Ñaha’arõvo Ñandejárape
Fe he’ise jajerovia Tupãre momento porã ha vaípe, jepe upéva he’isérõ jahasa’asy’imitaha jahecha peve Ijyva ojehechaukáva ñande favor-pe.
Che hermano ha hermana-kuéra, opavave ñaime ansioso – ha katu avave chéicha – ñahendu haĝua umi ñane amado proféta, Presidente Russell M. Nelson ñe’ẽ paha. Kóva ha’ékuri peteĩ conferencia hechapyrãva, ha katu ha’e mokõiha jave pe COVID-19 virus omoambueha ñande tradicional ñembyaty. Ñanekane’õmbama ko virus-gui, ñañe’akãrague’o potáma. Ha ojogua, oĩha che hermanokuéra Cuorum-pegua ojapoma hague upéva. Peikuaami roñembo’e memeha umi oimeháicha ohasa’asývare ko mba’e rupi, especialmente umi operdeva’ekue umi ohayhúvape. Opavave ñaime deacuerdo kóva ipuku’etereimaha.
¿Mboy piko ñaha’arõ pytu’u umi mba’e pohýi oúva ñande árigui? ¿Mba’eteko umi jehasa’asy personal jegueropu’aka ñaha’arõ ha ñaha’arõ aja, ha katu pe pytyvõ imbeguévaicha ou hag̃ua? ¿Mba’érepa upe mbeguekue, ojogua vove umi mba’e pohýi ipohyive ikatúvagui jagueropu’aka?
Jajapo aja umi porandu, ikatu, ñañeha’ãrõ, ñahendu ambuekuéra sapukái ipúrõ peteĩ ka’irãi iñypytũva guive, peteĩ invierno ho’ysãvévape ojeikuaáva upe tendápe.
“¿O Tupã, moõpa reime?” ñahendu Liberty ka’irãi pypuku guive. “¿Ha moõpa oĩ pabellón ojaho’íva ne renda ñemi? ¿Araka’e pevépa nde po ojejokóta?”1 ¿Araka’e pevépa, O Ñandejára, araka’e pevépa?
Péicha, ñande ndaha’éi peteĩha ni ipaháva jajapóva umi porandu ñembyasy ou vove ñande ári, térã korasõ rasy ñande jopy memévo. Nañe’ẽi ko’ág̃a pandemia térã ka’irãigui ha katu pendehegui, pene familia, ha pene vecino-kuéragui ombohovakéva heta upeichagua desafio. Añe’ẽ anhelo rehe, umi heta omendaséva ha katu nomendái térã umi omendáva ha oguerekose peteĩ relación iporãvéva. Añe’ẽ umívagui oluchava’erã peteĩ mba’asy isériova oúva oñeha’arõ’ỹre – ikatúva ndokuerakuaái – térã ombohovakéva peteĩ lucha toda la vida-gua peteĩ defecto congénito reheve ndokueráiva. Añe’ẽ pe lucha memegui desafio emocional ha mental reheve, ipohýiva umi oguerekóva umichagua mba’asy ángape, ha umi ohayhúva chupekuéra ha oñembyasýva hendivekuéra korasõme. Añe’ẽ umi mboriahúgui, ñande Salvador he’iva’ekue ñandéve araka’eve nañanderesaraiva’erãha, ha añe’ẽ ndehegui reha’arõva peteĩ ta’ýra/tajýra tou jey , taha’e ha’éva ijedad, oiporavova’ekue peteĩ tape ndaha’éiva pe nde reñembo’eva’ekuére tojagarra.
