Mwichenapen Mwichefen
Ekieki Muun Celestial
October 2023 mwichenap
19:15

Ekieki Muun Celestial

Seni Preseten Russell M. Nelson

Presetenin Ewe Mwichefenin Jises Kraist ren Aramas mi Pin non Fansoun Soponon

Om kewe mochen repwe anetata ian kopwe nom ian non fansoun ese much, met sokkun inis fiti minne kopwe manausefan, me ekkana minne ion kopwe nom rer fein feino.

Pwi me fefinei achengicheng, ua unusen kinisou ai upwe kapas ngenikemi ikenai. Ren ieri ei, ew me ew minefon ran a wato murinon ussun chok pwan amairun sosot. Unungat wik a no, fouichon nukunupei a feiengaw. Nge, nupwen ua uta ne atoura nap seni 100 afanafanen mwichenap ikenai ua ekieki pwe upwe ne mommot. Ua iotek pwe ewe Ngun epwe atoura ai porous ngeni non netipemi ikenai.

Ua karan chok fori apwapwan ai we tiwe me tiuwen ieri me poputani ipukun ierin ai manau. Napengeni uwa eis ewe monomonen manau ren fansoun nakatam. Ew kapas eis mi murinno epwe “Met ua fen kaeo non arapakan ew pukuwen ierin manau?”

Fansoun ikenai ese mut ngeniei ai upwe ponueni ena kapas eis ren unusan, nge upwe aporousa ew me nein ekkewe nesen ua kaeo.

Ua fen kaeo pwe an Samach Kot non Nang kokkot fan itach a fokkun murinno, pwe met sia fori non ei manau a fokkun auchea, me ewe Achasefan an ewe Chon Amanau ina met a fori tufichin an Samach ewe kokkot.1

Nupwen uwa fiu ngeni ewe wachemuken metek a fisita seni ai we chok karan feiengaw, ua fen mefi anononen ai kinisou ren Jises Kraist me ewe niffangen An ewe Achasefan sise tongeni weweiti. Ekieki ussun! Ewe Chon Amanau a riaffouni “ekkewe metek me sokkun riaffou me meinisin sokkun sossot ”2pwe I a tongeni oururu kich, echikara kich, amanaua kich—non ekkewe fansoun sa mochen.3 Jises Kraist a awewei met ewe a fisi ngeni non Gethsemane me won Calvary: “Minne riaffou a fisi ngeni inisi, pwan mo Kot, ewe mi napanap me nein meinisin, an epwe chech pokiten metek, me an epwe sup seni cha seni inisin meinisin .”4 Feiengawei we a fen fori ai upwe enniwini me enniwini ne chemensefani “ewe murinon ewe Emon mi Pin seni Israel.”5 Non fansoun ai chikar, ewe Samon a fen pwari An murinon manaman non ekkewe an mi pung me kinamwe.

Pokiten an Jises Kraist ewe Achasefan ese wor ne muchun, an Samach non Nang kokkot ew kokkot mi unusoch! Ew wewe ren an Kot ewe kokkot mi amwarar a angei ewe mettoch mi weires ach sipwe weweiti ika awewei seni manau me ewe tipemwaramwar seni ach fansoun mwach. A mut ngeni emon me emon kich sipwe fini ifa ussun sipwe nom won ei fonufan me ian sipwe nom ian feinfeino. Ewe ekiek ese wor nongonongun pwe sipwe “mongo, un, me pwapwa, pun nesor sia ma; me epwe chok murinno merech”6 ew me nein ekkewe chofona a koon ngaw non unusen fonufan.

Iei ewe murinon porousen an Kot kokkot: wesewesen ekkewe mettoch repwe fori ach manau ewe akaewin murino a tongeni repwe chok nonno ekkewe mettoch repwe fori non unusen manauom fansoun ese much ewe akaewin murinnoa a tongeni epwe fis! Ikenai, sipwe anisuk om kopwe tufich ngeni ekkewe woun feioch, Samach non Nang a awora fan itom, Ua kokoruk om kopwe wata wom ewe foforun “ekieki ewe muun celestial”!7Ekieki ewe muun celestial wewen om ekiek a nom won mettoch mi nimenimoh. Sia kao seni ewe soufos Jacob non ewe Puken Mormon pwe “sipwe ekiek murinno non ngun ina manau esemuch.”8

Manauach iei a ew popunapen klasin kaeo ach sipwe fini ekkewe mettochun murinon mi kawor ese much. Chommongun aramas ra nom ussun nge iei chok ei manau. Iwe nge, om kewe mochen ikenai epwe anetata unungat mettoch: ian kopwe nom ian non unusen fansoun ese much, ewe sokkun inis minne kopwe manau sefan, me ekkana ion minne kopwe nom rer fein feino. Iwe ekieki muun celestial

