Generación pyahu ñepytyvõme
Umi relasiõ hunventukuéra rekovepegua oreko influénsia tuichavéva ijeiporavokuérape.
Añembosako’ívo añe’ẽ hag̃ua peẽme, ajesareko Helamán rembiasakue ha Ammón tavaygua ra’ykuéra mitãrusu rehe. Añandu’akue Mormón Kuatiañe’ẽmegua profetakuéra pu’aka ohekombo’évo tuvakuéra, obispo ha barrio-gua miembro-pe astudiávo ko ñemombe’u.
Helamán ha’ékuri peteĩ kuimba’e mitãrusu ammonita-kuéra ikatuha ojerovia. Ha’e oipytvvõva´ekue chupekuéra okakuaa ha ityarõ hag̃ua tekojojápe. Oikuaa ha ohayhu hikuái chupe, ha “oipotákuri [ha’e] tahaʼe imburuvichakuéra.”
Helamán ohayhu ko’ã karia’y pyahu ita’ýraicha ha ohechákuri ipotensial-kuéra. Elder Dale G. Renlund ombo’e “reservi porã hag̃ua ambuekuérape rehechava’erã chupekuéra … Túva Yvagagua ohechaháicha. Upérõ añoite ikatúta ñañepyrũ ñantende peteĩ ánga repy añete. Upérõ añoite ikatúta ñañandu mborayhu Túva Yvagagua orekóva opa … Ita’yrakuérare.” Umi obispo ko aragua ojehovasa discernimiento reheve ohecha hag̃ua huventukuéra oñangarekóva rehe identida divína.
Helamán “oipapákuri” umi mitãrusu oñangarekóva rehe. Ha’e omotenonde peteĩ relasiõ mbarete ñemopu’ã hendivekuéra.
Peteĩ ára vaiete, jeikove ha ñemano ikatu jave ijetu’u, Helamán ha umi iñorairõhára imitãvagui okañýkuri pe ehérsito omuñava´ekue chupekuéra rape. Helamán ojapo konsého huventukuéra ndive:
“Péina ápe, ñande ndajaikuaái opytáparaʼe hikuái jaju hag̃ua hesekuéra. …
“Upévare mbaʼépa peje, che raʼykuéra … ?”
Ko’ã mitãrusu ijeroviarekóva ombohovái, “Túva, péina ápe ñande Tupã oĩ ñanendive, ha haʼe ndohejamoʼãi jaʼa; upéicha jahákatu”. Oñegana upe ára, Helamán oapoja haguére ko’ã karia’y pyahúpe idesisiõme omba’e’apo hag̃ua.
Ammonita-kuéra huventu oreko káusa tuicha ha ipy’aguasúkuri “oipytyvõ hag̃ua tavayguakuérape”. “Ko mbareteʼimi”, Helamán oisãmbyhýva, omyasãikuri “tuicha ñehaʼarõ ha heta vyʼapavẽ” umi nefita ehérsito ikatupyrýva korasõme. Ko ára umi obispo omboguatakuaa ihuventu ijojaha’ỹvape ohovasa hag̃ua pe barrio ha ombyaty hag̃ua Israel. Presidente Russell M. Nelson ombo’e’akue kóva ha’eha misiõ “[ha’ekuéra] oñembou haguére yvy ári”
Ko’ã mitãpyahu amonita-kuéraicha “ijeroviarekóva opa ára opáichagua mbaʼe oñemeʼẽvape chupekuéra”, Helamán osegiva´ekue jeroviarekópe ilider-kuérape. Taha’eha’e desafío térã jejavy, Helamán akói opyta “ñemovã’ỹme determinasiõ reheve ” oñemotenonde hag̃ua ipropositokuérape. Oje’érõnguare chupe “osẽ hag̃ua [i]ta’ýra] mimi reheve”, iñe’ẽrendúkuri.
Huventu ko aragua ojehovasa obispo-kuéra osegíramo gía ñande lider-kuérape g̃uarã “konsého barrio-gua Mujeres Jóvenes presidencia ndive”. Umi presidente de estaca ohekombo’e obispo-kuéra ha Mujeres Jóvenes presidencia-pe okumplívo responsavilida orekóva huventukuéra ndive.
Helamán orrespeta ikonveniokuéra. Ammón ombo’érõguare evanhélio umi mitã rusu túvape, ko’ã túva omoporã upéva ikorasõite guive. Ha’ekuéra oñekomprome añete hekove pyahu discipulado rekojojápe, ojapo peve hikuái konvénio “oheja hag̃ua hiʼarmakuéra ñemopuʼã rehegua”. Peteĩ mba’e añoite omopensáva chupekuéra ojapyharávo upe konvénio, oho jeývo pe yma oikuaávape oñorairõ hague, ha’ékuri ohechávo nefita-kuérape oĩvaiha.
