Nou vini pou n wè tanp lan

Rees Bandley, Utah, Etazini

Yon jou sezon otòn pandan m t ap travay nan Tanp Salt Lake la, yon jèn gason ak zanmi li te rive, e ou te ka wè ke yo pa t abiye pou adorasyon nan tanp.

Jèn gason an te di, “Nou vini pou n wè tanp lan.”

M te mande, “Eske ou gen yon rekòmandasyon?”

Jèn gason an te reflechi yon moman. Apresa li te di, “Wi. Manman m gen yon zanmi mòmon nan Minnesota. Li te rekòmande nou pou nou vin wè tanp la.”

M te santi m pouse pou pran jèn jènjan sa a aleka pou m te pale avèk li. Non li sete Lars. M te eksplike l ke non sèlman li te ka vini nan tanp lan men tou Pè Selès la te vle li vini. M te di Lars ke li te dwe prepare dabò, epi m te eksplike l kijan.

Nan moman sa a, m te aktif nan legliz la sèlman depi yon tikras tan. M te sèvi yon misyon men apresa m te kite legliz la apre yo te kenbe m ap travay nan domèn espektak ak itilize dwòg ak alkòl. M te panse fanmi m t ap enpresyone pa karyè mwen ak richès mwen, men manman m pa enterese pa bagay sa yo. Okontrè, li te toujou mete non mwen nan lis priyè tanp lan , sa ki te konn fè m fache.

Fi m te marye a te kite legliz la tou. Rive nan moman pitit fi yuitan nou an, Tori, te kòmanse poze kesyon sou Jezikri, nou te pèdi tout baz espirityèl nou. Malgre travay misyonè m nan, m pa t ka sonje anyen sou Sovè a.

M te di Tori, “Gen moun ki kalifye pou anseye ou sou Jezikri. Poukisa ou pa pale avèk yo ?”

Kèk jou apre, de sè misyonè te frape nan pòt nou. Tori te envite yo antre epi li te kòmanse fè leson yo. San fè bri m t ap tande nan yon lòt chanm, m te tande sè yo ki t ap ansye doktrin m te rekonèt ki te vrè yo.

Youn nan sè yo te mande Tori apre twazyèm leson an, “Eske ou ta renmen batize?”

Li te reponn, “Wi”

“Eske papa w ap batize ou?”

M pa t ale legiz pandan 20 an, men m te konnen lavi m ta pral chanje. M te asiste dènye leson yo, nou te kòmanse ale legliz, epi madanm mwen avèk mwen te rankontre evèk la. Pandan m t ap repanti, m te deside ke m te dwe fè tout sa k te posib pou te ranplase ane m te pèdi yo. M te chanje pwofesyon, m te mayifye apèl mwen nan legliz la, m te sele avèk madanm mwen ak pitit fi m nan, epi m te vin yon travayè nan tanp lan. Se konsa m te konnen ke yon gwoup jèn moun kirye kapab vin diy pou tanp.

Nan prentan apre a, Lars te ekri m yon lèt, pou remèsye m paske m te eksplike l sans reyèl yon rekòmandasyon tanp. Li te ekri, “Mwen te aprann plis sou yon rekòmandasyon tanp. Anfèt, m te batize epi m te resevwa yon rekòmandasyon pou tèt pa mwen an Janvye k sot pase a!” Je m te ranpli ak dlo lè m t a p gade foto li abiye ak rad blan batèm ni ak pa misyonè ki te anseye li yo.

Vwayaj mwen retounen nan tanp lan te remakab, epi aprann sou vwayaj Lars la sete yon benediksyon mèvèye ki te raple m kijan nou tout ka touche lavi lòt pozitivman.