Korakora n Tei ao n Aki Kamwaingiingaki n te Onimaki

Anga te reirei i aon booki aika tabu ao mwanewe n taeka ake a kaeti ma kainnanoia tarimi ake kam kawariia. Kaota am kakoaua ibukin te reirei. Kaoia naake ko reireiniia bwa a na tibwauai baika a tia n namakinna ao n reiakinna.

Motiaea 5:15: “Kam na nanomatoa ao n aki kamwaingiingaki n tei n taainako ni mwakuri aika a raoiroi, bwa e aonga Kristo, ae te Uea ae te Atua ae Moan te Mwaaka ni kanikinaei ngkaami bwa ana aomata bwa kam aonga ni kairaki nako karawa, bwa e aonga n reke iroumi te kamaiuaki ao te maiu ae akea tokina.”

N na Kanga ni Kona ni Korakora n Tei ao N Aki Kamwaingingaki n te Onimaki?

3 Nibwaai 6:14: “Te ekaretia e a maenako ni kabuta te aba ma ti i buakoia Reimwanaite tabemwaang ake a tia n rairaki nakon te onimaki ni koaua, ao a bon aki kan kitanna, bwa a nene, a teimatoa, n aki kona ni kamwaingaki, ao a kukurei ma te botumwaaka ni kabane ni kawaakina ana tua te Uea.”

Julie B. Beck, te beretitenti ni kabuta n te Bootaki n Aine: “A riai aine Aika Itiaki ni Boong Aika Kaitira ni korakora ao n aki kamwaingingaki n aia onimaki. A kona ao n riai n rianako ni maiuia ao n tibwauai aia koaua iroun te Uea ae Iesu Kristo ao Ana euagkerio ae manga kaokaki. Ti karaoa aei ngkana:

“1. Karaoi ao ni kawaakini berita ma Ngaia.

“2. Ti kororaoi ao n taromauri n Ana tembora.

“3. Kamatebwaia Ana reirei inanon booki aika tabu ao aia taeka burabeti.

“4. Kororaoi ibukin, kinaa, ao iriiran te Tamnei ae Raoiroi.

“5. Tibwaua ao katana Ana euangkerio.

“6. Ira buakon tataro n te utu ao iboni iroum ma te nano ni koaua.

“7. Karaoa bootakin te utu n te tairiki.

“8. Maiuakin moan tua n te toronibwai ao te maiu n aki bwakatae.

“Aikai bwaai aika rangi ni kakawaki aika a riai ni karaoaki moa imwain karaoan bwaai aika aki rangi ni kakawaki. Bwaai aika a beebete, mwakuri aika rangin ni kakaawaki ake a taara n aki rangin ni kakaongora. … Akea temanna ae e kona ni karaoi bwaai aikai ibukira—aikai bon temanna n ana mwakuri ao ni kateina are e kaokoroira bwa ti na korakora ao n aki kamwaingingaki ibukin te bwai ae eti,” (“What Latter-day Saint Women Do Best: Stand Strong and Immovable,” Liahona ao Ensign, Nobembwa 2007, 109–10).

Cheryl C. Lant te beretitenti ni kabuta n te Moanrinan: “Rairakira bon iroura e roko ngkana ti moana maiuakinan te kawai are e tangiriira te Uea bwa ti na maiuakinna—te nano mwaaka ao n aki kamwaeieaki ni kawakinan tuua ni kabane, tiaki ti ake a beebete karaoakiia. Aei ngkanne e riki bwa te waaki ni katamaroa ngkana ti kataia ni katamaroa riki kanoan te bong teuana nakon are imwaina” (“Righteous Traditions,” Liahona ao Ensign, Meei 2008, 14).

Bukin Tera I Riai Ni Korakora ao n Aki Kamwaingingaki n te Onimaki?

Unimwaane M. Russell Ballard n te Kooram n Abotoro ake Tengaun ma Uoman: “Am onimaki ao am atatai ibukin manga kaokan te euangkerio e na anganiko te korakora ni kakaonimaki ni koaua nakon berita ake ko a tia ni karaoi ma te Uea, ao ni kukurei n tibwauai korakoram ao am tarena ni karikirakea abanuean te Atua ikai i aon te aba! Am koaua iroun Iesu Kristo bon te kabanea ni kakaawaki ni boutoka are ko kona ni karekea ni buokiko n tauko, nano mwaaka ao n aki kamaingiingaki, nakon tuan te eti, n aki tabeakini kakaewenako ao kariiri ake a na roko n taai aika a na roko”. (“Steadfast in Christ,” Ensign, Ritemba. 1993, 52).

Unimwaane Richard G. Scott kaain te Kooram n te Tengaun ma Uoman n Abotoro:

“Ko aki kona n te bong aei ni kabeebetea iangoakin bwa tera te babaire anne bwa ti na ongotaeka n aki tiotio nako mairoun te Uea are e na karekea nakoim ni kakoroa bukina n te maiu. Nanom ae rau, n aki kan kaiangatoa ni maiuakina te maiu ae eti e na raoniko nakon te kairaki n tamnei ao te mwaaka riaon am konabwai ngkai n ataibwai” (“Making the Right Decisions,” Ensign, Mei 1991, 34).

Kamataata n te Tamnei iroun Henrik Als; akuna mai buki iroun Shannon Gygi Christensen.