Avei, ahechakuaa ko lista puku umi mba’e ñaha’arõvagui personalmente, noñeha’ãi opoko umi tuicha problema económico, politico ha social ñambohovakéva ñande colectivamente. Hesakã porã Ñande Ru Yvagagua oha’arõha jajesareko umi problema público guasu rehe ha avei umi personálva, ha katu oĩta momento ñande rekovépe jepe umi ñane ñeha’ã espiritual porãve ha ñane ñembo’e asyve ndojapomo’ãiha tajahupyty pe victoria jaipotáva, taha’e umi tuicha problema global térã umi michĩ problema personal-pe. Upévare, ñamba’apo ha ñaha’arõ aja oñondive tou umi ñembohovái ñane ñembo’ekuérape, ame’ẽ peẽme che ñe’ẽme’ẽ apostólico umíva oñehendu ha oñembohovaiha, ikatu jepe ndaha’éi jaipota vove térã jaipotaháicha. Ha katu akóinte umíva oñembohovái momento ha manera peteĩ Túva omniciente ha oporoiporiahuvereko meméva ombohovaiva’erã. Che hermano ha hermanakuéra pohayhuetéva, aipota pentende Ha’e, upe araka’eve ndokéiva2 ojesarekoha ita’ýra ha tajyrakuéra vy’a ha exaltasiõ paháre opa ambue tembiapo divino ojapova’erã ári. Ha’e mborayhu potĩ, gloriosamente oñemoha’angáva, ha Túva Oporoiporiahuverekóva ha’e Héra.
“Upéicharõ,” ikatu peje, “¿Imborayhu ha poriahuvereko piko ndoipe’aiva’erã ñande Mar Rojo personal ha oheja tajahasa ñande problema-kuéra rupive yvy ikãva ári? ¿Nomondoiva’erã piko umi siglo XXI-gua gaviota ovevéva oimeraẽ tendágui ho’u hag̃ua umi ñande grillo siglo XXI-gua ñanemolestáva?”
Mbohovái umi porandúpe g̃uarã ha’e “Heẽ, Tupã ome’ẽkuaa pya’e milagrokuéra, ha katu tarde o temprano ñañemoarandu umi tiempo ha estación ñande je’ói terrenal-pegua Imba’eha ha Ha’e mante ikatu oisambyhy.” Ha’e oadministra pe calendario peteĩ teĩ ñandéve indivualmente. Káda kuimba’e hasykatu okuera sapy’áva rehe oha’arõ aja oike hag̃ua pe Betesda estanque-pe,3 oĩta ambue ohasátava 40 ary desierto-pe oha’arõvo oike hag̃ua pe tierra prometida-pe.4 Káda Nefi ha Lehi rehe oñemo’ãva divininamente peteĩ tata rendy ombojeréva chupekuéra ijerovia rupi,5 jaguereko peteĩ Abinadi ojehapyva’ekue tata rendýpe ijerovia rupi.6 Ha ñanemandu’a pe Elias ete ohenoiva’ekue tata yvágagui ome’ẽ ha hag̃ua testimonio umi Baal sacerdote kóntrape7 ha’e upe mismo Elías ogueropu’akava’ekue peteĩ periodo ndaiporihápekuri ama heta ary aja, ha oĩ peteĩ tiempo unicamente ho’u tembi’u’imi ikatúva ojegueraha peteĩ yryvu pyapẽme.8 Chéve g̃uarã, upéva ndaikatúikuri ha’e mba’eve oñehenoikuaáva peteĩ “tembi’u rory.”
