Ha katu noropenái hesekuéra.
Upéicha avei, ñane konvénio ha ordenansakuéra ohechauka ñandéve ha ñanepytyvõ ñanemandu’a tapiaite haĝua ñane conexión ñandejára Jesucristo ndive jaha aja tenonde gotyo umi konvénio rapére.
Che rembireko Susan, mbohapy ore ta’ýra ha hembirekokuéra, opa ore nietokuéra ha Elder Quentin L. Cook , che compañero de asiento Cuórum de los Doce-pe 15 año aja, otestifikakuaaporã ndapurahei porãiha. Ha katu jepe ndarekói pe talento vocal, apurahéiseterei umi Restaurasiõ rehegua himno. Umi ñe’ẽnguéra inspirado ojoajúvo mahestuoso melodía rehe che pytyvõ añemoarandu haĝua umi evanhélio principio iñesenciálvape ha opoko che ángare.
Peteĩ himno ohovasa guasuetéva che rekove ha’e “Trabajemos hoy en la obra”. Nda’aréi ajepy’amongetákuri hína ha añemoarandu peteĩ pe himno estribillo frase específico-pe. “Nañapenamo’ãi umi tekoñaña he’ívare, ha katu Ñandejárarente ñaneñe’ẽrendúta.”1
Nañapenamo’ãi.
Apurahéivo “Trabajemos hoy en la obra”, py’ỹi apensa umi hénte Lehi ohechava’ekuére ivisiõme ohóva tenonde gotyo pe tape oguerahávare pe yvyramáta tekove reheguápe, ndaha’éi “ojejokóvante”2 ha katu “ojejoko meme pe barra de hierro-re , oĝuahẽ meve, ojaivy ha ho’u pe yvyramata’águi.”3 Lehi odescribi hetaiterei hénte oĩva pe óga tuicha ha ipyrusúvape ohechaukáva “ikuãme ñembohorýpe [hese] ha avei umi … hoʼúvare hína pe yva.”4 Iñembohovái umi ñembohory ha ñe’ẽ’apípe hechapyrã ha imemorable: “Ha katu noropenái hesekuéra.”5
Ajerure’asy Espiritu Santo tañanderovasa ha ñanderesape opavavépe ñakonsideravo oñondive mba’éichapa ñañemombaretekuaa ani haĝua “ñapena” umi influencia vai ha ñe’ẽpu oñembohorýva mundo ko’áĝaagua javivívape.
Ani ñapena
Pe ñe’ẽ ñepena he’ise jehechakuaa térã jehesareko mávare térã peteĩ mba’ére. Upévare, himno “Trabajemos hoy” ñe’ẽnguéra ñanemokyreỹ jadesidi atã porã haĝua ani ñapena umi “tekoñaña he’ívare” Ha Lehi ha itavayguakuéra ho’úva pe yvyramata’a ome’ẽ peteĩ tembiecharã atã noñepenaiva’erãha umi ñembohory ha ñe’ẽapíre py’ỹiete oúva pe óga guasu ha ipyrusúvagui.
Cristo doctrina ojehaíva “Tupã oikovéva Espíritu rupi …[ñane korasõ] to’oguigua táblape”6 ombokakuaa ñande katupyry “nañapenái” haĝua umi heta distracción, ñembohory ha vyrorei ñane mundo ho’apyréva pegua. Ehemplorã, jerovia oñesentráva Ñandejára Jesucristo-pe ha hese ñanemombarete mbarete espiritual reheve. Fe Salvador rehe ha’e peteî principio tembiapo ha pu’aka rehegua. Jajapóvo umi Iñevanhélio añetegua he’iháicha, jajehovasa katupyry espiritual reheve jaha haĝua tenode gotyo umi tekovegua terrenal desafio mbyte rupi ñañesentra aja vy’apavẽ pe Salvador oikuave’ẽva ñandévepe. Añetehápe, “jajapórõ iporãva, natekotevẽi jakyhyje, Ñandejára, ñane pytyvõhára, oĩmeméta ñande ypýpe.”7
Peteĩ conexión personal konveniokuéra rupive.