Ammonita-kuéra oipytyvõsékuri ko’ã tavayaguápe oikuave’ẽva´ekue chupekuéra peteĩ óga segúro. Helamán, ambuekuéra ndive, omokyre’ỹ chupekuéra oñongatu hag̃ua ikonveniokuéra araka’eve noñorairõmo’ãiha. Ha’e ojeroviavékuri mbarete Tupã ome’ẽtavare chupekuéra, pe mbarete ko’ã amonita ikatúvare ome’ẽ ikysepuku ha ijyvyrapã reheve.
Helamán ha iñorairõhára mitãnguéra ombohovakévo umi desafío tuicha, Helamán oĩkuri desidído. “Ha katu péina ápe, ndahaʼéi mbaʼeve—rojeroviágui Tupã oremosãsotaha”. Peteĩ ára, omanombotaite jave hikuai ñembyahýigui, iñembohovaikuéra ha’ékuri “oñohẽ [hi’ánga] ñemboʼépe Tupãme, ojerurévo chupe tomombarete [chupekuéra] ha tomosãso [chupekuéra]; … [ha] Ñandejára … ou [hendapekuéra] omoañetévo ha’e omosãsotaha [chupekuéra]” ijerovia tuicháre umi oñehekomboʼevaʼekue chupekuéra oguerovia hag̃ua”.
Helamán-gui jaikuaa ko’ã mitã rusu oñepytyvvõ hague ituvakuérare. Ko’ã túva ha sy ijeroviarekóva oikuaa orekoha responsavilida ohekombo’e hag̃ua imitãnguéra. Ombo’e hikuái imitãnguérape oñongatu hag̃ua tembiapoukapykuéra ha “oguata kareʼỹme”Tupã renondépe. Isykuéra ombo’ékuri chupekuéra “ndodudáiramo hikuái, Tupã omosãsotaha chupekuéra”. Ituvakuéra omoĩ ehémplo ipu’akapáva kovénio apo rehegua. Ko’ã guerrero yma oikuaákuri mba’evaiete ñorairõ oguerúva. Ha’ekuéra ojeroviákuri imitãnguéra hembiasa’ỹva Helamán ñangarekópe ha oipytyvõ chupekuéra omog̃uahẽvo “heta hiʼupy”.
Helamán nahaeñóikuri oservi aja ijehérsito mitãme. Orekova´ekue tekove ijerére ohóvape pytyvõ ha ñemboguata rekávo. Ojerure pytyvõ Capitán Moroni-pe, ha péva ou.
Avave oservíva Ñandejára réinope, ndoservíri ha’eño. Ñandejára ñanderovasákuri barrio ha estaca-kuéra reheve. Iñorganisasiõ restauráda rupive, jareko umi rekúrso, arandu, ha inspirasiõ ñambohovake hag̃ua oimeraẽ desafío.
Peteĩ obispo ome’ẽ gia barrio-pe konsehokuéra rupive. Ombojepytaso umi entrevista ministrasiõ rehegua káda tres mése ha upéi omokyre’ỹ elderkuéra kórum ha Sociedad de Socorro-pe okumpli hag̃ua irresponsavilida oministra hag̃ua familiakuéra. Ko’ã presidencia omyakã umi temikotevẽ jeevalua ha umi solusiõ inspirádo jejuhu. Umi presidente de estaca oipytyvõ ohekombo’évo elderkuéra kórum ha Sociedad de Socorro presidencia-pe resposavilida orekóvape hikuái.
Gía oñeikotevẽva umi lider ha tuvakuérape g̃uarã ojejuhu Biblioteca del Evangelio ha Vivir el Evangelio aplikasiõme. Ko’ã rekúrso inspirádope, jajuhukuaa umi escritura, umi proféta ko aragua mbo’epykuéra, ha pe Manual General de Instrucciones. Huventu Biblioteca del evangelio oguereko heta rekúrso umi kórum ha presidencia clase-pe g̃uarã ha oreko Para la Fortaleza de la Juventud: Una Guia para tomar Desiciones. Opa barrio-gua miembro ostudiáramo ko’ã rekúrso inspirádo ha oheka gía pe Espíritu-gui, opavave oñeisãmbyhykuaa Ñandejára rupi omombaretévo huventukuérape.
Pe barrio tuichakue ojehovasáta ha oñemombaretéta miembro-kuéra oñesentráramo henerasiõ opu’ãvare. Jepe umi ñane imperfesiõ ha ñande defecto, Túva Yvagagua ñaneinvita peteĩteĩme, Ijespíritu ñemoirũ rupive, ñaipytyvõ hag̃ua ambue tapichakuéra. Ha’e oikuaa jakakuaa ha ñañesantifikaha jasegívo umi Espíritu Santo impresiõ. Noimportái noĩporãmbáirõ umi ñane ñeha’ã. Ñañemoirũramo Ñandejára ndive, jajeroviakuaa umi ñane ñeha’ã oĩporãtaha umi Ha’e ojapótavarekuri hunventukuéra rehe.