Non ai aewin porous ussun Presetenin ewe Mwichefen, ua pesekemi oupwe poputani ewe omuchunon non ekiek. Ei wewen oupwe fori ewe muun celestial omuchunon met oupwe angang ngeni me murin tumunochu ne ekieki ian ew me ew om omuchunon ekiek nupwen om nom ikei won fonufan epwe anomuk non ewe fonufan murin.9

Ewe Samon a fen afanafana non fatafatochun pwe mwan chok me fefin ion ra riri fengen ussun pupunu non ewe tempel, me ion a aponueta ar kewe pwon mi pin, repwe nom fengen fein feino. I a apasa: “Meinisin pwon mi pin etipeew, chufengen, angang, kapasen etipeew, kapasen pwon, fori foforun, akoko, mwicheich, ika osukusuku, pwe resap fis me tonong non me riri fengen seni ewe ponen Ngun mi Felin … awora ew muchunon nupwen kewe mwan ra mano.”10

Nge, ika sise ekiekoch ne fini ach sipwe aponueta kewe annukun telestial iei, sia fini ach sipwe manau sefan fiti ew inisin telestial. Sia fini ach sisap nom ren ach kewe famini fein feino.

Nge, pwi me fefinei achengicheng, ifa ussun me ia me fiti ion en ka mochen nom ren fein feino? Kopwe ne fini 11

Nupwen ka fori om finata, Ua koruk om kopwe ekieki ekkewe mettoch epwe fis non fansoun mwach—ew tufichin kuna ese much. Akomwa Jises Kraist, pokiten om manau esemuch a anongonong won om nuku non I me non An ewe Achasefan.12 A pwan anongonong won om anneasosich ngeni An kewe annuk. Anneasosich a simeni ewe an ren ew manau mi apwapwa fan itom ikenai me ew watten, niffang ese much nesor.

Nupwen ka churi ew watten osukosuk, ekieki muun celestial! Nupwen ka tes ren sosot, ekieki muun celestial! Nupwen ei manau ika atongeom ra fori om kopwe netipengaw, ekieki muun celestial! Nupwen emon a “mwitir,” ne mano ekieki muun celestial! Nupwen emon a chok omochumoch fiti ew semwen mi eniuokus, ekieki muun celestial. Nupwen ewe oumwesimwesin manau a kon osukosukok, ekieki muun celestial! Nupwen ka chikareta seni ew akseten ika feiengaw, ussun met ngang uwa fori iei, ekieki muun celestial!

Nupwen ka anonga om ekiek won ekieki muun celestial, me nukun om kopwe churi chon u ngonuk.13 Engon ier a no, emon auchean aramas a esitaei ren an a wor “chommong tempel” non ngang, me nap seni emon chon emwen a kanapuseei pokiten ai nuku. Ua wesewesen nuku, nge, ena ekieki muun celestial a anapano ai nipwakoch non ai angang.

Nupwen kopwe ekieki muun celestial, netipom epwe mang ne siwin. Kopwe mochen om kopwe iotek fan chommong me fiti watten tekisoson. Kose mochen kosap mut ngeni om kana iotek epwe ngingin ew tetenin pisek kopwe moni. An ewe Samon nenengeni fetanin om mirit non ei manau. I a ponueni om kewe iotek meni epwe amairuk me epwe anisuk om kopwe ekieki muun celestial,

Ekieki an ewe Samon ponueni ngeni Joseph Smith nupwen a tingor fan iten ngaseno non ewe nenien kanapus Liberty. Ewe Samon a aiti ewe Soufos pwe met ewe a fisi ngeni epwe ngeni ann epwe sinei ussun met epwe ochungeni.14 “Ika oupwe fokkun achocho ngeni,” ewe Samon a pwon, “Kot epwe eningano i me won nang.”15 Ewe Samon a aiti Joseph an epwe ekieki muun celestial me an epwe anapanapa non an ekiek ew niffang ese much nap seni anonga ekiek won ewe efisata weiresin watten metek non ewe ran. Ach kewe iotek epwe tongeni—me epwe—poporous non foufoun aramas ngeni Samach non Nang.

Nupwen ka ekieki muun celestial, kopwe kuna pusin inisum a omonungaw seni ese nifinifin met minne a sonanuk ren om pungun finata. Sokkun mettoch a oumwesano ach ekiek—ussun ren sokkun minen urumoten won internet, penei, niwinimangen mwoni, safei mi angawano ekiek, sakau, song, kachito ika sasing mi ngaw, nisou, ika fen pwan mongo— a anetipengawa God. Pwata? Pokiten om umwesiti kana mettoch ra winiti noum Kot. Ka nengeni na mettoch nap seni om nengeni I ren om kopwe mefi kinamwe. Ika ka riaffou ren ew mettoch ka umwesiti, kutta ewe aninis seni ewe ngun me kewe mi angangoch non ena pekin. Ouse mochen ousap mut ngeni ew umwesiti mettoch epwe sonasonuk om ngaseno ne tapweno mwirin an Kot ewe kokot mi amwarar.