Jaikévo umi konvénio sagrado-pe ha tekopotĩ reheve jahupyty umi sacerdocio ordenansakuéra ñanembojoaju ha ñanembojoapy Ñandejára Jesucristo ha ñande Ru Yvagagua ndie.8 Kóva he’isénte jajeroviaha pe Salvador rehe ñande Avogado9ha Mediador ramo10ha jajerovia Imérito, Iporiahuvereko ha Igrásia11rehe ñande rekove rapére. Jajúrõ Cristo-pe ñemova’ỹme ha jajojau Hendive, jahupyty umi Iñexpiasiõ opave’ỹ ha ijapyra’ỹva ñemopotĩ, ñemonguera, ha ñemombarete jehovasakuéra.12
Javivi ha jahayhúvo umi konveniokuéra kompromiso ojapo peteĩ conexión Ñandejára ndie ipypuku ha ipersonálva ha imbaretéva espirtualmente. Ña’onrrávo umi konvénio ha ordenansa sagrada condición-kuéra, mbeguekatu ñañemo’aĝuive Hese13 ha ñañandu Idivinida ha irrealida oikovéva ñande rekovépe. Upéichape, Jesús ndaha’éi pe personáhe oñemomba’eguasuvévante escritura-kuéra ñemombe’úpe; Hembiecharã ha hekombo’ekuéra oinflui opa ñane rembipota, jepy’amongeta ha jajapóvape.
Añetehápe ndachekatupyryiete adescribi porã haĝua pe naturaleza ha pu’aka oĩva ñane konvénio conexión rupi Tupã Ra’y oikoveje’y ha oikovéva ndie. Ha katu atestifika umi conexión Hendive ha ñande Ru Yvagagua ndie añetegua ha ha’e pe fuente supremo segurida, vy’apavẽ ha mbarete espiritual ojapóva “ani jakyhyje, jepe pe enemigo oñembohory.”14 Jesucristo discípulo ojapóva ha oñongatúva konveniokuéra ramo, ñande jajehovasakuaa jaguereko haĝua “py’aguasu, Ñandejára oĩgui ñande ykére”15 ha nañapenái umi influencia vai ha ñembohory secular rehe.
Avisitávo miembrokuérape ko mundo jerére, py’ỹi aporandu chupekuéra: ¿Mba’épa penepytyvõ “napepenái” haĝua umi mundogua influencia, ñembohory ha ñe’ẽ’api? Iñembohovaikuéra ñanemoarandukuaa.
Miembrokuéra ipy’aguasúva py’ỹi orresalta iñimportanteha oinvita hikuái Espiritu Santo hekovekuérape oestudia memévo escriturakuéra, oñembo’e asy ha oñembosako’i porã opartisipa haĝua Santa Cena ordenanza-pe. Avei oñemombe’u mante pytyvõ espiritual ome’ẽva familia-gua miembrokuéra hekojojáva ha angirũ ojejeroviakuaávare, umi ñehekombo’e guasu jahupytýva ñaministra ha jaservívo Ñandejára tupao rrestaurádope, ha katupyry jahechakuaa haĝua oimeraẽ mba’e oĩva, térã oúva upe ógaguasu tuicha ha ipyrusúvagui vyroreieteha.
Ahechakuaa ko’ã miembrokuéra ñembohováipe peteĩ modélo en particular isignifikatívo porãva. Ñepyrũrã, ko’ã discípulo oreko testimonio mbarete ñande Ru Yvagua plan de felicidad-gui ha Jesucristo rembiapo ñane Redentor ha Salvador ramo. Ha mokõiha, ikuaapy ha convicción espiritual ha’e individual, personal ha específico; ndaha’éi general ni abstracto. Ahendu umi ánga hekojojávape oñe’ẽvo konveniokuéragui omombaretéva ogueropu’aka haĝua oposisiõ ha ijojaju Ñandejára oikovéva ndie omombaretéva chupekuéra umi ára porã ha ivaívape avei. Umi hentekuérape ĝuarã, Jesucristo añetehápe ha’e peteĩ Salvador personal.
Umi Evanhélio konvénio ha ondenansakuéra omba’apo ñande rekovépe brújula-icha. Peteĩ brújula ha’e peteĩ dispositívo ojeipurúva ohechauka haĝua umi puntos cardinales, norte, sur, este ha oeste, oñenavega haĝua ha orientación geográfica-rã. Upéicha avei, ñane konvenio ha ordenansakuéra ohechauka ñandéve ha ñanepytyvõ ñanemandu’a tapiaite haĝua ñane conexión ñandejára Jesucristo ndive jaha aja tenonde gotyo umi konvénio rapére.
