எதிர் காலத்தை விசுவாசத்துடன் தழுவிக்கொள்ளுங்கள்
கர்த்தருடைய கைகளில் கருவியாக ஆயத்தமாக இருப்பவர்களுக்கும், தொடர்ந்து ஆயத்தமாகி வருபவர்களுக்கும் எதிர்காலம் மகிமையானதாக இருக்கும்.
இது ஒரு மறக்க முடியாத மாலை. என் அன்பு சகோதரிகளே, நான் உங்களுடன் இருப்பதை கௌரவமாக எண்ணுகிறேன். கடந்த சில மாதங்களில் நீங்கள் அடிக்கடி என் மனதில் இருந்தீர்கள். நீங்கள் எட்டு மில்லியனுக்கும் அதிகமானவர்கள். உலகை மாற்ற உங்களிடம் எண்ணிக்கை மட்டுமல்ல ஆவிக்குரிய வல்லமையும் உள்ளது. இந்த தொற்றுநோய்களின் போது நீங்கள் அதைச் செய்வதை நான் கவனித்திருக்கிறேன்.
உங்களில் சிலர் திடீரென்று பற்றாக்குறை பொருட்கள் அல்லது புதிய வேலையைத் தேடுவதைக் கண்டீர்கள். பலர் பிள்ளகளுக்கு பயிற்சி அளித்து, அண்டை வீட்டாரை சோதித்தீர்கள். சிலர் எதிர்பார்த்ததை விட முன்னதாக ஊழியக்காரர்களை வீட்டிற்கு வரவேற்றீர்கள், மற்றவர்கள் உங்கள் வீடுகளை ஊழியப் பயிற்சி மையங்களாக மாற்றினீர்கள். குடும்பத்தினருடனும் நண்பர்களுடனும் இணைவதற்கும், தனிமைப்படுத்தப்பட்டதாக உணரந்தவர்களுக்கும் ஊழியம் செய்வதற்கும், மற்றவர்களுடன் என்னைப் பின்பற்றி வாருங்கள் படிக்கவும் தொழில்நுட்பத்தைப் பயன்படுத்தியுள்ளீர்கள். ஓய்வுநாளை மகிழ்ச்சியாக்க புதிய வழிகளைக் கண்டறிந்துள்ளீர்கள். நீங்கள் பாதுகாப்பு முகமூடிகளை, அவைகளில் மில்லியன் கணக்கானவை செய்துள்ளீர்கள்!
இதயப்பூர்வமான மனதுருக்கத்துடனும், அன்புடனும், அவர்களின் அன்புக்குரியவர்கள் இறந்துவிட்ட, உலகெங்கிலும் உள்ள பல பெண்களிடத்தில் என் இதயம் செல்கிறது. நாங்கள் உங்களுடன் அழுகிறோம். நாங்கள் உங்களுக்காக ஜெபிக்கிறோம். மற்றவர்களின் ஆரோக்கியத்தைப் பாதுகாக்க அயராது உழைக்கும் அனைவரையும் நாங்கள் புகழுகிறோம், ஜெபிக்கிறோம்.
இளம் பெண்களாகிய நீங்களும் விசேஷித்தவர்கள். சமூக ஊடகங்கள் சர்ச்சையால் நிரம்பியிருந்தாலும், உங்களில் பலர் மற்றவர்களை ஊக்குவிப்பதற்கும், நமது இரட்சகரின் ஒளியைப் பகிர்ந்து கொள்வதற்கும் வழிகளைக் கண்டறிந்துள்ளீர்கள்.
சகோதரிகளே, நீங்கள் அனைவரும் முற்றிலும் வீராங்கனைகளாக இருக்கிறீர்கள்! உங்கள் பலத்தையும் உங்கள் விசுவாசத்தையும் கண்டு நான் ஆச்சரியப்படுகிறேன். கடினமான சூழ்நிலைகளில், நீங்கள் தைரியமாக தொடர்ந்து செல்கிறீர்கள் என்பதைக் காட்டியுள்ளீர்கள். நான் உங்களை நேசிக்கிறேன், கர்த்தர் உங்களை நேசிக்கிறார், நீங்கள் செய்துகொண்டிருக்கிற மகத்தான வேலையைப் பார்க்கிறார் என்று நான் உங்களுக்கு உறுதியளிக்கிறேன். உங்களுக்கு நன்றி! நீங்கள் உண்மையில் இஸ்ரவேலின் நம்பிக்கை என்பதை மீண்டும் நிரூபித்துள்ளீர்கள்!
