Ako Nakahinumdom ni Joseph
Daghan kinsa nakaila ni Propeta Joseph Smith misulat sa ilang mga kasinatian uban kaniya. Dinhi, ang uban niadtong mga asoy giubanan og artwork nga naghulagway sa Propeta. Ang uban nga mga asoy gisulat duol sa panahon sa hitabo nga gipakita diha sa art ug ang uban dugay-dugay pa, apan kining tanan naghatag og panabut sa iyang kinabuhi isip usa ka tawo ug usa ka propeta sa Dios.
Jesse N. Smith, ang ig-agaw sa Propeta, miingon: Si “[Joseph Smith] dili ikatandi nga mao ang labing sama sa Dios nga sukad akong nakita. … Ako nasayud nga sa iyang pagkatawo siya dili makapamakak ug limbongan, naghupot sa labing hingpit nga kalooy ug kahalangdon sa kinaiya. Ako mibati nga kon anaa sa iyang atubangan nga siya makabasa sa akong pagkatawo. Ako nasayud nga siya mao ang tanan nga iyang giangkon nga siya mao.”1
Joseph Smith, ni William Whitaker, © Deseret Morning News, dili mahimong pakopyahan
Ang Akong Sulugoong si Joseph, ni Liz Lemon Swindle, Foundation Arts, dili mahimong pakopyahan
Tuo: Si Emmeline Blanche Wells misulat: “Diha ni Propeta Joseph Smith, ako nagtuo nga ako nakakita og dakong espirituhanong gahum nga nakahatag og kalipay ug kahupayan ngadto sa mga Santos. … Ang gahum sa Dios misulod nganha kaniya sa mao nga gidak-on nga sa daghang mga okasyon ingon og siya nahimaya. … Ang himaya sa iyang panagway dili mahulagway.”2
Si Joseph diha sa Kakahoyan, ni A. D. Shaw, sa maayong kabubut-on sa Museum of Church History and Art
Sa wala sa layo: Kakahoyan sa kasagaran nahimong dapit alang sa Propeta aron makigsulti ngadto sa mga Santos sa Ulahing mga Adlaw. Si Amasa Potter nahinumdom: “Ako nahinumdom sa Propeta nga mibarug aron sa pagsangyaw ngadto sa dako nga kongregasyon sa kakahoyan sa kasadpan sa Templo sa Nauvoo. … Si Joseph mipahayag nga ang Santos sa Ulahing mga Adlaw adunay [espirituhanon] nga gasa, ug pinaagi sa pagpuyo og matarung nga kinabuhi, ug sa pagpangayo niini, ang Balaan nga Espiritu mopadayag niini ngadto kaniya.”3
Joseph Smith Nagbadlong sa mga Gwardiya sa Bilanggoan sa Richmond, ni Sam Lawlor
Wala: Parley P. Pratt misulat sa panahon nga si Propeta Joseph Smith ug ang uban gibilanggo sa bilanggoan sa Richmond, Missouri. Naminaw sila sulod sa daghang mga oras sa mangilngig nga mga pagpanamastamas ug mahugaw nga pinulongan sa mga gwardya. “Sa kalit si [Joseph] mibarug, ug namulong ingon sa usa ka tingog sa dugdug, sama sa nagngulob nga leon, nagsulti, kutob sa akong mahinumduman, sa mosunod nga mga pulong:
“‘HILOM. … Sa pangalan ni Jesukristo ako mobadlong kaninyo, ug momando kaninyo sa paghunong.’ …
“Ang nahadlok nga mga gwardya … nangayo og pasaylo, ug nagpabilin nga hilom.”4
Mga Bulak alang sa usa ka Babaye, ni Liz Lemon Swindle, Foundation Arts, dili mahimong pakopyahan
Ibabaw: Mercy R. Thompson misulat mahitungod sa Propeta, “Sa dihang nagsakay kami uban sa niya ug sa iyang asawa nga si Emma sa ilang karwahe akong nakita siya nga nanaog ug nanguha og mga bulak alang sa akong gamay nga anak nga babaye.”5
Mga Igsoon, ni Liz Lemon Swindle, Foundation Arts, dili mahimong pakopyahan
Gisukip sa ibabaw: Kini nga painting naghulagway ni Hyrum ug Joseph Smith nga nagduladula sa pagpatindog og tukog. Mosiah L. Hancock misulat, “Si Brother Joseph mihalad sa pagbira sa mga tukog ni bisan kinsa—ug gibira niya kining tanan kada usa sa matag higayon.”6
Joseph Nanawagan sa Nauvoo Legion, by C. C. A. Christensen, sa maayong kabubut-on sa Brigham Young University Museum of Art
Wala: Si Eunice Billings Snow misulat: “Akong nakita ang ‘Nauvoo Legion’ nga nagparada uban sa Propeta, … uban sa iyang asawa, nga si Emma Hale Smith, nagsakay og kabayo nga nag-una sa mga tropa. … Guwapo kaayo siya, ug si Emma maanindot, sa ilang mga gisul-ob. Siya nagsul-ob og kompletong uniporme sa militar, ug si Emma sa iyang gisul-ob nga gidayandayan og bulawan nga mga butones. … Ang iyang paborito nga sakyan nga kabayo nga ginganlan og Charlie, nga usa ka itom dako nga kabayo.”7
Joseph Smith Mi-orden ni Parley P. Pratt isip usa ka apostol, ni Walter Rane, © 2002 IRI
Tuo: Si Parley P. Pratt nahinumdom, “Niadtong ika-21 nga adlaw sa Pebrero, 1835, ako midawat sa panumpa ug pakigsaad sa pagkaapostol, ug sa ligdong nga paagi gigahin ug giordinahan ngadto niana nga katungdanan, ug isip usa ka miyembro niana nga kurom ubos sa mga kamot ni Joseph Smith, Oliver Cowdery ug David Whitmer.”8
Ang Propeta Mimontora sa Iyang Kabayo, Katapusan nga Pagtan-aw sa Maanindot nga Nauvoo, ni Harold Hopkinson, dili mahimong pakopyahan
Ubos: Si Lucy Walker Kimball misulat: “Nasayud gayud siya … nga siya kinahanglang mosakripisyo sa iyang kinabuhi alang sa mga baruganan sa Dios nga gipadayag pinaagi kaniya. … Ako nakadungog kaniya kanunay nga moingon nga siya nagpaabut sa pagsilyo sa iyang pagpamatuod sa iyang dugo.”9