Ñembo’ekuéra jerovia reheve
Ñañembo’évo jerovia reheve, ñande ha’éta peteĩ parte fundamental Ñandejára rembiapópe Ha’e oprepara aja ko mundo Isegunda Venida-rã.
Elder Maynes ñembo’e, oñepyrũvo ko primera sesión conferencia general-gua , oñembohovái hína. Pe inspiración ou ñandéve umi mensaje ha música porãite’asy rupive. Presidente Russell M. Nelson promesa ko conferencia ha’etaha magnifica ha memorable oñepyrũma oñekumpli hína.
Presidente Nelson odesigna ko año “peteĩ periodo bicentenario ramo oñekonmemorávo 200 años Tupã pe Túva ha Ita’ýra Ohayhuetéva, Jesucristo, ojehechaukahague José Smith-pe peteĩ visión-pe.” Presidente Nelson ñane’invita jajapo haĝua peteĩ plan personal jajeprepara haĝua ko conferencia histórica-pe ĝuarã, ikonmemorasión, he’íkuri ha’etaha “peteĩ punto clave Tupao historia-pe, ha pende parte ha’eva tuichaite mba’e.”1
Chéicha, ikatu pehendu imensaje ha peñeporandu, “¿Mba’éichapa che parte iñimportanteiterei?” Ikatu pemoñe’ẽ ha peñembo’e pe Restauración evento-kuéra rehe. Ikatu, hetave araka’evégui, pelee umi ñemombe’u umi tiempo Tupã pe Túva opresenta haguépe Ita’ýra Ohayhuetévape. Ikatu pelee umi momento-gui pe Salvador oñe’ẽ haguépe ñande Ru Yvagagua ta’yrakuérape. Aikuaa che ajapohague opa umi mba’e.
Ajuhu che lectura-pe umi referencia Tupã sacerdocio ha umi dispensación ñepyrũmby rehegua. Che humilde Añepyrũvo ahechakuaa che preparación ko conferencia-pe ĝuarã ha’ékuri peteĩ clave che historia personal-pe. Añandu che korasõ oñemoambue. Añandu peteĩ gratitud pyahu. Cherenyhẽ vy’águi perspectiva renondépe añe’invitaha aparticipa haĝua ko celebración Restauración oikomeméva reheguápe.
Añe’imagina ambuekuéra oñandu hína, preparación porã rupi, vy’a guasuve, optimismo, ha tuichave determinación oservi hag̃ua oimeraẽ cargo Ñandejára oikotevẽhápe.
Umi evento hechapyrãva ñamomorãva hína ha’ékuri pe dispensación paha ñepyrũmby ojeprofetisava’ekue, Ñandejára opreparahápe Itupao ha Itava’yguakuérape, umi ogueraháva hi’ári Héra, orrecibi hag̃ua Chupe. Ñandepreparávo Ha’e oujey peve, Ha’e ñanemopu’ãta opavave ñandéve, ikatu hag̃uaicha ñambohovake umi desafio ha oportunidad espiritual idiferénteva opa ambue ojehechava’ekue ko mundo historia rehegua.
Septiembre 1840-pe, profeta José Smith ha iconseherokuéra Primera Presidencia-pe ojapókuri ko declaración: “Ñandejára rembiapo ko’ã ára pahápe tuichaiterei rasa ha aimete ohasa yvyporakuéra comprensión. Igloria ohasa opa descripción, ha igrandeza ndai’jojahái. Ha’e pe tema omokyre’ỹva’ekue umi profeta ha yvypóra hekojojáva py’a mundo ojejapo guive cada generación oúva rupive ko’aĝaite peve; ha ha’e añetehápe pe dispensación de la plenitud de los tiempos, opa mba’e oĩva Cristo Jesús-pe, taha’e yvága térã yvýpe, oñembyatytahápe Ichupe, ha opa mba’e ojerrestauratahápe, he’iháicha opa umi profeta marangatu ko mundo oñepyrũ guive; ipype oikótagui pe glorioso cumplimiento opa umi promesa ojejapova’ekue tuvakuérape, pe Altísimo pu’aka jehechauka ha’etahápe tuicha, glosioso ha sublime.”
Upéi he’ive: “Roime dispuesto roseguívo tenonde gotyo ha rombojoaju ore energía oñemopu’ã haĝua pe Réino ha oñemoĩ pe sacerdocio iplenitud ha iglóriape. Pe tembiapo ojejapova’erã ára pahápe iñimportanteiterei, ha oikotevẽta toñemoĩ en acción santokuéra mbarete, katupyry, talento ha capacida ikatuhaĝuáicha ña’avansa upe gloria ha majestad reheve odescriviva’ekue profeta [Daniel] [tojehecha Daniel 2:34–35, 44–45]; ha, upévare, tekotevẽta santokuéra concentración ojejapo haĝua umi tembiapo péichaite peve tuicha ha hechapyrãva.”2
Ne’ĩrã gueteri ojerrevela heta umi detalle mba’épa jajapóta, ha araka’épa jajapóta pe restauración ojegueraháva hína a cabo-pe. Jepe upéicha, Primera Presidencia, umi ára ñepyrũmbýme jepeve, oikuaa pe tembiapo Ñandejára opresentáva ñandéve tuichakue ha pypukukue. Ko’ãva ha’e alguno umi ejemplo jaikuaáva oikotaha:
Isantokuéra rupive, Ñandejára oikuave’ẽta Iñevangelio don “opa tetã, tribu, lengua ha tavayguakuérape.”3 Tecnología ha milagro-kuéra oguerekóta gueteri peteĩ función, upéicha avei umi “pescadores de hombres”4 individuales oministráva pu’aka ha jerovia cada ves tuichavéva reheve.
