Peryòd Echanj

Nou kwè fanmi òdone pa Bondye

“Fanmi se pwen santral nan plan Kreyatè a pou destine etènèl pitit li yo” (“Fanmi an : Yon Pwoklamasyon pou Mond lan”)

Amalikya sete yon nonm mechan. Li te pwomèt Nefit yo anpil bagay si yo te fè l wa. Anpil moun te kwè li epi yo te vire do bay lajistis.

Mowoni sete kapitèn lame Nefit yo. Li te jis epi li te kwè nan Jezikri. Lè Mowoni te tande Amalikya t ap fè anpil moun pèdi wout yo, Mowoni te vin ankòlè kont li. Li te konnen moun yo te riske pèdi libète yo.

Mowoni te dechire wòb li; li te pran yon moso ladan l epi li te ekri sou li, “Nan memwa Bondye nou an, relijyon nou an, libète ak lapè nou an, madanm ak pitit nou yo” Alma 46:12. Li te kole twal la nan pwent yon poto epi li te rele anblèm libète a. Apresa li te priye pou pèp la epi li t al vizite yo, ak anblèm libète ki t ap flote epi li te rele Nefit yo pou yo potekole avèk li pou pwoteje libète yo. (Gade Alma 46:1–21.)

N ap vin nan yon epòk kote gen moun tankou Amalikya ki vle fè nou dewoute nan suiv plan Pè Selès la. Youn nan pati ki pi enpòtan nan plan sa a se fanmi yo.

Pè Selès la vle manm legliz yo konprann plan li pou fanmi yo. Premye Prezidans lan ak Kowòm Douz Apot yo te ekri “Fanmi: yon Pwoklamasyon pou mond lan” pou deklare sa nou kwè konsènan fanmi. Menmjan ak anblèm libète a, pwoklamasyon an ka ankouraje nou pou n sonje epi eksplike sa nou kwè.

Aktivite

Retire paj Z4 la, epi kole l sou yon papye epè. Kole pwoklamasyon an yon kote fanmi ou ka wè li epi sonje enpòtans pou youn fòtifye lòt.

Ide pou peryòd echanj

1. “Fanmi an: yon Pwoklamasyon pou mond lan” se yon revelasyon modèn. Fè timoun yo koute konbyen fwa yo tande pawòl “revele” oswa “te revele” pandan y ap repete nevyèm atik lafwa a ansanm. Anseye ke Bondye kontinye revele pitit li yo volonte li. Kominikasyon sa a ki soti nan Bondye rele revelasyon. Bay chak timoun yon kopi “Fanmi an: yon Pwoklamasyon pou mond lan,” epi eksplike ke pwoklamasyon an se revelasyon ke Bondye bay nan epòk nou an atravè sèvitè chwazi li yo. Bay chak klas diferan fraz ki soti nan pwoklamasyon an avèk kèk mo manke. Fè yo travay ansanm pou ranpli espas vid yo avèk mo kòrèk yo. Paegzanp: “ an se Kreyatè a pou destine etènèl pitit li yo.” Envite chak klas pou yo kanpe epi resite tout fraz yo a nèt. Chante premye kouplè nan “Fanmi an soti nan Bondye” Lyawona, Oct. 2008, Z12–Z13). Ensiste ke pwoklamasyon sou fanmi an se revelasyon Bondye bay epi ke nou bezwen konprann ak viv ansèyman li yo. Rasanble kopi sou pwoklamasyon an; ou pral itilize yo ankò nan twazyèm semèn nan.

2. “Fanmi an: yon Pwoklamasyon pou mond lan” anseye enpòtans maryaj. Envite kèk manm nan pawas oswa branch lan avèk apwobasyon evèk la oswa prezidan branch lan pou patisipe nan yon gwoup diskisyon sou enpòtans maryaj (gade “Gwoup Diskisyon,” Ansèyman pa gen pi gwo apèl [1999], 175–76). Alavans, ba yo kesyon ou pral poze yo. Egzanp: Kijan Pè Selès la te beni ou ak konjwen ou? Eske ou ta ka pataje yon istwa konsènan anseye levanjil laki te ede ou vin yon bon madanm (oswa mari)? Kisa timoun yo ka fè kounyeya pou prepare pou vin marye yon jou? Ou ka vle sigjere ke patisipan yo revize “Fanmi an: yon pwoklamasyon pou mond lan.” Kite timoun yo youn apre lòt chwazi epi li yon kesyon. Fè manm gwoup volontèman bay repons yo. Rann temwayaj sou enpòtans maryaj nan plan Pè Selès.

Foto ilistrasyon pa Matthew Reier