Upe témplo ha pene fundaménto espiritual
Oiko vove oimeraẽichagua apañuãi pende rekovépe, pe ténda isegurovéva espiritualmente peime haĝua ha’e peikóvo pene templo-gua konveniokuéra ryepýpe.
Che hermano ha hermana pohayhuetéva, che aguijete aime haguére penendive ko pyharevépe akomparti haĝua umi che korasõ remiandu.
Peikuaaháicha, rojaporoína umi rrenovasiõ iñimportánteva pe Lago Salado-gua templo histórico-pe. Ko proyecto complejo-pe oike peteĩ ñemombarete guasu umi ipyenda ypykuépe, oikoporãva’ekue hetave peteĩ siglo-gui. Ha katu ko témplo opytava’erã hetave ára. Mayo pahápe, ahechaporã ko proyecto tuichaite ñemopu’ã. Aimo’ã pehecharamóneha pe che ahechava’ekue. Aimo’ã pehechataha mba’érepa pe himno “Que firmes cimientos”1oreko signifikádo pyahu ñandéve ĝuarã.
Video Lago Salado Templo rrenovasiõ renda guive: “Jahecha hína Lago Salado Templo pyenda ypy. Añembo’y hína peteĩ zona guýpe ha’eva’ekue Jardín Koty . Amañaporãvo aja ko edificio artesanía-re, ahecharamo umi ohupytyva’ekuégui pionero-kuéra. Añesorprendepa apensárõ omopu’ãhague hikuái ko templo hechapyrãitéva umi tembiporu ha técnica oĩva rehente disponible chupekuéra ĝuarã ojapo hetave peteĩ siglo-gui.
Upevére, heta dékada rire, jahecha porãrõ umi simiénto, jahechakuaa efecto orekóva pe erosiõ, umi tiri oĩva upe ita original-pe ha opáichagua estabilida etapa mampostería-pe.
Ko’áĝa, ha’évo testigo umi arquitecto, ingeniero ha experto construcción ko’áĝagua ikatúva ojapo omombareteve haĝua upe cimiento original chereja absolutamente asombrado. Hembiapokuéra hechapyrãiterei!
Oimeraẽ edificio simiénto, uvei peteĩ tuichaitéva koichagua, imbarete porãva’erã ogueropu’aka haĝua yvyryrýi, korrosiõ, yvytu hatã, ha pe yvyguapy o’afectáva opa edificio-pe. Ko tembiapo ikompléhova oikóva hína omombaretéta ko templo sagrado peteĩ simiénto ogueropu’akakuaátava reheve pe tiémpo prueba.
Noroñongatúi hínamba’evéichagua ñeha’ã rome’ẽ haĝua ko sánto témplope, ikangýmava hína, peteĩ simiénto ogueropu’akátava umi naturaleza mbarete milénio peve. Upeicha avei, oĝuahema ára peteĩ teĩ ñande ñaiplementa haĝua umi medida tuichapajepéva, ikatu medída araka’eve jajapova’ekue, ñamombarete haĝua ñane simiénto espiritual personal. Ko’ã tiempo ijojaha’ỹva oikotevẽ medída ijojaha’ỹva.
Che hermano ha hermana-kuéra pohayhuetéva, ko’ãva añetehápeha’e umi ára pahapegua. Peẽ ha che jagueropu’akátaramo umi peligro ha presión oútava, iñimperativo peteĩteĩ ñande tajaguereko peteĩ cimiento espiritual atã oñemopu’ãva Jesucristo, ñane Redentor ita ári.2
Aporandu peteĩteĩ peẽme, “Mba’eichaitépa imbarete penesimiénto? Ha mba’eichagua ñemombaretépa oikotevẽ pene testimónio ha pene ñeikũmby evanhéliogui?
Pe templo oĩ pe ñande fe ha mbarete espiritual ñemombarete mbytépe, Salvador ha Idoctrina ha’égui upe templo korasõite. Opa oñembo’éva templo-pe, ñemoarandu ha Espírirtu rupive, omongakuaa ñane kompresiõ Jesucristo-gui. Umi Iñordenánsa esencial ñanembojoaju Hendive umi sacerdocio kónvenio sagrado rupive. Upéi, ñañongatúvo ñane konveniokuéra, Ha’e ñaneinvesti Ipu’aka oporomonguera ha oporomombaretéva reheve.3 Oh ha mba’eichatépa ñaikotevẽta Ipu’aka ko’ã ára oútavape.
Oñepromete ñandéve “peiméramo ñembosakoʼípe, ndapekyhyjemoʼãi.”4 Ko segurida oreko implikánsia ipypukúva. Ñandejára he’i, oĩrõ jepe desafio ijojaha’yva ko’ã árape, umi omopu’ãva isimiénto Jesucristo ári, ha oñemoarandu oipurukuaa haĝua Ipu’aka, natekotevẽi ho’a ko épokapegua ansieda ijojaha’ỹvape.
