Jikin Kone ko

Ilo Nobōm̧ba 28, 1991 eo, Lan̄ eo nae etan Zelda ekar kakkure Marshall Islands, kōm̧m̧an eļap jorrāān ioon Ebeye, Kwajalein, Ujae, im Lae. Ilo Ujae, enan̄in aolep wōjke ko raar teep, im jimettan in aelōn̄ en ekar jepepļo̧k aolep em̧ ko ie. Ilo Ebeye, 3,000 armej ro ekar ejjeļo̧k m̧weer. Ioon Majuro, toon jarom ko raar wōtlo̧k, bōro̧o̧j ko raar peļļo̧k jān m̧ōko, im jejjo wa ko ilo m̧aļo eo raar āār.

Ālkin an waļo̧k ļan̄ eo, jikin kōm̧m̧an nuuj peba eo ijo ekar kwaļo̧k n̄an aolep bwe im̧ōn kweilo̧k an Armej ro Rekwojarjar ilo Raan Ko Āliktata ekar jikin kone ko. “Kwar ke juon iaan 175 armej ro raar jokwe ilo jikin kone eo ilo juon iaan im̧ōn jar ko jilu an Mormon ilo kar ļan̄ eo wiik eo ļo̧k?” riiti bwebwenato in, kar taitōļ in “Mormons Provide Refuge (Mormon ro rej Letok Jikin Kone).” Ennaan in ekar kwaļo̧k bwe elōn̄ armej ro raar jokwe ilo m̧ōko m̧weer raar “em̧ emeni wall eo ie ippān bōro̧o̧j tiin ko rejjab kanooj pen im baam̧le ko ewōr nejier nin̄nin̄ ak ajri ro reddik me rej maron̄ jedmatmat n̄an kauwōtata an mour, ļōmņak eo kōn pād ilo juon em̧ jimāāņ naaj kar em̧m̧an. Ennaan eo ekar kouti juon mijenede in Armej ro Rekwojarjar ilo Raan Ko Āliktata, Elder Bill Partridge: “Kōmij kanooj lale bwe juon men en kōm̧m̧an ilo jekjek eo ainjuon n̄an kōpeļļo̧k wōt im̧ōnjar ko ilo iien idin̄ ko āinwōt in.” Ennaan eo ekar kōjjem̧ļo̧k kōn meļeļe eo eaorōk bwe armej ro rej aikuj kajeeded naan eo “bwe ilo iien idin̄, m̧ōnjar ko renaaj peļļo̧k, im jab mijak in kajjitōk, kom̧ naaj kanooj ruwainene!”

Naan eo kar leto letak, ilo iien eo ejetjet. Enan̄in juon allōn̄ tokālik, Taibuun Axel ekar eļļāļo̧k 25 m̧aiļ ko iturōk in Majuro, kōm̧m̧an eļap jorrāān ioon āne eo. Ilo bon̄ōn in ļan̄ eo, 600 armej ro raar jokwe ilo imōn kweilo̧k ko. Raan eo tok juon, juon iaļap lep ekar ilo āne eo, kakkure m̧ōko im̧ōn elōn̄, ekoba 14 membōr ro an Kabun̄ in. Ilo allōn̄ ko jilu ālkin ļan̄ eo, 15 baam̧le ko im̧ōko im̧weer raar jorrāān raar jokwe ilo Imōn Kweilo̧k ko ilo Long Island im Delap ilo aer kar jino aer bar ekkal. Jorrāān eo eļap tata an ļan̄ eo kar en̄jake ilo Jaluit, ijo jipan̄ ko an Church humanitrain ko kar leļo̧k 1,000 baun in nuknuk im 20 em̧ nuknuk ko n̄an armej ro ioon aelōn̄ en me ekar jako aolep men ko m̧wier.

Ālkin Taibuun Axel, juon din̄din̄ in mejlep eļap, eo ekar aitokan in emān allōn̄ ko, ekar waļo̧k ioon Majuro. Ekkā wōt, an āne eo kar bōk 35 inij in wōt iiō otemjeļo̧k bōtaab ilo tōrein, juon wōt inij ekar wōtlo̧k, kōm̧m̧an an jabwe dān, eļap tata ioon Uliga im Rita. Ritōl ro ijin rekar kōppeļļo̧k Imōn Kweilo̧k eo ilo Delap, eo ekar wōr juon an aebōj laļ im juon baam̧ in dān ie. Ro uwaan jukjuk in pād eo kōn wiilbaro ko, bato ko, im ninne ko jet jet iien rej ļain n̄an baam̧ dān m̧ae ālkin lukōn bon̄. Juon nieen dān ilo Imōn Kweilo̧k eo ilo Laura kar barāinwōt erom juon kein jipan̄ aorōk n̄an jukjuk in pād eo.

Ioļapļap in ļan̄ eo eļap ilo Pacific im katu eo jab jeļā kake, Armej ro Rekwojarjar ilo Raan Ko Āliktata kar kōkajoorļo̧k doon im kar leļo̧k jikin kone im kein jipan̄ ko raorōk n̄an ro jet.