Nakoia Kairake n Ataeinimwane ake a Marooro

Iroun te Beretitenti ni Kabuta irouia Ataeinimwane.

Tera te Marooro?

Ataeinimwane, te marooro bon te waaki are ko tuanga te teeinaine bwa e na ira te waaki ao n irekereke ma ngkoe n te botaki ni kakukurei are e baireaki.

Bukin tera ngkai e kakawaki te marooro?

Te marooro e kona n riki bwa te taneiai n reirei ae tamaroa ibukimi ni kauoman ao te ataeinaine are ko boontaeka mangaia. Ko kona ni kabatia reiakinan rongorongom, ao ko kona ni karikirakea te oota,te karinerine, ao kakaitauan te Atua ibukin natina aine aika a tikaua mani kakawaki.

E tara n ae te kawai ae abwabwaki ngkai, ma te mare bon teuana te babaire ae kakawaki ni maium. Am ririki imarenan 13 ao 19 bon tiaki te tai ni karaoa te babaire anne, ma te kareketangira ae riai e na buokiko ni katauraoiko ni karaon te babaire ngkana e bon riai. Te kareketangira e na anganiko te tai ae kakawaki ni karikirakei konabwai ake ana buokiko ni karekea onimakinam ao mataiakinam irouia ataeinaine ake ko kareketangira ma ngaia. Ko na roko n ataakin ao ni bwaka irouia koraki ake iai anuaia ao tamaroaia ake a na bongana nakoim bwa raom n aki toki. Te kareketangira ae riai e na buokiko ni kakakororaoiko ao ni katauraoiko ni mare n te tembora ibukin ngkai ao n aki toki ma te aomata are e tau n te tai are e baireaki.

Bwaai aikai ni bane anaganiko ni kukureim teuana ma ibukon te kakabwaia ae kakawaki n te maiu: te mare ae kakukurei ma nakoraoi.

Baikara Tuua aika Kakawaki n te Marooro ae riai?

Ana burabeti te Uea a tia n reireiniko bwa ko naaki kareketangira ni karokoa ae koa roko raoi n te 16 te ririki ni maiu. Ngkana ko moana am marooro, marooro ma naake iai tuua aika kakawaki irouia ao iraorao ma ngaia ao ana kona ni kateimatoa arom ae kakawaki. I rekereke ma tain bobotaki aika raraoi ake a kona ni kateimatoa te ikarinerine iroumi ao ni kanii ngkami ma Tamnein te Uea n taainako. E bon rangi ni kakawaki riki karekean te iango ao te namakin ae itiaki. Kararoa karekean te iraorao are e na karekea te marooro ke te anua are e na kaunga karaoan te aro ae e kamwara. Totokoa ae ko na tiku n ti ngkoe ma raom ke n tiku ni kabwakanako tai. Bon tabemi ngkami uoman n tatabemani ngkami bwa kam na kawakina tabun te nakoanibonga ao te anuanaine ao ni katani i boni iroumi n tatabemani ngkami karineami ao kateimi aika raraoi. Bwaina te akoi ao te karinerine n taai nako nakoia ataeinaine ngkana ko bubuti ke ni butimwaea te boontaeka rinanon nako am tai are ko a tia n rinanona n am tai ni marooro iai.

Ngkana ko moana am marooro ma te manna, airi ma tabeman ke n te kurubu. Kararoako n aki marooro ma Te aomata ae ti temanna ni mwaitin te tai ke ni karikirakea te reitaki ae rangi ni korakora ni moantaai.

Uringnga ni kateimatoa kabaerantan maium ngkana ko kareketangira. Ko riai n aki kareketangira n mwaitin te tai are ena karekea te kanganga nakon reitakim ma am utu ke n totokoa karaoan ae tamaroa n te reirei ke ni karikirakean konabwai ke taarena. Kakoaua raoi bwa am karo ana kaitibo ao ni mwengaraoi ma te ataeinaine are ko marooro ma ngaia.

Ti kaungako bwa ko na irekereke inanon mwakuri ni kareketangira aika baireaki raoi ake a bebete, tamaroa, e aki kabanemwane ao ake ana buokiko ni kinaa te ataeinaine are kona marooro mangaia.