Pehupi pende resape
Che invitasiõ ndahasýiete: pekomparti ko evanhélio. Eñeha’ã ha pehupi yvate ko tesape.
Ojapo sa’i ary peteĩ vuélo aja Perú gotyo, aguapy peteĩ he’íva ijehe ateo-ha ykére. Ha’e oporandu chéve mba’érepa ajerovia Tupãre. Ore ñomongeta igustoitéva rupi, ha’e chupe ajeroviaha Tupãre José Smith ohecha rupi Chupe, ha avei, ha’e chupe ko’ã mba’e aikuaava ha’eha arekóva che experiencia espiritual, personal ha añetetéva. Che akomparti hendive agueroviaha “opa mba’e ohechaukáva oĩha peteĩ Tupã”1 ha aporandu mba’éichapa ha’e oguerovia ko yvy —ko yrenda tekove porãite ñaimeha tenda nandípe—oñepyrũrava’ekue oikove. Ha’e ombohovái lñe’ẽme, “ko accidente” ikatu oiko ymaiterei millone de áño ipukukue aja. Ha’évo chupe hasyeterei peteĩ “accidente” ogueru ko’ã mba’e henda porãitéva, ha’e okirirĩ’imi sapya’aite ha he’i torýpe, “Nde chesuperáma.” Aporandu chupe oleénepa Mormón Kuatiañe’ẽ. He’i oleétaha, ha upévare aguerahauka chupe peteĩ kópia.
Ajapo peteĩ angirũ pyahu aeropuerto Lagos Nigeria-pe aime aja. Rojokuaa ha’e orrevisávo pasaporte. Aporandu chupe irreligiõ jerovia rehe, ha’e ombohovái tuicha ojeroviaha Tupãre. Akomparti hendie vy’a ha mba’eporã oguerúva Jesucristo Evanhélio restaurado ha aporandu chupe oñemongetánepa misionero-kuérandi. Ha’e ombohovái heẽ, oñembo’e, ha ikarai. Peteĩ térã mokõi áño rire, asẽnguévo Liberia-gua aeropuerto-gui ahendu osapukáiva che réra. Ajere ha pe mitãrusu oñemoag̃ui tuicha pukavýpe. Roñoañuã ha omombe’u chéve ha’e jepiveguáicha ohoha tupaópe ha omba’apoha misionero-kuérandi ombo’e hag̃ua avei hembirekorãme.
Ko’áğa, ndaikúaai che amigo atéova oleépa Mormón Kuatiañe’ẽ térã ojoajúpa Tupaóndi. Che amígo mokõiha ojapo. Mokõivéva rehe, che responsabilida2 ha che oportunida—ha’e: evanhélio resape jehupi—jahayhu, ñakomparti ha ñainvita normal ha naturalmente.3
Che hermano ha hermana-kuéra, heta jehovasa techapyrãva ahupyty akompartívo ko evanhélio. Ko’ápe oĩ sa’i umívagui:
Ñakompartivo ko evanhélio ogueru vy’a ha esperanza.
Peẽ ha ñande jaikuaa jaikovehague Tuvakuéra yvagagua ra’ýicha jaju mboyve ko yvy’a ape ári4 ha yvy ojejapohague ome’e hağua ñandéve oportunida jareko hağua peteĩ tete, jareko hağua experiencia, jaikuaa, jakakuaa ha jarresivi hağua tekove opave’ỹva—Tupã rekovéichagua.5 Túva yvagagua oikuaa jaha’asytaha ha ñanderemnbiapovaitaha, upévare Omboúka Ita’ýra, “hekove marangatuva”6 sacrifcio expiasiõ ijapyra’ỹva7 Ikatu hağuáicha jerresivi perdón, jakuéra, ha ñanerekove potĩ.8
Ko’ã mba’e añetegua jéikuaa omoambuéta tekove! Peteĩ oikuaávo ko’ã tekove propósito, iporãitéva oikuaa Cristo oipytyvõtaha umi Chupe osegívape, ha oiporavóva oike ýpe ikarai hağua, hekove okambia iporãve hag̃ua— hekovekuéragua situasiõ okambia’ỹramo jepe.
Peteĩ ovy’akuaáva hermana oikóva Onitsha, Nigeria-pe, omombe’u chéve ha’e oikumbyguive ko evanhélio ha ikarai rire, (ha ha’eta iñe’ẽme), “opa mba’e osẽ porã chéve. Che avy’aiterei. Che añeñandu yvágape.”9 Ñakompartivo ko evanhélio ogueru vy’a ha esperanza mokõive ome’ẽ ha orresivíva ángape g̃uarã. Añetehápe, “mba’éichaite javy’áta””10 ñakompartivo ko evanhélio! Ñakompartivo ko evanhélio javy’a jey jeýta, ha jarekóta esparanza, esperanza ári.11
Ñakompartivo ko evanhélio oguerúta pu’aka ñande rekovépe
Ñandekaraíramoguare, peteĩteĩ jaike peteĩ konvénio opave’ỹvape12Tupãndi “jaservi hağua Chupe ha ñaneñe’ẽrendu hağua Hembiapoukapykuérare,”13 jaikotaha testígoramo[Hérape] opa ára ha opa mba’épe, ha opa tendápe.”14 “Jáikovévo” Hapére ha ñañongatúramo konveniokuéra, tekove retia’e, jejokoha, pu’aka tekojoja ha tekove marangatu omyenehẽta ñande rekove Cristo rupive, yvyra rakã ohupyty háicha hembi’urã pe viña rapógui.15
Ñakompartívo ko evanhélio ñanemo’ã py’ara’ãgui
Ñandejára omanda:
“Pehupi pende resape omimbi hağua yvórape ğuarã. Péina ape che ha’e pe tesape pehupiva’erã yvate—umi mba’e pehechava’ekue ajapo. …
“… Ha’ékuri … peju hag̃ua che rendápe, peñandu ha pehecha hag̃ua; jepeve upéicha pejapóta peẽ yvórandi; ha ojapyharáva ko tembiapoukapy ojeguerahauka jeipy’ara’ãme.”16
Jaiporavóramo ndajahupíri ko evanhélio resape jaikovéta kuarahy’ãme, ha upépe ja’akuaa py’ara’ãme. Ha’e tuicha mba’e, añetehápe: pe konversiõ jaiporavóramo jahupi evanhélio resape ñañembojavéta tesapére ha ñanemo’ãta pya’ara’ãgui. Tuichaite jehovasa jarekóva ko árape ko múndope!
