Gikan sa Kinabuhi ni Propeta Joseph Smith:

Ang Pagkamartir sa Propeta

Gikuha gikan sa Reed Blake, “Martyrdom at Carthage,” Ensign, Hunyo 1994, 30–38; tan-awa usab ang Mga Pagtulun-an sa mga Presidente sa Simbahan: Joseph Smith (Melchizedek Priesthood ug Relief Society nga tun-anan, 2007), xxi, 23–24, 460, 529–30.

Ang pipila sa dautang mga tawo gusto nga mopatay kang Joseph Smith. Siya ug ang iyang igsoong lalaki mihukom nga mobiya sa ilang mga panimalay sa Nauvoo aron sila maluwas sa kagubot. Sila magul-anong nanamilit sa ilang mga pamilya ug misugod sa ilang panaw.

Ang mga tawo gustong mopatay sa akong igsoong lalaki nga si Joseph, ug ang Dios nagpahimangno kaniya sa pag-adto ngadto sa Rocky Mountains aron sa pagluwas sa iyang kinabuhi.

Ang mga kasundaluhan miabut sa Nauvoo aron sa pagdakop nila ni Joseph ug Hyrum. Ang mga tawo sa Nauvoo nabalaka kon unsa ang buhaton sa mga kasundaluhan, busa si Emma mipadala og mga tawo aron sa pagsulti nila ni Joseph ug Hyrum. Sila mihukom sa pag-adto sa Carthage. Si Joseph nasayud nga didto siya mamatay.

Ako moadto sama sa usa ka karnero ngadto sa ihawanan; apan ako malinawon ingon sa kabuntagon sa ting-init; Ako adunay tanlag nga walay sala ngadto sa Dios ug ngadto sa tanan nga mga tawo. Ako mamatay nga walay sala ug kini ikasulti pa mahitungod kanako—siya gituyo sa pagbuno sa walay kalooy.

Usa ka kostable ang miaresto kang Joseph ug Hyrum ug mipadala kanila ngadto sa Bilanggoan sa Carthage. Daghang mga tawo ang mibisita sa Propeta didto. Sa Hunyo 27, 1844, sila si Hyrum, Elder John Taylor, ug Elder Willard Richards kauban kaniya didto sa itaas nga lawak katulganan sa bilanggoan.

Ang lawak init kaayo niadtong hapuna. Ang mga lalaki miabli sa bintana aron sa pagsulay nga mabugnaw. Si Hyrum nagbasa og libro samtang si Joseph nakig-istorya sa usa ka gwardya. Si John Taylor nagkanta og “A Poor Wayfaring Man of Grief” (Hymns , nu. 29).

A poor, wayfaring Man of grief hath often crossed me on my way …

Palihug kog kanta og usab niana nga awit, John.

Brother Hyrum, dili nako ganahan nga mokanta.

Ikaw maganahan ra unya sa pagkanta niini kun imo kining sugdan sa pagkanta.

Usa ka pundok sa manggugubot naglibut sa prisohan. Dayon, mihasmag sila sa hagdanan, nagpabuto gigamit ang ilang mga pusil. Si Hyrum namatay.

O! Ang makalolooy, hinigugma kong igsoong lalaking Hyrum.

Si Joseph mipabuto og kaunom aron sa pagsulay sa pagsanta sa panon sa manggugubot. Dayon siya midagan ngadto sa may bintana. Ang mga lalaki nga manggugubot mipusil kaniya, ug siya nahulog sa bintana.

O Ginoo akong Dios!

Sa dihang ang mga Santos sa Ulahing mga Adalw sa Nauvoo nakadungog kabahin sa pagkamatay sa Propeta, sila mibati og hilabihan nga kaguol.. Kapin sa 10,000 ka mga tawo ang miadto sa balay sa Propeta aron pagtan-aw sa mga patay nga lawas sa Propeta ug sa iyang igsoon.

“Si Joseph Smith, ang Propeta ug Manalagna sa Ginoo, nakahimo og daghan pa, gawas lamang kang Jesus, alang sa kaluwasan sa mga tawo niini nga kalibutan, kay ni bisan kinsa nga tawo nga nakapuyo dinhi. … Siya nagpuyo nga bantugan, ug siya namatay nga halangdon diha sa mga mata sa Dios ug sa iyang mga katawhan; ug … nakasilyo sa iyang misyon ug sa iyang mga buhat uban sa iyang kaugalingon nga dugo” (D&P 135:3).

Mga Paghulagway ni Sal Velluto ug Eugenio Mattozzi