தலைவர் கார்டன் பி. ஹிங்க்லி, 25 ஆண்டுகளுக்கு முன்பு செப்டம்பர் 1995 பொது ஒத்தாசைச் சங்கக் கூட்டத்தில் “குடும்பம்: உலகிற்கு ஓர் பிரகடனத்தை” அறிமுகப்படுத்தியபோது உங்கள் மீது வைத்த நம்பிக்கையை நீங்கள் உள்ளடக்கி இருக்கிறீர்கள். 1 இந்த முக்கியமான பிரகடனத்தை சபையின் சகோதரிகளுக்கு அறிமுகப்படுத்த அவர் தேர்ந்தெடுத்தது குறிப்பிடத்தக்கது. அவ்வாறு செய்வதன் மூலம், தலைவர் ஹிங்க்லி கர்த்தரின் திட்டத்தில் பெண்களின் ஈடுசெய்ய முடியாத செல்வாக்கை அடிக்கோடிட்டுக் காட்டினார்.
இப்போது, இந்த ஆண்டு நீங்கள் என்ன கற்றுக்கொண்டீர்கள் என்பதை அறிய விரும்புகிறேன். நீங்கள் கர்த்தருடன் நெருக்கமாக வளர்ந்திருக்கிறீர்களா, அல்லது அவரிடமிருந்து மேலும் விலகி இருக்கிறீர்களா? தற்போதைய நிகழ்வுகள் எதிர்காலத்தைப்பற்றி உங்களை எப்படி உணரச் செய்தன?
கர்த்தர் நம் நாளைப்பற்றி நிதானமாகப் பேசியுள்ளார் என்பது ஒப்புக்கொள்ளத்தக்கது. நமது நாளில் “மனுஷருடைய இருதயம் சோர்ந்துபோம்” 2 ,தெரிந்து கொள்ளப்பட்டவர்கள் கூட ஏமாற்றப்படும் ஆபத்தில் இருப்பார்கள் என அவர் எச்சரித்தார். 3 அவர் தீர்க்கதரிசி ஜோசப் ஸ்மித்திடம் “சமாதானம் பூமியிலிருந்து எடுக்கப்படும்” 4 மனித குலத்திற்கு பேரழிவுகள் ஏற்படும் 5 என்று கூறினார்.
ஆயினும்கூட, இந்த ஊழியக்காலம் எவ்வளவு விசேஷித்தது என்பதற்கான ஒரு பார்வையை கர்த்தர் வழங்கியுள்ளார். அவர் “இந்த கடைசி நாட்களின் பணி… மிகப் பெரிய ஒன்றாகும். …என தீர்க்கதரிசி ஜோசப் ஸ்மித்திடம் அறிவிக்க அவர் சொன்னார். அதன் மகிமைகள் விவரிப்புக்கு அப்பாற்பட்டவை , மற்றும் அதன் கம்பீரம் விஞ்சமுடியாதது” என்று சொன்னார். 6
இப்போது, கம்பீீரம் இந்த கடைசி சில மாதங்களை விவரிக்க நீங்கள் தேர்வுசெய்யும் வார்த்தையாக இருக்காது! மோசமான தீர்க்கதரிசனங்கள் மற்றும் நம் நாளைப் பற்றிய மகிமைமிக்க அறிவிப்புகள் இரண்டையும் எவ்வாறு கையாள்கிறோம் ? “நீங்கள் ஆயத்தமாக இருந்தால் நீங்கள் பயப்பட வேண்டாம்” என்று கர்த்தர் எளிமையான, ஆனால் அதிர்ச்சியூட்டும், உறுதியுடன் சொன்னார். 7
என்ன ஒரு வாக்குத்தத்தம். இது நமது எதிர்காலத்தைப் பார்க்கும் விதத்தை உண்மையில் மாற்றக்கூடிய ஒன்றாகும். சால்ட் லேக் பள்ளத்தாக்கில் ஏற்பட்ட பூகம்பத்துடன் இணைந்து தொற்றுநோய், அவள் நினைத்தபடி அவள் ஆயத்தமாக இல்லை என்பதை உணர உதவியது என்று ஆழ்ந்த சாட்சியம் அளித்த ஒரு பெண் ஒப்புக்கொண்டதை நான் சமீபத்தில் கேள்விப்பட்டேன். அவளுடைய உணவு சேமிப்பு அல்லது அவளுடைய சாட்சியத்தை அவள் குறிப்பிடுகிறாளா என்று நான் கேட்டபோது, அவள் புன்னகைத்து, “ஆம்!” என்றாள்.