Ñakómpartivo ko evanhélio jakueráta
Hermana Tiffany Myloan oacepta invitasiõ oipytyvõ hağua misonerokuérape orekóramo jepe heta problema, ha avei ogueroporandúvo ijerovia. Ramoite ha’e he’i chéve oipytyvõvo misionerokuérape ombopyahu jeyha ijerovia ha oñeñanduporã jey. Iñe’ẽme, “obra misional ha’e tembiapo ñanemongueráva.”17
Vy’apavẽ. Ñeha’arõ Tupã pu’aka ñanesostenéva. Py’ara’ãgui ñanemo’ãva. Ñemonguera. Ha opa mba’e reheve—ha avei (ñaneperdona, ñande agaipakuéragui)18—oñehẽ hağua evanhélio jehovasa yvágagui ñakompartivo evanhélio.
Ko’ág̃a, jajuhu ñande oportunida porãite
Hermano ha hermanakuéra, “heta oĩ … opavave … apytépe, “opa… [sectakuéra,] grupo, ha denominasiõ … oñemombyrýva añeteguágui ndoikuaáiguinte moõpa ojuhúta.”19 Túichaiteve tekotevẽ jahupi hag̃ua ñande resape opa yvóragua historia-pe g̃uarã. Mba’e añeteguáva araka’eveguáicha oĩva disponible.
Jimmy Ton, okakuaáva’ekue Budista ramo opyta impresionádo ohechávo peteĩ familia okomparti hekovekuéra YouTube rupive. Ha’e oikuaávo ha’ekuéra ha’éha miembro Jesucristo Tupao Santokuéra Ára Pahapegua, oñepyrũ oikũmby Evanhélio líneape, olee Mormón kuatiañe’ẽ aplicación rupive ha ojebautiza orresivi rire mbo’epy misionerokuéra rupive universidad-pe.20 Élder Ton oservi ko’ág̃a misionero de tiempo completo ramo.
Ha’e ha iñirũ misionerokuéra oikóva ko múndo jerere ha’e Tupã Ñandejára batallón, he’i haguéícha ñande proféta.21 Ko’ã misionerokuéra ojehekýi ko mundogua tendencia-gui: he’íva ko Gen Zeta-gua oñemombyry Itupãgui,22 ñande mitãrusukuéra oñorairõkuaáva katu20 élder ha hermana-kuéra ombou jey hağua hapichakuérape Tupã rendápe. Heta hetave oĩ miembrokuéra ojepytasóva Tupaopegua misionerokuérandi okompati hag̃ua ko Evanhélio, oipytyvõva hetave iñangirukuérape ou Cristo rendápe ha Itupaope.
Ñande Santokuéra Ára Pahapegua Liberia-pegua oipytyvõ 507 angirũ oike y ikarai hag̃ua jasypa pukukue ndaipóri ramoguare misionero de tiempo completo hetãnguérape. Ñane estakagua presidente upepegua oikuaávo misionerokuéra ikatumaha oujey, ha’e he’i: “Oĩ porãite, ko’ág̃a ha’ekuéra ikatutama ñanepytyvõ ñane rembiapórãme.”
He’iva’ekue ciertoite: Israel ñembyaty—ha’eva tembiapo tuichavéva yvy árigua24— kóva ha’e ñande konvénio rehegua responsabilida. Ha kóva ha’e ñane moménto! Che invitasiõ ndahasýiete: pekomparti ko evanhélio. Peẽ ha’e pehupítava yvate ko tesape. Peñembo’e pejerurévo yvágape pytyvõ ha pejapo umi mba’e espíritu he’íva peẽme. Pekomparti pende rapichakuéra ndi pende rembiasakue normal ha naturalmente, peinvita chupekuéra tou ha tohecha, tou ha toipytyvõ ha tojejuhu hikuai.25 Ha uperõ pevy’a opavave peẽ ha umi pehayhúva pehupyty jave umi jehovasa oñeprometeva’ekue.
Aikuaa Cristo rupi oñembo’eha marandu porã umi ipy’aguapývape; Cristo rupi oikovéta umi ikorasõrasýva; Cristo rupi isãsõta umi oñeñapytĩva; ha Cristo ha Cristo-pe añónte, oikove umi hasẽva oñeme’ẽ haguére chupekuéra tesape tanimbu rendaguépe.26 Upévare, tekotevẽ jaikuaauka ko’ã mba’eporã!27
Atéstifika Jesucristo ha’eha ñande jerovia moĩporãhare ha apohare.28 Ha’e ombopaháta, omoĩmbáta, ñande fe ñamomba’apóvo —jepe oiporamba’ỹramo—jahupíke ko Evanhélio resape. Ha’e ojapóta milágro ñande rekovépe ha opa umi Ha’e ombyatýva rekovépe, Ha’e ha’égui peteĩ Tupã ojapóva milágro.29 Jesucristo ñamomorãva rérape. Amén.