Ang Bag-ong Primary ni Miguel
“Busa kamo karon dili na mga langyaw ug mga dumuloong, kondili mga katagilungsod sa mga balaan ug mga sakop sa panimalay sa Dios” (Mga Taga-Efeso 2:19).
1. Sa unang Dominggo human si Miguel mibalhin sa bag-o nga siyudad, ang iyang mama midala kaniya sa simbahan. Miadto sila aron mohimamat sa iyang bag-o nga klase sa Primary.
2. Sa ilang pag-abut sa may pultahan sa lawak-klasehanan, gibira ni Miguel ang kamot sa iyang Mama. “Dili man na siya ang akong titser, Ma. Asa man diay si Sister Dominguez?”
3. Si mama miluhod aron makig-istorya kang Miguel. “Nagpuyo kita sa lain na nga siyudad karon, ug makighimamat kita og bag-ong mga higala—sama sa bag-o nimong titser sa Primary.”
4. “Dili ko ganahan og bag-o nga titser,” si Miguel miingon. “Gusto kong mopauli sa daan nakong balay ug moadto sa daan nakong titser.”
5. “Nahibalo kong dili sayon ang mobalhin sa bag-ong lugar,” si mama miingon. “Apan ang pipila ka mga butang susama ra gihapon. Manganta kamo og mga kanta sa Primary, mag-ampo, ug maminaw sa mga pakigpulong.”
6. “Mohimo ako niana?” Si Miguel nangutana. “Unsa pa ang susama ra gihapon.
“Ang imong bag-o nga magtutudlo sa Primary motudlo kanimo kabahin ni Jesus—sama sa gihimo ni Sister Dominguez.”
7. Gibuhian ni Miguel ang kamot sa iyang Mama ug milingkod sa lingkuranan sa bag-o niya nga klase sa Primary.
8. Wala madugay …
“Ma, husto ka gayud! Nanganta kami, nag-ampo, ug naminaw sa mga pakigpulong. Ang bag-o nakong titser sa Primary miingon nga si Jesus nahigugma kanako. Pareho ra gayud kini!”