“Iotebwa Timiti ma te Mare ma Aine ae riaon Temanna,” Atuun Rongorongo n Rongorongon te Ekaretia
“Iotebwa Timiti ma te Mare ma Aine ae riaon Temanna”
Iotebwa Timiti ma te Mare ma Aine ae riaon Temanna
A kakoaua Aika Itiaki ni Boong aika Kaitira ae te mare ma ti temanna—te mare iroun temanna te mwaane ao temanna te aine—bon ana tua te Uea n te mare ae bwainaki.1 N taai n te baibara, te Uea e tuangiia Ana aomata tabeman bwa a na kabongana te mare ma aine ae riaon temanna—te mare ma temanna te mwaane ao ma ae raka iaon temanna te aine.2 Tabeman membwa ngkoa aika kaain Ana Ekaretia Iesu Kristo Ibukiia aika Itiaki ni Boong aika Kaitira a karekea naba ao a ongotaeka nakon te tua aei ae reke rinanoia ana burabeti te Atua.
Imwiin reken te kaotioti are e tuangaki bwa e na karaoa te mare ma aine ae riaon temanna, Iotebwa Timiti e mare ma buuna aika mwaiti ao ni kaota te mwakuri aei nakoia kaain rarikiia. Te reirei aei bon teuana mai ibuakon te kakaewenako n te kaotioti ae moan te kangaanga arona—bon ibukin Iotebwa ao kaain te Ekaretia ake tabeman. Te mare ma aine ae riaon temanna e kataa te onimaki ao ni kaunga te kakauntaeka ao te kakaitara. Tabeman aomata irouia Aika Itiaki ni Boong aika Kaitira a butimwaea kaokan kabonganakin katein te baibara ae aki tataneiai iai nakon are inanoia. Ma a mwaiti ake a kakoaua imwiina mwaakan te taneiai n tamnei are e buokiia n tokanikai iaon rawaia ao ni kaungaiia bwa a na butimwaea te mwakuri aei.
A mwaiti kabwarabwaraan moan kakaraoan te mare ma aine ae riaon temannama aki ataaki bukina bwa a tuangaki naake a irekereke ma ngaia bwa a na taui aia mwakuri ni karabai. Mwiin rongorongon ngkoa te mare ma aine ae riaon temanna e bon rangin n uarereke: tabeua rekooti n te tai anne ae iai rongorongoia, ao ururing ake imwiina a bon aki onimakinaki n tainako. Aika Itiaki a manga taekin karaki tabeua aika kakawaki ni kaeineti ma te mare ma aine ae riaon temanna iroun Iotebwa Timiti ao tabeman riki Aika Itiaki ni Boong aika Kaitira. Ibukin rongorongona riki tabeua ni kaeineti ma te mare ma aine ae riaon temanna, taraa “Plural Marriage in The Church of Jesus Christ of Latter-day Saints,” Gospel Topics Essays, topics.lds.org.
Related Topics: Joseph Smith Jr., Emma Hale Smith, Fanny Alger, Nauvoo Expositor