இந்த ஊழியக்காலத்தையும் நமது எதிர்காலத்தையும் விசுவாசத்துடன் தழுவிக்கொள்வதற்கான ஆயத்தம் நமது திறவுகோலாக இருந்தால், நாம் எவ்வாறு சிறந்த முறையில் ஆயத்தம் செய்யலாம்?
பல தசாப்தங்களாக, கர்த்தரின் தீர்க்கதரிசிகள் உணவு, நீர் மற்றும் நிதி இருப்புக்களை தேவைப்படும் காலத்திற்கு சேமிக்கும்படி கேட்டுக்கொண்டனர். தற்போதைய தொற்றுநோய் அந்த ஆலோசனையின் ஞானத்தை வலுப்படுத்தியுள்ளது. உலகப்பிரகாரமாக ஆயத்தமாக இருக்க நடவடிக்கை எடுக்குமாறு கேட்டுக்கொள்கிறேன். ஆனால் உங்கள் ஆவிக்குரிய மற்றும் உணர்ச்சிபூர்வமான ஆயத்தம் குறித்து நான் இன்னும் அக்கறை கொண்டுள்ளேன்.
அந்த வகையில், தலைவன் மரோனியிடமிருந்து நாம் நிறைய கற்றுக்கொள்ளலாம். நேபிய படைகளின் தளபதியாக, அவன் வலுவான, எண்ணிக்கையில் அதிகமான மற்றும் கீழ்த்தரமான எதிர்க்கும் சக்திகளை எதிர்கொண்டான். எனவே, மரோனி தனது ஜனங்களை மூன்று அத்தியாவசிய வழிகளில் ஆயத்தம் செய்தான்.
முதலில், அவர்கள் பாதுகாப்பாக இருக்கும் பகுதிகளை உருவாக்க அவர்களுக்கு உதவினான், “பாதுகாப்பு இடங்கள்” என்று அவைகளை அவன் அழைத்தான். 8 இரண்டாவதாக, அவன் “கர்த்தருக்கு உண்மையுள்ளவர்களாக இருக்க வேண்டுமென அவர்களின் மனங்களை” ஆயத்தம் செய்தான். 9 மூன்றாவது, அவன் தனது ஜனங்களை சரீர ரீதியாகவோ அல்லது ஆவிக்குரிய ரீதியாகவோ ஆயத்தம் செய்வதை ஒருபோதும் நிறுத்தவில்லை. 10 இந்த மூன்று கொள்கைகளையும் நாம் கருத்தில் கொள்வோமாக.
கொள்கை எண் ஒன்று: பாதுகாப்பான இடங்களை உருவாக்குங்கள்.
மரோனி ஒவ்வொரு நேபிய நகரத்தையும் மதில்கள், கோட்டைகள் மற்றும் சுவர்களால் பலப்படுத்தினான். 11 லாமானியர்கள் அவர்களுக்கு எதிராக வந்தபோது, “பாதுகாப்பிடங்களை ஆயத்தப்படுவதிலான நேபியரின் ஞானத்தினிமித்தம் அவர்கள் மிகவும் ஆச்சரியப்பட்டுப் போனார்கள்.” 12
இதேபோல், நம்மைச் சுற்றி கொந்தளிப்பு ஏற்படுவதால், சரீர ரீதியாகவும் ஆவிக்குரிய ரீதியாகவும் நாம் பாதுகாப்பான இடங்களை உருவாக்க வேண்டும். உங்கள் வீடு விசுவாசத்தின் தனிப்பட்ட சரணாலயமாக மாறும் போது, பரிசுத்த ஆவியானவர் வசிக்கும் இடத்தில், உங்கள் வீடு பாதுகாப்புக்கான முதல் வரிசையாக மாறும்.
அதேபோல், சீயோனின் பிணையங்களும் “புயலிலிருந்து ஒரு அடைக்கலம்” 13 ஏனென்றால் அவை ஆசாரியத்துவ அதிகார திறவுகோல்களை வைத்திருப்பவர்கள் மற்றும் ஆசாரியத்துவ அதிகாரம் செலுத்துபவர்களால் வழிநடத்தப்படுகின்றன. உங்களுக்கு வழிகாட்ட கர்த்தர் அங்கீகரித்தவர்களின் ஆலோசனையை நீங்கள் தொடர்ந்து பின்பற்றும்போது, நீங்கள் அதிக பாதுகாப்பை உணருவீர்கள்.
