Upe visión umi omanova’ekue redención rehegua
Atestifika pe vision presidente Joseph F. Smith orresivi’akue añeteguaha. Ame’ẽ testimonio opavave tapicha ikatuha oikuaa añeteguaha.
Hermano ha hermana-kuéra, che discurso oñembosako’ikuri che rembireko ahayhuetéva Barbara omano mboyve. Che familia ha che rome’ẽ peẽme aguyje pene mborayhu ha cariño pehechaukávare oréve. Ajerure Ñandejára tacherovasa añe’ẽvo peẽme ko pyhareve.
Octubre, 1918-pe, ojapo 100 áño, presidente Joseph F. Smith orresivihague peteĩ visión gloriosa. Haimete 65 áño servicio dedicado rire Ñandejárape La Iglesia de Jesucristo de los Santos de los Últimos Días-pe ha sa’i semana omano mboyve noviembre 19, 1918-pe, oguapy ikotýpe ojepy’amongetávo Cristo sacrificio expiatorio-pe ha oleévo apostol Pedro descripción Salvador ministerio rehegua mundo de los espíritus-pe Ikrusifixión rire.
Ha’e o’escrivi: “Alee aja, cheimpresionaiterei… Ajepy’amongeta aja ko’ã mba’ére … ojepe’a che entendimiento resa, ha Ñandejára Espíritu opytu’u che ári, ha ahecha omano’akue hueste-kuéra.” Upe texto completo visión rehegua oĩ sección 138, Doctrina y Convenios-pe.
Pehejami tamombe’u peẽme antecedente-kuéra ikatu hağuáicha jahechakuaa porãve Joseph F. rekove oñembosako’íva omoğuahẽ hağua ko revelación jehechapýva.
Tupaogua presidente ramo, ovisita Nauvoo 1906-pe ha ojepy’amongeta peteĩ mandu’a orekórõ guare cinco añomínte. Ha’e he’i: “Kóva ha’e pe tendaite añembo’yhápe [José, che tio, ha che ru, Hyrum] ohasávo kavaju ári Carthage rapére. Oguejy’ỹre ikavajúgui, che ru ojayvy isilla de montar ári ha cherupi yvýgui. Cheretŭ ojedespedívo ha chemboguejy jey, ha ahecha oñemombyry ikavajúpe.”
Joseph F. ojecha jeývo chupekuéra, isy, Mary Fielding Smith, omopu’ã chupe ohecha hağua umi martir-kuéra oñenóva ojoykére ojejuka vaiete rire cárcel de Carthage-pe junio 27-vo, 1844-pe.
Mokõi áño rire, Joseph F. ifamilia ha isy fiel ndive, Mary Fielding Smith, oheja hóga Nauvoo-pe oho hağua Winter Quarters gotyo. Ndorekói ramo jepe gueteri ócho áño, ojejerure Joseph F., oguerahava’erã peteĩva umi guéi equípo Montrose, Iowa, Winter Quarters peve ha upéi Lago de Valle Salado-pe, oğuahẽhápe orekóvoma haimete 10 áño. Aha’arõ peẽ mitã ha mitãrusukuéra, pehendupeína ha peñeme’ẽ en cuenta responsabilidad ha expectativa oñemoĩ’akue Joseph F. ári imitãme.
Apena cuatro áño rire 1852-pe, orekóvo 13 áño, omano isy ohayhuetéva, ohejávo tyre’ỹ José ha iñermanokuérape.
Joseph F. oñehenói oservi hağua Islas Hawaianas-pe 1854-pe orekóvo 15 áño. Upe misión hi’areva’ekue mbohapy áño rasami, ha’e peteĩ tekove tupaopegua servicio ñepyrŭ.
Utah-pe ou jeývo, Joseph F. omenda 1859-pe. Áño oúvape, hekove henyhẽ mba’apo, responsabilidades familiares ha mokõi misión-ve. Julio 1 1866-pe, orekóroguare 27 áño, Joseph F. oreko hekove iñambuéva araka’eve ğuarã oñeordenávo apóstol ramo presidene Brigham Young-re. Octubre áño oúvape, omyenyhẽ peteĩ tenda Consejo de los Doce-pe. Oñedesempeña Brigham Young consejero ramo, John Taylor, Wilford Woodruff, ha Lorenzo Snow oiko mboyve presidente ramo 1901-pe.
