Kaotan te Onimaki

Malinda Morrison, Aotiteria Maeao, Aotiteria.

Au tangira ibukin te intitute e moanaki man te tieminari. I kaaina te Ekaretia ngke 14 au ririki, ao e korakora nanou ibukin te rabakau. I kukurei ni kamatebwaia taekan te euangkerio ao n tangiriia raoraou ao au tia reirei aika a rangi n raoiroi ake I kaitibo ma ngaia inanon kawaiu.

N tai tabetai iriirakin te tieminari e bon kangaanga. Au utu, aika tiaki kaain te Ekaretia, a bon aki boutoka iriiriu. Ma man aia ibuobuoki tabeman Aika Itiaki ni Boong aika Kaitira, I a kona iai ni kaea te tieminari ni moantaai n te moaningabong. A kona n nooria kaain au utu bwa I aki manikangare ibukin kaainakin te Ekaretia. Bon au kawai ibukin karaoan riki ae tamaroa.

N aron te tieminari e katamaroa maiu ngke ai tebwi tabun, e a tia te intitute ni katamaroa maiu inanon au ririki ni kairake. I karikirakea ana taeka Kristo inanou ao n au iango (tara D&C 6:20, 84:85. A buokai angareirei aikai ni kanakoraoai riki ni beku iroun te Uea kanga te mitinare.

I rangi ni karabwarabwa ibukin te intitute ao n ataia bwa bon te burokuraem ae nano ibukina bwa I noori kakabwaia inanoni maiu ao ni maiuia tabeman.