Angakuéra jepastorea
Jaipyso peteĩ mborayhu po ñande rapichakuérape ñande Salvador omandahaguére jajapo haĝua upéicha.
Ramoite añe’ẽvo peteĩ che angirũ ndive, he’i chéve ha’eramoguare peteĩ tupaogua miembro pyahu ojebautiza ramóva, oñepyrũha sapy’a oñandu ndohoporãveimaha upe barrio ndive. Umi misionero ombo’eva’ekue chupe ova ambue tendápe ha oñeñandu ha’eño. Angirũ’ỹre barrio-pe, otopa iñangirũnguera tujápe ha hendivekuéra oparticipa actividades omomombyrýva chupe tupaógui, ha upéicha oñemomombyry pe rebaño-gui. Tesay hesápe, omombe’u aguije oñandúva peteĩ miembro del barrio oipyso vove chupe peteĩ po ministrante ha oinvita oujey haĝua peteĩ manera calida ha inclusívape. Ha pokã mese rire, oujey pe rebaño seguridad-pe, omombaretévo ambuévape ha ijupe. ¿Nañande’aguijéipa pe pastor rehe Brasil-pe oipysova’ekue ipo pe mitãkaria’ýpe, elder Carlos A. Godoy, ko’áĝa oguapýva che kupépe Presidencia de los Setenta miembro ramo?
Ndahechapyrãipa mba’éicha umi ñeha’ã michĨva oguerekokuaa consecuencias eternas. Upe añetegua ha’e nucleo umi tupaogua ministracion ñeha’ãpe ĝuarã. Ñande Ru Yvagagua ikatu ojagarra umi ñane ñeha’ã simple ha diario ha ojapo chuguikuéra mba’e imilagrósova. Ohasa seis meses ramonte presidente Russell M. Nelson oanuncia hague “ Ñandejára ojapohakuri importante ajuste mba’éichapa ñañangarekova’erã ojupe,” ha oexplika: “…ñaimplementáta peteĩ enfoke pyahu ha marangatuve ñañangareko ha ñaministra haĝua ñande rapichakuérape. Jajerreferi umi ñeha’ã rehe siemplemente ‘ñeministra’ ramo’”
Presidente Nelson avei he’i: “Peteĩ característica distintíva Ñandejára tupao añete ha oikovéva ha’éta tapiaite peteĩ ñeha’ã organizado ha dirigido oñeministra haĝua Tupã ra’y ha rajykuérape individualmente ha ifamiliakuérape. Kóva ha’évo Itupao, ha ñande Isiervokuéra, ñaministrava’erã pe tapichápe en particular Ha’e ojapohaguéicha. Ñaministráta Hérape, Ipu’aka ha autoridad reheve, ha Ipy’aporã ñanderayhúva reheve.”
Ojejapo guive upe anuncio, pene ñembohovái ijojaha’ỹ! Rorrecibi informe éxito oguerekóva umi kambio ñemoĩ haimete opa estakape opa yvórape, ñande profeta oikovéva omandahaguéicha. Por ejemplo, oñe’asigna hermano ha hermanakuéra ministrante familiakuérape; oñe’organiza kompañerismo, oikévo avei mitãkaria’y ha mitãkuñanguéra, ha oiko hína umi entrevista de ministración.
Ndaroviai ha’eha coincidencia seis meses pe anuncio revelador kueheguare, “peteĩ equilibrio pyahu ha coneccion Evangelio ñehekombo’e ógape ha tupaópe” mboyve, oñeme’ẽhague pe anuncio revelador “ministración” rehegua. Enero guive, jaguerekóvo pokãve hora de adoración tupaópe, opa ña’aprendeva’ekue ministracion-gui ñanepytyvõta ñamyanyhẽ haĝua upe nandi peteĩ experiencia dia de reposo reheve oñecentráva ógape ijyvatevéva ha imarangatuvéva familia ha umi jahayhuva ndive.
Upe estructura organizacional hendápe reheve, ikatu ñaporandu, ¿ mba’éichapa jaikuaa ñaministraha hína Ñandejára manera-pe? ¿Ñaipytyvõ piko hína pe Buen Pastor-pe Ha’e oipotaháicha?
