Nahasdzáanjí Iiná Bikéh Dideeshdleeł Dóó Háádeeshyį́į́hígíí Hadíneesht’aał
Diyin God bił ahaʼiitʼą́ʼígíí binahjiʼ nahasdzáanjiʼ iiná bikéh didiidłeeł, díí ájį́nahwííná, doo eehózín, bikéhdidiiłdłeeł áko inda haadiilyįh bikʼídiidaał.
Shik’is dóó shiláh, shił hózhó díí Damóo ábinígo ya’át’ééh nihidiishní. T’áá ákwííjí nihąąnsékees łeh. Shił biké’ayóigo diné biká’anajahgo diné łah bich’į́’anahoot’į́go. Náshiiłná niheeoodlą́ dóó t’áá ánii nihił bee hózinígíí bee nisóózį́. Nihijéí dahneezgáí, yinííł hwiinidzin, dóó baa háni’, éí nihá baa yishchá łeh. Ayóó ánósh’ní. Shił bee hózin Yá’aashdi niZhe’é dóó biYeh Jesus Christ ałdó ayóó’á’nó’ní. Tsidá nich’į́’anáhootį́’ígíí éí bee bił bee dah hózin, yá’át’ééhgo aniłinígíí, laanąą nínizinígíí dóó shíkáh adoolwol diníígo sodilzin ałdó bił bee hózin. Lą’ídi násodizingo, t’ah nitę́ę́’ t’áá ní Diyin bee ayóó’óó’ní baa ákonóozííh doo.
Bee ayóó’óó’ní éí ílį́į́go baa nitsáhákees, t’áá ákwííjí hane’ doo yá’át’ééhii dah dííts’ą́. Łahda shį́į́h tóó tłéégo bee jint’ééhígíí biijighaago nijilwoosh áko ałtsoh hódeesheełgo indá łah ch’eehsídoosiił jinizin łeh.
Ndi, Shi k’is dóó shilah, lą’í ayóó baa hózhónii éí bich’į́ hoolziish. Bich’į́ yoołkaahgo, deediiltsééł tsídá aláádí át’éíi Hasda’iinííłii bibee ádziilii nahasdzáan diné’é háídádah yiyiiłts’ę́ę da. K’ad dóó nihaani nidoodaał “baa ha’niih dóó bizdziilii,”1 diyin yikéh dah hoł į́įnii yéígo yikidhojidlí, dóó álílee, dóó yá’át’ééhii yaa’ yidooleeł.
Ndi nahasdzáan bikaagi diishjí iiná yidínóotłahígíí t’óó adahayóí. Nich’į anáhoot’í dóó nantł’ahígíí lą’í diné yaa ch’ééh nídíkah dóó bide’ádaat’éé’ doo. T’áá ániidígo ázaaígíí binahji’ nihił bee hódoozį́į́ł dóó ní dóó shí háádahdiiyį́įhígíí bikídiidaał.
T’áá ániidgo Waashiidoondi Átaa’ bighan t’áá ałtsoh diné ba’ąąlyaahgi, naaki áséé’zį́ naaltsoos yikéh da’ałchíhí nda’ídolkidgo bił néikai. Nt’ę́ę́’ amá dóó azhe’é dóó ba’ałchíní nihitá yikai. La’ na’idilkid, háásh yit’áó Diyin bighan gone’ haash “diihaah”. Diyin’ bighan gone’ haash dííghąągo da éí daasí t’óó iina’ yá sizinígíí át’é.
Ashkíí yázhí léí nát’ąą’ yaah honiilne’. Endowment hasąą’gone’ ashkíí aní,“Díí nizhóní, bikaanąą’ííníhigi yich’í dah dilnigo, kwe’é éí diné nisideesgo’go Diyin God yił áha’dahdeest’ą́. Kwe’é éí diné haadaalyį́į́h átaa’ bighangone’ hadííghąągo.”
Díí ashkíí oo’į́į́go ayóó bił ééhózin lah. Doodáásí bił bee hozin da, átaa’ bighandi Diyin God bił áhádeesht’ááhgo dóó Hasda’iinííłii ayóó ahoozáii yee haadziih:
“Shaa hohkááh, Dziil nihigháanii dóó nihiyéél dandaazii t’áá ánółtso hágo, shaa hohkááh, dóó háádaałyį́įhgo ánihideeshłííł.
“Shi’azéédéetaní ázéédadóotįįhgo, dóó Shí dahooląąhgo; … áko bik’ídoohaał háá’áyį́į́h niyí’sízíínii bá ádííłiił.
