Kuñanguéra ha Evanhélio Mbo’epy Ogapýpe.
Pe Salvador ha’e pene ehémplo perfecto papel importante peẽ peguerekótavare, moñepyrũ Ha’e orekóvape oñehekombo’eve hağua pe evanhélio ogapýpe.
Che hermana-kuéra ahayhuetéva, iporãite ñaime jeývo oñondivepa. Kóva ha’e época emocionante Iglesia de Jesucristo de los Santos de los Ultimos Días-pe. Ñandejára oñohẽ hina mba’ekuaapy Itupao ári, Ha’e opromete haguéicha.
Pendemandu’ápa Ha’e he’ihague: “Mboyve árapa y osyrýva ikatu iky’a? Mba’e pu’akápa oĩ ikatúva ojoko umi yvága? Yvypóra rei oñeha’ãta ijyva rupive ojokose pe Rio Misuri osyry atãva, térã ombojevy pe ysyry, ojokoserõguáicha Tupã Ipu’akapáva toñohẽ mba’ekuaapy yvágagui Santo-kuéra Arapahagua akã’ári.”
Ñandejára okompartiha mba’ekuaapy ha’e ombopya’e haĝua Iñeñohẽ verdad eterna rehegua Itavayguakuéra akã ári ha ikorasõmekuéra. Ha’e omohesakãva’ekue pe Túva Yvagagua rajykuéra ojapoha tembiapo tuicháva ko ñembopya’e milagrósope. Peteĩ evidencia ko milágrogui ha’e oisambyhyha hina Iprofeta viviente-pe omoĩ haĝua tuichaitevéva énfasis pe Evanhélio oñembo’e haĝua ogapy ha familia apytépe.
Peẽ ikatu peporandu, “Ha péva mba’éicha ojapóta umi hermana-kuéra ijeroviáva ha’e hağua fuerza primordial oipytỹvõ haĝua Ñandejárape omosarambi imba’ekuaapy Isantokuéra ári?” Ñandejára ome’ẽ mbohovái pe “La familia: Una Proclamación para el mundo-pe”. Peẽ penemandu’a umi ñe’ẽ, ha ikatu pehecha mba’e pyahu he’iséva ha pehechakuaa Ñandejára ohechahague ko’ã cambio emocionante oikóva hína ko’áĝa. Pe proclamación-pe, Ha’e ome’ẽ responsabilidad hermana-kuérape ha’e haĝua evanhélio mbo’ehára principal familia-kuérape ko’ã ñe’ẽme: “Sykuéra ha’e principalmente responsable ohekombo’e haĝua imembykuéra”. Pévape oike pe añetegua rekombo’e ha pe evanhélio mba’ekuaapy.
Ko proclamación o’continua: “Túva ha sykuéra oĩ obligádo oñopytyvõ haĝua compañero igual-ramo”.Ha’ekuéra ha’e compañero igual, ojojoguáva ipotencial espiritual kakuaápe ha ohupity haĝua mba’ekuaapy, ha péicha ojoaju oñopytyvõ rupi. Ha’ekuéra ha’e igual idestino divino-pe oje’exalta haĝua oñondive. Añetehápe, kuimba’e ha kuña ndaikatúi oje’exalta hi’año.
Mba’érepa, Tupã rajykuéra orekóva peteĩ relación unida ha igual orrecibi pe responsabilidad primaria ohekombo’e haĝua pe nutriente iñimportantevéva, opavave orrecibiva’erã, peteĩ mba’eikuaa añeteguáva oúva yvágagui? Che atendeháicha, ko’ãicha Tupã omba’apo familia-kuéra ojejapo ypy guive ko yvy’apére.
Ha péicha, Eva ha’ékuri orrecibiakue mba’ekuaapy Adán tekotevẽha o’participa pe yvayvyramáta kuaapy iporã ha ivaíva reheguágui Iñe’ẽrendu haĝua hikuái opa Tupã rembiapokapykuérare ha omoñepyrũ haĝua peteĩ familia. Che ndaikuaái mba’érepa Eva-pe ou ñepyrũ, ha katu Adán ha Eva oĩkuri perfectamente unido upe mba’ekuaapy oñeñehẽvo guare Adán ári.
Ambue ehémplo Tupã oipuruha kuñanguéra don tekove mbo’épe ĝuarã ha’e mba’éichapa Ha’e omombarete Helamán ra’ykuéra. Arekova’ekue peteĩ nudo en la garganta aleérõ guare pe rrelato ha chemandu’ávo che sy ñe’ẽ mbeguekatumi seguridad rehegua asẽvo guare ógagui ajapo hağua servicio militar.
Helamán ohaiva’ekue:
Isykuéra ombo’eva’ekue chupekuéra ndodudáiramo hikuái, Tupã omosãsotaha chupekuéra.
“Ha he’ijey chéve hikuái isykuéra ñe’ẽ, he’ívo: Ndorodudái ore sykuéra oikuaahague ko’ãva.”