ஆலயம், கர்த்தருடைய வீடு, மற்ற இடங்களைப் போலல்லாமல் பாதுகாப்பான இடமாகும். அங்கே, சகோதரிகளே, நீங்கள் செய்யும் பரிசுத்த ஆசாரியத்துவ உடன்படிக்கைகளின் மூலம் ஆசாரியத்துவ அதிகாரத்தால் தரிப்பிக்கப்படுகிறீர்கள். அங்கு, உங்கள் குடும்பங்கள் நித்தியத்திற்காக முத்திரிக்கப்படுகின்றன. இந்த ஆண்டு கூட, நமது ஆலயங்களுக்கு செல்லுதல் தீவிரமாக மட்டுப்படுத்தப்பட்டிருக்கும் போது, தேவனோடு நீங்கள் செய்த உடன்படிக்கைகளை நீங்கள் கவுரவித்ததால், உங்கள் தரிப்பித்தல் தேவனின் வல்லமையை தொடர்ந்து அணுகுதலை கொடுத்திருக்கிறது.
எளிமையாக சொன்னால், பாதுகாப்பு இடம் எங்கும் நீங்கள் பரிசுத்த ஆவியின் பிரசன்னத்தை உணரலாம் மற்றும் அவரால் வழிநடத்தப்படலாம். 15 பரிசுத்த ஆவியானவர் உங்களுடன் இருக்கும்போது, அது நிலவும் கருத்துக்களுக்கு எதிராக இயங்கும்போது கூட நீங்கள் சத்தியத்தை கற்பிக்க முடியும், வெளிப்பாட்டின் சூழலில் சுவிசேஷத்தைப்பற்றிய நேர்மையான கேள்விகளை நீங்கள் சிந்திக்கலாம்.
என் அன்பான சகோதரிகளே, பாதுகாப்பான இடமாக ஒரு வீட்டை உருவாக்க உங்களை அழைக்கிறேன். ஆசாரியத்துவ அதிகாரம் மற்றும் ஆலய உடன்படிக்கைகள் மற்றும் ஆசீர்வாதங்களைப்பற்றிய உங்கள் புரிதலை அதிகரிப்பதற்கான எனது அழைப்பை நான் புதுப்பிக்கிறேன். நீங்கள் செல்லக்கூடிய பாதுகாப்பு இடங்களைக் கொண்டிருப்பது எதிர்காலத்தை விசுவாசத்துடன் ஏற்றுக்கொள்ள உதவும்.
கொள்கை எண் இரண்டு: தேவனுக்கு விசுவாசமாக இருக்க உங்கள் மனதை ஆயத்தம் செய்யுங்கள்.
சால்ட் லேக் ஆலயத்தின் ஆயுளையும் திறனையும் விரிவுபடுத்துவதற்கான ஒரு பெரிய திட்டத்தை நாம் மேற்கொண்டிருக்கிறோம்.
இதுபோன்ற அசாதாரண நடவடிக்கைகளை எடுக்க வேண்டியதன் தேவையைப்பற்றி சிலர் கேள்வி எழுப்பினர். இருப்பினும், இந்த ஆண்டின் தொடக்கத்தில் சால்ட் லேக் பள்ளத்தாக்கு 5.7 ரிக்டர் அளவிலான நிலநடுக்கத்தை சந்தித்தபோது, இந்த மதிப்புமிக்க ஆலயம் கடுமையாக அதிர்ந்தது, மரோனி தூதனின் சிலையின் மீதிருந்த எக்காளம் விழுந்தது. 16
சால்ட் லேக் ஆலயத்தின் கட்டிட அடித்தளம் இயற்கை பேரழிவுகளைத் தாங்கும் அளவுக்கு வலுவாக இருக்க வேண்டும் என்பது போல, நமது ஆவிக்குரிய அடித்தளங்கள் திடமாக இருக்க வேண்டும். பின்னர், உருவக பூகம்பங்கள் நம் வாழ்க்கையை உலுக்கும்போது, நம்முடைய விசுவாசத்தின் காரணமாக “உறுதியாயும் அசையாமலும்” நாம் நிற்க முடியும். 17
“ கற்றல், மற்றும் படிப்பதன் மூலமும் விசுவாசத்தினாலும் கூட” அவரில் நம்முடைய விசுவாசத்தை எவ்வாறு அதிகரிப்பது என்று கர்த்தர் நமக்குக் கற்பித்தார். 18 இயேசு கிறிஸ்துவின் கட்டளைகளைக் கைக்கொள்ளவும், “எப்போதும் அவரை நினைவில் வைத்திருக்கவும்” முயற்சிக்கும்போது, அவரில் நம்முடைய நம்பிக்கையை பலப்படுத்துகிறோம். 19 மேலும், ஒவ்வொரு முறையும் அவர்மீதுள்ள விசுவாசத்தை நாம் பிரயோகிக்கும்போது ஒவ்வொரு முறையும் நமது விசுவாசம் அதிகரிக்கிறது. விசுவாசத்தினால் கற்றல் என்பது அதைத்தான் குறிக்கிறது.