Templo ordenansa ha konveniokuéra isagrádo. Ñandejára omanda Adán ha Eva-pe toñembo’e, tojapo umi konvenioha toikuave’ẽ sacrificio-kuéra .5 Upéicha, “Káda Ñandejára oguereko peteĩ tavayguakuéra ko yvy ári iñe’ẽrendúva Iñe’ẽre, oñemanda chupekuéra omopu’ã haĝua templokuéra.”6 Umi Libros canónicos henyhẽ referencia-gui Templo-gua ñehekombo’égui, ao, ñe’ẽ ha hetave mba’e.7Opajagueroviáva ha kádapromesa Tupã ojapova’ekue Itavayguakuéra kovenioguápe ojoajupa templo-re. Umikáda épokape, pe templo omoañete upe añetegua hechapyrãva umi ojapóva konvénio Tupãndi ha oñangatu umíva ha’eha konvenio ra’y.
Upéicha, Ñandejára Rógape ikatu jajapo umi konvénio ojapova’ekue Tupãndi avei Abraham, Isaac ha Jacob. Ha ikatu jahupyty peichagua jehovasa!
Templo-kuéra ha’ékuri peteĩ parte kodispensasiõ ára ñepyrũmby guie.8 Elias, upe proféta ome’ẽ autorida llavekuéra ojesella haĝua José Smith-pe Kirtland témplope. Pe sacerdocio plenitu ojerrestaura Navoo témplope.9
Imartirio peve, José Smith orresivi meme rrevelasiõ omyañáva umi investidura ha sellamiénto ordenánsa rrestaurasiõ.10 Upevére, ohechakuaa oñeikotevẽha michĩmie refinamiénto. Ome’ẽ rire pe investidura Brigham Young-pe Mayo 1842-pe, José he’i Brigham-pe, “ Kóva noĩri gueteri oĨva’erãicha, ha katu jajapókuri ikatuporãveháicha umi circunstancia ñambohovakéva guýpe ha aha’arõ rejagarra nde pópe ko’ã mba’e ha remohenda opa ko’ã ceremonia peteĩ sistema-pe.”11
Proféta omano rire, presidente Young osupervisa pe Navoo templo ñekompleta 12 ha uperire omopu’ãve templo Utah yvýpe. St. George templo guyýpegua dedicación aja Brigham he’i mbarete urgencia oĩva templo obra vikáriagui, he’ívo, “Apensa vove upe mba’ére, aipota voi siete arasunu ryapu tomombáy yvyporakuérape.”13
Upe ára guie, umi templogua ordenanza oñerrefina mbeguekatu. Presidente Harold B. Lee omoyesakã mba’ére umi procedimiento, norma ha jepeve témplo ordenansakuéra oñemoambue meme Salvador tupao rrestaurádope. Presidente Lee he’i: “Jesucristo Evanhélio principio-kuéra idivino. Avave nomoambuéi tupao principio-kuéra ha [doctrina], ndaha’éirõ Ñandejára rrevelasiõ rupi. Ha katu umi método oñemoambue ñeisãmbyhy inspirádo oĝuahẽháicha umi opresidívape upe moméntope.”14
Pehechakuaami mba’éichapa oñemoambue Santa Cena administrasiõ ko’ã áño ohasava’ekue pukukue. Ymave pe y Santa Cena-gua oñeikuave’ẽ kongregasiõme peteĩ mba’yru guasúpe. Opavave hoy’úkuri chugui. Ko’áĝa jaipuru umi váso desecháble peteĩteĩ. Pe procedimiento oñemoambue ha katu umi konvénio peteĩchaite.
Pejepy’amongeta ko’ã mbohapy añeteguáre:
-
Upe rrestaurasiõ peteĩ proceso, ndaha’éi peteĩ acontecimiento, ha okontinuáta Ñandejára ou jey peve.
-
Pe Israel ñembyaty propósito paha15ha’e tojegueraha umi témplo jehovasa Tupã ra’ykuéra ijeroviarekóvape.
-
Ñañeha’ãvo ñakumpli porãve haĝua upepropósitore, Ñandejára orrevelave kuaapy. Pe rrestaurasiõ okontinuáva oikotevẽ rrevelasiõ okontinuáva.
Primera presidencia ha Cuórum de los Doce Apóstoles py’ỹi oporandu Ñandejárape oĩpa iporaveháicha ojegueraha hagua umi templo jehovasapy Ita’yrakuéra ijeroviarekóvape. Roheka meme gía mba’éichapa roasegurakuaa umi templogua instrusiõ, konvénio ha ordenansakuéra toreko exactitud ha uniformida opa ko múndo jerére oĩrõ jepe diferencia ñe’ẽ ha kultúrape.