Joseph F. ha hembireko Julina omoğuaheporã itajýra, Mercy Josephine-pe, ifamilia-pe. há ha’e orekóvo mokõi áño rasamínte omano. Upe riremi, Joseph F. o’escrivi: “Kuehe ojapo peteĩ mes che… Josephine ahayhuetéva omanohague. O! ikatu guie asalva chupe ahecha hağua okakuaa oiko peve chugui peteĩ kuñataĩ. Ahechaga’u ára ha ára ha añeñandu che’año … Tupã toperdona che debilida oĩvaírõ ahayhuete che ra’ykuérape che ahayhuháicha”.
Hekove aja, presidente Smith operde itúa, isy, peteĩ ityke’ýra ha mokõi heindy, mokõi tembireko ha 13 ta’ýra ha tajyrakuéra. Ha’e oikuaa porã pe ñembyasy ha umi ohayhúva pérdida.
Omanóvokuri ita’ýra Albert Jesse, Joseph F. ohai iñermána Martha Ann-pe ojerurehague Ñandejárape tosalvami chupe ha oporandu: “Mba’ére piko péicha?, O, Tupã, mba’ére piko peichava’erã?”.
Oñembo’e hetáramo jepe upe jave, Joseph F. ndorresibí, ñembohovái ko asunto-re He’i Martha Ann-pe umi pe téma ñemano ha mundo de los espíritus reheguáre, “yvága ha’etévaicha bronce ore akã ári”. Ha katu, ife umi Ñandejára promesa eterna-re opyta ha imbarete.
Ñandejára árape, umi ñembohovái adicional, consuelo ha ñemyesakã ohekava’ekue mundo de los espíritus-re oğuahẽ presidente Smith-pe upe visión maravillosa rupi omoğuahẽva’ekue octubre 1918-pe.
Upe áñope, hasyeterei chupe ğuarã. Ombyasy heta oĩ haguére omanóva guerra Mundial-hápe okakuaáva ohóvo 20 millones rasa peve ojejukáva. Avei, peteĩ gripe pandemia iñasãiva opa mundo pýpe ha ojukáva 100 millones tekove.
Pe áño aja, presidente Smith avei operde mbohapy miembro ohayhúva ifamiligua. Elder Hyrum Mack Smith, Quórum de los Doce apóstoles-pegua, ita’ýra ypykue ha ijaguélo, omano sapy’a peteĩ apéndice okapúvare.
Presidente Smith ohai: “Apyta añe’ẽ’ỹre —[paralizado] hasyetereíre! Che korasõ iku’ipaite; otytýi ha’etévaicha opytaséva! O! Ahayhu chupe. Ahayhúta araka’eve ğuarã. Ha upéicha akóinte aiméta opavave che ra’y ha che rajykuéra ndive, ha katu ha’e che ra’y ypykuékuri, ome’ẽ raẽvéva’ekue chéve vy’a ha esperanza peteĩ téra honorable ha opa’ỹva opa kuimba’e apytépe. Che ánga kua pypuku guive, ame’ẽ gracia Tupãme hese!. Ha katu, O! Aikotevẽkuri hese! Opavave roikotevẽ hese! Ha’e ideprovéchokuri Tupaope ğuarã… Ha ko’áğa… O! mba’e ajapóta! O! Tupã tacheipytyvõ!”.
Mes oúvape katu, presidente Smith yerno, Alonzo Kesler, omano peteĩ trágico accidente-pe. Presidente Smith o’escrivi idiario personal-pe: “Ko accidente fatal, ivaiete ha hasyetéva, ojaho’i jey ñembyasýpe opa che familia-pe peteĩ mánto iñypytŭvape”.
Siete mése upe rire, Setiembre 1918-pe, presidente Smith nuera ha che aguéla, Ida Bowman Smith, omano, quinto imemby rire, che tio Hyrum.
Ha péicha, octubre 3 1918-pe, oñandu rire ñembyasy tuicháva umi millone omano’akue mundo-pe ñorairõ ha mba’asýgui, umi ifamiliakuéra ñemanóicha avei, Presidente Smith orresivi pe revelación celestial ojekuaáva “la visión de la redención de los muertos” ramo.
Ha’e oñe’ẽ pe revelación-re ára ko’ẽme conferencia general sesión de apertura-hápe octubre-pe. Presidente Smith resãi oĩvaikuri, ha katu, oñe’ẽ mbovymikuri: “Nañanimái aikévo heta mba’épe oĩvare che akãme ko pyhareve, ha ahejáta ára oútavape ğuarã, Ñandejára oipota ramo, añeha’ãvo amombe’u peẽme mba’e arekóva che akãme ha añongatúva che korasõme. Ndaikói cheaño ko’ã cinco mése [pahápe]. Ajeykeko ñembo’e espíritu-pe, jerure’asy, fe rehegua ha determinación reheve; ha areko meme che comunicación Ñandejára espíritu ndive.
