Zimbabwe: Tatelano ya ditiragalo tsa Kereke

1928 • Shangani, Borwa jwa RhodesiaCecelia Jubber le Walter Taylor Jubber, ba ba neng ba nna le bana ba bone mo polasing e e gaufi le Shangani, ba laletsa Samuel Martin, poresidente ya Thomo ya Afrika Borwa, le Mogolwane Marian Allread go kolobetsa barwaabone William A. Jubber and Walter Taylor Jubber.

1930 • Borwa jwa RhodesiaBaanamisa Efangele ba Thomo ya Afrika Borwa ba ne ba dira mo Kgaolong ya Rhodesia go tswa ka Phatwe go fitlheleka ka Ngwanatsele 1930. Ka Phatwe 30, 1931, Lekala la Shangani le ne la rulagangwa, ka Walter Taylor Jubber e le poresidente.

1950–51 • Salisbury, Borwa jwa RhodesiaBaanamisa efangele ba ne ba boela kwa Rhodesia ka Lwetse 1950. Ka Tlhakole 1951, Hugh H. Hodgkiss a amogela kolobetso mme a nna moeteledi-pele wa ntlha wa mo gae wa Lekala la Salisbury ka 1959.

1951–57 • Bulawayo, Borwa jwa RhodesiaLekala la Bulawayo le le tlhomilweng ka 1951, kapelenyana le ne la rulagannwa ka fa tlase ga boeteledi-pele jwa mo gae. Ka 1952, Johanna Jubber o ne a bitswa go nna poresidente ya Mokgatlho wa Thuso, mme ka 1957, Richard Isaacs o ne a bitswa go nna poresidente ya lekala.

1959 • Afrika BorwaJean Wood wa Lekala la Bulawayo a simolola tirelo ya boanamisa-efangele mo Afrika Borwa.

Phukwi 28, 1963 • Bulawayo, Borwa jwa RhodesiaDitirelo tsa go bula ntlo ya bokopano ya Bulawayo di ne tsa tshwarwa.

Ferikgong 19, 1964 • Salisbury

Ditirelo tsa go bula ntlo ya bokopano ya Bulawayo di ne tsa tshwarwa.

1965–80 • RhodesiaLefatshe la itemogela ntwa ya selegae nako e telele.

Ferikgong 26, 1974 • Bulawayo, Gweru, and Salisbury, RhodesiaMananeo a Seminari le Insetitshute a ne lantlha a simolodiswa mo bananeng le basha ba bagolo mo Rhodesia.

1978 • RhodesiaIris Nield o ne a dira go phuta dirolo tse di 2000 tsa ditshupo tsa Mokgatlo wa Losika wa Utah.

Seetebosigo 8, 1978 • Salt Lake City, Utah, USAPoresidente ya Kereke Spencer W. Kimball o boletse tshenolo e e emisitseng kganelo ya boperesiti le tempele mo malokong a Bantsho a Kereke.

Phalane 23–24, 1978 • Johaneseborogo, Afrika BorwaPoresidente wa Kereke Spencer W. Kimball o buile le maloko le ditsala ba ba akanyediwang go 3400 kwa Film Trust Arena mabapi le tshenolo ya boperesiti le tempele.

1979–80 • BulawayoErnest Tsikira Sibanda le Priscilla Sibanda le bana ba bone ba ne ba kopana le Kereke mme ba ne ba kolobediwa ka bokhutshwane morago ga moo e le maloko a ntlha a Bantsho mo Zimbabwe.

Moranang 18, 1980 • ZimbabweRhodesia o ne a ipusa go tswa mo Great Britain mme a itsiwe mo ditshabeng e le Zimbabwe.

Motsheganong 23, 1980 • Highfield, ZimbabweReginald J. Nield o ne a bitswa e le poresidente ya Lekala la bo 4 mo Highfield (morago la bidiwa gape Lekala la Highfield), lekala la lantlha tota-tota la Bantsho-botlhe mo borwa jwa Afrika.

Motsheganong 17, 1981 • Salisbury, ZimbabweTanganyika and Peter Chaya, rre le morwa, ba Lekala la bo 4 la Salisbury, e ne e le banna ba ntlha ba bantsho ba Afrika ba ba tlhomilweng bagolwane mo Zimbabwe.

Phalane 14, 1981 • SalisburyPeter Chaya o nnile Moitshepi wa malatsi a Bofelo wa Montsho wa ntlha go amogela pitso e le moanamisa efangele.

Zimbabwe • ka bo 1980Makalana a masha a ne a tlhamiwa mo Bindura, Harare, Arcturus, Gweru, Bulawayo, le Mutare.

Phatwe 24, 1985 • JohaneseborogoTempele ya Johaneseborogo Afrika Borwa e ne ya tshwaelwa.

Bofelo jwa dingwaga tsa 1980 • ZimbabweNoel da Silva, poresidente ya Kgaolo ya Harare , ya simolodisa “dikopano tsa sakaramente mo gae” mo Ruwa, Macheke, Bindura, le merafe ya meepo gaufi le Remare, kwa maloko a neng a bona go tsamaela kwa matlong a bokopano go le turu. Sontaga mongwe le mongwe maloko a boporesidente a lekala a ne a tsenelela dikopano tse dinnye mo malwapeng a maloko.

1990 • Bulawayo, ZimbabweMukai Maphosa o ne a bitswa e le poresidente ya Mokgatlho wa Thuso wa kgaolo.

Phalane 25, 1991 • Harare, ZimbabweZimbabwe o ne a tshwaelwa go rera efangele ke Mogolwane James E. Faust wa Khoramo ya Baaposetole ba ba Lesome le bobedi.

