Karinanan te Iango
Te Marurung ao Te Korakora
Ko a kaman ataia ae memeeren am kakamwakuri ke am kamarurung ao kanakin amwarake aika aki baeranti a kona ni karekea te mamaara nakon rabwatam, ao ni kai rootaki n te aoraki, ao ni kauarerekea korakoram ibukin te mwakuri ao te kakukurei. Ti tebo te koaua aei ibukin tamneim. Te kaokoro bwa, e ngae ngke e na anganiko te Atua rabwatam ae kororaoi, ae mimitong n tain te Mangauti, te tamnei are e maeka n te rabwata anne e na bon tiku n arona are ko a tia ni karaoia nako iai (tara Aramwa 34:34). Ai ngaia are aikai tabeua iango ibukin karikirakean marurungin ao korakoran te tamnei:
Amwarake Ake Ko Kang
-
Karikirakea tangiran amwaraken te tamnei. Kateimatoa waawarekan booki aika tabu, taian taetae ni maungatabu ni kabuta, reirei n te Ekaretia ao tieminari, ao amwaraken riki te tamnei tabeua, ao a na moanna ni kangkang iroum (tara Aramwa 32:28).
-
Kanabuakaia n onea mwiin ae ko na kanna ni kauarerekea. Ko na kana ae rangi ni bati ao ni moanna ni marurung, n aki marikarika, ma amwaraken te tamnei.
-
Kauarerekei amwarake aika aki kamarurung. N aron ae kabatiaan amwarake aika uarereke (snacks) a kona ni kabuakaka tangiran te katairiki ae kanuai, ao kabaneakin te tai iaon takakaron te witeo, te Intanete, TV, ao a bati riki, a kona ni karekenakoko ma te tai ae uarereke ke bon akea am tai ibukin te baka n amwarake ibukin te tamnei.
-
Tai kang amwarake aika buakaka. Te bwai ae kaitara te Tamnei ae Raoiroi e bon kaboitina oin tamneim. Tamnei aika bwaitangako, kamataku aika kamatauninga ke aika a kaota te mwakuri ni iowawa, ao anene aika aki tamaroa a bon rangi ni boitin.
-
E bon kamimi aron mwaitin kanan te tamnei ni kanakin teuana te mwakoro ni kariki ae uarereke ao teuana te tim n ran ngkana ko taua te toa ma te iango mwaaka ao te tataromwaaka ma te nano n rairannano.
Kakamwakuri
-
Anga te mwakuri ni ibuobuoki ao kaota te akoi. Tabekakirakeaia aomata tabeman bon te kakamwakuri ae korakora.
-
Karaoa te katorobubua ae aki kee iaan uoua n teuana te bong. Te tataro n taainako e bon kainnanoaki ibukin kamarurungan te tamnei.
-
Kaota am koaua n taainako. Bon aekan raoi te mwatireti are e tabe n rikirake korakorana ngkana e na kabonganaaki n taainako.