Peteĩcha
Ñaguahê haguâ ñande destino sublímepe, ñaikotevê opavave ojoehe ha ñañembojoajú va´erâ
Peteî mba´e hechapyrãvéva ko yvy ape ári ha´e panambi monarka. Peteî viaje rojapóva´ekue México-pe rohasa haguâ Navida che ména famíliakuérandive, rovisita peteî santuario, hetaiterei panambi ohasa hápe ara ro´y. Iporâiterei jahechávo pe escena ha jajepy’amongeta pe techapyrâ unidad ha obediencia leyes divinas-re ohechaukáva ñandéve Tupâ creación-kuéra.
Panambi monarca-kuéra oguereko tuicha sentido de orientación. Ha ojevale Kuarahýre oikuaa haḡuâ moôgotyopa ohóta. Primavéra oguahẽ jave, oviaha miles de kilómetros México guive, Canada peve, ha otoño-pe katu ohojey ka´aguy oyamel Mexico-pe. Upéva ojapo hikúai ary ha ary jave, pepo ñembojerokýpe peteî teî. Tapére oñombyaty hikuái yvyramátare pyharekue ojeprotehe haguâ ara ro´y ha depredadorkuéragui.
Ingles-pe, peteî panambi atýpe, ojehero caleidoscopio. ¿Naiporâi piko upe ta´anga? Opaite caleidoscopio peteîete ha nda´ijojahái avavéndive. Ko´â ha´etéva seres ikangýetereíva, ojapo peteî Creador ñanderayhúva, ha ome´ê chupekuéra kapacida oikove haguâ, ova haguâ, okría haguâ ha omosarambi haguâ jeikove, peteî yvotýgui ambue yvotýpe, pólen rupive. Opavavete iñambue ramo jepe, omba´apo oñondive ojapo haguâ ko múndogui peteî tenda iporâ ha hi´a porâvéva.
Umi panambi monarca-icha ñande ñaime peteî viáhepe jaha jeývo ñande róga yvágagua gotyo, upépe ñañembyatýta ñande Rukuéra yvagagua ndive. Ha´ekuéraicha, jajapyhy atributos divinos, ohejáva ñandéve jaiko ko ñande rekovépe [ñakumpli] haguâ [ñande] creación medida.” Ha´ekuéraicha ñambojoajúrô ñane korazô, Ñandejára ñande protehéta, “ryguasu ombyatyháicha iryguasuraʼykuérape ipepo guýpe” ha ojapóta ñandehegui peteî caleidoscopio iporâitereíva.
Mitakuña´i ha mitâ´i, mitârusu ha mitâkuña rusu, Hermano há hermanakuéra: Ñaime oñondivepa ko viáhepe Ñaguahê haguâ ñande destino sublímepe, ñaikotevê ojoehe opavavete, ha ñañembyatyva´erâ Ñandejára he´i ñandéve: “Tapenepeteîke, ha napenepeteîrirõ, ndaha´éi chemba´e.”
Jesucristo ha´e techapyrâ tuichavéva ipeteĩva itúva ndive Ha´ekuéra ipeteî jepotapýpe, mborayhúpe, ha hembiapokuérape, “Taʼýra rembipota oñemoĩvo Túva rembipotáicha.”
¿Mba´éichapa ikatu jasegi Ñandejára techapyrâ ipeteîvo itúvandive ha ñande unidove hendivekuéra ha ñande oñondivekuéra?
Hechos 1:14- pe, jajuhu peteî techapyrâ iporâva: “[Kuimba´ekuéra] operseverákuri peteîcha ñembo’e ha jerure asýpe kuñakuéra ndive.”
Pe ñe´ê “unánimes-peteîcha” jajuhu heta hendápe Hechos kuatiañe´ême, ñamoñe´êhápe Jesucristo seguidoreskuéra ojapo hague sapy´ánte ha´e ojupi rire yvágape, ha jehovasa ohupytýva iñeha’ã rupive. Avei iñimportánte oîhague peteî modelo peichagua umi hekojojáva continente americanogua apytépe, Ñandejára ovisitarô guare há oministrarõ guare chupekuéra. “Unánimes” he´ise, peteîcha, unidad-pe, ha oñondivepa.
Oî mba´e umi Santo hekojojáva ojapóva’ekue joajúpe mokõive tendápe: Jetestifica Jesucristo rehe; ñemoñe´ê oñondivekuéra Tupâ ñe´ê, ha oñeministra ojupe, mborayhu reheve.
Ñandejára seguidor-kuéra ha´ékuri peteînte propósito, mborayhu ha tembiapópe.Ha’ekuéra Oikuaa mávapa hikuái , oikuaa mba´épa ojapóva´erâ, ha ojapo hikuái mborayhúpe Tupâre ha mborayhu ojoehére.Ojapó hikuái parte peteî caledoscopio iporâvagui, ha oguatáva unanimidad rehe.
Jehovasa ohupytýva hikuái ha´e: henyhẽ hikuái Espiritu Sántogui, oiko milágros ijapytépekuéra, Tupâo okakuaa, ndaipóri ñorairô oñondivekuéra ha Ñandejára ohovasa chupekuéra opaite mba’épe.