உதாரணமாக, ஒவ்வொரு முறையும் தேவனின் பிரமாணங்களுக்குக் கீழ்ப்படிய வேண்டும் என்ற விசுவாசம் நமக்கு இருக்கிறது. பிரபலமான கருத்துக்கள் நம்மை சிறுமைப்படுத்தும் போதும் - அல்லது ஒவ்வொரு முறையும் பொழுதுபோக்கு அல்லது உடன்படிக்கையை மீறும் சித்தாந்தங்களை எதிர்க்கும்போதும், நாம் நம்முடைய விசுவாசத்தை, பிரயோகம் செய்கிறோம் இதன்மூலம் நம் விசுவாசம் அதிகரிக்கிறது.
மேலும், மார்மன் புஸ்தகத்தில் வழக்கமாக மூழ்குவதை விட சில விஷயங்கள் விசுவாசத்தை வளர்க்கின்றன. அத்தகைய வல்லமை மற்றும் தெளிவுடன் இயேசு கிறிஸ்துவைப்பற்றி வேறு எந்த புத்தகமும் சாட்சியமளிக்கவில்லை. அதன் தீர்க்கதரிசிகள், கர்த்தரால் உணர்த்தப்பட்டபடி, நம் நாளைக் கண்டார்கள், மேலும் நமக்கு உதவக்கூடிய கோட்பாடுகளையும் சத்தியங்களையும் தேர்ந்தெடுத்தார்கள். மார்மன் புஸ்தகம் நமது பிற்கால பிழைக்கும் வழிகாட்டியாக இருக்கிறது.
நிச்சயமாக, பரலோக பிதாவுடனும் இயேசு கிறிஸ்துவுடனும் நாம் நம்மை பிணைத்துக் கொள்ளும்போது நம்முடைய இறுதி பாதுகாப்பு வருகிறது! தேவன் இல்லாத வாழ்க்கை பயம் நிறைந்த வாழ்க்கை. தேவனுடன் வாழ்க்கை சமாதானம் நிறைந்த வாழ்க்கை. இதனாலேயே விசுவாசிகளுக்கு ஆவிக்குரிய ஆசீர்வாதம் வருகிறது. தனிப்பட்ட வெளிப்பாட்டைப் பெறுவது அந்த ஆசீர்வாதங்களில் மிகப் பெரிய ஒன்றாகும்.
நாம் கேட்டால், “வெளிப்பாட்டின் மீது வெளிப்பாடு” பெறலாம் என்று கர்த்தர் வாக்குறுதி அளித்துள்ளார். 20 வெளிப்பாட்டைப் பெறுவதற்கான உங்கள் திறனை நீங்கள் அதிகரிக்கும்போது, உங்கள் வாழ்க்கைக்கான அதிகரித்த வழிகாட்டுதலையும், ஆவியின் எல்லையற்ற வரங்களாலும் கர்த்தர் உங்களை ஆசீர்வதிப்பார் என்று நான் வாக்களிக்கிறேன்.
கொள்கை எண் மூன்று: ஒருபோதும் ஆயத்தம் செய்வதை நிறுத்த வேண்டாம்.
காரியங்கள் நன்றாக சென்றபோதும், தலைவன் மரோனி தொடர்ந்து தனது ஜனங்களை ஆயத்தப்படுத்தினான். அவன் ஒருபோதும் நிறுத்தவில்லை. அவர் ஒருபோதும் மனநிறைவு அடையவில்லை.
சத்துரு ஒருபோதும் தாக்குவதை நிறுத்த மாட்டான். எனவே, நாம் ஒருபோதும் ஆயத்தத்தை நிறுத்த முடியாது! நாம் எவ்வளவு சுயசார்பு கொண்டவர்கள், உலகப்பிரகாரமாக, உணர்வுபூர்வமாக, ஆவிக்குரிய விதமாக, சாத்தானின் இடைவிடாத தாக்குதல்களைத் தடுக்க நாம் மிகவும் ஆயத்தமாக இருக்கிறோம்.
