Batèm grann nan

Marilena Kretly Pretel Busto, São Paulo, Brezil

Jou 30 Jen 2001 an, m t ap fè yon gato anivèsè pou pitit fi mwen lè telefòn nan te sonnen. Sete sè m nan k ap viv Brezil la, ki te fè m konnne grann mwen te mouri.

Nouvèl la te tris, men mwen pa t tris. An reyalite, grann mwen te viv prèske 102 an. M te kontan ke li te libere anba kò mòtèl aje l la epi ke li te ale nan mond lespri a.

Apresa m te kòmanse panse sou konyensidans ki gen genyen ant lanmò li ki te rive jou anivèsè pitit fi m nan, epi m t ap mande tèt mwen si te gen yon siyifikasyon pou lefèt ke sete nan moman sa a menm sa te rive. Amezi jou yo t ap pase, mwen te dekouvri sa l te ye: li t ap pi fasil pou m sonje pou m batize pou grann mwen ennan apre l te mouri. M te andose responsablite sa a, konesan ke m t ap gen pou m tann lòt anivèsè pitit fi m nan.

Ane a te pase rapid. Men, m pa t gen opòtinite pou m t ale nan tanp lan nan anivèsè egzat lanmò grann mwen an, paske m t ap viv nan Pòtigal epi m te oblije ale nan tanp Madrid nan Espay la. Men li te difisil pou yon jou pase san m pa sonje responsablite m pou batize pou grann mwen, Jozefina.

Sete jis an Oktòb 2002 m te gen posiblite pou ale nan tanp. Mari m avèk mwen te ale avèk pitit gason nou an, Matye, ki ta pral resevwa dotasyon li an preparasyon pou misyon li. M te kontan pou m t ale nan tanp la, e m te panse m ta pral santi yon bagay espesyal lè m t al batize pou grann mwen.

Mari m te fè batèm nan, men m pa t santi anyen. Pitit gason m nan te fè konfimasyon an, men, toujou anyen. Anksyete m paske m pa t santi anyen an te pase, epi m te sèlman kontan ke òdonans yo te akonpli pou grann mwen.

Apre dotasyon an, nou te ale nan sal sèlman an pou sele grann mwen ak paran li. Lè nou te ajenou sou lotèl la pou akonpli òdonans lan epi ofisye a te kòmanse pale, m te santi tankou yon kouran te kòmanse nan tèt mwen epi travèse tout kò mwen. Li difisil pou dekri l, men nan moman ekstraòdinè sa a, m te sèten ke grann Jozefina te kontan pou sèlman li avèk paran li yo.