“Laj Jose Smith ut li sumlaak rik’in k’iila ixaqilb’ej,” Eb’ li na’leb’ sa’ resilal li Iglees
“Laj Jose Smith ut li sumlaak rik’in k’iila ixaqilb’ej”
Laj Jose Smith ut li sumlaak rik’in k’iila ixaqilb’ej
Eb’ laj santil paab’anel neke’xpaab’ naq li sumlaak rik’in jun li ixaqilb’ej malaj b’eelomej, a’an lix chaq’rab’ li Qaawa’ chirix li sumlaak.1 Sa’ xkutankil li Santil Hu, wan naq li Qaawa’ kixtaqlaheb’ lix tenamit chi sumlaak rik’in k’iila ixaqilb’ej.2 Jo’kan ajwi’ ke’wan li komon sa’ xtiklajik Lix Iglees li Jesukristo reheb’ laj Santil Paab’anel sa’ Roso’jikeb’ li Kutan li ke’xk’ul ut ke’xpaab’ li taqlahom a’in k’eeb’il rik’in xtz’uumaleb’ re lix profeet li Dios.
Chirix xk’ulb’al li taqlahom re sumlaak rik’in k’iila ixaqilb’ej, laj Jose Smith kisumla rik’in xkomoneb’ chik li ixq ut kixk’ut li na’leb’ a’in reheb’ jalan chik laj paab’anel. Sa’ xyanqeb’ li jar na’leb’ re lix k’ojob’ankil wi’chik li Iglees, q’axal ch’a’aj xpaab’ankil li taqlahom a’in choq’ re laj Jose Smith ut xkomoneb’ chik li komon re li Iglees. Li sumlaak rik’in k’iila ixaqilb’ej kixyal rix xpaab’aaleb’ ut kixk’am chaq li wech’ok. Moko k’iheb’ ta laj santil paab’anel ke’xk’ul chi saheb’ xch’ool lix k’ojob’ankil li taqlahom a’in li xtawman sa’ xkutankil li Santil Hu ut li jwal jalan choq’ reheb’. A’b’anan, moqon ke’xch’olob’ xyaalal li ninqi musiq’ejil na’leb’ ke’xnumsi li kixtenq’aheb’ ut kixkawob’resiheb’ sa’ xpaab’ankil li taqlahom a’in.
Wan naab’al li ink’a’ naqanaw chirix chan ru ke’xb’aanu li sumlaak rik’in k’iila ixaqilb’ej, xb’aan naq kipatz’man reheb’ li ke’b’aanunk re naq maak’a’ te’xye chirix. B’ab’ay ajwi’ li kitz’iib’aman chirix: ch’a’aj xtawb’al li na’leb’ tz’iib’anb’il chirix, ut wan naq wan xmajelal lix jultikahomeb’ li kristiaan. Sa’ Santos wankeb’ li seraq’ chirix li sumlaak rik’in k’iila ixaqilb’ej xb’aan laj Jose Smith ut xkomoneb’ chik laj santil paab’anel sa’ xtiklajik li Iglees. Re xtawb’al xkomon chik aanawom chirix li sumlaak rik’in k’iila ixaqilb’ej sa’ xtiklajik li Iglees, chi’ilmanq “Plural Marriage in The Church of Jesus Christ of Latter-day Saints,” Gospel Topics Essays, topics.lds.org.
Related Topics: Joseph Smith Jr., Emma Hale Smith, Fanny Alger, Nauvoo Expositor