Vin tande vwa yon pwofèt
Lanmou yon pwofèt
Soti nan yon diskou konferans jeneral Avril 2008
Sa gen kèk ane, Prezidan Thomas S. Monson te vini nan yon konferans rejyonal nan Hamburg, Almay, epi m te gen onè pou akonpaye li.
Prezidan Monson te mande pou Frè Michael Panitsch, yon ansyen prezidan pye ki te youn nan gwo pyonye legliz la an Almay. M te di li ke Frè Panitsch te malad grav, ke li te oblije rete nan kabann e li pa t ka asiste reyinyon nou yo.
Prezidan Monson te mande si nou te ka rann ni yon vizit.
M te konnen ke yon ti tan anvan vizit li nan Hamburg, Prezidan Monson te fè yon operasyon nan pye epi li pa t ka mache san l pa gen doulè. M te eksplike ke frè Panitsch t ap viv nan 5yèm etaj yon bilding ki pa gen asansè. Nou t ap gen pou monte eskalye pou n al wè li.
Men Prezidan Monson te ensiste. Epi konsa nou te ale.
M sonje kijan li te difisil pou Prezidan Monson te monte eskalye sa yo. Li te ka monte sèlman kèk alafwa anvan l te rete pou poze. Li pa t janm di yon pawòl pou plenyen, e li pa t janm gade dèyè. Paske plafon bilding nan te wo, sete tankou eskalye yo pa t ap janm fini, men prezidan Monson te pèsevere ak kè kontan jiskaske nou te rive nan apatman Frè Panitsch la nan senkyèm etaj la.
Lè n te rive, nou te pase yon bon moman. Prezidan Monson te remèsye li pou lavi sèvis devwe li a epi ankouraje l avèk yon souri. Anvan nou te ale, li te ba li yon bèl benediksyon Prètiz la.
Prezidan Monson te ka chwazi repoze ant pakèt reyinyon nou yo. Li te ka mande pou l wè kèk nan bèl sit touristik yo nan Hamburg. M te souvan reflechi sou kijan sa te remakab ke nan tout bèl sit touristik nan vil sa a, sa li te vle wè plis pase nenpòt lòt sete yon manm legliz la ki te fèb epi malad.
Prezidan Monson te vini Hamburg pou anseye ak beni pèp nan yon peyi. Men an menm tan tou, li te fokis sou chak gren moun..
Lè Apot Pyè te pale de Jezi, li te bay deskripsyon senp sa a: “[Li] te ale tout kote ap fè byen » (Travay 10:38). Nou ka di menm bagay la pou mesye nou soutni kòm pwofèt Bondye a.
Agòch epi anwo adwat: ilistrasyon pa Beth M. Whittaker; adwat: ilistrasyon pa Sam Lawlor