Te kakao nakoia Ataeinnaine
Elaine S. Dalton (i nuka), beretitenti, Mary N. Cook (maing), moani kauntira; ao Ann M Dibb, kauoman ni kauntira.
Te riki bwa te “banna ni katooto ibukiia taan onimaki” e aki beebete. E tangira te kakorakora ni ururing ni katoa bong bwa antai ngaira ao tera ae a karaoia taan onimaki. Ti kani kaoko bwa ko na karaoa teniua te bwai ni katoa bong ae konaa n anganiko te korakora ao ni buokiko bwa ko na riki bwa te banna ni katooto nakoia kaain am utu ao raraom. Ngaira kaain te beretitentii, ti kakaraoi baikai—n taai nako. Ko kukurei ni iriira?
Te moani bwai, tataro ni katoa bong.
Te kauoua, wareka Ana Boki Moomon ni katoa bong n te tai ae naaki kee iaan nimaua te miniti.
Te kateniua, wingare ni katoa bong.
Ti anoiko bwa ko na wingare ibukina bwa ko mena inanon te aonaaba aei n te tai ae kakaawaki ngkai ana euangkerio Iesu Kristo e a tia ni manga kaokaki. Ko a tia n reireinaki iroun ana burabeti te Atua bwa aomata aika raraoi ana katikaki nakoim n aron taraam bwa ko terenako ao ko okoro—n anga aika kakukurei1
Iangoia bwa tera ae na riki ngkana ngaa ataeinaine n aekakim a karaoi bwaai aika teniua aikai ni katoa bong!
Angin te kabwaia ae reiti nako n tei maan a kateaki i aon aaia ae kakaraoan ae uarereke n aki katokia inanon te tai ae maan. Bwai aika teniua aikai a kai karaoaki ao a beebete, ma uringnga, “a riki bwaai aika korakora mani bwaai aika uarereke man aki kangaanga” (Aramwa 37:6). Ti ataia bwa ko na kunea te kakabwaia ae bati mani bwaai aika teniua aikai ni katoa bong. Ao ngkana ko mwaninga n teuana te bong, ko kona ni wakinna riki n te bong are imwina.
Ti kakoaua bwa ngkana ko tataro, ko wareka Ana Boki Moomon, ao ko wiwingare ni katoa bong, ko na kakabwaiaaki ibukin am kekeiaki ao ko na riki bwa te banna ni katoto ibukiia aika a onimaki—te ataei n aine ae kona ni karekea te kaokoro n te aonaaba.