Ekieki muun celectial epwe pwan anisuk om kopwe anneasosichi ewe annukun nimenimoch. Ekkoch mettoch epwe mwitir angawano manauom nap seni atai ei annuk seni nang. Ren ekkana ra fen fori pwon mi pin ngeni Kot, manawangaw ina ew me nein kewe anemwitirin om kopwe poutano om kapasen pwarata.

Chommong me nein an ewe chon u ngeni a kon pochokun ekkewe sossot a pachenong ra angawano nimenimochun nonomun murinon manauen emon. Ewe manaman ne forata manau ina ewe ew tufich ren kot pwe Samach non Nang a mutata Noun kewe semirit mi mano repwe mokutukut. Iwe nge, Kot a forata fateochun ekkewe nongonong ren ewe aean ei manaman seni nang. Kanefengen ren kewe inis a chok ren emon mwan me emon fefin ekkewe mi apupunu fengen.

Napengeni ewe fonufan ese nuku ei, nge an aramas memef esap ewe emon a wor an pochokun ne awosukosuka ewe ennet. Ewe Samon a afata pwe ese wor emon aramas mei u ngeni annuk epwe muuni ewe muun celestial. Nge, nupwen ka fori om omuchunon ekiek ussun ekkewe nongonong ussun sokofesen nefinen och me ngaw, pung me mwan, kose mochenn ekiek murinno. Me ika ka fen pin u ngeni annuk, Ua tingor ngonuk kopwe aier. Feito ren Kraist me angei An pwonen unusen musono nupwen ka unusen aier seni om kewe tipis16

Nupwen ka ekiek murinno, kopwe kuna sossot me u ngeni non ew minefon saram. Nupwen emon ka tongei a fiu ngeni ennet, ekiek murinno,me kosap kapas eis ren om kapasen pwarata. Ewe Aposel Paul a osini pwe “non ekkewe fansoun epwe feitto ekkoch repwe suseni ewe nuku, tumunoch ngeni ngunun asoson, me annukun ewe tefin.”17

Ese wor nemuchun an ewe chon u ngeni mokutukutun asoson. Ouse mochen oupwe moneta. Ousap tongeni angei ourour seni ekkana rese achifouwa Kutta emwen seni ekkewe mongungu ouwa nuku—seni soufos, chon osini, me chon pwarata me seni ewe mongunungunun ewe Ngun mi Fel, ewe “epwe pwar ngonuk meinisin mettoch.”18 Ouse mochen fori ewe angang non pekin ngun an epwe anapano ami tufich ne angei pwarata won pusin winikapemi.19

Nupwen ka ekiek murinno, ami nuku epwe napeno. Nupwen ua onuon chon kaeo, ai mwoni tonong ew maram $15 chana. Ew pwin, punuwei ewe Dantzel a eis ika ngang mi moni asorun ew na engon won ena nafangawen niwin ew maram. Use mo. Ua mwitir aier me poputa moni ewe $1.50 ew na engon iteiten maram

Met ewe Mwichefen a sokono pokiten sia awateno ach ew na engon? Apw ese. Iwe nge, ai uwa winiti emon chon ounusatiw-momon ai ew na engon a ekesiwini ei. Ina atun uwa sinei pwe monatiw ew na engon meinisin ussun nuku, esap mwoni Ussun emon mi ounusatiw momon ew na engon, ekkewe asamwachon nang ra poputa ne sukuno ngeniei. I attribute several subsequent professional opportunities to our faithful payment of tithes.20

Moni ew na engon a murinno epwe wor nuku, me a pwan forata nuku non Kot me Noun ewe Anamon.

Finata ach sipwe manaueni ew manau mi murinno non ew fonufan mi uren anemesengaw ren sokkun pisek me fofor, pekin mokutukutun poletiks ren angangen forata nuku.

Awora chomongun om fansoun non ewe tempel a forata nuku. Me om angang me fen ngeni Kot non ewe tempel epwe anisuk ne ekieki ewe muun celestial. Ewe tempel eu nenien pwarata. Ikana ka kuna ifa ussun om kopwe fefeita ngeni ew manau non muun celestial Ikana ka arap ngeni ewe Chon Amanau me kawor ngonuk watten akoko ngeni An manaman. Ikana ka emwen non om atawei ekkewe osukosuk non manauom, pwan mo sokkun osukosuk kose weweiti.

