Te Mitinare ae te Kairake
Bon ana bongi ni bung raraou ae I rangi n tatangiria, bwa e a tibwa koro ana 13. I kawaetataai ni kakaea te bwaintangira ibukina imwain te reirei, ma I aki kona ni kunea te bwai teuana. I noora ngkanne Ana Boki Moomon. I baireia bwa N na kakorakora nanou n anganna bwa te bwaintangira. I kukurei inanou, ma I maroaa teutana ibukina bwa I tuai man anganako nakon temanna Ana Boki Moomon. E maaku nanou bwa e rawa n aki butimwaeia.
Ngke I roko n te tabo n reirei, I kakaea ao I tuangnga bwa iai te boki ae e rangi ni kaokoro ae I karekea ibukina. E anaa te boki ao e noora tamneia kaain au utu ni moani baana. I tuangnga bwa Ana Boki Moomon, te boki ae kaota te koaua ibukin maekara n te aonaaba aei. I karautaeka ngkai I aki karekea riki ana bwai n tangira ae raoiroi.
E tarai kanoani matau ao e taku bwa bon te kabanea n tamaroa ni bwaintangira ae I kona n anganna. Ana taeka e ringa nanou ao I kuri n tang. I taku bwa I a tia n riki bwa te mitinare! I aki kani kaantaninga ikawaiu ni mwananga ni karaoa te makuri ni mitinare, bwa I aonga n tibwa te euangkerio ma aomata riki tabeman n aron raraou.