¿Mba’épa he’ise? Pe punto ha’e, fe he’ise jajerovia Tupãre momento porã ha vaípe, jepe upéva he’isérõ jahasa’asy’imitaha jahecha peve Ijyva ojehechaukáva ñande favor-pe.9 Upéva ikatu hasy ko ñane mundo moderno-pe heta oimo’ã vove mba’e porãve ko tekovépe ha’e ndajarekói jehasa’asy mba’evéichagua, ha mavave araka’eve noñembyasyiva’erãha mba’evére.10 Ha katu upe jeguerovia araka’eve nañandeguerahamo’ãi “la medida de la estatura de la plenitud de Cristo-pe.”11
Ajerurévo disculpa élder Neal A. Maxwell-pe amoambue ha aipyso’imire peteĩ mba’e he’iva’ekue, che avei asugeri “máva tekove …ndaikatúi henyhẽ fe-gui ha katu jepy’apy’ỹre” Ndoikomo’ãi “jasyryry reírõ ko tekovére”, ja’évo jay’u aja ambue limonada vaso, “ Ñandejára, eme’ẽ chéve umi nde virtud porãvéva, ha katu aníntekena eme’ẽ chéve py’arasy, ni vy’a’ỹ, ni ñembyasy, ni oposición. Aníkena eheja avave tacherayhu’ỹ térã hovamokõi chendive, ha opa mba’e ári, ani araka’eve eheja añandu ajehejarei hague Nderehe térã umi ahayhúvare. Añetehápe, Ñandejára, ejesareko chemomombyry haĝua opaite umi experiencia-gui ojapova’ekue Ndehegui peteĩ ser divino. Ha uperõ, opa vove ambuekuéra jetyryry asy, ehejami taha taiko nendive, ikatutahápe añemomba’eguasu rojoguaiterei haguére, aveve aja vy’ápe che cristianismo kómodo nube-pe.”12
Che hermano ha hermana-kuéra pohayhuetéva, pe Cristianismo ñanekonforta, ha katu py’ỹi naikómodoi. Pe tape oporogueraháva marangatu ha vy’ápe ko’ápe ha uperire ha’e peteĩ tape puku ha sapy’ánte hasýva. Oikotevẽ tiempo ha py’aguasu jaguata haĝua hese. Ha katu, añetehápe, pe jehepyme’ẽ jajapo haguére upéva imba’eguasuete. Ko añetegua oñembo’e hesakã ha kyre’ỹme Alma capítulo 32 Mormón Kuatiañe’ẽme. Upépe, upe sumo sacerdote guasu ombo’e Tupã ñe’ẽ oñeñotýrõ ñane korasõme peteĩ yvara’ỹicha, ha jajesako hese jarrega, ñañana’o, ñamongaru ha ñamombarete haĝua, tenondeve ome’ẽta hi’a “iporãitereíva, ha he’ẽvéva opa mba’e he’ẽvagui”, oje’úvo upéva ñandegueraha peteĩ condición nañaneñembyahyimo’ãvéima ni nañande’y’uheimo’ãveimahápe.13
Ko capítulo hechapyrãvape oñembo’e heta lección, ha katu opa umívape imba’eguasu pe axioma yvara’ỹi oñemongaruva’erã ha ñaha’arõva’erã tahi’aju; ña “[ma’ẽvo] tenonde gotyo tesa jeroviápe hi’a rehe.”14 Ñane ñemono’õ, he’i Alma, ou “uperire.”15 Naiñextrañoi ha’e ombopaha hague hekombo’e hechapyrãva he’i jey jeývo mbohapyha peteĩ ñehenói jesarekoha ñeha’arõkuaape ñamombarete haĝua Tupã ñe’ẽ ñane korasõme, “ñaha’arõvo,” he’iháicha ha’e, “jegueropu’akakuaape … pe yvyramáta ome’ẽ peẽme hi’a.”16
Covid ha cáncer, duda ha py’arasy, jepy’apy económico ha umi desafio familiar. ¿Araka’e ojeipe’áta ko’ã mba’epohýi? Ñembohovái ha’e “uperire.”17 Ha upe periódo mbyky térã ipukúpa, ndaikatúimante ja’ekuaa, ha katu Tupã grasia rupi, jehovasakuéra oúta umi ojejagarra hatãvape Jesucristo evanhéliore. Upe problema oñesolusionákuri peteĩ yvotyty privadoite ha peteĩ yvyty publikoitépe Jerusalén-pe ojapo heta ára.
Ñahendúvo ñande amado profétape ombotývo ko conferencia, tañanemandu’a, mba’éichapa Russell Nelson ohechauka opa hekove aja, umi “oha’arõva Ñandejárape ombopyahúta imbarete [ha] omopu’ãta ipepo águila-icha; oñaníta ha naikane’õmo’ãi…oguatáta ha ndaijuku’amo’ãi.”18 Añembo’e “uperire”, taha’e pya’e térã aĝave, umi jehovasa toĝuahẽ peteĩ teĩ peẽme pehekáva angapyhy pene ñembyasýpe ha sasõ pene mba’e pohýigui. Ame’ẽ che testimonio Tupã mborayhúgui ha iglorioso evanhélio restauración-gui, ha’éva peteĩ forma térã ambuévape, mbohovái opa problema ñambohovakévape ĝuarã. Ñandejára Jesucristo réra redentor-pe. Amén.