Ikatu ja´e iñunidoiterei hague hikuái oikuaa haguére Ñandejárape personalmente; Hi’aĝui porãkuri hendive ha ha´ekuri testigo imisión divína rehegua, milagros ha´e ojapóva´ekue ha irresurreccióngui. Ohecha ha opoko hikuái umi marka opytáva´ekue ipo ha ipýpe. Oikuaa añetehápe ha´e ha´ehague pe Mesias, ko Mundo Redentor. Oikuaa hikuái “Ha´e ha´eha fuente opaite ñemonguéra, py´guapy ha progreso eterno rehegua.”
Jepérô ndajahechái Salvador-pe ñande resápe, ikatu jaikua Ha´e oikove ha Ñañembojávo hese ha ñañepia´â jajapyhývo testimonio personal imisión divina rehegua, Espíritu Santo rupive: Ñaikumby porâve ñande propósito; Tupâ mborayhu oiméta ñane korasôme; jaguerekóta decisión ha´evo peteî caleidoscopio ñane familia-pe, ñande barrio-pe ha ñane comunidad-pe ha ñañeministráta “manera pyahu ha iporâvévape.”
Ñandejára ra´ykuéra omba´apórô oñondivepa Espíritu guia gúype oipyso haguâ ipo tapichakuérape, oiko milagrokuéra.
Ñahendu heta kaso mborayhu tapichápe rehegua oñeme´êva oî vovê catástrofe. Techapyrã ramo: Houston-pe oiko peteî inundación tuicháva ha heta tekove hesarái inesesidad kuéragui ha osê opororreskata. Peteî presidente, cuorun élderes-pegua ojerure ñeipytyvô comunidad-pe, ha sapy´aitépe oguereko hikuai peteî flota oîhápe 77 canóa. Rescatistaskuéra oho umi oñeinundáva rendápe há ogueraha família kuéra ore capilla-pe, upépe oñeme´ê chupekuéra refugio ha ñeipytyvô. Miémbrova ha namiémbroiva omba´apo oñondive peteî propósito rehe.
Santiago de Chile-pe, peteî presidenta Sociedad de Socorro-gua, oñandu oipytyvôseha inmigrantekuérape oúva´ekue Haiti-gui icomunidad-pe Oñemongeta rire ilídereskuéra ndive, ou iñakâmekuéra ikatuha ome´ê pe famíliape clases de español, oipytyvô haguâ chupekuéra hóga pyahúpe Ára ha ára, sábado pyhareve jave, oñembyaty misionero-kuéra hemimbo´ekuérandive. Joaju temiandu oñeñandúva upe edificio-pe ha´e peteî techapyrâ iñisnpirador-va mba’éichapa tapichakuéra procedencia iñambuéva ome´ê servicio oñondivepa peteĩcha.
México-pe, hetaiterei miémbroskuéra oviaha heta aravo oipytyvô haḡuâ umi victimas terremóto guare. Oĝuahê hikuái erramienta, máquina ha mborayhúeta reheve. Umi voluntario-kuéra oñembyatývo peteî ore kapílla-pe ojapyhy haḡuâ instrucciones, Alkalde tava´i lxhutaan-gua, hasê, ohechávo peichagua “Cristo mborayhu potĩ” jehechauka.
Ñandejára ko´âgâ ome´ê ñandéve oportunidad jajoaju Conséjo-pe Sacerdócio kuéra cuórum ha Sociedad de Socorro-pe japarticipave haguâ caleidoscopio ñande barrio térã rama-guápe, opavave jaikehápe ha oñeikotevêhápe ñande rehe.
Ñane senda kuéra ijoavýpaite, ha katu jaguata hese oñondivepa Ñane senda ndoguerekói relación jajapóva´ekuére, ni moôpa ñaime, ha katu tape jaguerahávare ha mba´epepa ñaḡuahê jahávo unidad háicha Ñañemongetávo conséhope, Espiritu Sánto sambyhýre, ikatu jahecha moôpa ñaime há moôpa ñaiméva´erâ. Espíritu Santo ome´ê ñandéve peteî visión tesa natural ndaikatúiva ohecha, “revelación oĩ haguére isarambi ñande apytépe,”ha ñambyatývo pe revelación ikatu jahechave.
Ñamba´apóvo oñondive ñande propósito ha´eva´erâ ñañeha´âvo ha jajapóvo Ñandejára rembipota; ñane incentivo ha´eva´erâ mborayhu ñañandúva Tupâre ha ñande próhimo rehe; ha ñande deseo kakuaavéva ha´e va´erâ “ñamba´apo dilihentemente,” ikatu haguâicha ñambosako´i ñande Salvador glorioso jejujey. Ha ikatúta jajapo upéva ñaimerô “peteîcha” añónte.
Panambi monarca-icha, jasegi oñondivepa ñande propósito, opaite jajapokuaáva ha ikatúva jajapo reheve, ñañeha’â vo jajapo kóvagui peteĩ mundo iporâ ha hi´a porâveva, jeguata mbyky mbykymíme ha armoníape Tupâ mandamiento-kuéra ndive.
Ñandejára Jesucristo opromete ñandéve ñañecongrega ramo hérape, Há´e oĩtaha ñanendive. Atestifika Ha´e oikoveha, ha orresusita hague peteî pyhareve porâite primavérape, ko árapeguáicha.Ha´e ha´e monarca de monarcas, pe “Rey de Reyes ha Señor de Señores.”
Tajaiko peteîrô Ñande Rúpe há Ita´ýra Unigénito-pe jajeguiávo Espíritu Sántore, péva ha´e che ñembo’e umilde, Jesucristo rérape, Amén