“Haalá shi zéédeetą doo nantł’a da, dóó shiyéél éí ászólí.”2
Shik’is dóó shilah, baa shíní nihisáheeskaígíí éí kójí nitah dahnilíí’ nt’ę́ę́’ ayóó naanish lah daaníígo nihits’áhaaskai. Diyin bił áhádeet’á’ígíí éí doo nantłah da, iiná bee doo nantłahgóó át’é. Diné tó bee bidilzíídi diyin yił áhghadeesht’áá, dóó átaa’ bighangone’—yikéhgo hiná—éí Jesus Christ bé’adziilii bich’į́ bá’áhoot’į́. Díí t’áá áníínii yéígo baa nisíníkees.
Diné Dyin God yił aha’deet’ą́ éí yá’aashdę́ę́’ adziil át’é—éí adziil binahji’ nihidziilgo nihich’į́náwiinąągo ndi, dóó doo yá’át’ééhii dóó ajéíneezgai bich’į’ nihidziil doo. Díí adziil nihikáádoolwoł. T’áá háíshį́į́h wodahdi Jesus Christ bibee hasąąnii yikéhgo hináa éí diyin bé’adziilígíí beebá bich’į́ áhoot’í. Díí diné aha’deetánii éí bá’ąą’át’é haná’ayį́į́h éí Diyin God yił aha’deet’ą́ áko nizhónígo áhééholzin.
T’ahdoo Gethsemane dóó Calvarygóó dahdííghago, Hasda’iinííłii bikeenaakai yich’į́ haahziih, “Nahasdzáan bikaagi nihich’į́nidahwíínąą’ doo: ndi nihi éí nihił dahózhǫǫ doo; háálá nahasdzáan bikéh dishdłį́į́’.”3 Áko Ní ałdó t’áá’ áko dííniił nihidííniid, “Shí adiishniił éí shí ałdó bikéh dideesdłeeł nahasdzáanjí iiná.”4
Shik’is dóó shilah, bee nihich’į́ haasné’ígíí éí Jesus Christ nahasdzáan yikéh deesdlíí’ dóó nihá nina’idlah, áko nihí ałdó díí nahasdzáan bąą hági át’eii dóó bąą ch’éé nídídááh.
Biníínąą Hasda’iinííłii nihá nina’idlah, nihaa bąą hági át’eii yits’ąądoo hasdaánihíínil dóó t’áá Bi adiniih, baa yiniił, dóó baahí ndáazii nihá yee’ tíhoozniih5 áko t’áá anii nihee’iiná łahgo aneelnęęhgo dóó Diyin haniit’ąągo, t’áá nihí nahazdzáan bikéh didiidłeełgo biigha.
Ní biinigha diyin kéhji bikehdidíídleeł dóó nahasdzáan bits’ąądoo doonyá’át’ééhii, ádahzódli, ayóó ánisht’é, ’áháchį’, na’ageh bee tsi’na’adá, jooshłá, iłhatsoh, ooch’į́į́d, dóó náhádzid éí bikéh didiidleeł. Ázhá ninąągóó doo yá’át’ééhii bił nidaayolgo nidi háá deesh yį́į́h—ááyiłní éí bee yá’ánanáájít’ééh dóó hodéezyéél háhólǫǫ’ doo azhá hanąągóó ánáhoot’į́ hólǫǫ ndi.
Díí táá’ t’áá ániinii bee ná’ídiłkid:
Ałtsé, há’átį́į́sh oolyé nahasdzáanjí iiná bikeh dideesdleeł?
Naakii gone’ háásh yit’áo bikéh dídiidlee’?
Dóó táá’ gone’, háásh yit’áo nahasdzáanjí iiná bikéh didleehdleego nihee iiná bikihojídlį́?
Há’át’į́į́h oolyé nasdzáanjí iiná bikéh dishdleeh? Ąąhyiłní éí doo yá’át’ééhii bich’į́ nihidziil dóó diyinjí bina’nitinii áláádigo baa nisíjikees łeh. Ałdó Diyin Christ binahgha’ bina’nitinígíí éí álááhgo joodlą́, diné ayóó biłéé hózinii éí dooda. “Christ bikeenąashą́doo jinizingo éí a’ohogo ádahdiilyaa,” dóó t’áá aniinii wołnizhóní dóó yooch’iid éí bits’ąąjí yájiłtį́ doo.6 T’áá ha’át’ííshį́į́h Diyin Íísízíínii háts’ąą niwójí anahyííłch’ééhígíí éí doo jínidzinda. Bąą hagi át’eii “yóóisdiaah,” ázhá woł nizhóní ndi.7
Nahasdzaán bikéh diishdoodlééł éí doo hwééiiná hadaałtʼeíí doołeeł dóó hachʼį́ nahwííná éí ádin doo—biníínáá éí dóóʼákotʼéii da tʼáá níʼíilziih doo. Nahasdzaán bikéh didlééh ááhyiłní éí bąą hági átʼéii bichʼí nihidziil doo. Jesus Christ yéígo yinídląągó níjéí yilzhólí dooleeł.8 Nahasdzáan bikéh diishdlééh éí Diyin God dóó biYeh Jesus Christ áláádá ayóóʼáʼjóʼní łeh.