Ndaikuaáiramo jepe mba’érepa Ñandejára ome’ẽ hermana-kuéra ijeroviávape responsabilidad primaria familia-pe ohekombo’e haĝua, che arovia peguereko rupi capacidad pehayhu haĝua. Tekotevẽ tuicha mborayhu peñanduve haĝua ambuekuéra necesidad pe mba’e peẽ peikotevẽvagui. Péva ha’e Cristo mborayhu potĩ pende rapicha pehekombo’évare. Upe sentimiento de karida ou pe persona ojeporavóvagui ha’e hağua tekombo’ehára okalifikava’ekue Jesucristo expiasiõ efecto-rã. Pe Sociedad de Socorro lema, che sy ehémplo ohechaukáva, ha’e mba’e inspirado chéve ğuarã: “Karida ndopáigui araka’eve”.
Tupã rajykueraháicha, pe’nace guive peguereko tuicha capacidad peñandu haĝua ambue tapicha mba’ekotevẽ ha mborayhu. Upévare, ikatu pehenduporãve pe Espíritu susurro. Pe Espíritu ikatu pene mbo’e mba’épa pepensa, mba’épa peje, ha mba’épa pejapóta pehekombo’e haĝua hentekuérape Ñandejára oñohẽ haĝua conocimiento, añetegua ha py’aguasu hi’arikuéra.
Che hermana-kuéra pehendúva che ñe’ẽ opa umi tenda peimehápe pene hornáda tekovepeguápe. Oĩ mitãkuñanguéra oúva por primera vez kuñanguéra sesión general-pe. Oĩ mitãkuñanguéra oñembosako’iva ohekombo’e haĝua Tupã oipotaháicha ojapo. Oĩ omenda ramóva ha ndorekóiva gueteri imemby; ambue sy imitãva orekóva peteĩ térã mokõi imemby. Oĩ ha’éva mitãkuñanguéra sy ha ambuéva oreko imemby campo misional-pe. Oĩ orekóva imemby ikangýva ijeroviápe ha oĩva mombyry hógagui. Oĩ oikóva hi’año, ndorekóiva kompañéro hekojojáva. Oĩ abuela-kuéra avei.
Inclusive, taha’e taha’éva pene circunstancia personal, peẽ ha’e parte—peteĩ parte importante—Tupã familia ha pende familia apytépe, taha’e futúrope, ko mundo-pe térã mundo de los espíritus-pe. Pende jerovia Tupãre ha’e pehekombo’e hağua opavave Ifamilia ha pene familia-kuérape pene mborayhu ha pende jerovia Ñandejára Jesucristo-re.
Pende desafio concreto ha’e peikuaa mávape pehekombo’éta, mba’éichapa ha araka’épa. Piekotevẽ Ñandejára pytyvõ. Ha’e oikuaa ambuéva korasõ, ha Ha’e oikuaa araka’épa ha’ekuéra oĩta preparado o’acepta haĝua pene rekombo’e. Pene ñembo’e jeroviápe oguerúta pende éxito. Pedependekuaa umi Ha’e penembohapévare.
Ha’e ome’ẽ ko motivasiõ: “Pejerure Túvape che rérape jerioviápe, pegueroviávo perrecibitaha, ha ome’ẽta peẽme pe Espíritu Santo, ohechukátava peẽme opa mba’e ipõrava.”
Avei ñembo’e, ha isériova escritura estudio ha’éta parte pu’akapegua kakuaa pehekombo’e haĝua. Kóina ápe la promesa: “Ani pepensa ra’ẽ umi mba’e perétava; ha contuinuamente peguereko pene akãme ñe’ẽ tekove rehegua, ha oñeme’ẽta peẽme upe momento pe porción oimeraẽva oikotevẽtava ohendu.”
Ha péicha peguerekovéta tiempo peñembo’e haĝua, pejepy’amongeta ha pemeditávo ko’ã mba’e espiritual-rehe. Peguerekóta añetegua kuaapy oñehẽtava pende ári ha omongakuaáta pu’aka pehekombo’e haĝua ambue tapicha pene familia-pe.
Oĩta hina momento peñandu pende progreso rupive peikuaáta mba’éichapa tekove mbo’e iporãva imbegue. Tekotevẽta jerovia pe aguanta haĝua. Pe Salvador ombouka peẽme ko motivasiõ:
“Upévare, ani pene kane’õ pejapópe mba’e iporãva, pemoĩ hina peteĩ fundación ko tembiapo tuichaitévape ĝuarã. Ha umi mba’e michĩvagui oñepyrũva tuichaite mba’e.
“Péina ápe, Tupã ojerure peteĩ korasõ ha akã iñe’ẽrendúva; ha pe ikyre’ỹva ha iñe’ẽrendúva okarúta umi mba’eporã oĩva Sión yvýpe ko ára pahápe.”
