Mormón kuatiañe’ẽ ñesẽ
Umi hechos históricos ha umi Mormón Kuatiañe’ẽ testigo especial otestifika hikuái iñesẽ añete imilagroso hague.
Oñembyaty aja tupaogua elderes-kuérandi peteĩ jey, profeta José Smith he’i: “Peipe’a Mormón Kuatiañe’ẽ ha revelacion-kuéra, ha moõ opyta ñande religión? Ndajarekói mba’eve.”1 Cher hermano ha hermanakuéra pohayhuetéva, Primera Visión rire, Mormón Kuatiañe’ẽ ñesẽ milagroso ha’e upe mokõiha ita fundamental Jesucristo evangelio restauración desarrollo-pe, ko dispensación-pe. Mormón Kuatiañe’ẽ otestifika Tupã mborayhu ita’yrakuérare, Ñandejára Jesucristo sacrificio expiatorio divino ha desinteresado-gui ha ikoronación ministerio nefita-kuéra apytépe nda’aréi irresurrección rire.2 Avei otestifika Israel róga rembyrégui oikotaha peteĩnte hembiapo rupi ko’ã ára pahápe ha ndojehejamo’ãiha hikuái akoiete ğuarã.3
Ja’estudiávo ko kuatiañe’ẽ Escritura sagrado ñesẽgui ko’ã ára pahápe, ñañeme’ẽ en cuenta opa umi tembiapo imilagroso hague, profeta José orresivi guie umi pláncha de oro peteĩ ángel marangatu rupi oñembohasa peve upe “Tupã don ha pu’aka rupive,”4 Ipreservación, ha iñesẽ Ñandejára po rupive.
Pe Mormón Kuatiañe’ẽ ñesẽ oñepyrŭ heta ára José Smith orresivi mboyve umi pláncha de oro ángel Moroni pógui. Profetakuéra ymaguare oprofetisa ko kuatiañe’ẽ sagrado ñesẽgui ko’ã ñande árape.5 Isaías oñe’ẽ peteĩ kuatiañe’ẽ sellado-gui, osẽ vove, umi gente oñorairõtaha Tupã ñe’ẽ rehe. Ko circunstancia omoĩ upe contexto Tupã ikatutahápe ojapo upe imba’éva “tembiapo maravilloso ha peteĩ prodigio,” oguerúvo “ikuimba’ekuéra arandu arundupy to[mano] ha ikuimba’ekuéra prudente ñeikŭmby [to]kañy,” umi imánsova “omongakuaa aja ivy’a Ñandejárape, ha umi imboriahuvéva yvyporakuéra apytépe, ovy’avéta Santo de Israel-pe”6 Ezequiel oñe’ẽ palo de Judá-re (Biblia-pe) ha palo de Efraín-re (Mormón Kuatiañe’ẽme) oñembojoajúva peteĩcha. Mokõive Ezequiel (Antiguo Testamento-pe) ha Lehi (Mormón Kuatiañe’ẽme) he’i “okakuaataha oñondive“ okonfundi hağua pe doctrina añetegua’ỹ, omoĩ py’aguapy ha ñandegueraha hağua umi konveniokuéra jeikuaápe.7
Pe 21 de septiembre 1823 ka’arúpe, tres años y medio o’experimenta rire Primera Visión, ángel Moroni, nefita-kuéra profeta paha Amérika ymaguarépe, ovisita mbohapy jey José-pe, iñembo’e añete ñembohováiramo. Umi visita aja hi’aréva pyhare pukukue, Moroni he’i José-pe Tupã oguerekoha peteĩ obra maravillosa chupe ğuarã: umi profeta ymaguare continente americano-gua ñe’ẽnguéra inspirádo ñembohasa ha ñeguenohẽ ko múndope.8 Ko’ẽ rire, José oho upe tendápe, namombyrýiva hógagui, Moroni oñotỹ haguépe umi planchakuéra hekove pahápe, siglos upe mboyve. Upépe José ohecha jey Moroni-pe, he’íva chupe toñembosako’i orresivi hağua umi plancha ára oútavape.