Ekkewe angangepin me pwon mi pin ren ewe tempel ir mi auchea fochofoch. Sia sopweno ne oueta pwan ekkoch tempel ach sipwe fori ekkei tufich mi pin repwe winiti ew wesewesen ennetin manau non manauen emon me emon ami. Sia kinisou ne awora esinesin usun ach kewe kokkot ach sipwe aueta ew tempel non ew me ew ekkewe neni:

  • Savai’i, Samoa

  • Cancún, Mexico

  • Piura, Peru

  • Huancayo, Peru

  • Viña del Mar, Chile

  • Goiânia, Brazil

  • João Pessoa, Brazil

  • Calabar, Nigeria

  • Cape Coast, Ghana

  • Luanda, Angola

  • Mbuji-Mayi, Democratic Republic of the Congo

  • Laoag, Philippines

  • Osaka, Japan

  • Kahului, Maui, Hawaii

  • Fairbanks, Alaska

  • Vancouver, Washington

  • Colorado Springs, Colorado

  • Tulsa, Oklahoma

  • Roanoke, Virginia

  • Ulaanbaatar, Mongolia

Ewe Samon a emweni kich ach sipwe oueta ekkei tempel an epwe anisikich ach sipwe ekieki ewe muun celestial. Kot mi manau. Jises i ewe Kraist. An Mwichefen a fen niwinsefanito an epwe efeiochu meinisin noun Kot semirit. Ua fokkun pwarata non ewe it mi pin, iten Jises Kraist, amen.

Esinesin

  1. Nengeni John 6:38.

  2. Alma 7:11.

  3. Nengeni Alma 7:12.

  4. Doctrine and Covenants 19:18.

  5. 2 Nifai 9:40.

  6. 2 Nifai 28:7.

  7. Meni epwe pwarano ennetin pwe mi mecheres ne aier me fefeita non pekin ngun ikei, nupwen ngunuch a chu ngeni inisich, nap seni ewe pwan ew fonufan nefinen ewe fansoun sia mano me manausefanita. Ussun Amulek a afanafana ekewe chon Zoram ra towaweno seni mwichefen, “Ei manau ewe fansoun … ach sipwe amonata ach sipwe churi Kot” (nengeni Alma 34:32–35).

  8. 2 Nifai 9:39.

  9. Nengeni Mosaia 4:30 ikewe King Benjamin a kapasen ammon ngeni noun kewe aramas: “Ika ouse tumunuochu inisimi, me ami ekiek, me ami kapas, me ami fofor, me nenengeni ekkewe annukun Kot, me soposopono non ewe nuku … , iwe oupwe mano.”

  10. Doctrine and Covenants 132:7; auchean mi kapacheta.

  11. Ewer, ami pungun finata ese tongeni nemeni an emon pungun finata me met mi pwano ren ewe minne an angang epwe anisi aramas. Ua epinukunukungaw ai upwe riri ngeni inei me semei kewe. Iwe nge, upwe uti tori ar repwe fini ar repwe endow, nupwen ra nap seni 80 ierir. Mwirin ra riri fengen ussun mwan me fefin mi pupunu, me am nour kewe aua riri ngenir.

  12. Ekkewe pukefel ra enniwini ne pwarata pwe ewe niffangen manau esemuch a chok tufich seni kewe murinno, umoumoch, me kirekirochun ewe Chon Amanau Jises Kraist (nengeni, ren awewe, Moronai 7:41pwan nengeni 2 Nifai 2:6–8, 27.

  13. Nengeni 2 Nifai 2:11.

  14. NengenDoctrine and Covenants 122:7.

  15. Doctrine and Covenants 121:8.

  16. Nengeni Isaiah 1:16–18; Doctrine and Covenants 58:42–43.

  17. 1 Timothy 4:1. Ewe pwan ew sopun a soposopono, “Kapas chofona non kapas nikotuputup; netiper ra mano ussun nge a kareno ren efoch macha mi char” (okisin 2 Paul a affata pwe meinisin ion mi mochen “manaueni manauen Kot non Kraist Jises repwe kuna riaffou” (2 Timothy 3:12).

  18. 2 Nifai 32:5esinesin mi kapacheta. Ika sipwe tingor, meni sipwe “angei chommong pwarata, chommong tipachem ” (Doctrine and Covenants 42:61).

  19. Nengeni Russell M. Nelson, “Revelation for the Church, Revelation for Our Lives,” Liahona, May 2018, 96.

  20. Esap iei ren ach sipwe ekiekieta ew popun-me-osukosuken nefinen aramas. Ekkoch rese momonatiw ew ne engon ra angei feiochun wiser, nupwewn ekkoch ra moni ew ne engon rese. Ewe pwon pwe ekkewe asamwachon nang repwe suk ngeni ewe iotekin ew na engon. Nonomun ekkewe feioch epwe ekkesiwin,