Oje’asegurávo peteĩ Huísio Husto
Oje’asegura hag̃ua peteĩ huísio husto, pe Salvador sacrificio expiatório oipe’áta pe mba’evai jekuaa’ỹ rehegua ha umi mba’e rasyete ambue tapichakuéra rupi oúva.
Pe Mormón Kuatiañe’ẽ Ohekombo’e Cristo Doctrina.
Octubre ohasámava, Presidente Russell M. Nelson ñande desafiákuri ñapensami hag̃ua mba’éicha ñande rekove hi’ambuéta umi “kuaapy jahupytyva’ekue Mormón Kuatiañe’ẽgui, ñaimo’ã’ỹre ojeipe’arõ ñandehegui.”1 Ameditákuri ko iñeporandu rehe, arovia heta peẽkuéraicha avei. Peteĩ pensamiento ou ha oujeýkuri—pe Mormón Kuatiañe’ẽ ha pe tesakã orekóva Cristo doctrina ha Isacrificio expiatório rehegua’ỹre, moõpa ahekáne py’aguapy?
Pe Cristo doctrina—ha’éva umi principio ha ordenanza salvadora de fe en Cristo, arrepentimiento, bautismo, don del Espiritu Santo ha perseverar hasta el fin—oñehekombo’e heta véce opaite Restauración rehegua escritura-kuérape, ha katu, peteĩ poder particular reheve Mormón Kuatiañe’ẽme.2 Pe doctrina oñepyrũ fe en Cristo reheve, ha opaite umi ipypegua odepende confianza ojerekóva Isacrificio expiatóriore.
Presidente Nelson ombo’ehaguéicha, “Pe Mormón Kuatiañe’ẽ ome’ẽ entendimiento ikompléto ha ijautorizado véva Jesucristo expiación-gui, mamove ikatúvagui ojejuhu”.3 Ñantendevévo pe Salvador don supremo, jaikuaavéta, ñane apytu’ũ ha ñane korasõme,4 pe rrealida Presidente Nelson oaseguráva, “Mormón Kuatiañe’ẽmegua añetegua oreko pu’aka omonguera, omoĩporã, omyatyrõ, osokorre, omombarete, omoangapyhy ha omokyre’ỹ hag̃ua ñane ánga”.5
Pe Salvador Sacrificio Expiatório O’satisface Opa mba’e pe Hustísia Ojeruréva.
Peteĩ contribución vital ha pacificador Mormón Kuatiañe’ẽ ome’ẽva endimiento jarekóvape Salvador Expiasiõgui ha’e pe mbo’epy ome’ẽva Cristo sacrificio misericordioso okumpliha opa mba’e pe hustísia ojeruréva. Alma he’ihaguéiha, “Tupãite voi oexpia yvóra angaipakuéra, ojapo hag̃ua upe plan poriahuvereko rehegua, omyenyhẽ hag̃ua pe hustísia ojeruréva, Tupã haʼe hag̃ua peteĩ Tupã hekoporãmbaitéva, Tupã ijojáva, ha avei Tupã iporiahuverekóva”.6 Pe Túva plan poriahuvereko rehegua7—escritura-kuéra oheróva avei plan vy’a rehegua8 térã plan salvasiõ rehegua9—ndaikatumo’ãikuri ojejapo ndojesatisfaséiramo opa mba’e pe hustísia ojeruréva.
Ha katu mba’épa umi mba’e pe “hustísia ojeruréva”? Pehachami pe Alma ijehegui ohasava’ekue. Penemandu’a, imitãrusúpe, Alma oikókuri oñeha’ãvo “ohundi pe tupao”.10 Ha péicha Alma he’i ita’ýra Helamán-pe ha’e oĩha “jejopýpe añaretã jehasa’asy reheve” ha’e añetehápe “ojuka rupi heta [Tupã] ra’ykuéra ”oguerahávo chupekuéra ñehundípe”.11
Alma he’i Helamán-pe amo ipahápe ouhague chupe py’aguapy “omoĩvo iñapytu’ũ” umi itúva ombo’eakue “upe… Jesucristo… jeju rehe oexpia hag̃ua yvóra angaipakuéra”.12 Pe Alma oñembyasypyrémava ojerure’asy Cristo misericordia13 ha upéi oñandu vy’apavẽ ha py’aguapy ohechakuaávo Cristo oexpiamahague ipekádo ha opaga opa hustísia ojeruréva. Ja’ejey, mba’épa pe hustísia ojerurera’e Alma-gui? Almaite ombo’ehaguéicha upe rire, “Mba’eve iky’áva ndaikatúi ohupyty pe Tupã rréino”.14 Ha pévare, Alma-pe ombopy’aguapýva ha’e, pe misericordia o’intercede’ỹrõ, pe hustísia ndohejaimo’ãikuri chupe ohojevy oikove Túva Yvagagua ndive.15
Pe Salvador Omonguera umi Erída Ndaikatúiva Ñamonguera.