Cuatro áño oúva aja, káda áño 22 de septiembre, José orresivive instrucciones Moroni-gui umi oikuaáva’erãre mba’éichapa oñegovernava’erã Ñandejára rréino ára pahápe. Upe José preparación-pe avei oike umi Tupã ángel-kuéra visíta, orrevelávo péicha umi evénto majesta ha gloria oikótava ko dispensación-pe.9
Iñemenda Emma Hale-ndi 1827-pe ha’e avei upe preparación parte. Ha’e oreko peteĩ papel importante oipytyvõvo Profeta-pe hekove ha iministerio pukukue. Upéicha, septiembre 1827-pe, Emma omoirŭ José-pe kolína peve oñeñomi haguépe umi pláncha, ha oha’ãrõ chupe ángel Moroni omoĩ aja upe registro José pópe. José orresivi promesa umi planchakuéra ojepreservataha oñeha’ã ramo omantene a salvo oho jey peve Moroni pópe10
Che irŭnguéra evangelio-pe pohayhuetéva, heta umi ko’áğagua descubrimiento ymaguare áragui oiko peteĩ excavación arqueológica aja térã uvei accidente ramo peteĩ proyecto de construcción aja. José Smith, katu, ojegueraha peteĩ ángel-re umi pláncha peve. Pe resultado ijehegui voi peteĩ milagro.
Mormón Kuatiañe’ẽ ñembohasa proceso avei peteĩ milagro. Ko sagrado registro ymaguare ndaha’éi “oñembohasáva” manera tradicional-pente umi eruditokuéra ombohasaháicha umi texto ymaguare oikuaávo peteĩ ñe’ẽ yma. Jahechaveva’erã upe proceso peteĩ “revelación” ramo instrumento físico ñepytyvõme Ñandejára ome’ẽva peteĩ “ñembohasa” rãnguénte peteĩ oikuaáva rupi umi ñe’ẽ. José Smith he’i, Tupã poder rupive, “ombohasa hague Mormón kuatiañe’ẽ umi [jeroglífico-gui], ikuaapy okañyva’ekue múndogui, pe maravilloso evento [ha’e] oĩ haguépe ha’eño, peteĩ mitãrusu tavy, okombati hağua pe mundo arandu , ha pe ignorancia oñemultiplikáva dieciocho siglo aja, peteĩ revelación pyahúre.”11 Ñandejára ñeipytyvõ planchakuéra ñembohasápe, térã revelación, ja’ese ramo, avei ojehecha oñekonsiderávo pe milagroso sa’i ára hi’are hague José Smith ombohasa hağua.12
Umi José escribiente-kuéra otestifika Tupã pu’aka oñemanifestaha omba’apo aja Mormón kuatiañe’ẽ ñembohasápe. Oliver Cowdery he’i peteĩ jey: “Ha’e ára araka’eve ojehesarai’ỹtava: aguapy peteĩ ñe’ẽpu hyapúva yvága inspiración guýpe, omombáy aguyje tuichavéva ko pyti’ápe.” Ára ha ára, asegi, pytu’u’ỹre, a’escribívo ijurúgui, ha’e ombohasa aja … Mormón kuatiañe’ẽ.’”13
Umi fuente histórica omombe’u upe momento José Smith ojapyhy guie umi pláncha 1827-pe, oñeñeha’ã hague oñemonda chugui. He’i “ojepuru hague umi ñeha’ã oporomokane’õvéva ojejapyhy hağua [umi pláncha] i[chugui]” ha “ojepuru hague opa trampa ikatúva oñeinventa upevarã.”14 Ipahápe José ha Emma ova mante Manchester, Nueva York-gui, Harmony, Pennsylvania-pe, ojuhu hağua peteĩ tenda segúro ñembohasa tembiapópe ğuarã mombyry umi gente’aty ha omondasévagui umi pláncha.15 He’iháicha peteĩ historiador: “Péicha opa upe fase ñepyrŭ hasýva José guardia-pe umi plancha ári. … Upeichavérõ, pe registro oĩ a salvo ha, ilúcha opreserva hağuáme, José añetehápe oikuaave umi Tupã ha kuimba’ekuéra rapégui oservítava chupe ára oútavape ğuárã.”16