Pene presencia ko pyharépe ha’e evidencia pe’aceptaha Ñandejára invitación pehekombo’e haĝua ambuekuéra. Kóva ha’e añetegua umi imitãvévape ĝuarã jepe ko pyharépe. Ikatúta peikuaa mávape pehekombo’éta pene familia-kuéra apytépe. Peñembo’éramo pende py’aite guive, peteĩ réra térã peteĩ rova ra’anga oúta pene akãme. Peñembo’éramo peikuaa haĝua mba’épa pejapóta térã mba’épa pejéta, peẽ pehendúta peteĩ mbohovái. Opaite ára pene ñe’ẽrendu jave, pe tekombo’e pu’aka okakuaáta. Pejepreparáta upe ára pehekomo’e haĝua pene membykuéra.
Umi adolescente sykuéra ikatu oñembo’e oikuaa haĝua mba’éichapa omongakuaa peteĩ imemby kuimba’e térã peteĩ imemby kuña ndoikuaaséiva tekombo’e reheguágui. Ikatu peñembo’e peikuaa haĝua mávapa orekóta influencia espiritual pene membykuéra oikotevẽtava ha o’aceptába. Tupã ohendu ha ombohovái umi sykuéra ojepy’ap’ýva ñembo’e sincero, ha Ha’e omboúta mba’epytyvõ.
Avei, peteĩ abuela ko pyharépe ikatu oñandu vy’a’ỹ imemby ha inieto-kuéra mba’embyasy ha tekove jopy rupive. Peẽ ikatu petopa py’aguasu ha sãmbyhy familia-kuéra experiencia escritura-pe oĩvagui.
Eva ha Adán ára guive, ñande Ru Israel ára peve, ha opa familia-kuéra Mormón Kuatiañe’ẽ peve, oĩ peteĩ lección seguro mba’épa jajapo umi mitã ombohovai’ỹva mba’embaysy reheve: Ani araka’eve peheja mborayhu.
Ñande jareko pe Salvador ehémplo ñanemokyre’ỹva ohekombo’évo umi Itúva hijo espiritual ipy’ahatãvape. Ñande ha ha’ekuéra ñambopy’aras’ýramo jepe chupekuéra, pe Salvador ko’áĝa peve omyasãigo ipo. Ha’e he’iva’ekue 3 Nefi-pe umi ijoyke’ykuéra espiritual rehe, Ha’e oñeha’ãva ohekombo’e sin éxito: “Peẽ tavayguakuéra … ha’éva Israel rogayguakuéra, mboy ára piko pombyatyva’ekue ryguasu ombyatyháicha iryguasura’ykuérape ipepo guýpe, ha pomongaru”.
Hermana-kuéra oĩva opa ára tekovepegua je’óipe, opa familia situación-pe, ha opa cultura-pe, el Salvador ha’e pene ehémplo perfecto mba’éichapa peẽ pejapo porãvéta pende parte Ha’e penemongu’évo pemoĩ hağua tuichave énfasis pe evanhélio remimbo’e ogapy ha familia-pe.
Peguerúta peñandúva penace guive karida pekambia haĝua actividad ha práctica-kuéra pene familia apytépe. Upéva oguerúta tuichavéva crecimiento espiritual. Peñembo’e jave pene familia-kuérandi ha hesekuéra, peñandúta pene mborayhu ha Salvador mborayhu hesekuéra. Upéva ha’e ha’evéta pene don espiritual pehekáramo. Pene familiagua oñandúta peñembo’évo tuichave jerovia reheve.
Pene familia oñembyatývo oleé hatã haĝua escritura-kuéra, peẽ japeleémakuri ha peñembo’éma hesekuéra pejepreparávo. Peẽ pe apartámakuri momento peñembo’évo pe Espíritu ohesape haĝua pene apytu’ũ. Upe rire, peleévo, pene familia miembro-kuéra oñandúta pene mborayhu Tupã ha Iñe’ẽre. Ha’ekuéra oñehekombo’éta Hese ha Ijespíritu rupive.
Péichagua ñeñohẽ oukuaa opa ára pene familia-kuéra ári oñembyaty jave, peñembo’e ha peñembosako’íramo pevarã. Ikatu oikotevẽ mba’apo ha ára, ha katu oguerúta milágro. Chemandu’a peteĩ lección che sy ombo’eva’ekue che mitãvérõ guare. Ko’áĝaite peve chemandu’a pe mapa de color ha’e ojapova’ekue Apóstol Pablo viáhe rehegua. Che añeporandu mba’éichapa ha’e oreko tiempo ha energía ojapo haĝua. Ha ko ára peve añeñandu bendecido pe mborayhu ha’e orekóvare upe Apóstol ijeroviáva rehe.
Maymave petopáta mba’éicha peipytyvõkuaa añetegua oñembo’e haĝua pene familia-kuéra Ñandejára Tupao rrestaurádope. Maymave peñembo’e, pemoñe’ẽ ha pemeditáta peikuaa haĝua mba’épa ha’éta pene contribución única, ha katu kóva che aikuaa: maymave peẽ peteĩchagua júgope Tupã ra’y ha rajykuéra ndive, ha’éta peteĩ parte imba’eguasúva pe milagro oñe’aprende ha ojevivi haĝua pe evanhélio, ombopya’étava Israel ñembyaty ha ombosako’ítava Tupã familia-kuéra Ñandejára Jesucristo jejujey gloriosorã. Jesucristo réra marangatúpe. Amén.