Ñande, tavayguáicha, jajoajuvéta umi conflicto okakuaáva mbytépe. Ñande’atýta umi grupo ha familiakuéra henyhẽva Evangelio tesape-gui mbarete espiritual-pe.
Jepe peteĩ mundo oguerovia’ỹva ohechakuaáta Iglesia de Jesucristo de los Santos de los Últimos Días-pe ha odescubríta pe Tupã pu’aka oĩva ipype. Umi discípulo hekojoja ha ipy’aguasúva ojagarráta hi’arikuéra Cristo réra py’aguasu, ñemomirĩ ha hesakãporã hekovépe ára ha ára.
¿Mba’éichapa, upéicharõ, ikatu japarticipa opavave ñande ko tembiapo tuichaite ha hechapyrãitévape? Presidente Nelson ñanembo’e ma’éichapa ikatu jakakuaa poder espiritual-pe. Ñaconsiderarõ pe arrepentimiento ha’eha peteĩ oportunidad gozosa ñande jerovia kakuaa rupi Jesús ha’eha pe Cristo, ñantendévo ha jagueroviávo ñande Ru Yvvagua ohenduha opa ñane ñembo’ekuéra, ñañeha’ãvo ja’obedece ha javivi haĝua mandamiento-kuéra, ñambokakuaa ñande pu’aka jarrecibi meme haĝua revelación. Pe Espíritu Santo oñekonvertikuaa ñane kompañero constante-pe. Ñakonserva peteĩ tesape remiandu ko mundo ñanembojeréva iñypytũverõ jepe.
José Smith ha’e peteĩ ejemplo mba’éichapa ikatu oñembotuicha upe pu’aka espiritual. Ha’e ohechauka ñandéve pe ñembo’e jerovia reheve ha’e pe kláve rrevelasiõrã Tupãgui. José oñembo’e jerovia reheve, ogueroviávo Tupã pe Túva ombohovaiha ñembo’ekuéra. Oñembo’e jerovia reheve, ogueroviávo Jesucristo rupive añónte oñemosãsokuaa kulpa oñandúvagui ipekadokuéra rehe. Ha oñembo’e jerovia reheve, ogueroviávo ojuhuva’erãha Jesucristo tupao añetegua ohupyty haĝua ãngaipajora.
Iministerio profético pukukue, José Smith oipuru ñembo’e jerovia reheve ohupyty haĝua revelación continua. Ñambohovakévo umi desafio ko’aĝagua ha umi oútava, ñande avei ñamoĩva’erã en práctica upe modelo. Peteĩ jave, Presidente Brigham Young he’i, “Ndaikuaái ambue forma de vivir Santos de los Ultimos Días-pe ĝuarã ndaha’éirõ cada aliento taha’e prácticamente peteĩ ñembo’e Tupãme Ha’e oguia ha odirihi haĝua Itavayguakuérape.”5
Upévare, ko’ã ñe’ẽ oración sacramental-pegua odeskriviva’erã ñande vida diaria: “Tapiaite ñanemandu’a Hese.” “Hese” he’ise, Jesucristo rehe. Umi ñe’ẽ oúva upéi, “ha oñongatu imandamientokuéra,” osugeri mba’épa he’ise ñanemandu’a Hese.6 Ñanemandu’a memévo Jesucristo-re, ikatu ñañeporandu ñembo’e kirirĩháme: “¿Mba’épa Ha’e oipota che ajapo?”
Upe ñembo’e, ojejapóva jerovia reheve Jesucristo-re, omoñepyrũ ko dispensación paha. Ha ha’éta pe base tembiapo jaguerekótavagui opavave ñande idesarrollope. Peẽicha, adescubri heta ejemplo hechapyrãva upeichagua ñembo’égui.
Primer ejemplo ha’e José Smith, Ha’e oporandúkuri, peteĩ mitã jerovia reheve, mba’épa oipota Ñandejára ha’e tojapo. Iñembohovái omoambue ko mundo historia.
Chéve ĝuarã, oĩ peteĩ lección iñimportanteitereíva José ñembohovái Satana atákepe oñesu ramo oñembo’e haĝua.