Ha katu Alma piko orekora’e vy’apavẽ ijehénte—peha’endohupytymo’ãiha kastigo ha ha’eohokuaajeytaha Túvape? Jaikuaa avei Alma ojepy’apyhague umi tapicha oguenohẽakuére pe añeteguágui.16 Ha katu Alma ndaikatúikuri omonguera ha omoĩporãjey opa umi tapicha oguenohẽakuépe. Ha’e ndaikatúikuri oje’asegura oñeme’ẽtaha chupekuéra oportunida husta oaprende hag̃ua pe Cristo doctrina ha ojehovasa hag̃ua ovivívo umi iprincipio vy’apavẽ rehegua. Ha’e ndaikatúikuri ogueru jey umi omanoakue oĩ aja tesa’ypytũme umi mba’e japu ha’e ombo’eakue rupi.
Presidente Boyd K. Packer peteĩ ára ombo’ehaguéicha: “Pensamiento orreskatava’ekue Alma-pe … ha’e péva: Ojerrestaura pe ndaikatúiva ojerrestaura, oñemonguera umi erída ndaikatúiva okuera, oñemyatyrõ umi oñembyaiva’ekue ha ndaikatúiva oñemyatyrõ, péva ha’e Cristo expiasiõ propósito principal”.17 Pe añetegua porãite Alma apytu’ũme “oĩakue” ndaha’éi pe ha’e añónte ikatutaha ipotĩ ha katu umi tapicha ha’e ombyaiakue ikatutaha avei okuera ha oĩporãmbaite.
Pe Salvador Sacrificio O’asegura peteĩ Huísio Husto
Heta ary Alma-pe ojerreskata mboyve ko doctrina ñanembopy’aguapýva rupi, rey Benjamin ombo’eakue pe ñemonguera pypukukue Salvador sacrificio expiatório oikuave’ẽvagui. Rey Benjamin he’iakue pe “mba’e porã pyahu tuicha vy’a rehegua” oñeme’ẽhague chupe “peteĩ Tupã ángel rupive”.18 Umi mba’e porã apytépe oĩkuri pe añetegua Cristo ohasa’asy ha omanotaha ñande pekádo ha ñane rembiapovaikuére o’asegura hag̃ua “peteĩhuísio ijojáva oguejy yvyporakuéra ra’y ári”.19
Ha mba’épa peteĩ “huísio ijojáva” ojerure? Pe verso oúvape, Rey Benjamin omyesakãkuri pe oje’asegura hag̃ua peteĩ huísio ijojáva, pe Salvador ruguy o’expiákuri “umi Adán rembiapovai rupi ho’áva’ekue angaipakuéra” ha umi “omanova’ekue oikuaa’ỹre Tupã oipotáva chuguikuéra, térã ojapova’ekue angaipa jeikuaa’ỹme”.20 Peteĩ huísio ijojáva ojerure avei, ha’e ombo’e, pe “Cristo ruguy o’expia” umi mitã michĩva pekádo.21
Ko’ã escritura ombo’e peteĩ doctrina gloriosa: pe Salvador sacrificio expiatório omonguera, peteĩ don gratuito ramo, umi oikuaa’ỹme opekáva—umi tapicha, Jacob he’iháicha, “noñeme’ẽiakue mba’evéichagua léi”.22 Pe rresponsabilida pekádore odepende tesape oñeme’ẽakuére ñandéve ha odepende katupyry jarekóvare jaiporu hag̃ua ñande libre albedrío.23 Jaikuaa ko’ã verdad sanadora ha consoladora pe Mormón Kuatiañe’ẽ ha ambue escritura Restauración-pegua rupive añónte.24
Ha péicha, oñeme’ẽháme peteĩ léi, ha jaikuaa pe Tupã rembipota, ñande ha’e rresponsable. Rey Benjamin he’iporã haguiécha: “Ai pe oikuaáva opuʼãha hína Tupã rehe! Mavave koʼãvape ndoúigui upe salvasiõ ndahaʼéirõ pe arrepentimiento ha jerovia rupive Ñandejára Jesucristo rehe”.25
Kóva haʼe avei umi mbaʼe porã Cristo docrina rehegua. Pe Salvador ndahaʼéi omonguera ha orrestauráva umi opekavaʼekue oikuaaʼỹre añónte, ha katu avei, umi opekávape contra la luz, Salvador oikuaveʼẽ ñemonguera oñe’arrepenti ha orekóramo fe Hese.26
Alma oiméne “ojejagarra” koʼã mokõi añeteguáre. Oñadúnepa raʼe añetehápe Alma pe ha’e oheroakue “heʼẽvéva … vyʼa”27 opensávo Cristo osalvahague chupe ha katu ohejaha tapiaite g̃uarã perhudikádo umi tapichápe ha’e oguenohẽvaʼekue añeteguágui? Seguramente, nahániri. Alma ikatu hag̃ua oñandu pyʼaguapypaite, umi operhudikavaʼekue oikotevẽ avei oportunida oñemonguera hag̃ua.