Moranang 1992 • ZimbabweMo leubeng le le botlhoko thata mo dingwageng tse di 100 , Mazimbabwe ba itemogela tlhaelo ya dilo tsa botlhokwa tse di tshwanang le phaleche, mafura. raese, le dinawa.

Phatwe 18, 1992 • ZimbabweSetlhopa sa maloko a le 50 go tswa mo mafelong a a mo tikologong ya Zimbabwe (go akaretsa Harare, Bulawayo, le Mutare) ba ne ba tsamaya dioura tse 25 ka bese go ya kwa Tempeleng ya Johaneseborogo Afrika Borwa.

1993 • ZimbabweEdward Dube e nnile Mozimbabwe wa ntlha go direla e le mokaedi wa lefatshe wa Diseminari le Diinsititshute tsa Tumelo.

Tlhakole 18, 1998 • HararePoresidente wa Kereke Gordon B. Hinckley o etetse Zimbabwe mme a bua le Baitshepi ba Malatsi a Bofelo ba ka nna 1,500. Badiredi ba puso ba le mmalwa, go akaretsa mokwaledi wa itshireletso le mokaedi wa tsa boitekanelo, le bone ba ne ba le teng.

1999 • Salt Lake CityKgatiso ya ntlha ya Buka ya Momone e e feletseng ka puo ya Seshona e ne ya anamisiwa.

Sedimonthole 12, 1999 • HarareLomapo lwa ntlha mo Zimbabwe, Lomapo lwa Harare Zimbabwe, le ne la rulagangwa, ka Edward Dube e le poresidente.

Phalane 9, 2000 • HarareEmmah and Ben Musoni e nnile bobedi jwa ntlha jwa bagolo go direla thomo ya nako e tletseng ya dingwaga tse pedi

2002 • ZimbabweLetlole la Thuso la Batsaya karolo ba Tempele le ne la thusa batho ba ba neng ba nna teng mo tempeleng ba le bantsi, go akaretsa le maeto a mane go tswa kwa Harare, a le mararo go tswa kwa Lusaka, le a le mabedi go tswa kwa Bulawayo.

Mopitlo 20, 2005 • BulawayoLomapo la Bulawayo Zimbabwe le ne la rulagangwa, ka Tasara Makasi e le poresidente.

2007 • ZimbabweBuka ya ga Momone, Dithuto le Dikgolagano, le Perela e e Tlhwatlhwa e Kgolo (Kopanyo tse Tharo) di ne tsa gatisiwa ka Seshona, morago ga tiro ya dingwaga tse dintsi ka setlhopha sa thanolo se akaretsa Dorothy Tembo, George Murenza, Moses Murahwa, Upenyu Tambara, Ben Musoni, le Thomas Musoni.

2008 • ZimbabweMogare ga ditshupo-tsa seting tsa haepainefolaeshine le leroborobo la kholera le le neng le tsenye batho ba le 100,000 le go bolaya 5,000, ditshupelo tsa go itima dijo tsa Baitshepi ba Mazimbabwe di kopantswe le dithuso tsa botho tse di tsamaisiwang ke Kereke di ne tsa thibela bothata bo bogolo jwa tshireletso ya dijo jwa maloko a Kereke.

Seetebosigo 30, 2009 • ZimbabweEdward and Naume Keresia Salizani Dube ba ne ba bitswa go okamela Thomo ya Zimbabwe Harare.

Moranang 6, 2013 • Salt Lake CityEdward Dube o ne a tshegetswa e le leloko la Khoramo ya Ntlha ya Ba ba Masome a Supa ka khonferense ya kakaretso, a nna Mozimbabwe wa ntlha go direla e le wa Bolaodi ba Kakaretso.

Mopitlo 2016 • Bokone le Botlhaba-tsatsi jwa ZimbabweMogare ga leuba le le botlhoko, Mekgatlho ya dithuso ya Baitshepi ba Malatsi a Bofelo e ne ya tsamaisa go epiwa ga didiba tse 51 mo merafeng ya Chegutu, Marondera, Kambuzuma, Glen Norah, Highfield le Domboshawa.

Moranang 3, 2016 • Salt Lake CityGo agiwa ga Tempele ya Harare Zimbabwe go ne ga bolelwa ka nako ya Khonforense-ya kakaretso.

Phukwi 2017 • HarareBaitshepi ba dirisana le lekgotla la toropo go baakanya dibata tsa mesima mo kgaolong ya Mabvuu-Tafara le tsela e nnye mo kgaolong ya Queensdale.

Ngwanaatsele 14, 2018 • HarareMotlotlegi K. Mohadi, mothusi wa ga tautona wa Zimbabwe, a kopana le baeteledi-pele ba Kereke, go akaretsa Philip Mathemera, Poresidente ya Lomapo la Borwa jwa Harare, Gladys Sitati le Mogolwane Joseph W. Sitati wa Kgaolo ya Borwa jwa Afrika, le Kathy Andersen and Elder Neil L. Andersen wa Khoramo ya Baaposetole ba ba Lesome le bobedi.

Phatwe 17, 2019 • ZimbabweE le karolo ya Letsatsi la Diatla tse di Thusang la Afrika-Otlhe, ka nako e Baitshepi ba Malatsi a Bofelo go ralala kontinente ba neng ba tsenya letsogo go feta diouora tse 10,000 tsa tirelo, maloko a Kereke ya Zimbabwe a ne a dirisana le makgotla a mo gae go phepafatsa dithothobolo tse di seng ka fa molaong mo morafeng.

Phalane 1, 2020 • HarareGo epiwa mmu go simolosa kago ya tempele ya Harare Zimbabwe go ne ga bolelwa.