Ramoite peteĩ ñemongetápe presidente Henry B. Eyring ndive, ha’e omomora santokuérape oje’ajustaporã haguére umi kambio hechapyrãpe, ha katu he’i avei oguerekoha esperanza miembrokuéra ohechakuaa minstrar ha’eve “ simplemente ñane’amable”-gui. Upéva nde’isei ñaneamablerõ ndaha’éi importante, ha katu umi ontendéva pe ñeministra espíritu añetéva ha’e hetave simplemente ñane’amablegui .Jajaporõ Ñandejára manera-pe, ñeministra oguerekokuaa peteĩ influencia a largo plazo mba’eporãrã ojeipysóva eternidad peve, ha’ehaguéicha Elder Godoy-pe ĝuarã.
“Pe Salvador ohechauka ehemplo rupive mba’épa he’ise ñeministra oservíramoguare mborayhu reheve… Ha’e ombo’e, oñembo’e, omoangapyhy ha ohovasa umi oĩva ijerérepe, oinvita opavavépe osegui haĝua chupe. Tupaogua miembrokuéra oministrávo [ peteĩ manera pyahuve ha marangatuvéva]. Oñeha’ã espíritu de oración reheve oservi Ha’e oserviháicha…’ovela tapiaite haĝua ko tupaogua miembrokuérare ha oĩ ha omombarete haĝua chupekuéra, ovisita opa miembrokuéra róga ha oipytyvõ opavavépe oiko haĝua Jesucristo discípulo añete ramo.”
Peteõ pastor añetéva ohayhu ijovechakuérape, oikuaa peteĩ teĨme hérare ha oguereko interés personal hesekuéra.
Peteĩ che angirũ ohasa hekove ganaderoicha, omba’apo hatãvo omongakuaávo vaka ha ovechakuéra Montaña Rocosas-pe. Peteĩ jave oñe’ẽ chéve desafio ha peligro oĩva ovecha ñemongakuaápe. Omombe’u primavera ñepyrũháme, pe nieve opa potaitepe upe cordillera pukupe, ogueraha irrebaño familiar oguereko potaitéva dos mil ovecha umi montañape verano aja. Upépe oñangareko umi ovecha rehe otoño paha peve, ha upéi ogueraha upe montaña de verano-gui peteĩ región montañosa desierto-pe invierno aja. Omombe’u mba’éichapa hasy oñangareko upe rebaño hetaitéva, oikotevẽva oñemba’apo ára puku, opu’ãvo ko’ẽ mboyve ha opávo heta pyharepyte rire. Simplemente ndaikatúi ojapo ha’eño.
OĨ ambuéva oipytyvõva oñangareko haĝua upe rebañogui, ijapytépe peteĩ mezcla po experimentadova, po imitãvéva ndive oñebenefisiáva ikompañerokuéra arandu reheve. Avei okonfia mokõi kavaju tuja rehe, mokõi kavaju de entrenamiento, mokõi jagua ovejero tuja ha mokõi térã mbohapy cachorro ovejero rehe. Verano aja, che angirũ ha ijequípo ombohovake yvytu’atã ha yvytujere, mba’asy, herida, sequía ha haimete opaichagua jehasa’asy ikatúva ñañeimagina. OĨ año oguerava’erãha y opa verano pukukue aja omoingove haĝuánte umi ovecha. Upéi, opa año otoño pahápe, clima invernal oamenazávo ha omboguejy ovechakuéra montañagui ha oipapa chupekuéra, oĩ jepi hetave 200-gui okañy térã odesapareceva’ekue.
Pe rebaño 2.000 rehegua ojupíva montaña-pe primavera oñepyrũvo, opyta por lo menos 1.800-pe otoño pahápe. Hetave umi ovecha odesaparecéva nokañýi mba’asy térã ñemano natural rupi, ha katu ha’e umi depredador leõ montañez térã lobokuéra rupi. Umi depredador otopa jepi umi ovecha oñemomombyry vove irrebaño seguridad-gui, ojeívo ipastor ñemo’ãgui. Pekonsiderami pe adescribiramóva , peteĩ contexto espiritual-pe. ¿Mávapa pe pastor? ¿ Mávapa pe rebaño? ¿ Mávapa umi oipytyvõva pe pastor-pe?
Pe Ñandejára Jesucristo-ite he’i: “ Che ha’e pe buen Pastor ha aikuaa che ovechakuérape….ha amoĩ che rekove umi ovecha rehe.”
