Cristo py’aguapy ombogue ñombohovái
Cristo mborayhu ojaho’ívo ñande rekove jahecha umi ñembojoavy py’aporã, paciencia ha marangatu reheve.
Che hermano ha hermana-kuéra pejehayhuetéva, peteĩ ñeha’a prueba jave, pe korasõ omba’apove. Umi korasõ ikatúva jepi oguata yvate gotyo ikatu hasy chupekuéra oñanívo yvate gotyo. Upéicha rupi, upe ñeha’ã ikatu ohechauka peteĩ mba’asy okañýva gueteri ha ambuéicha ikatu’ỹva ojehecha. Oimeraẽ mba’asy ojehechakuaa raẽvéva ikatu oñepohãno ombohasyeterei mboyve upe tekove ára ha ára.
Pe COVID-19 pandemia añete ha’ékuri peteĩ estrés global rehegua prueba. Upe prueba ohechaukákuri resultado-kuéra oñambuéva. Oñeguenohẽ umi vakúna iporã ha ojapoporãva.1 Umi omba’apóva pohãnohára, mbo’ehára, ñangarekohára ha ambuéva ramo oñeme’ẽkuri py’aguasúpe ha ojapónte gueteri hína. Heta tekove ohechauka py’aporã ha marangatu, ha ohechaukánte gueteri hína. Ha katu, ojehecha avei umi desventáha okañymbýva. Umi tekove ikangýva osufríkuri—ha upéichante gueteri hína. Oñemokyre’ỹ ha ojeaguyjeme’ẽva’erã umi omba’apóvape ñembojoja’ỹ oĩvare gueteri kañymby.
Upe pandemia avei ha’e peteĩ estrés espiritual prueba Salvador Tupao ha imiembrokuérape g̃uarã. Resultado-kuéra avei oñoambue. Ore rekove ojehovasa oñeministrávo peteĩ “ijyvateve ha imarangatuveháicha,”2 pe Eju chesegimbo’esyrýpe ha pe evanhéliope ñemoarandu oñemombytéva ogapýpe ha ojeykekóva Tupaóre. Heta oĩ ome’ẽva poriahuverekópe ñeipytyvõ ha py’aguapy ko’ã ára hasyete aja ha okontinua gueteri.3
Ha katu, sapy’ánte, upe estrés espiritual prueba ohechauka ojehoveha ñorairõ ha joaju’ỹ gotyo. Kóva he’ise jarekoha tembiapo jajapova’erã ñamoambue hag̃ua ñane korasõ ha jajoaju Salvador discípulo-kuéra añetéicha. Kóva ndaha’éi peteĩ desafío pyahu, ha katu imba’eguasúva.4
Salvador ovisita jave nefitakuérape, ombo’e, “Ndaiporimo’ãi joavy pende apytépe. … Añetehápe, añetehápe che ha’e peẽme, upe oguerekóva joavy rehegua espíritu ndaha’éi che mba’e, ha katu ha’e aña mba’e, ha’éva joavy túva, ha haʼe omokyreʼỹ pochýpe yvyporakuéra korasõ, oñorairõ hag̃ua peteĩva ambue ndive.”5 Ñañombohováiramo pochy reheve, Satana opuka ha Tupã yvagagua hasẽ6
Satana opuka ha Tupã hasẽ mokõi mba’érehente jepe. Peteĩha, upe joavy omokangy ñane testimonio colectivo Jesucristo múndo ha rredensiõgui oúva umi I“mérito, …poriahuvereko ha grásia rupive.”7 Pe Salvador he’i: “Peteĩ apoukapy pyahu ame’ẽ peẽme, Tapejoayhu peteĩva ambuépe. … Kóvape oikuaáta opavave peẽ ha’eha che discípulo-kuéra, pejoayhúramo peteĩva ambuépe.”8 Ombohováiva avei añete—opavave oikuaa ndaha’eiha idiscípulokuéra ndajajoayhúiramo peteĩva ambuépe Hembiapo ára pahapegua ojehecha vai upe joavy ha ñombohovái9oĩramo idiscipulokuéra apytépe10 Mokõiha tendápe, upe joavy niko espiritualmente ivai ñandéve peteĩteĩme g̃uarã. Omonda ñandehegui py’aguapy, vy’a ha pytu’u, ha ñande kapasida ñañandu hag̃ua pe Espíritu ojehecha vai.
Jesucristo omyesakã pe Idoctrina ndaha’eiha “omokyre’ỹ pochýpe yvyporakuérã korasõ, peteĩva ambuéndi; ha katu [pe I] doctrina [ha’ eha] umi mba’e opava’erãha.”11 Chepya’etereíramo chepochy hag̃ua térã ombohovái hag̃ua umi temimo’ã joavy oĩva guie chepochy térã ahusgaramo, “afalla” upe estrés espiritual prueba-pe. Ko prueba avy nde’iséi naipohãveimaha. Uvei ohechauka aikotevẽha akambia. Ha upéva ha’e ñemomarandu porã.