Ha katu, mbaʼeichaitépa haʼekuéra—térã umi tapicha ikatúva japerhudika—oñemonguera? Ndaikatúiramo jepe ñantendepa pe mekanismo sagrádo Salvador sacrificio expiatório oporomonguera ha orrestauraha rupi, ñande jaikuaa ojeʼasegura hag̃ua peteĩ huísio husto, pe Salvador oipeʼáta jekuaaʼỹ, ha umi hasyetéva mbaʼerasy ratĩ ambue tapichakuéra ojapoakue.28 Kóva rupi Haʼe oʼasegura mayma Tupã raʼy ha rajykuérape oñemeʼẽtaha oportunida, visiõ hesakãva reheve, oiporavo hag̃ua osegui Chupe ha o’acepta pe plan guasu vyʼapavẽ rehegua.29
Pe Salvador Omyatyrõta Opa mbaʼe Ñambyaiva’ekue
Ha koʼã añetegua ogueruraʼe pyʼaguapy Alma-pe. Ha koʼã añetegua ogueruvaʼerã avei nandéve tuicha pyʼaguapy. Kuimbaʼe ha kuña natural ramo, enterove jajoso, térã sapyʼante jachoka ojuehe ha ñañehunga. Oimeraẽ túva ikatuháicha otestifika, pe dolor oúva ñande error-gui ndahaʼéi jekyhyje ñande jupe jekastigágui añónte, ha katu jekyhyje oimérõ g̃uarã ñamomichĩ ñane familia vyʼapavẽ térã de alguna manera ndohejái raʼe ohecha ha ontende hikuái pe añetegua. Pe gloriosa promesa del sacrificio expiatório del Salvador haʼe, pe jajapóramo jepe jejavy sy ha túva ramo, Haʼe ndokulpái ñane familia-pe ha opromete sanasiõ chupekuéra g̃uarã.30 Ha opekáramo jepe hikuái pe tesape rehe—enterove jajapoháicha—pe Ijyva misericordia rehegua ojepyso gueteri,31 ha Haʼe orredimíta chupekuéra omaʼẽramo Hese ha ovivi.32
Pe Salvador orekóramo jepe puʼaka omyatyrõ hag̃ua pe ndaikatúiva ñamoĩporã, Haʼe heʼi ñandéve jajapovaʼerãha opa mbaʼe ikatúva, ñamoĩ hag̃ua pe rrestitusiõ ñane arrepentimiento parte ramo.33 Umi ñande pekádo ha jejavy ndahaʼéi okambiánteva pe ñane rrelasiõ Tupã ndive ha katu okambia avei ñane rrelasiõ ambuekuéra ndive. Sapy’ánte ñane ñeha’ã ñamonguera ha ñamoĩporãjey hag̃ua ha’e jajerurénte peteĩ diskulpa, ha katu ambue ára rrestitusiõ ikatu oikotevẽ heta ary ñeha’ã ñemomirĩme.34 Upevére, hetave umi ñande pekádo ha jejavýpe, simplemente ndaikatúi ñamonguera opa umi ñalastimava’ekuepe. Pe Mormón Kuatiañe’ẽ ha pe evangelio rrestaurádo hechapyrãva promesa py’aguapy rehegua ha’e pe Salvador omyatyrõtaha opa mba’e ñambyaiakue.35 Ha Ha’e ñanemyatyrõta avei jajúramo Hendápe jerovia reheve ha ñañe’arrepenti umi mba’evai jajapoakuégui 36 Ha’e oikuave’ẽ mokõive ko’ã don, enterovépe ñanderayhu rupi mborayhu perfecto reheve37 ha oĩ rupi komprometido o’asegura hag̃ua peteĩ huísio husto omoĩporãva mokõive, pe hustísia ha pe misericordia. Atestifika péva añeteguaha, Jesucristo rérape, amén.