Proféta Nefi avei ombo’e Jesús “ o’apacentáta hi’ovechakuéra, ha ipype ojuhúta kapi’ipe.” Ajuhu tuicha py’aguapy aikuaávo “ Jehova ha’ehache pastor” ha Ha’e ñandekuaaha kada uno-pe ha ñaimeha Iñeñangareko guýpe. Ñambohovake vove ko tekove yvytu ha umi yvytu’atã, mba’asy, herida ha sequía, Ñandejára, ñane Pastor, ñaneministráta. Ha’e omoĩporã jeýta ñane angakuéra.
Che angirũ oñangarekohaguéicha ijovechakuérare umi asistente mitã ha tujáva, kavajukuéra ha jagua ovejero pytyvõ reheve, Ñandejára avei oikotevẽ pytyvõ pe hasy tembiapópe oñangareko haĝua ovechakuéra Irebañogua rehe.
Ñande Ru Yvagagua ñanderayhuetéva ta’yrakuéra ha ovechakuéra Irrebañoguaicha, jadisfruta pe jehovasagui Jesucristo ñaneministraha cada uno-pe. Upeichaite avei, ñande, pastor-kuéraicha, jaguereko responsabilidad ñame’ẽvo pytyvõ ñande rapichakuérape oĩva nande jerére. Ñahendu Ñandejára ñe’ẽ: “…cheservita ha esẽta che rérape ha embyatýta che ovechakuéra.”
¿Mávape ha’e peteĩ Pastor? Opavave kuimba’e, kuña ha mitã Tupã reino-pe ha’e peteĩ pastor. Nañaikotevẽi peteĩ llamamiento. Ñasẽ guive bautismo ygui, ñañehenói ko tembiapópe. Jaipyso peteĩ mborayhu po ñande rapichakuérape ñande Salvador omandahaguére jajapo haĝua upéicha. Alma he’ive: Ha máva ovecharerekua piko…oguerekóvo heta ovecha noñangarekói hesekuéra, ani oike umi aguaraguasu ha ho’u ijovecha atýgui? …nomondýi piko chupe?” Cada ves ñane vecinokuéra oguereko jehasa’asy, taha’e temporal térã espiritual, jaha ñaipytyvõ chupekuéra; Jagueraha umi ñane mba’epohýi ojupe ivavýi haĝua; Ñanerasẽ umi hasẽva ndive; Ñamoangapyhy umi oikotevẽva angapyhýpe. Upéva ha’e Ñandejára oha’arõva mborayhúpe ñandehegui. Ha oĝuahẽta ára ojapóta ñandehegui responsable pe ñeñangareko rehe ñamoĩva ñaministra haĝua Irrebaño.
Che angirũ okamparti ambue elemento iñimportanteitereíva ovechakuéra ñeñangareko monatañakuérape. Omombe’u, umi ovecha okañýva ha’ékuri particularmente vulnerable umi depredador peligro-pe. Añetehápe , ha’e ha ipytyvõhárakuéra ohasa 15 porciento del tiempo total ohekávo umi ovecha okañyva’ekue. O’aprende pya’eve otoparõ hikuái umi ovecha okañyva’ekue, oñemomombyryete mboyve pe rebañogui, oĩ menosve probabilidad osufritaha algún daño. Omombe’u pe tuicha paciencia ha disciplina oñeikotevẽva ojerrecupera haĝua umi ovecha okañyva’ekue.
Ojapo algunos aÑos, atopa peteĩ periódico local-pe peteĩ articulo ojoguáva chéve iÑinteresante ha añongatu. Pe titular pagina peteĩhápe he’i: “ Jagua rova’atã ndohejareíri umi ovecha okañyva’ekuépe.” Upe articulo odescribi peteĩ pokã ovecha numero ha’éva peteĩ negocio mba’e namombyrýiva che angirũ propiedad-gui, opytáva’ekue tapykué gotyo pe kapi’i veraniego-pe. Mokõi térã mbohapy meses rire, opyta hikuái atrapada pe nieve de las montañas-pe. Umi ovecha opyta vove tapykuépe, pe jagua ovehero opyta hendivekuéra, ha’égui ideber oñangareko ha omo’ã chupekuéra. Ha ndohejái ovigila’ỹre chupekuéra. Opyta upépe, ojerévo umi ovecha okañyva’ekue jerére umi meses ro’y ha oneva aja, omo’ãvo chupekuéra umi lobo, leõ montañagua térã oimeraẽ ambue depredador ikatúva odaña chupekuéra. Opyta upépe ikatu peve oguia térã ogueraha chupekuéra pe pastor ha irrebaño seguridad-pe. Ikaturõ siquiera ñasupone jahecha pe jagua carácter ha komportamiento hesápe, upeicharõ ikatune jahecha pe ta’angápe ojekaptáva ko fotografía-pe.
