Ew Uruon ewe Mwichefen non

Guam

Menapen Porousan

Nesoponon ewe Oruen Mounen Fonufan II, Aramas mi Pin non Fansoun Soponon ra angangen souffiu non Merika me ra nonom non Guam ra poputa ne chuchufengen non mwicheich mi chok kukkun. Ren poputan ewe ier 1950s, ekkewe pranch ra foruta fan iten ekkewe sounfiu, ar kewe famini, me ekkoch souneng ra nom nukun fonuer ra nom Guam. Fiti ewe aninis an kewe misineri seni ewe Japan Misin, ekkewe memper ra poputa ne aporousa ewe kapas allim ngeni chon orur. Nesoponon ewe nakatamen fansoun, ekewe aewin nenien mwich non Guam ra efeioch an epwe enenia ekkewe pranch ra marino.

Ekkewe souneng non Guam ra chuchufengen ne angang fengen fiti ekkewe aramasen arur. Non nukanapen ewe apwapwa, nonomun fan nang ren asapwan me ran a ngaw, me eminefosefanin nonomun aramas, ekkewe memper ra fen awora ren pekin aninis, pekin osukuna, me pekin chiaku. Non ewe 1970, ekkewe aramas chon CHamoru ir wesewesen chon ei fonu, ekkewe minne ar kapas me ar oruni a fen nemeno ren fite tetenin tappin aramas, ra poputa ne chuchuri ekkewe memper me misineri. Mwirin ekkewe akaewin chon CHamoru ra fiti ei mwichefen, Maria me Donald Calvo, ra papatais non May 1977, Maria a poputa ne angang ne chiakuni ewe Puken Mormon ngeni non kapasen CHamoru. Maria a aneanei pwe ewe chiaku epwe anisi pwan ekkoch chon CHamoru ekkewe ir ra pwan tonong fiti mwichefen repwe kaeo ewe kapas allim non pusin ar kapas me epwe awora aninis ngeni ewe foforun tumunun ar kapas epwe chok soposopono. Nupwen an kewe kinikin ra for non 1989, ewe mwichen anepung (legislature) an chon Guam ra fori ew annuk ar repwe etiwa ewe Puken Mormon a chiaku pwe ew “watten angang mi taweno” non ewe auchean kapasen CHamoru mi chok soposopono.

Ina mo ika maun a forata ewe popun forutan ekkewe pranch non Guam, ekkewe Souneng ikana ra chok achocho ne “tumunochu ar tipeew fengen ewe ra angei meren ewe Ngunupin ewe a rifengenir non kinamwe”( Ephesians 4:3) atun ar angangfengen me ekkewe chon orur.