Para sa Gagmay’ng mga Higala
Pagpakita sa Atong Gugma alang kang Jesus
“Kay alang kaninyo natawo karon sa lungsod ni David ang Manluluwas nga mao ang Kristo nga Ginoo” (Lucas 2:11).
Si Jenay nagtan-aw sa iyang Mama nga nagpahimutang sa bag-o lang naluto nga puti nga cake diha sa lamesa sa kusina. Karong gabii mao ang Bisperas sa Pasko, kon kanus-a magsaulog ang iyang pamilya para sa pagkatawo ni Jesus.
Si Jenay ganahang manaygon uban sa iyang pamilya, magluto og mga sama sa tawo nga gingerbread, ug mag-adorno sa christmas tree. Apan ang paghinumdom sa pagkatawo ni Jesus mao ang iyang paboritong buhaton panahon sa Pasko.
Mahimo bang tabangan ko ikaw sa pagbutang og icing sa cake?
Kinahanglang ato una ning pabugnawon.
Si Jenay mitabang sa iyang mama sa paglimpyo sa mga talad-andamanan sa mga pagkaon [counters] ug sa pagpanghugas sa mga plato. Sa imong hunahuna bugnaw na ba ang cake?
Sa akong hunahuna mora og eksakto na.
Si mama ug si Jenay mikatag sa humok nga puting icing diha sa cake.
Paghuman sa panihapon si Papa mitawag sa pamilya nga magpundok sa sala. Bisan tuod kami nasayud nga si Jesus natawo sa panahon sa tingpamulak, kami ganahan nga moasulog sa Iyang adlaw nga natawhan niini nga panahon sa tuig.
Si Mama nibasa sa istorya kabahin sa pagkatawo ni Jesus gikan sa Bibliya ug sa Basahon ni Mormon. Og si Papa mipamatuod sa Pag-ula ug Pagkabanhaw ni Jesukristo.
Tagsa-tagsa, ang miyembro sa pamilya miabli sa ilang mga regalo para kang Jesus ug mibasa kon unsa ang ilang gisulat diha sa piraso sa papel. Uban sa tabang ni Mama, si Jenay misulat. “Mas magpakabalaan sa pagtahud diha sa simbahan.”
Ako mapasirgabuhon sa matag-usa kaninyo. Ang tanan ninyong mga regalo mipakita sa inyong gugma alang kang Jesukristo.
Si Mama mihiwa sa cake ug gibutang sa nindot kaayo nga butanganan. Si Jenay mihungit og gamay sa cake ug mipahiyom. Ako nahigugma kang Jesus, ug ako nasayud nga Siya nahigugma kanako. Usa ka matam-is nga pagbati sa kalinaw ang iyang nabati sama sa usa ka humok nga init nga kutson.
Mga Paghulagway ni Elise Black