Kaotan Iango
E a Tia Te Riaona Ni Kakabwaiai Maiura
Ti rangi ni kakatonga bwa ti kona ni karekea te Riaona i Vanuatu ikai. E rangi n tamaroa warekan taekaia aomata ma tabo aika a kakaokoro ao rikiraken te Ekaretia ni kabuta te aonaaba. Ti a tia n reiakini bwaai aika a mwaiti man te maekatiin. E a tia ni kakabwaiai maiura, ao ti aki kona n tiku n arora bwa ibukina ngkai iai.
Amos Tarohati Zoro, Vanuatu
Te Bwaibu nako nanon te Mwanibwa ae e Itiaki Ranna
Ngkai te tia reirei ngai n Reirein te Euangkerio n au uoote, I rang ni karabwarabwa ibukin te mwakuri ae ko a tia ni karaoia ma te LDS.org. Te kariaiakaki ni bwaina ao ni kona n karekei ana bwai nako te Ekaretia e bon rangi ni uarereke n ara tabo. Karekean te rin nakon booki aika a tabu ao bwaai nako n te Ekaretia rinanon te intanete ai aron reken oin ara bwaibu nako nanon mwanibwan te ran ae e itiaki. Taiaoka ataia bwa korakorami e a tia ni karaoa te bitaki ae e koaua inanon maiuia kain te Ekaretia.Te kakai tera nakoiia ibukin karekean ana rongorongo Tamara are i-Karawa n oin aia taetae.
E aki kaotaki te Ara
Taeka Aika Kona ni Buokiia Aomata ni Kabane
Ai kukureira ngai ni karekea te Riaona ni maiu! Inanona I kunei taeka aika a raraoi are a kona ni buokiia aomata, aika kaain te Ekaretia ke tiaki. Taian rongorongo man te Moan Beretitenti are a kaoti aia tangira ibukira, ao mwakoron bwanaia Aomata Aika Itiaki ni Boong aika Kaitira ibukin banna ni katooto aika a raraoi ni iraki. I wareka te maekatiin man moan baana ni karokoa banena bukina bwa I ataia bwa e rotai te tamnei ao ni kakorakorai ngke I karaoia. I ataia bwa man taian maekatiin aikai Ootan Kristo e ringiia aomata, ao I karabwai ngkami ni bane ngkai e a kona n reke aei iroura.
Cristophe Jaime, Portugal
Bon te Rao te Riaona
Ngke I wareka te Riaona, I ataia bwa I rangi ni kakatonga ao n tekeraoi n riki bwa temanna te tia beku ibukin ana mwakuri ae e rangi ni kakawaki te Uea. E buokai te Riaona n riki bwa kain te Ekaretia ae e tamaroa. I ataia bwa te Riaona e kona n riki bwa te bwai ni mwakuri ni mitinare ae e tamaroa. Ngkai ngaira kain te Ekaretia ti kona ni kamanena ni buokiia tabeman n nakon Kristo. Bon temanna mai ibuakoia raoraou te Riaona.
Galsanjamts Dashdavaa, Mongolia
Iai Tarira ao Mwaanera
I rangi ni kukurei bwa e buokai Tamau are i-Karawa ni kunea ana Ekaretia ao n riki bwa kaaina. I a tia n reiakin koaua aika a raraoi, n riki bwa te aomata ae e tamaroa, ao man katauraoi nakon te maiu ae akea tokina. A kakukureiai au utu ngkai a riki bwa kaain Ana Ekaretia Iesu Kristo Ibukiia Aomata Aika Itiaki ni Boong Aika Kaitira ao ti aki maroa—bwa iai tarira ao mwaanera. E a tia te Ekaretia n riki bwa korakorara n ririki ni kangaanga. Ti karabwarabwa nakon Tamara are i-Karawa ao Iesu Kristo ao ai uana naba nakon te burabeti ao abotoro, ake a beku ibukira.
Susanna Martirosova, Armenia