Diyin God Báhooł’aah
Anhidiishní, tsídá t’áá akw’ííjí Bóhólníihii bił yiidaalgo t’éíyá, doo nahasdzáájí saad diits’a’gíí doo nihijéí k’íídootíh dah.
Shik’is dóó shiláh, naaki yisk’ą́ Bóhólníihii yá ndaalnishí ndá nihinítin díí nihá yinídzin yaa hadah haasdzíí’.
Nihí hast’áa’ ninaadeezidjį’ náanish nihá adayíilaah. K’ad na’ídilkid, háásh yit’áo dah sidííts’ą’ígíí nihe’ íina’ bee łáhgo at’ée doo?
Dikós Nitsaa’ígíí tsį́įł łáhgo ánhiilaa, nihii éi doo ndeidlo’ dago at’é. Ndi, doole’é t’óó ahayóí ndeidlo’ ’ígíí bíighahgo at’é. T’áá nihí haishį́į́h áłtsé bindíilnish, hááhgóó shį́į́h, dóó nihi béeso adíi’nił. T’áá nihí hait’áo diné bił néiilnish doo. T’áá haishį́į́h t’aa aaníí dóó nanhilo’ígíí, éi áájóo dah didiidááł.
Nahaasdzáán bikáa’gi t’óó ahayóí saad ał’ąą’ at’éego díits’ah. Ndi t’óó ahayóí bin da’ádló’go, atiin k’ehjí yiidaał nihits’ą́ą́’ yidóołch’ǫǫłgo at’é. Anhidiishní, ts’ídá t’áá akw’iijí Bóhólníihii bił yiidáalgo t’éiyá, doo nahaasdzáánjí saad díits’a’ígíí doo nihijéí k’íidootíh dah.
Jó béésh t’áá bínitsékeesí bits’ą́ą doo ééhózin yiniłtsą́ą’go Diyin Ii’sizį́į bizaad doo didiits’į́įł da. Jó doo t’áá akw’iijį́ sodilzingóó dóó bizaad yiniłta’góó, diné bin da’nítin doo t’áá aaníí at’ée dah ndi, áajíi dah bididiináałgo at’é. Ts’ídá ayóó oodąnígíí ndi Babylongóó dah diigháago bá bíighahgo at’é.
Shik’is dóó shiláh, ndan hooshkąąh Bóhólníihiijí báhooł’aah! Anleeh diyin k’ehjí bitl’áadi ha’astl’inígíí ayóó niłdzilgo anilééh áko Diyin Ii’sizį́įt’áá akw’iijį́ nił hólǫ́ azhá nanít’ah ndí.
Baa yóónééh lágo, “Diyin Ii’sizį́į t’áá aaníí yee yáłti’… t’áa doole’é t’áá aaníí at’éi dóó t’áa doole’é t’áá aaníí adoonįįł bił bééhózin.” 1 “Éi adííniidígíí t’áá ałtso nihił ííshjaní íídoołeeł.” 2
Jesus Christ yinídląągo Diyin Ii’sizį́į nił hólǫ́ǫ doo. Christ baa yéiilti’, Christ baa hwiilnę́, bizaad yiníilta’ dóó Christ naasgóó bik’éé yiidáał doo. 3 Damǫ́ǫgo diyin bich’į’ naa’ayiilnííh, bááh níyą dóó tó nidlą́ dóó Damǫ́ǫgo hodinísingo i’doo’ááł. 4
Díí abinídą́ą́’ ánhidishní Bóhólníihii bighan bá nahóoł’aah. Átaa’ bighan bich’į’ ałnáandáahgo binahjį’ yéego nehe’oodlą’ bizíil ádiiliił.
Ahéhee’ t’áá anółtsoh Átaa’ Bighan aníídii bindáalnishíí. T’áá at’é nahaszáán bikáa’gi ádaalne’. Kaohsiung, Taiwan; Tacloban, Philippines; Monrovia, Liberia; Lananga, Democratic Republic of the Congo; Antananarivo; Madagascar; Culiacán, Mexico; La Paz, Bolivia; Santiago West, Chile; Fort Worth, Texas; Cody, Wyoming; Rexburg North, Idaho; Heber Valley, Utah; dóó Provo Temple éí hasht’é andolnį́į́ł, atsé éí Orem Utah Temple ałtso alyaahgo inda.
Shik’is dóó Shiláh, ayóó ánhiinishní. Bóhólníihii nihee hósin dóó ayóó ánwo’ní. Bí nihi Yisdá’iiníiłii nihik’é Niná’idláii nilį́. Bí yiláajį’ sizí dóó Bísodizin bá Hooghan bik’éhgo náás yilwół. Bí yiláajį’ yigaał jóne’íina’ yoolóós t’áaní Bí bá hooł’áahgo t’éiyá t’áá akwiijį́.
Náá ahíiltsáajį’ Diyin God nihił hólǫ́ǫ’ doo, kot’áó Jesus Christ bízhei’ binahjiį’ sodiszin, áamen.