itupao, ha ñande Isiervokuéra, ñaministrava’erã pe tapichápe en particular Ha’e ojapohaguéicha. Ñaministráta Hérape, Ipu’aka ha autoridad reheve, ha Ipy’aporã ñanderayhúva reheve.
Peteĩ experiencia aguerekova’ekue ojapo sesenta año rupi Boston-pe chembo’e mba’eichaitépa ipotentekuaa pe privilegio ñaministrávo tapichakuérape individualmente. Upéramo, che ha’ékuri peteĩ cirujano residente Hospital General de Masachusetts-pe; aĩ de guardia opa ára, kada mokõi pyhare ha kada mokõi fin de semana. Aguereko tiempo limitado che rembireko, ore irundy familiakuéra ha tupaogua actividad-kuérape ĝuarã. Upevére, ore presidente de Rama che’asigna avisita haĝua Wilbur ha Leonora Cox róga, oha’arõvo hermano Cox oujey tupao actividad-pe. Ha’e ha Leonora ojesellakuri templo-pe. Upevére, Wilburg ndohovéi tupaópe heta ary aja.
Che kompañero ha che roho hógape; roikévo, hermana Cox oremoĝuahẽ kyre’ỹ reheve, ha katu hermano Cox osẽ oho sapy’a ambue kotýpe ha omboty pe okẽ.
Aha pe okẽ oñembotýva gotyo ha ambopu. Sapy’ami rire, ahendu peteĩ resignado: “Ehasa”. Aipe’a pe okẽ ha ajuhu hermano Cox-pe oguapy equipokuéra de radioaficionado ykére. Upe koty’ípe ha’e omyandy peteĩ cigarro; hesakãporã nomomaiteiha che visita.
Amaña pe kotýre asombro reheve ha ha’e: “Hermano Cox, tapiaite a’aprendesevékuri umi radioaficionado rembiapo-gui. ¿Chembo’énepa? Ambyasy ndaikatúiha apytave ko pyharépe, ha katu ¿Ikatu piko aju jey ambue ocasión-pe?.
Ha’e oduda’imi ha upéi he’i, heẽ. Upéva ha’ékuri ñepyrũha pe oikova’ekuégui peteĩ tuicha amistad. Ahajey ha chembo’e. Che añepyrũ ahayhu ha arrespeta chupe. Visitakuéra oúvape, pe kuimba’e py’aporãngue ojehechauka ohóvo. Oiko orehegui guenos amigos, ha upéicha avei umi ore kompañera eterna rohayhuetévagui. Upéi, tiempo ohasávo, ore familia ova. Umi líder local okontinua oipytyvõvo familia Cox-pe.
Ocho año rire rupi upe visita peteĩha rire, ojejapo Estaca Boston. ¿Pe’adivinami mávapa ha’e pe primer presidente de estaca? ¡heẽ! ¡Pe hermano Cox! Umi año oúvape, avei oservi presidente de misión ha presidente de templo ramo.
Heta año rire, Quórum de los Doce Apóstoles gua miembro ramo, oje’asigna chéve acrea peteĩ estaca pyahu condado de Sanpete, Utah-pe. Umi entrevista jepigua aja, añesorprende porã ajotopa jeývo che angirũ ahayhuetéva ndive, pe hermano Cox. Añandu inspiración ahenoi haĝua chupe patriarca de estaca pyahu ramo. Oje’ordena rire, roño’añua ha orerasẽ. Umi hénte oĩva pe kotýpe oñeporandu mba’ére piko hasẽ umi mokõi kuimba’e. Ha katu ore roikuaa; ha hna Cox avei. ¡Ore resaykuéra ha’e vy’águi! Kirirĩhápe, oremandu’a pe mborayhu ha arrepentimiento jeguata ijojaha’ỹva oñepyrũva’ekue peteĩ pyhare hógape ojapóma 30 año rupi.
Pe historia ndopái upépe; Hermano ha hermana Cox familia okakuaa oĩ meve mbohapy ifamilia, veinte nieto ha cincuenta y cuatro bisnietokuéra. Pembojo’a upévape iñinfluencia umi cientos de misioneros, miles de personas pe témplope, ha cientos de personas orrecibíva bendiciones patriarcales patriarca Wilbur Cox po rupive. Iñinfluencia ha Leonora Cox influencia oseguita gueteri heta generación aja opa ko mundo apére.
Experiencia koichagua, Wilbur ha Leonora Cox mba’éva, oiko kada semana – hi’ãnte cada dia – ko tupao ryepýpe. Oĩ Ñandejára Jesucristo siervokuéra hekojojáva ogueraháva a cabo Hi’obra, Ipu’aka ha autoridad reheve.
Hermanokuéra, oĩ okẽnguéra ikatúva jaipe’a, sacerdocio jehovasa ikatúva ñame’ẽ, korasõkuéra ikatúva ñamonguera, mba’epohýi ikatúva ñambovevúi, testimoniokuéra ikatúva ñamombarete, tekove ikatúva jasalva, ha vy’apavẽ ikatúva jagueraha umi Santos de los Ultimos Dias rógakuérape; opaite umíva mba’e ikatu oiko jaguereko haguére Tupã sacerdocio. Ñande ha’e umi kuimba’e “oñehenói ha oñembosako’iva’ekue ko mundo fundación guive Tupã presciencia háicha, [ñande] jerovia hechapyrãva rupive” jajapo haĝua ko tembiapo.
Ko pyharépe po’invita literalmente pepu’ã haĝua chendive ñande tuicha hermandad eterna-pe. Ha’e vove pende sacerdocio oficio réra, peñembo’ymi ha pepyta peñemboývo. Diacono, ¡peñembo’ymi! ¡Maestros, ¡pepu’ã! ¡Presbiteros! ¡Obispos! ¡Élderes! ¡Sumo Sacerdotes! ¡Patriarcas! ¡Setentas! Apóstol-kuéra!
Ko’áĝa, hermanokuéra, ¿pepytánepa peñembo’ývo ha pe joaju ñande kóro ndive japurahéi haĝua mbohapy estrofa “Levantaos Hombres de Dios” Pepurahéi aja, pepensa pene rembiaporãre Tupã hueste ipu’akapáva ramo, ñaipytyvõ haĝua ñambosako’ívo ko mundo Ñandejára jejujeýpe ĝuarã. Upéva ha’e ñande kometído; upéva ha’e ñande privilegio. Upéicha atestifika Jesucristo rérape. Amén.