Ombohasa aja Mormón Kuatiañe’ẽ, José oikuaa Ñandejára oiporavotaha testigokuéra ohecha hağua umi pláncha.17 Upe parte Ñandejaraite omoĩva’ekue he’ívo: “Mokõi térã mbohapy testigo juru rupive ojestableséta káda ñe’ẽ.”18 Oliver Cowdery, David Whitmer ha Martin Harris ha’éva umi omoirŭ ñepyrŭva’ekue Josépe omoĩvo upe Tupã rembiapo maravilloso ko dispensación-pe, ha’e umi testigo ñepyrŭ oñehenóiva ome’ẽ hağua testimonio especial Mormón Kuatiañe’ẽgui ko múndope. Otestifika hikuái peteĩ ángel, oúva Ñandejára rendágui, ohechauka hague chupekuéra pe registro antiguo ha ohecha hague umi caracteres grabados plánchape. Avei otestifika hikuái ohendu hague Tupã ñe’ẽpu yvágagui odeklarávo upe registro oñembohasa hague Tupã don ha pu’aka rupive. Upéi oje’e chupekuéra otestifika hağua upévagui opaite ko múndope.19
Ñandejára ohenói milagrosamente ambue ócho testigo-pe ohecha hağua umi planchas de oro ijehegui ha taha’e añetegua testigo especial Mormón Kuatiañe’ẽ divinida-gui múndope ğuarã. Ha’ekuéra otestifica ohecha ha o’examina hague ñeñangarekópe umi planchakuéra ha i-caracteres grabados. Uvei adversidad apytépe, ñemuña, opáichagua dificulta, ha jepe oĩ ijapytepekuéra ovasiláva ifépe upe rire, ko’ã once testigo Mormón Kuatiañe’ẽgui araka’eve nonegái itestimoniokuéra ohecha hague umi planchakuéra. José Smith noĩvéima ha’eño upe Moroni visita ha umi pláncha de oro jeikuaápe.
Lucy Mack Smith ohai imemby oğuahẽha hógape abrumado vy’águi ojehechauka rire planchakuéra umi testigo-pe. José he’i ituakuérape: “Añandu ojepe’a ramoguáicha peteĩ kárga chehegui ha’etéva tuichaiterei chéve ğuarã, ha avy’a naimeiveimaha che’añoite ko múndope.”20
José Smith ombohovake heta oposición oguenohẽvo Mormón Kuatiañe’ẽ iñembohasa opahakuévo. Ikatúkuri okonvence peteĩ imprenta hérava Egbert B-pe. Grandin Palmyra, Nueva York-pegua, o’imprimi hağua Martin Harris, peteĩ acto de gran fe ha sacrificio, oipoteka rire igranja garantía ramo umi costo de impresión-re. Umi oposición memégui Mormón Kuatiañe’ẽ oñeguenohẽ rire, Martin Harris ovende ipahápe 151 acres (0.6 km2) igranjagui opaga hağua umi publicación repy. Peteĩ revelación oñeme’ẽva José Smith rupive, Ñandejára ombo’e Martin Harris ani hağua hakate’ỹ ipropiedáre ha opaga hağua pe kuatiañe’ẽ impresión repy oguerekóva “añetegua ha Tupã ñe’ẽ.”21 Marzo 1830-pe, oñeguenohẽ Mormón Kuatiañe’ẽ 5.000 kópia ñepyrŭ, ha ko árape ğuarã, oñeguenohẽma 180 millones rasa kópia, hetave cien ñe’ẽgui.
Umi hecho histórico ha umi Mormón Kuatiañe’ẽ testigo especial otestifika iñeguenohẽ añetehápe imilagroso hague. Upeichavérõ, ko Kuatiañe’ẽ poder noñemboguapýi ijistoria porãmente sino imensaje mbarete ha ijojaha’ỹvape omoambuéva hetaite rekove, avei che mba’e!.