Salvador ovisita rire Amerikakuéra, umi yvypóra ojoaju; “Ndaipori joavy opa yvy ári.”12 Peimo’ã piko yvyporakuéra ojoajuha ojojogua haguére térã ndoguerekói haguére hikuái temimo’ã ojoavýva? Naimo’ãiete Ambuerã katu, upe joaju’ỹ ha ñombohovái opa omoĩ haguére hikuái idiscipulado Salvador-re opa mba’e ári. Iñambuehakuéra ogueve oñembojojávo imborayhu jojáre Salvador-re, ha oĩ ñembojoajúpe “Tupã rréino heredero-kuéra ramo.”13 Pe oúva ha’e “ndaikatúi oĩ peteĩ tavaygua ovy’avéva… ojejapova’ekue Tupã po rehe.”14
Pe ñembojoaju oikotevẽ ñeha’ãre15 Oñemongakuaa ñañotỹramo Tupã mborayhu ñane korasõme.16ha ñañenfoka ñande destino eterno-re17 Jajoaju ñane identida primaria común-re Tupã ra’ykuéraicha.18ha ñane compromiso umi Evangelio restaurado añetegua rehe. Ñane mborayhu Tupãre ha ñande discipulado Jesucristo-re ogueru peteĩ jepy’apy añete ambuekuérare. Ñamomba’e umi ambuekuéra característica caleidoscopio, perspectiva ha talentokuéra.19 Ikatu’ỹramo ñamoĩ ñande discipulado Jesucristo-re umi intere ha punto de vista personal-kuéra ári, jahecha jeyva’erã umi ñande priorida ha ñamoambue.
ikatu ñañemboyke ja’évo, “Añete ikatu ñañembojoaju—reiménteramo chendive!” Peteĩ enfóke porãve ha’e oñeporandu, “Mba’e ikatu ajapo ahekávo ñembojoaju? Mba’éicha ikatu aipytyvõ ko tekovépe oñemoag̃uive hag̃ua Cristo-re? Mba’e ikatu ajapo amomichĩve hag̃ua pe joaju’ỹ ha amongakuaa hag̃ua peteĩ tupao komunida iporiahuvereko ha ipy’aporãva?”
Cristo mborayhu ojaho’ívo ñande rekove20jahecha umi ñembojoavy py’aporã, paciencia ha marangatu reheve21 Jajepy’apy’ive ñane sensibilida rehe ha hetave umi ñande ykeregua mba’ére. Ñande jaheka ñamodera ha ñambojoaju.”22 Ndajaikéi umi “ñorairõ oñeimo’ã’ỹvape,” ndajahusgái umi naiñaiméivandi peteĩ ñe’ẽme ni nañañeha’ãi ñamopysanga.23 Ambuerã, jahechakuaa umi noiméivape ñanendive peteĩ ñe’ẽme ojapoha opa ikatúva umi tekove experiencia orekóvare hikuái.
Che rembireko omba’apo abogacía-pe 20 áño aja. Abogada- ramo, py’ỹi omba’apo ambue yvypóra omo’ãvandi jepi umi puntos de vista ojoavýva. Ha katu oikuaa mba’éichapa ojoavýta tie’ỹ’ỹre térã pochy’ỹre. Ikatu he’íkuri abogado ñembohovaiguápe: “Ahecha ndaikatumo’ãiha ñañemoĩ peteĩ ñe’ẽme ko témape. Nde chegusta. Che arrespeta ne remimo’ã. Aha’arõ nde avei reme’ẽ chéve peichagua cortesía.” Py’ỹi, kóva opermiti upe respeto ojupe ha avei amista oĩramo jepeve umi ojoavyha hikuái.
Uvei umi ojoayhu’ỹva’ekue ymave ikatu ojoaju pe Salvador discipulado-re24 2006-pe, aha Helsinki Témplo dedicación-hápe, Finlandia-pe, aguerohory hag̃ua che ru ha che aguelokuérape, oñekonverti’akue tupaópe Finlandia-pe ára ñepyrũme . Finlandese-kuéra, avei che ru, osoñava’ekue peteĩ témplondi Finlandia-pe dékada aja. Upe jave, pe Témplo Distrito ojapyhy Finlandia, Estonia, Letonia, Lituania, Bielorrusia ha Rusia.
