RONGORONGO AIKA KIMOTOTO

E katanoata te New Europe East Area Presidency

E katanoataa te Moan Beretitentii te bitaki n te Europe East Area Presidency, n te tai ae waekoa. Unimwaane Kevin W. Pearson, te Moan Kauntira n te Beretitentii n te Aono, e a tia ni kamwaingaki nakon Atun te Aro ibukin ana mwakuri ae onoti n te Missionary Department. Unimwaane Wolfgang H. Paul e teimatoa bwa te Beretitenti n te Aono, ma Unimwaane Gregory A. Schwitzer man te Itingaun bwa te Moan Kauntira ao Unimwaane Alexsandr N. Manzhos, te Itingaun n Aono, bwa te Kauoman ni Kauntira.

Te tabo are e rineaki ibukin te Philadelphia Pennsylvania Temple

N Nobembwa 2009 e katanoata te Moan Beretitentii bwa e na kateaki te Philadelphia Pennsylvania Temple n 1739 Vine Street i downtown Philadelphia. Te tabo aei e toma ma te Vine Street Expressway ao n uakaan nakon te Courts Building ao n tei ni bangaaki ni kaitara ma kawain te Logan Square, mwaken kawaan Philadelphia. E katanoataa aei Beretitenti Thomas S. Monson n Okitobwa 2008. N te tai aei iai 130 mwaitin tembora ake a mwakuri n te aonnaba, ma 21 ake a katanoataaki aika a tabe ni kateaki.

Katanoatan Bongin te Vancouver Temple

Bongin neweabakin te Vancouver British Columbia Temple e karaoaki n Eberi 9 ni karokoa Eberi 24, 2010, ma akea n te Tabati, ao te kamataku ni katein te aba e karaoaki ni Meei 1. Te katabu e na karaoaki inanon tenua te tetetere n te Tabati, Meei 2, at 9:00 n te moaningabong, 12:00 n te bwakantaai, ao 3:00 n te bwakantaai. Katabu aika tenua aikai a kanakoaki n te kanakobwanaa nakon ana uniite nako te Ekaretia n aonon te tembora. E kaukaki te tembora ibukin karaoan otenanti n te boong are imwiina.