Jasegívo Espíritu Santo ñeisãmbyhy ñañembojávo hunventukuérare, oiko ñandehegui testígo Tupã mborayhúgui hekovepekuéra. Ñamba’apo umi impresiõ Ñandejáragui oúva rupi omopu’ã umi relasiõ mborayhu ha jerovia rehegua. Umi relasiõ hunventukuéra rekovepegua oreko influénsia tuichavéva ijeiporavokuérape.
Huventukuéra oikuaáta revelasiõ techaukaha opartisipárõ ñanendive proceso ojeheka ha oñemba’e’apo hag̃uáme umi impresiõre ambuekuérape ojeservi hag̃ua. Huventukuéra oñemoag̃uíramo Ñandejárare igía inspirádore, irrelasiõ hendive ha ijerovia Hese ipypukuvéta.
Jahechauka jerovia hunventukuérare ñaikuave’ẽvo pytyvõ ha ñeisãmbyhy jajapyhy’ỹre kontrol. Japyta ramo tapykue gotyo ha jaheja hunventukuéra toikuaa oñondive konsého rupive, oiporavóvo peteĩ tape inspirádo, ha omoĩvo tembiapópe iplankuéra, oñandúta hikuái vy’a añete ha jekakuaa.
Presidente Henry B. Eyring ombo’e’akue “pe imba’eguasuvéva ha’etaha umi oaprendéva hikuái [pendehegui] mávapa añetehápe ha’ekuéra ha mba’épa añetehápe oikokuaa chuguikuéra. Arovia ndoikuaamo’ãiha jeja’o rupive. Oikuaáta hikuái umi temiandúgui mávapa peẽ, máva peje peẽ ha’eha hikuái, ha mba’épa peje peẽ oikokuaaha chuguikuéra”.
Ñane hunventu ñanemondýi ipy’aguasukuéra reheve, ijerovia ha ikatupyrykuérare. Oiporavóramo hikuái ha’e hag̃ua Jesucristo discípulo oñekompromete paitéva, Iñevanhélio ojehaíta ikorasõnguérape. Chupe jesegígui oikóta mávapa ha’ekuéra rehegua, ndaha’éi umi ojapóvante hikuái.
Helamán oipytyvõva´ekue hunventu ammonita-kuérape ohecha hag̃ua mba’éicha oiko peteĩ Jesucristo discípulo ipy’aguasúva. Ñande ha’ekuaa ehémplo ipu’akapáva huventukuérape g̃uarã mba’éichapa umi Cristo discípulo ko aragua oiko. Tuvakuéra ijeroviarekóva oñembo’e hína ko’ã ehémplore imitãnguéra rekovépe. Mba’eve programa nomyengoviakuaái umi adulto kovénio ñongatuha mborayhu influénsia.
Presbítero kórum presidente ramo, pe obispo omoĩkuaa peteĩ ehémplo hunventukuérape g̃uarã mba’éicha ikatu ha´e peteĩ ména hekomarangatúva ha túva oporohayhúva omo’ãvo, oñangarekóvo ha opresidívotekojojápe. Umi obispo, orekóva “peteĩ enfóke láser-icha huventukuéra rehe,” orekóta influénsia hi’arétava henerasiõ pukukue javeve.
Huventukuéra ko aragua oĩ Túva Yvagagua espíritu hechapyrãvéva apytépe. Oĩva´ekue hikuái añetegua ha libre albedrío defensor incondicional-kuéra apytépe múndo preterrenal-pe. Heñoiva´ekue hikuái ko’ã árape ombyaty hag̃ua Israel itestimónio pu’akapa rupive Ñandejára Jesucristo-gui. Ha’e oikuaa peteĩteĩ chupekuéra ha oikuaa ipotensial guasukuéra. Ha’e ipasiénsia okakuaávo hikuái. Ha’e orredimíta ha omo’ãta chupekuéra. Ha’e omongueráta ha ogiáta chupekuéra. Ha’e oinspiráta chupekuéra. Ñande, isy, itúva ha ilider-kuéra, ñañembosako’i’va´ekue ñaipytyvõ hag̃ua chupekuéra. Jareko Salvador Tupao ñanepytyvõ hag̃ua ñamopu’ãvo henerasiõ uperiregua.
Ame’ẽ testimónio Cristo Tupao, oñemoĩjeyva´ekue proféta José Smith rupive, ha ko ára oñeisãmbyhýva Presidente Russell M. Nelson rupi, oñemohenda hague oipytyvõ hag̃ua hunventukuérape okumpli ipropósito guasuete ko’ã ára pahápe. Jesucristo rérape, amén.