Áko háít’áo, nahasdzáanjí iiná bikéh dishdoodleeł? Naat’áanii King Benjamin yee’ nihił hoolne’. Kódííniid “atsíískʼehgo diné éí Diyin God beeʼiináʼii átʼé hoolʼaagóó ákótʼéí doo ákondi tʼéiyá Niłchʼí Diyinii yáʼálííhgo, dóó atsíískʼehgo diné nahjiʼ áyíílaaago dóó Christ nináʼídlą́ʼígíí yoodłąągo yikee dahdidoogaał.”9 Diyin Niłchʼíʼjiʼ yiniłtsʼąągo, dóó yáʼátʼééhii bąą nanąągo, dóó doo yáʼátʼééhígíí nahjiʼ íínisingo—nahasdzaánjiʼ iiná bikéhdídłeeh doo.
Nahasdzáanjí iiná bikéh didlee’ éí dóó t’áá ła’ájí biigha’ da. Diyin bina’nitin yéígo baa ákóniizíígo dóó hwéé’iiná ninit’íji’di indá ákóhoot’ííh. Tʼááʼáhwííjí niheeiiná łahgo íílʼį́i’go nihee oodlą́ bidziil doo dóó diyin biłʼaghadeetʼą́ʼígíí bikéhgo yiidłaago diyin bibéʼadziil niheedooleeł. Diyin biłaghadeetʼą́n atiinjiʼ yiidaalgo diyin kʼehjiʼ nihee oodlą́ bidziil doo dóó diyin yá ndaalʼaí ndahinitin doo. Diyin binaʼnitinígíí dóó binahaghaʼjiʼ yiidaałgo diyin kʼehjiʼ nihee iiná ayoo bidziilgo dah didoolwoł.10
Jesus Christ wódahdi bibee hazʼáanii bíneelnishgo nihijéí dóó nihi łahgo nihee iiná ádoonííł. Hasdaʼiiníínii déʼinkósingo nahasdzáanjiʼ bilaáádi hiníná dóó nihikidhójisdliʼ áko ayóóʼóó´ʼní, aʼohgo ádólzin, ałhaa dajiinohba, nináʼízhdiidlóosgi, hodéezyéél, dóó haajilyį́į́h éí yee nihikidhójisdlí.
Kwíínósin daatsí, díí´ laʼayóó diyin kʼehjiʼ náʼanish nahalin doo haaʼáyį́į́h da nahalin. Ndi díí éí tʼáá anii átʼeʼ: nahasdzáanjiʼ éí óholnííh, naalyéhí, ééhódilzin, dóó atsʼíísjiʼ iłhozhǫ́ éí binahjiʼ ´łhozhǫ́ wíínidzin, ndagha dooákótʼéíi da! Doo biigha’ da. Díí iłhózhǫ́ éí yitsékʼeh goneʼ adáyiinííł, ndi “tʼáá anii éí diné bikidhojisdlí dóó bił dah hózhǫ́ éí Diyin God bibeehasąąnii yikʼeh dahołį́.”11
Tʼáá anii átʼéíi éí yéígo chʼééʼhididaah íłhózhǫ́ chʼééh hadeenítʼáó tsídá doo yikʼidooghaal da. Áko ni dóó Jesus Christ azéédéetání nihaazsítʼao diyin kʼehjí nalnish nahasdzáan bikéh didoodłeeł, háálá tʼáá Bi tʼéíyá yíígha biʼbeʼadziil bee wódahdi anidooleeł.
K’ad éí háásh yéít’áo nasdzáanjí iiná bikéh dishdleego binahji nihikéhojisdłíí’ doo? Naʼídíkidígíí éí bee hózin: Diyin God bił ahádeetʼą́ʼígíí binahjiʼ tʼáá áłtso iinájiʼ doo nantłʼágo yileeh. Tʼáá shǫǫdí: doo iiná nanantłʼáh doo éí ááhdishííd da. Nihikʼijįʼ nilíinii éí doo Jesus Christ beʼadziilii bee hódoolzį́į́ł nizin. Ni dóó Hasdaʼiinííłii bił azéédéetání binahjiʼ bibeʼadziilii dóó hasdahíídeeh adziil éí ni nábiigha doo.