Upe dedicatoria-pe, aikuaa peteĩ mba’e ojehecharamóva. Ára peteĩha oñepyrũvo omba’apo oñeñongatu umi miembro ruso ojapo hag̃ua templo ordenanza-kuéra. Hasy ja’e hag̃ua mba’éichaitépa ojehecharamo kóva. Rusia ha Finlandia hetaite oñorairõ’akue heta siglo pukukue aja. Che ru ndojeroviái ni nda’ija’éi ndaha’éi Rusia-re añónte sino opa umi rrúsore. Omombe’u atãva’ekue hemiandu, ha umi oñandúva ha’e oñeha’arõháicha umi finlandesa jehayhu’ỹgui Rusia gotyo. Omombyta iñakãme umi poema épico omombe’úva ñorairõ oikóva siglo XIX-pe finlandes ha ruso-kuéra apytépe. Umi ñexperiensia Segunda Guerra Mundial aja, Finlandia ha Rusia oñombohovái jeyramoguare, ndojapói mba’eve omoambue hag̃ua umi hemimo’ã.
Peteĩ áño Helsinki Témplo dedicación mboyve , Finlandia-pe, templo komite, oĩháme miembro finlandese-kuéra añónte, oñembyaty ohecha hag̃ua mba’éichapa ojejapóta upe dedicación. Upe aty aja, oĩ ohecháva umi sánto ruso oviahava’erãha heta ára oĩ hag̃ua dedicación-hápe ha ikatuha oha’arõ omog̃uahẽ hag̃ua umi témplo rovasapy ojevy mboyve hógape hikuái. Pe komite presidente, hermano Sven Eklund, he’i finlande-kuéra ikatuha oha’arõ michĩmie, umi rrúso ojapo raẽveva’erãmo’ã témplogua ordenanza-kuéra Templo-pe. Opavave miembro komitepegua oñemoĩ peteĩ ñe’ẽme. Umi Santos de los Últimos Días finlandes ijeroviarekóva ombotapykue témplo hovasapy omohenda hag̃ua umi sánto ruso-pe.
Upe presidente de área oĩva upéramo pe témplo komité atyhápe, élder Dennis B. Neuenschwander, ohai upe rire: “Araka’eve ndacheorgullosovéi umi finlandes-gui upe javégui. Pe Finlandia historia hasýva este-gua ivesinokuérandi … ha pe emosiõ oñemopu’ã haguére ipahápe peteĩ [templo] ijyvy teépe ojeheja. Ojeheja umi rrúso oike raẽve témplope [ha’ e] peteĩ declaración mborayhu ha sacrificio rehegua.”25
Amombe’u jave ko mba’e ipy’aporãva che rúpe, ikorasõ hyku ha hasẽ, ndojehechaháicha ko finlandés imbaretévare. Upe ára omano meve, mbohapy áño rire, araka’eve nde’íriva peteĩ ñeñandu ivaíva Rusia-re. Oñeinspirávo umi iñirũ finlandes ejemplo-re, che ru oiporavo omoĩ raẽve idiscipuládo Jesucristo-re opa ambue mba’e ári. Finlandekuéra na’ifinlandese’ivéi; umi rrúso nda’irruso’ivéi; avave aty ndohejái ikultura, historia térã experiencia-kuéra omboyke hag̃ua johayhu’ỹ. Ha’ekuéra noikotevẽi. Uperãngue, oiporavo hikuái omomba’apo discipulado Jesucristo-re ikonsiderasiõ tuichavéva.26
Ha’ekuéra ikatúrõkuri ojapo, ñande avei ikatu. Ikatu jagueru ñane herencia, kultura ha experiensia-kuéra Jesucristo tupaópe. Samuel ndohejái iñerénsia lamanita ramo,27Mormón avei ndohejái imba’éva nefita ramo28 Ha katu peteĩteĩ omoĩ raẽve upe idiscipulado Salvador-re.
Ndaha’éi ramo ñande peteĩ, ndaha’éi imba’e.29 Che invitación ha’e tañandepy’aguasu ñamoĩ hag̃ua ñane mborayhu Tupãre ha pe discipuládo Salvador-re opa konsiderasiõ ári.30 Ñamantene konvénio oĩva ñande discipulado-re: upe konvénio ñanepeteĩnte hag̃ua.
Tajasegi opa umi mundogua santokuéra ejemplo oñekonverti porãva’ekue Cristo discípulo-pe. Ikatu jajerovia Jesucristo-re, ha’éva “ñande py’aguapy, upe … oityva’ekue pare mbytegua oĩva ñande apytépe; ombogueva’ekue i[sacrificio expiatorio rupi] pe johayhu’ỹ.”31 Ñane testimónio Jesucristo-gui múndope imbaretevéta ha ñañemantenéta ñaneresãi espiritualmente32 Atestifika pe “jahejávévo ñorairõ” ha ñag̃uahẽvévo pe “Ñandejára mentalida-icha mborayhu ñembojoajúpe Hese fe reheve”, ipy’aguapy ha’éta ñanemba’e. Jesucristo rérape, Amén.