Elder Gerald N. Lund
No te Pŭpŭ Hitu Ahuru

“‘Aita te Atua e eiâ nei i te taata e aita hoʻi te taata e nehenehe ia eiâ i te Atua,’ o ta toʻu ïa metua tane e parau noa na. Teie atoa o ta’na e parau pinepine mai, ‘E taata aufau maitai te Atua,’ ” o ta Elder Gerald N. Lund ïa i parau, tei pii-apî-hia ei melo no te Pŭpŭ Hitu Ahuru.

“Ua faaamuhia matou i roto i teie feruriraa, e o te huru ïa o taʻu tatararaa i te parau no te taviniraa. Hau atu â toʻu haamauruururaa i te Atua, hau atu â To’na haamaitairaa mai iaʻu, e na te reira i faaaitarahu faahou atu â iaʻu. Eita Oia e roaa ia tatou.”

I to Gerald Lund hoʻiraa mai na ta’na misioni, ua opua oia i te haere e rave i te ohipa eiaha râ no te hoʻi i te haapiiraa.

“Ua rave vau i te ohipa hamani fare,” o ta’na ïa i tatara mai. “I roto i te hoê noa hebedoma i te tahitahiraa i te repo tima, feruri ihora vau e ere teie i te ohipa naʻu i roto i toʻu oraraa.”

Ua haere atura oia e tapaʻo vitiviti i to’na iʻoa i te fare haapiiraa Tuarua no Brigham Young, e ua roaa mai ta’na parau tuʻite tuatoru [license] e ta’na parau aiihi tuatoru [maîtrise]. E ere na teie opuaraa noa i te hoʻi i te haapiiraa i taui i to’na oraraa area râ, na te haapiiraa’toa i te evanelia i roto i na matahiti e rave rahi i te mau melo no te mau mahana hopea nei o te ore e nehenehe ia taiʻohia.

Ua haamata o Gerald Lund i te haapii i roto i te pŭpŭ haapiiraa evanelia i Roto Miti i te matahiti 1965, o te haamataraa ïa o na 34 matahiti rave ohipa i roto i te faanahoraa haapiiraa a te ekalesia. Ua haapii atoa oia i roto i te piha haapiiraa na te feia apî paari, ua tavini atoa ei taata faatere rahi no te haapiipiiraa evanelia, ua haapii atoa e nahea ia faaineine i te hoê curriculum vitae, e ua rave i te mau ohipa e rave rahi i titauhia ia rave no te faatereraa. Ua riro atoa oia ei taata papaʻi buka e te mau veʻa i matauhia.

Ua fanauhia o Elder Lund i Fountain Green, Sanpete County, Utah, e Jewell e Evelyn Lund i te 12 no setepa 1939. Ua faanuu atu teie utuafare i Roto Miti i te matahiti matamua o to’na fanauraa e i muri mai, ua faanuu faahou atu i Murray, Utah, e i reira oia i paari mai ai.

I te matahiti 1963 ua faaipoipo oia ia Retta Lynn Stanard, no Great Falls, Montana mai. E 7 o ta raua tamarii e 17 mootua. E vahine papaʻi nota o te tuahine Lund e e rave rahi o ta’na mau pehe i neneʻihia.

Ua tavini na o Elder Lund ei peresideni amaa, ei episekopo e ei tauturu no te episekopo. I te taime o to’na piiraa i roto i te pŭpŭ piti no te mau Hitu Ahuru, ua tavini na o Elder Lund ei peresideni no te tĭtĭ 14 no te fare haapiiraa tuatoru no Brigham Young.