Pe revelación orresivíva octubre 3-pe omboguapy ikorasõ ha ombohovái heta iporandukuéra. Avei ñande ikatu ñañekonsola ha jaikuaave ára ñamanoha áragui ha jahávo mundo de los espíritus-pe ja’estudiávo ko revelación ha jajepy’amongetávo mba’épa he’ise ñande rekovépe jaguerahaháicha ára ha ára.
Heta umi mba’e presidente Smith ohecháva apytépe oĩ Salvador visita umi ifielvape mundo espiritual-pe iñemano rire kurusúre. Upe visión-gui ha’e:
Ha katu péina ápe, umi ijojáva apytépe, ha’e ombyaty mbarete ha ohenói mensajero-kuéra, ipokatúva ha orekóva autoridad, ha okomisiona chupekuéra osẽ hağua ha ogueraha evangelio resape umi oĩvape pytŭmbýpe. Uvei opa umi kuimba’e [ha kuña]. ha péicha pe evangelio ojepredika omanova’ekuépe…
“Ko’ãvape oñembo’e fe Tupã rehe, arrepentimiento pekádore, ñemongarai pekadokuéra ñemboguépe ğuarã, Espíritu Santo don po ñemoĩ rupive.
Ha opa umi evangelio principio-kuéra tekotevẽva ha’ekuéra oikuaa, ikatu hağuáicha ha’ekuéra ojeavilita ojehusga hağua kuimba’ekuéra apytépe, ho’ópe, ha katu oiko espíritu-pe Tupã he’iháicha …
“Umi omanóva ohecháva pe ho’o pore’ỹ puku ijespíritugui peteĩ ñeñapytĩcha
Ko’ãvape, Ñandejára, ombo’e ha ome’ẽ poder osẽ hağua, irresurrección rire amano’akue apytégui, oike hağua Itúva Rreinope, upépe oñekorona hağua inmortalidad ha vida eterna-pe.
“Ha okontinua upe guive hembiapo, oprometeháicha Ñandejára, ha toĩ partícipe opa umi tovasapy oñeñongatúvape umi ohayhúvape ğuarã Chupe”.
Upe vision-pe presidente Smith ohecha itúa Hyrum-pe ha profeta José Smith-pe. Ohasámakuri 74 áño pe ohecha paha guive chupe peteĩ mitã michĩ ramo Nauvoo-pe. Ikatúnte ñañeimagina mba’eichaitépa ovy’a ohechávo itúa ha itio ohayhuetéva. Ha’e oiméne oñeinspira ha oñekonsola oikuaávo opa espíritu ojoguaha hetekuépe ha oha’arõha pe resurrección oñepromete’akue. Upe visión orrevela porãve mba’eichaitépa ipy ha ipypuku pe Túva Yvagagua plan ita’yrakuérape ğuarã ha Cristo mborayhu redentor ha Iñexpiación poder ijojaha’ỹva.
Ko Centenario especial-pe po’invita pelee pypuku porã hağua ko revelación. Pejapóvo, Ñandejára tapenderovasa peikŭmby ha pemomba’e porã hağua Tupã mborayhu ha Iplan Salvación ha vy’apavẽ rehegua Ita’yrakuérape ğuarã.
Atestifika pe visión orekova’ekue presidente Joseph F. Smith añeteguaha. Ame’ẽ che testimonio káda tekove ikatuha olee ha oğuahẽ añetegua jeikuaápe. Umi ndorresivíriva ko kuaapy ko tekovépe ikatu oikuaa añeteguaha oğuahẽvo mundo de los espíritus-pe. Upépe, opavave ohayhu ha o’alaváta Tupã ha Ñandejára Jesucristo-pe upe plan de salvación tuichaite ha resurrección rovasapy oñepromete’akue, pe ñande rete ha ñande espíritu ojoaju jey vove peteĩ jey anivéma hağua ojueja araka’eve
Aime agradecido aikuaa haguére moõpa oĩ che Bárbara ahayhuetéva ha roime jeytaha oñondive ha ore familia-kuéra ndive eternidad pukukue. Ñandejára py’aguapy tapenesostene ko’áğa ha akoiete, péva che ñembo’e miri, Ñandejára Jesucristo rérape. Amén.