அன்புள்ள சகோதரிகளே, உங்களுக்கும் நீங்கள் நேசிப்பவர்களுக்கும் பாதுகாப்பு இடங்களை உருவாக்குவதில் நீங்கள் திறமையானவர்கள். மேலும், உங்களிடம் ஒரு தெய்வீக தரிப்பித்தல் உள்ளது, இது கட்டாயமான வழிகளில் மற்றவர்களிடம் நம்பிக்கையை வளர்க்க உதவுகிறது. 21 நீங்கள் ஒருபோதும் நிற்பதில்லை. இந்த ஆண்டு மீண்டும் அதை நீங்கள் நிரூபித்துள்ளீர்கள்.
தயவுசெய்து, தொடருங்கள்! உங்கள் வீடுகளைப் பாதுகாப்பதிலும், உங்கள் அன்புக்குரியவர்களின் இதயங்களில் நம்பிக்கையை வளர்ப்பதிலும் நீங்கள் விழிப்புடன் இருப்பது வரவிருக்கும் தலைமுறை தலைமுறைகளுக்கு வெகுமதிகளை அளிக்கும்.
என் அன்பு சகோதரிகளே, எதிர்நோக்குவதற்கு நம்மிடம் அதிகம் உள்ளது! இந்த பிற்காலத்தில் சிக்கல்களைப்பற்றி பேச்சுவார்த்தை நடத்தும் திறன் உங்களுக்கு இருப்பதாக அவர் அறிந்திருந்ததால், கர்த்தர் உங்களை இப்போது இங்கே வைத்தார். அவருடைய பணியின் மகத்துவத்தை நீங்கள் புரிந்துகொள்வீர்கள், அதை நிறைவேற்ற உதவ ஆர்வமாக இருப்பீர்கள் என்று அவர் அறிந்திருந்தார்.
எதிர்வரும் நாட்கள் சுலபமாக இருக்கும் என்று நான் கூறவில்லை, ஆனால் ஆயத்தமாக இருப்பவர்களுக்கும், கர்த்தருடைய கைகளில் கருவியாகத் தொடர்ந்து ஆயத்தமாக இருப்பவர்களுக்கும் எதிர்காலம் மகிமையுள்ளதாக இருக்கும் என்று நான் உங்களுக்கு உறுதியளிக்கிறேன்.
என் அன்பு சகோதரிகளே, இந்த நேரத்தில் சகித்துக்கொண்டு மட்டும் இருக்க வேண்டாம். எதிர்காலத்தை விசுவாசத்துடன் நாம் ஏற்றுக்கொள்வோமாக! கொந்தளிப்பான நேரங்கள் நமக்கு ஆவிக்குரிய விதமாக செழிக்க வாய்ப்புகளாகும். அமைதியான காலங்களை விட நமது செல்வாக்கு மிகஅதிகமாக ஊடுருவும்போதுள்ள நேரங்களிருக்கின்றன.
நாம் பாதுகாப்பு இடங்களை உருவாக்கும்போது, தேவனுக்கு உண்மையாக இருக்க நம் மனதை ஆயத்தம் செய்கிறோம், ஒருபோதும் ஆயத்தத்தை நிறுத்த மாட்டோம், தேவன் நம்மை ஆசீர்வதிப்பார் என்று நான் உறுதியளிக்கிறேன். அவர் “நம்மை விடுவிப்பார் என்ற உறுதிப்பாட்டினை நமக்கு தேவனாகிய கர்த்தர் அருளுவார். ஆம், அதனால் அவர் நம்முடைய ஆத்துமாக்களுக்கு சமாதானம் உரைத்து, பெரும் விசுவாசத்தை நமக்கு அருளி, அவரில் நமது விடுதலைக்காக நம்பி இருக்க வேண்டும் என்று உணர்த்தினார்.“ 22
எதிர்காலத்தை விசுவாசத்துடன் ஏற்றுக்கொள்ள நீங்கள் தயாராகும் போது, இந்த வாக்குறுதிகள் உங்களுடையதாக இருக்கும்! உங்களுக்காக என் அன்பை தெரிவித்து மற்றும் உங்களில் என் நம்பிக்கையுடன் இயேசு கிறிஸ்துவின் பரிசுத்த நாமத்தில் அவ்வாறாக சாட்சியளிக்கிறேன், ஆமென்.