Guam: Ellaajrak an Kabun̄ in

1944–1946 • Guam im MarianasMembōr ro an Kabun̄ in jinoin tata ioon Guam raar pād ippān jarin tariņae an US. Iien jar ko an kumi in ritariņae ro, eo ekar koba jet membōr ro an baam̧le, raar kweilo̧k ālkin an āne kein kar kōjo̧o̧r er.

Oktoba 9, 1951 • GuamIum̧win tōl eo an Būreejtōn Vinal Mauss jān Japanese Mijen eo, Guam Branch ekar ejaak, kōn Vicor A. Olsen āinwōt būreejtōn . Doulul eo an Kōrā ro jinoin tata ekar ejaak, kōn Ethel Kurihara āinwōt juon būreejtōn̄.

1951–1953 • Anigua, GuamMembōr ro raar kōm̧m̧an ebwe jāān ko n̄an wiaik juon bwidej im kajutak im̧ōn jar eo jinoin tata, eo ekar aje ilo 1953 eo.

O̧kwōj 25, 1955 • GuamElder Joseph Fielding Smith jān Doulul eo an Jon̄oulruo Rijilōk ro ekar keļo̧k n̄an Guam im kar kōm̧m̧ane juon jar in aje n̄an kwaļo̧k gospel eo.

Juun 18, 1959 • AniguaIm̧ōn jar eo kein karuo ilo Anigua kar aje jān Mark E. Petersen jān Dolulul eo an Jon̄oulruo Rijilōk ro.

Nobōm̧ba 11, 1962 • GuamTaibuun Karen ekar eotōk Guam kōn kōto ko 280 kilometer juon awa (174 m̧aiļ ko juon awa). Ratimjon̄oul bōjjāān in m̧oko ilo aelon̄ eo rekar jorrāān im kar kakure, emaron̄ kar 45,000 armij ekar ejeļo̧k m̧weer, ekoba elōn̄ ro uwaan Kabun̄ in.

M̧aaj 10, 1970 • Barrigada, GuamGuam Ward ekar kajutake jān Elder Ezra Taft Benson jān Doulul eo an Jon̄oulruo Rijilōk ro, eo ekar barāinwōt aje juon im̧ōn jar kāāl ilo Barrigada ilo ejja tōre eo wōt.

1972 • Yigo, GuamJuon jikin ilo Yigo kar bōke n̄an kar kōjerbale āinwōt juon jikin kallib an ward.

Māe 21, 1977 • GuamRipālele in CHamoru eo jinoin tata n̄an kobatok ilo Kabun̄ in, Maria Salas Calvo im Don Calvo, kar peptaij.

1979 • GuamHerbert J. Leddy, armej eo jinoin tata in armej in CHamoru ekar jerbal in mijenede, kar kūr n̄an jerbal ilo Tennessee.

1980–81 • GuamMemnet Panes, juon membōr kōrā in Philippines jān Agat, ekar erom sister mijenede eo jinoin tata jān Guam. Liin ekar jerbal ilo Illinois Chicago Mijen jān Jānwōde 10, 1980 n̄an Juļae 2, 1981 eo.

Juļae 25, 1981 • Guam Membōr ro ijo raar ejaake juon aikooj aitok (marathon) n̄an keemem e Pioneer Day. Jiljinon̄oul-jiljino rittōr ro raar bōk koņaer, ekoba membōr ro an jukjuk in pād eo ijo.

M̧aaj 13–14, 1986 • BarrigadaGuam Symphony Orchestra ekar kōm̧m̧ane juon iien al ium̧win ruo bon̄ ko ilo cultural hall eo ej kab m̧ōj bar kōkāāle an im̧ōn jar eo an Barrigada.

1989 • GuamKāālet ko jān Bok in Mormon ilo CHamoru, kar ukook jān Maria Salas Calvo, ekar wōr ilo jekjek in juon bok.

Nobōm̧ba 1989 • GuamHebert J. Leddy ekar membōr in CHamoru eo jinoin tata n̄an kar kūr āinwōt juon district būreejtōn.

Eprōļ 6, 1990 • GuamKweilo̧k eo Eļap an Kōrā ro jinoin tata an Guam District ekar kōm̧m̧an ilo imōņ jar eo an Barrigada n̄an aolep leddik ro im kōrā ro 10 iiō dettan im rūttoļo̧k. Ilo iien in, Renee Oatman kar kūr āinwōt district būreejtōn eo an Doulul eo an Kōrā ro im Cora Mucho kar kūr āinwōt district būreejtōn eo an Būraimere.

1996 • Saipan, Northern Mariana IslandsKe Būreejtōn eo an Kabun̄ in Gordon B. Hinckley im Sister Marjorie Hinckley raar jepļaak jān juon tūreep n̄an Asia, baļuun eo waer ekar jok ilo Saipan n̄an ettein̄ kiaj, im elōn̄ļo̧k jān 70 membōr ro im mijenede ro raar kairļo̧k n̄an erboot eo n̄an ioon rikanaan eo.

Pāpode 2003 • BarrigadaImōn jar eo ilo Barrigada ekar bōk juon satellite dish, kōm̧m̧an bwe Rikwojarjar ro ilo Guam ren bōk koņaer ilo kadiwōjļo̧k ko imejatoto live an Kabun̄ in aolepān laļ in, ekoba kaminene ko an ritōl im kweilo̧k eo eļap.

Tijemba 12, 2010 • BarrigadaBarrigada Guam Stake eo ekar ejaak, kōn Auther B. Clerk āinwōt būreejtōn im Tamio S. Clark im Jared W. Bodine āinwōt rikakapilōklōk ro. Elder L. Tom Perry jān Doulul eo an Jon̄oulruo Rijilōk ro, eo ekar jokwe ium̧win juon iiō ilo Saipan āinwōt juon US sailor, ekar bōk eddo in.

O̧kwōj 21, 2011 • BarrigadaCyril Christopher Gittens kar kūr āinwōt petriak eo jinoin tata ilo Barrigada Guam Stake eo.

Pāpode 12, 2016 • BarrigadaMembōr ro an Barriagda Guam Stake eo kar kōm̧m̧ane juon Book of Mormon Pageant ilo kajin Chuuk.

Oktoba 7, 2018 • Salt Lake City, Utah, USAJuon tampeļ n̄an Guam kar kōjjeļā kake jān Būreejtōn eo an Kabun̄ in Russell M. Nelson ilo kweilo̧k eo eļap.

Oktoba 25, 2018 • SaipanYutu, juon taibuun ekajoor tata ekar jikrōkļo̧k ilo Northern Marianas, ekar itakļo̧k ioon āne eo Tinian im iturōk in Saipan.

Māe 22, 2022 • Yigo

Yigo Guam Tampeļ eo ekar aje jān Elder David A. Bednar jān Doulul eo an Jon̄oulruo Rijilōk ro.