Nuevo Testamentope, jajuhu peteĩ pe Salvador parábola ha instrucción ome’ẽva komprensión porãve ñande responsabilidad-gui pastorkuéraicha, hermano ha hermanakuéra ministrante umi ovecha okañyva’ekuégui:
“¿Máva kuimba’épa pende’apytépe, oguerekorõ cien ovecha, ha okañý peteĩ ijapytépegui, ndohejái umi noventa y nueve desierto-pe ha oho pe okañyva rapykuéri, ojuhu peve chupe?
“Ha otopávo, omoĩ ijati’y ári vy’ápe;
“Ha oĝuahẽ vove hógape, ombyaty iñangirũnguéra ha vecinokuérape, he’ívo: Pevy’a chendive atopa haguére che ovecha okañyva’ekue.”
Ñamombykývo pe lección ombo’éva upe parábola, jatopa ko valioso consejo:
-
Jatopava’erã moõpa oĨ umi ovecha okañyva’ekue.
-
Jaheka chupekuéra jatopa peve.
-
Jatopa vove, ikatu jahupiva’erãha ñande ati’y ári jagueraha haĝua chupekuéra ógape.
-
Ou jey vove, ñambojere angirũnguéra rehe.
Hermano ha hermanakuéra, ñande desafio ha rrecompensa tuichavéva oiméne ojerrecibi ñaministrávo umi ovecha okañyva’ekuépe. Mormón Kuatiañe’ẽme, tupaogua miembrokuéra “ oñangareko hikuái itavayguakuérare, ha omombarete chupekuéra umi mba’e ha’éva tekojoja rehegua reheve.” Ikatu jasegui iñehemplo jaguerekorõ presente ñeministra “ojeguiava’erãha Espiritu-re, ha’e flexible ha oje’adapta cada miembro ñeikotevẽme”. Iñimportanteiterei ñaÑeha’ã “ñaipytyvõ tapichakuéra ha familiakuérape oñembosako’i haĝua ordenanza oútavape ĝuarã, oñongatu haĝua [i]konveniokuéra… ha ha’e haĝua autosuficiente.”
Ñande Ru Yvagaguápe ĝuarã opa ánga ivaliosaiterei. IÑinvitación personal ñaminiatra haĝua ha’e tuicha valía ha importanciagui Chupe ĝuarà, ha’égui Hi’obra ha Igloria. Ha’e literalmente pe eternidad obra. Opavave Ita’yrakuéra oguereko peteĩ potencial ijojaha’ỹva Hesa renondépe. Ha’e penderahayhu peteĩ mborayhu ndaikatúiva jepe pekomprende .Pe jagua ovejero tujaicha, Ha’e opytáta upe montaña-pe penemo’ã haĝua yvytu, yvytu’atã, nieve ha hetave mba’égui.
Conferencia pahápe, presidente Russell M. Nelson ombo’e: “Ñane mensaje ko mundo-pe i’simple ha i’sincero: ña’invita opavave Tupã ra’y ha rajykuérape,mokõive lado del velo-pe, ou haĝua Isalvadorpe, orrecibi umi santo templo jehovasa, ohupyty vy’apavẽ opave’ỹva ha okalifika tekove opava’ỹvape ĝuarã.”
Taikatú jahupi ñande resa upe visión profética-pe, ikatu haĝuaicha japastorea umi ánga templo gotyo ha ipahápe ñande Salvador Jesucristo gotyo. Ha’e noha’arõi jajapo milagros; Ojerurénte tajagueraha ñande hermano ha hermanakuéra Chupe, Ha’e oguerekógui pu’aka orredimi haĝua hi’angakuéra. Jajaporõ upéicha, ikatu ja’asegura ha jaje’asegura ko promesa-gui: “Ha o’aparecé vove pe príncipe de los pastores, peẽ perrecibita pe corona incorruptible de gloria.” Upévagui atestifika, há Jesucristo-gui, ñande Salvador há Redentor ramo, Jesucristo rérape. Amén.