Naatʼaanii President Ezra Taft Benson bidziilgo naʼnitin: “Diné dóó asdzání bibeeiinaʼ Diyin God yaa deełeehgo Diyin God binahjiʼ ayóóʼátʼéíi naanish ádeedooleełgo átʼé. Yéígo bił dah hózhǫǫ doo, nizhónígo dah ooíí´ doo, tsį́į́lo nisídaakees doo, … lą́ígo bikidahojídłííh doo, bá ahóó´tʼiʼ dooleeł, bisizíínii yaajoobaʼ doo, bikʼis nideeyisííʼ doo, dóó bił dah hodiizyeel doo.”12
Díí éí tʼáá háíshį́į́h yáʼąąshdę́ę́ʼ dayókeedígíí bikáh adoowoł áko nahasdzaánjiʼ iiná yikéh didoodłeeł. Díí´ tʼaá anołtso nihinaanish nighaʼaashleeh, ałtsé Tʼą́ą́tsoh yeehdą́ą́ʼ tsékéé ákotʼáó binaanish báʼííshhłaah. Kótʼáó bichʼį́ haasdziih—dóó nanhoshkąąh kʼad házhóʼó niheeoodlą́ tʼáá ní bąą áhołyah, Jesus Christ dóó bina’nitin dóó binahagha’. Biká naalnish doo. Baa áholyą́ą́go dinoołsééł. T’áá aniinii bee bił holne’. Tʼáá doo diné dóó saanii oochíídjiʼ dah yoodlą́ʼi´gíí deeyínołtʼaąʼí. Tsídá aláádí átʼéíi éí Jesus Christ yéígo neʼoodlą́ bidziilgo bąą nalnish, áádóó bibee adzilii neʼiinájiʼ bąąʼáko diníílziił.13
Tʼáá anołtso nonhóóshkʼąąh díí abíní éí haadoołyį́į́hi´gíí bikʼidoohaał doo eehózín da, yiníł ídlį́ éí nahasdzáanjiʼ bikéh didíídłééł Diyin God bił áhádeetʼą́ʼígíí binahjiʼ. Tʼáá anii íntʼéégo bichʼį́ sodilzin dóó yáʼátʼééhgo naną́ʼígíí bee bił wołneʼgo nahasdzáanjiʼ iiná bikéh didíídłeeł. Shinisíkees biká’adiilwoł dóó shich’į́’anáhootį́’ígíí bee shiká anyéédgo shich’į́ ídííleeł. Sodilzingo naaltsoos bikaahníhizóóh ninsékeesígíí; dóó bikéhgo yinaał doo. Átaaʼ bighandigóó ałnąąnidaahgo, nízhónígo nanitin nił bee hódoozííł éí binahjiʼ wódahdi yinąął doo.14
Tʼáá iidą́ą́ʼ bąą hwéeshneʼ, Israel dinéʼé áłahanalnééh éí tsídá áláádí bihólníihgo naanish áʼtʼé dííshjí. Diné haashtʼéʼánalnęęhígíí yíchʼį́haashtʼé ádiilyaahígíí dóó hodísinígíí éí Jesus Christ tʼáá íídą́ą́ʼ yikeenąązinígíí nádaahgo yibá bił dah hozhǫ́,éí´ diné wódahdi diyin bibeehazʼąąnii yikéh dahołį́.
Shik’is dóó shilah, nihíínishkeed, t’áá ákogí diné’é át’éii diné da’nołį́į́ doo. Diyin biłagha’dinot’ą́ígíí yéígo baa áhołyá aláádígo baa nisókees. Diyin God áláádí neʼiinájiʼ hołǫǫgo, bee haasdziih nizhónígo hodiizyeel, doo naldzid dah doo, niłhozhǫ́ dóó haadiilyį́į́h.
Shéʼádziil shaasíláʼígíí binahjiʼ nihikíhojídłííh doo, dóó´ nahasdzáanjiʼ iiná bikéh didíídłeeł. Jesus Christ yéígo yínídłąąʼ doo, dóó tʼáá ní bóhodííłaał diyin bibeʼádzííl háítʼáó chʼǫ́ǫ́ʼyíniłííh doo. Nihikidhojisdlí éí t’áá anii át’eii dóó yooch’iid niłbee hózin doo. Diyin God bina’nitin áláádigo baa nisíníkeeso, naalyéhí éí t’áá woyádi baa nisínkees doo. Nihikidhojisdlí éí diné bich’į́’ anídahast’ígíí ninąągóó baa ákóninizin doo dóó diné ayóó’íi’ní’níí’ doo. Háálá Jesus Christ nahasdzáan yikéh deesdłį́į́h, nídó bíínigha. Shí Jesus Christ bízhi’ baa hasti’íi binahjį’ adishní, áámen.