Aikuaa, experiencia propia rupi, Satana ha hembiguaikuéra oñeha’ãha tañañandu nañañembo’éiva’erãha. José Smith, opa imbarete reheve, ojerure’asývo Tupãme omosãso haĝua chupe upe pu’akágui oñeha’ãva oñapytĩ chupe, ohupyty peteĩ ñembohovái ijerure’asýpe ha oje’aparece chupe pe ñande Ru Yvagagua ha Jesucristo.
Satana ñeha’ã ombyai haĝua pe Restauración ñepyrũmby hatãitereíkuri oikuaagui José ñembo’e iñimportanteitereiha. Peẽ ha che jaguereko tembiapo michĩvéva pe Restauración oikomemévape. Jepe upéicha, pe Restauración enemigo oñeha’ãta ani ñañembo’e. José jerovia ha determinación ikatu ñanemombarete ñande propósitope. Kóva ha’e peteĩ heta razón apytépe che aguije haguére Túva Yvagaguápe profeta José rehe.
Enós, Mormón Kuatiañe’ẽme, ha’e ambue modelo che ñembo’e jerovia reheve ĝuarã añeha’ã aja ajapo che parte Restauración oikomemévape. Taha’e ha’éva pende parte, peẽ avei pejagarrakuaa chupe pende modelo personal ramo.
José-icha, Enós oñembo’e jerovia reheve, Ha omombe’u ijexperiencia kóicha:
“Ha che ánga iñembyahýi; ha añesũ che Apohare renondépe, ha ajerure chupe ñembo’e mbarete ha jerure’asýpe che ánga rehe; ha ajerure’asy chupe ára pukukue aja, heẽ, ha pytũ rire, amopu’ã gueteri che ñe’ẽ yvate oğuahẽ meve yvágape.
“Ha ou chéve peteĩ ñe’ẽ he’ívo: Enós, oñeperdona ndéve ne angaipakuéra, ha rejehovasáta.
“Ha che, Enós, aikuaa Tupã ndaikatuiha ijapu; upévare, che kúlpa oguepa.
“Ha che ha’e: Ñandejára, ¿mba’éicha piko oiko upéva?
“Ha haʼe heʼi chéve: Nde jerovia rupi Cristo-re, arakaʼeve nderehechái ni rehenduivaʼekuépe. Ha ohasáta heta ary haʼe ojehechauka mboyve hetépe; upévare, tereho, nde jerovia nemopotĩ.”7
Pe lección cherovasava’ekue oĩ ko’ã ñe’ẽme: “Nde jerovia rupi Cristo-re, arakaʼeve nderehechái ni rehenduivaʼekuépe.”
José oguerekókuri jerovia oho vove pe arboleda-pe ha avei oñembo’évo oñemosãso haĝua Satana pu’akágui. Ndohecháikuri gueteri pe Túva ha Ta’ýrape, ha katu oñebo’e jerovia reheve, opa ikorasõ mbarete reheve.
Enós experiencia chembo’e upe misma lección hepyetéva. Añembo’e vove jerovia reheve, aguereko pe Salvador che abogado ramo Túva renondépe ha añandu che ñembo’ekuéra oĝuahẽha yvágape. Umi ñembohovái ou, Jehovasa ojehupyty, Oĩ py’aguapy ha vy’a jepe umi momento hasývape.
Ha’éramokuri miembro pyahuvéva Cuórum de los Doce Apóstoles-pe, chemandu’a añesũ hague añembo’e élder David B. Haight ndive, Ha’e Oguerekókuri edad che arekóva ko’áĝa rupi, umi desafio che arekóva reheve. Chemandu’a iñe’ẽpu rehe oñembo’évo. Ndajehesape’ái amaña haĝua, ha katu ipu opukavyrõguáicha. Oñe’ẽ Túva Yvagagua ndive ñe’ẽpu rory reheve.
Ahendukuaa che akãme ivy’a he’i vove: “Jesucristo rérape.” Ojoguávaicha chéve élder Haight oñanduha pe Salvador okonfirmaha hína upe momento-pe, pe mensaje ha’e he’iva’ekue iñembo’épe. Ha aime seguro ojerreciviha peteĩ pukavy reheve.
Ñande katupyry jajapo haĝua ñande contribución fundamental ko Restauración oikomeméva hínape okakuaáta okakuaa aja ñande jerovia Jesucristo-re ñande Salvador ramo, ha ñande Ru Yvagaguáre ñande Túva ramo. Ñañembo’évo jerovia reheve, ñande ha’éta peteĩ parte fundamental Ñandejára rembiapópe Ha’e oprepara aja ko mundo Isegunda Venida-rã. Añembo’e opavave tajajuhukuaa vy’a jajapóvo pe tembiapo Ha’e ñane’invitáva opavavépe jajapo haĝua.
Atestifika Jesucristo oikoveha; Kóva ha’e Itupao ha Irréino ko yvy ári. José Smith ningo pe Restauración-gua Proféta. Presidente Russell M. Nelson ha’e Ñandejára profeta ko’áĝagua yvy ári. Ha’e oguerekopa umi sacerdocio llave Iglesia de Jesucristo de los Santos de los Últimos Días-pe. Jesucristo rérape, Amén.