Upe guía fundamental opavave ñandéve ĝuarã ko tekove terrenal-pe ha’e tajaha ha ñañeperfecciona Cristo-pe.16 Umi konvénio ha ordenansa marangatu ñanepytyvõ ñañesentra porãve haĝua ñande Salavador-pe ha ñañeha’ã, Igrásia reheve,,17 jajoguave haĝua Chupe. Añetehápe, “peteĩ pu’aka ojehecha’ỹva ñanepytyvõta peẽme ha chéve ko añetegua káusa gloriosa-pe.”18
Jejoko hatã Barra de Hierro rehe
Ñane konveniokuéra conexión Tupã ha Jesucristo ndive ha’e pe canal jahupytýva rupi katupyry ha mbarete “nañapenái” haĝua. Ha upe joajuha oñemombarete jajejoko memévo pe barra de hierro rehe. Ha katu Nefi joyke’ykuéra oporanduháicha: “¿ Mbaʼépa heʼise pe barra hierro-guigua ñande ru ohechavaʼekue … ?
“Ha [Nefi he’i] chupekuéra haʼeha pe Tupã ñeʼẽ; ha umi ohendúva pe Tupã ñeʼẽ, ha ojejagarra hatãva hese, nomanomoʼãiha arakaʼeve; ha ndaipuʼakamoʼãi hesekuéra pyʼaraʼãkuéra ni umi ñande rayhuʼỹva árma hendypáva omoypytũ hag̃ua chupekuéra, ha ogueraha hag̃ua chupekuéra oñehundi peve.”19
Pehechakuaami pe mbaretekue ogueropu’aka haĝua py’ara’ãkuéra ha umi ñande rayhuʼỹva árma hendypáva oñepromete umi yvypóra “ojejagarra hatãva” ha ndaha’éi “ojejagarrávante” Tupã ñe’ẽre.
Interesantemente, Apóstol Juan odescrivi Jesucristo-pe pe Ñe’ẽ ramo.20
“Iñepyrũmbýpe oikóma va’ekue voi Ñe’ẽ, ha pe Ñe’ẽ oĩ va’ekue Tupã ndive, ha pe Ñe’ẽ Tupã va’ekue voi ha’e. …
“Opa mba’e ha’e rupi ojejapoakue, ha hese’ỹ mba’eve ojejapoakue, ojejapókuri. …
“Ha Upe ñe’ẽ ou va’ekue yvyporaite ramo ha oiko ore apytépe, [Ore rohecha va’ekue heko marangatukue Túva ta’ýra peteĩetéva ramo], mborayhu ha añetégui henyhẽ.”21
Upévare, peteĩ umi Jesucristo réra ha “Pe Ñe’ẽ”22
Avei, pe octávo Artículo de Fe he’i, “Jaguerovia Biblia ha’eha Tupã ñe’ẽ oñembohasa porãha peve; roguerovia avei Mormón Kuatiañe’ẽ ha’eha Tupã ñe’ẽ.”23
Upéicha, pe Salvador tekombo’ekuéra, oĩháicha registrado umi escritura marangatúpe, ha’e avei “pe Ñe’ẽ”.
Ha’emítante peẽme jejagarra hatã Tupã ñe’ẽrepe oike (1) ñanemandu’a, ña’onrra ha ñamombarete conexión personal jaerekóva pe Salvador ha Itúva ndive pe evanhélio rrestaurádo konvenio ha ordenansakuéra rupive, ha (2) jaipuru meme, ñembo’e ha jesarekópe, umi escritura marangatu ha proféta ha apostol-kuéra oikovéva rekombo’ekuéra, añetegua rrevelado fuente segura ramo. Jajoaju ha “jajejagarra atãvo” Ñandejárare ha ñañemoambue javivívo Idoctrina rupi,24 apromete individual ha colectivamente jajehovasataha “japyta haĝua tenda marangatúpe ha nañañemongu’e mo’ãi.”25 Japytárõ Cristo-pe, upéicharõ Ha’e opytáta ha oguatáta ñanendive.26 Añetehápe, “ipy’ara’ã árape, Isantokuérape Ha’e omokyre’ỹta, ha pe añetegua káusa ombokakuaáta.”27
Testimónio
Tapeho tenode gotyo Pejejagarra hatã Ani pepena.
Atestifika ñandejeroviareko umi Salvador evanhélio rrestaurádo konvenio ha ordenansakuérare ojapo tajaha tenonde gotyo Ñandejára rembiapópe, jajejagarra hatã Hese Tupã Ñe’ẽ ramo ha nañapenái umi adversario jeipy’ara’ãre. Pe ñora’irõme oĩporãva rehe, ajerure asy peteĨ teĩ ñande tajajagarra peteĩ espada, heẽ, “pe añetegua espada ipu’akapáva,”28, Jesuctisto réra sagrado-pe. Amén.