Aleepa ñepyrŭ Mormón Kuatiañe’ẽ ha’e jave peteĩ estudiante seminario-gua imitãva. Orrekomendaháicha che mbo’eharakuéra, añepyrŭ alee umi página de introducción guie. Umi promesa oĩva kuatiañe’ẽ página ñepyrŭme ipu gueteri che akãme: “Pemedita [pene] korasõme… upéi … peporandu Tupãme [fe reheve] … Cristo rérape upe kuatiañe’ẽpa añetegua. Umi upéicha ojapóva … ohupytýta peteĩ testimónio añetegua ha idivinidágui Espíritu Santo pu’aka rupive”22
Ko promesa che akãme, aheka atãvo aikuaave añeteguágui, ha peteĩ espíritu de oración reheve, a’estudia Mormón Kuatiañe’ẽ, sa’i sa’i, amoĩmbávo ahávo umi leccion semanal oñeme’ẽva seminario-pe. Chemandu’a, kuehe ramoguáicha, peteĩ sentimiento cálido oñepyrŭva okakuaa mbeguekatu che ángape ha omyenyhẽ che korasõ, ohesapévo che comprensión ha hevéva ohóvo, Alma he’iháicha opredika jave Tupã ñe’ẽ ipueblope.23 Upe sentimiento-gui ipahápe oiko conocimiento oñembohapóva che korasõme ha oiko chugui che testimonio base umi evénto ha enseñanzas importantes oĩvagui upe libro sagrado-pe.
Ko’ãva ha ambue experiencia personal invaluable rupi, Mormón Kuatiañe’ẽgui oiko piedra angular osostenéva che fe Jesucristo-re ha che testimonio upe Iñevanhélio doctrina-gui. Oiko chugui peteĩva umi pilar ome’ẽva chéve testimonio Cristo sacrificio expiatorio divino-gui. Oiko chugui peteĩ eskúdo che rekove pukukue umi adversario inténtogui omokangy hağua che fe omoinge hağua jerovia’ỹ che akãme ha ome’ẽ chéve py’aguasu adeclara hağua che testimonio Salvador-gui múndope.
Che amigokuéra ahayhuetéva, che testimonio Mormón Kuatiañe’ẽgui oğuahẽ línea por línea.24 petei milagro-icha che korasõme ğuarã. Ko ára peve, upe testimonio okakuaa ohóvo aheka memévo, peteĩ korasõ añetére, akomprende porãve Tupã ñe’ẽ oĩva ko Escritura-kuéra kuatiañe’ẽ hechapyrãitévape.
Opa umi ohendúvape che ñe’ẽ ko árape, po’invita ha’e hağua parte pe Mormón Kuatiañe’ẽ ñesẽ milagroso-gui pende rekovépe. Apromete peẽme pe’estudiávo iñe’ẽ ñembo’e reheve ha py’ỹi ave, ikatu pehupyty umi promesa ha rica bendicion pende rekovépe. Haʼe jey peẽme upe promesa hyapúva ipágina guie: “reporandu ramo Tupã, pe Túva Ijapyra’ỹvape, Cristo rérape, añeteguápa ko’ã mba’e; ha pejeruréramo korasõ añetépe, peipotáramo añetehápe, peguereko jerovia Cristo rehe”, ha’e ”misericordiosamente“ ohechaukáta peẽme ko’ãva añeteguaha, Espíritu Santo pu’aka rupive.”25 Ikatu a’asegura peẽme Ha’e ombohováitaha peẽme peteĩ manera personal-etépe, ojapoháicha cherehe ha hetáre opa múndore. A’asegura pene experiencia igloriosa ha isagradataha peẽme ha’e haguéicha umi José Smith experiencia chupe ğuarã, ha’e haguéicha umi testigo ñepyrŭndi ha opa umi oñeha’ãvandi orresivi peteĩ testimonio ko kuatiañe’ẽ sagrado integridad ha confiabilidad-re.
Añete, aikuaa pe Mormón Kuatiañe’ẽ ha’eha Tupã ñe’ẽ. Atestifika ko registro sagrado “ohechaukaha, umi evanhélio doctrina, omombe’u plan salvasiõ rehegua, ha he’i kuimba’ekuérape mba’épa ojapova’erã hikuái ohupyty hag̃ua py’aguapy kóva ko jeikovépe ha salvasiõ ijapyra’ỹva tekove oúvape.”26 Atestifika Mormón Kuatiañe’ẽ Tupã instrumento-ha ojehupyty hag̃ua Israel ñembyaty ñande árape ha ñaipytyvõ yvyporakuérape oikuaa hag̃ua Ita’ýra, Jesucristo-pe. Atestifika Tupã oikove ha ñanderayhuha ha Ita’ýra, Jesucristo, ha’eha Salvador del mundo, pe piedra angular ñane religión-gua. Ha’e ko’ã mba’e ñane Redentor, ñane Maestro ha Ñandejára réra sagrado-pe, upe Jesucristo. Amén.