Ñandejára sãmbyhy guýpe ha oñembohováivo ore ñembo’ekuéra, ojejapo ramoite umi ahúste procedimiento-kuérape. Ha’e niko pe oikpotáva pentende hesakã porã exactamente mba’épa pejapo hína pejapóvo konveniokuéra. Ha’eniko pe oipotáva pe’experimentapaite umi isagrada ordenansakuéra. Ha’e niko oipota pehechakuaa umi pende privilegio, promesa ha responsabilida. Ha’e oipota peguereko umi perspectiva ha jepáy espiritual araka’eve perekova’ekue. Upéva Ha’e oipota opavave oparticipáva -pe ĝuarã templo-pe, taha’e ha’e oikohápe
Umi ahuste ko’áĝagua templo procedimiento kuéra-pe ha ambue oútava ha’e evidencia meme Ñandejára activamente oisãmbyhyha hína Itupao. Ha’e ome’ẽ hína oportunida ñande peteĩteĩ ñamombarete porãve haĝua ñane simiénto espiritual ñasentrávo ñande rekove Hese ha Itemplo ordenánsa ha konveniokuérape. Peguerúrõ Ñandejára Rógape pene recomendación templo-pe ĝuarã, peteĩ korasõ mirĩ ha mente oñemoaranduséva, Ha’e penembo’éta.
Mombyrykue, mba’asy térã ambue limitasíõ ndohejáirõ peho templo-pe sapy’a, poinvita pemopa’ũ haĝua peteĩ tiempo regular perrepasa haĝua pene akãme umi konvénio pejapova’ekue.
Ndapehoséi meméramo gueteri templo-pe, tapeho py’ỹive, ani sa’ive. Peheja Ñandejára, Ijespiritu rupive, tapenembo’e ha peneinspira upépe. Apromete peẽme, tiempo ohasávo, pe templo ha’éta peteĩ tenda segurida, py’aguapy ha rrevelasiõ rehegua.
Ikatúrire añe’ẽ peteĩteĩ imitã kakuaávape, ajerure’asýne chupe oheka hag̃ua peteĩ irũ ikatuhándi ojesella hendie templo-pe. Peñeporandúne mba’e diferencia-pa ojapóta upéva pende rekovépe. Apromete peẽme ojapopaitetaha diferencia! Pemendárõ templo-pe ha pehopy’ỹi, peñemombaretéta ha pejegiáta pende desisiõme.
Ikatúrõ añe’ẽ káda ména térã tembireko ndive ndojesellaiva’ekuépe gueteri templo-pe, ajerure’asýnechupekuéra ome’ẽ hag̃ua upe páso oñeikotevẽva ohupyty haĝua upe ordenánsa ombopaha ha omoambuéva tekovekuéra.16 Ojapótapa diferencia? Peñakãpu’ãsérõ oñondie ha peimesérõ oñondie tápiate ĝuarã añónte. Ñeimesénte oñondie tapiaite ĝuarã ndojapomo’ãi toiko upéva. Ni peteĩ ceremonia térã contrato ndojapomo’ãi.17
Ikaturõ añe’ẽ káda kuimba’e térã kuña omendaséva ha katu ndojuhúiva gueteri iñirũ eterno-rã, pomokyre’ỹ ani peha’arõ pemenda peve peñeinvesti haĝua Ñandejára Rógape. Peñepyrũ ko’áĝa peñemoarandu, ha pe’experimenta he’iséva armado sacerdocio pu’aka reheve.
Ha peteĩ teĩ peẽme pejapova’ekue umi konvenio templo-pe, ajerure’asy peẽme tapeñeha’ã, espiritu de oración ha constancia reheve pentende umi témplo konvénio ha ordenansakuéra.18 Umi okẽ espiritual ojepe’áta. Peñemoarandúta pemboykekuaa haĝua pe vélo oĩva yvága ha yvy mbytépe, pejerurekuaa haĝua Tupã anhelkuéra oñangareko haĝua pende rehe ha mba’éicha pehupytykuaave gía yvágagui. Pene ñeha’ã meme pejapo haĝua upéva omombaretevéta ha omombaretéta pene cimiento espiritual.
Che hermano ha hermana-kuéra pohayhuetéva,opavove Lago Salado-gua templo renovasiõ opa vove ndaiporimo’ãi tenda isegurovéva peteĩ yvyryrýi aja Lago Salado valle-pe templo ryepypeguágui.
Upéicha avei, oiko vove oimehaichagua apañuãi pende rekovépe, pe ténda isegurovéva espiritualmente peime haĝua ha’e peikóvo pene templo-gua konveniokuéra ryepýpe.
Pechegueroviami ha’évo peẽme pene simiénto espiritual oñemopu’ã mbaretérõ Jesucristo ári, natekotevẽiete pekyhyje. Peñongatuháicha pene konveniokuéra pejapova’ekue témplope, peñemombaretéta Ipu’aka reheve. Upérõ, oikóramo umi yvyryrýi espiritual, pepytakuaáta ñemova’ỹme pene simiénto espiritual hatã ha oñemova’ỹgui.
Pohayhu che hermano ha hermana-kuéra. Ko’ã añetegua che aikuaa: Tupã ñande Ru Yvagagua, oipota peẽ tapehose jey ógape Hendive. Iplan progreso eterno-rã naikomplikádoi ha o’onrra pende albedrio. Penesãso peiporavo haĝua mávape ha’éta peẽ ha máva ndivepa peiméta múndo oúvape!
Tupã oikove! Jesus ha’e Cristo! Kóva ha’e Itupao, ojerrestaurava’ekue penepytyvõ haĝua pekumplívo pene destino divino. Atestifika Jesucristo réra sagrado-pe, amén